來多碗車仔麵 (民裕街)

营业中

休息中

去開紅磡 喺家維邨對面見到有間新開嘅車仔麵 見價錢幾平 一面兩餸都只係＄25 就同朋友一齊入去試🤓 同好多車仔麵店一樣 都係先喺門口排隊叫麵同餸 再入餐廳坐低 店員會將個車仔麵放喺枱前 同朋友一樣 叫咗個一麵四餸嘅車仔麵 都係＄37！ 第一次去車仔麵檔有得叫波菜麵 好似幾健康咁就試咗 質地有啲似油面 幾特別 菠菜味較淡🤣但係個樣真係得意嘅 另外四個餸就叫咗店長推介嘅玻璃魷魚 雞翼 牛腩同埋豬腸 魷魚煮得啱啱好好彈牙 牛腩豬腸同雞翼都煮得好入味 值得一讚係個秘製辣椒醬 簡直將湯底昇華 每次去唔同車仔麵店都會飲晒啲湯 今次都唔例外😍 朋友就叫咗個 魚蛋 豬紅 豬皮 蘿蔔加幼麵 試咗佢個蘿蔔同埋豬紅 蘿蔔真係炆得好甜好甜！大家下次去都要試吓！豬紅都好彈呀好入味 朋友都話呢個價錢算好抵食🙌🏻 當然唔少得港式飲品! 最後值得一題係 可能佢新開 地方好乾淨 好少何車仔麵店坐得咁舒適 連廁所都好乾淨 店員服務又幾好 下次經過都會再嚟幫襯！

首先讓我講一下環境方面，這裏的裝修很懷舊但又會給予一種很整潔的感覺，而且有卡位，用餐環境十分舒適。然後我再講一下食物方面。有多款配料可以選擇，而這次我選擇了豬紅，滷水雞翼，竹輪和滷水蛋。這裏的豬紅不會太過淋，剛剛好，滷水雞翼亦十分入味。而我最喜歡的是這裏的湯底，是腩汁湯底來的。可以隨個人喜好加入辣醬。飲料方面亦有多款選擇，除了最基本的凍檸茶凍檸水外，還有乳酸氣泡飲料和豆漿。而這次我選擇了豆漿，豆漿有獨立包裝， 十分方便，而且味道不會太甜或淡。除了車仔麵外，店裏亦提供不少小食。這次我就點了一個韭菜鴨血，這款小食微辣，適合喜歡吃辣的朋友。點過餐後，亦會有店員送餐服務，他們態度很周到，老闆亦會跟客人聊天，讓我和朋友都吃得很開心和滿意。

係紅磡讀書既我經常要係呢頭食野，商場既野食厭左就行到街上面搵野食。走到黎呢一間來多碗車仔麵，門面睇下好有以前食開個啲車仔麵店，好有人情味既感覺😌車仔麵係我中學既時候簡直係我既午餐首選，一來價錢係平，二來好多唔同配搭，三來最緊要快。呢度都一樣有呢幾個特質！見到有咁多餸我地兩個都好三心兩意😋😋朋友叫左魷魚、蘿蔔、雞翼、魚蛋四餸米線，米線好滑量夠多而且唔會一啖爛晒！咖哩魚蛋雖然細細粒但就夠晒味。蘿蔔都好入味，秘汁雞翼好特別又唔似滷水，大隻得黎肉又實又滑❤辣魷魚真係必食，好彈牙又爽口，夠晒惹味！👅我就叫左響鈴、蘿蔔、牛腩、辣魷魚、生菜五餸米粉。響鈴係一叫即係盒拆岀黎架，唔會俾水汽搞到林晒。蘿蔔一咬落去真係好多汁呀！秘制牛腩真係好好食，量多之餘味道真係好夠而且好林，唔似一般既五香牛腩又實又無味！😋👍🏻每次食車仔麵都必叫既生菜都好靚呀，食落好新鮮爽脆❤仲叫左個新既台灣麻辣鴨血，用呢度自己整既秘制辣醬加新鮮韭菜整。鴨血味道既好特別，同魷魚蘿蔔一樣，黎呢度一定要試！加上呢度自己調既麻辣汁，好過癮！🙂呢度店員都好好人，好好禮貌，真係好人情味！最後兩個人埋單都唔洗100蚊呀;就算食到一碗五個餸都係41蚊，

見最近天氣還好，打算逃離港島區，尋找其他地方有風味的美食。經過我和友人努力地在網上尋找下，發現了這一間小店。 我們就選擇了紅磡的那間，希望少人一些。從黃埔地鐵站A出口一出，向左轉之後直行，直到第三個路口轉入去就到，十分方便。 一入到去，就見到有數十樣不同的美食，香氣撲鼻，令我和朋友都感到饑腸轆轆。 排了一會兒，到我們點餐的時候。五花八門的選擇，而當他們的價錢十分便宜，兩餸麵（$25）、三餸麵（$31）、四餸麵（$37）、五餸麵（$43）。 我們就打算叫所有自己想吃的餸，我就要了一碗有辣魷魚、貢丸、雞翼、生菜和漢堡扒的四餸麵（所有餸麵類都有包含一樣菜）。而我朋友就要了蘿蔔、魚蛋、豬腸以及一樣不記得名字的四餸麵，但佢就不要菜，可以按自己的口味去選擇。 不得不說的是魷魚以及辣醬的配合，爽口彈牙的魷魚，加上魷魚本身的鮮味同辣醬的配搭。一來令到味道的層次分明，二來加重了口感。而貢丸都有彈牙的口感，而且入味，連最基本的都可以用心煮成。 在飲品方面，我們都選擇了豆漿，雖然那個豆漿是一早就處理好的，但是感覺不到很多糖水在內，跟新鮮制造的味道一樣，又香又滑。 唯一麵的份量有點大

今日來到紅磡去開倉店掃平貨，沿途經過一間車仔麵店，就先入去醫肚再掃貨啦。呢間舖叫來多碗，門口貼有雜誌報道，餐牌一啲都唔貴，只要三十幾蚊已有四個餸，呢度order步驟唔係坐低先叫嘢食，而係先叫嘢食計左數再坐低，非常有效率，啱哂今日生活繁忙嘅香港人。環境方面，驟眼望落起碼有十幾張枱，有卡位，也有可以靈活移動嘅枱櫈，牆上貼滿手寫嘅必食推介，頭頂有比較舊式嘅吊掛風扇，好有傳統風味。店最入面有兩格洗手間，整體感覺舒適乾淨。我選左油麵、魷魚、枝竹、豬腸和牛肚，店員會問下你要唔要蔥，要唔要辣汁，我自己本身好鍾意蔥既香味，當然要啦，但就唔食得辣無要到辣汁。車仔餸色澤油潤好吸引，全部都炆得好淋夠入味，份量十足好飽肚。啲魷魚好爽口，枝竹好入味，豬腸洗得好乾淨好林，牛肚估唔到有咁香！檸檬茶夠凍好多冰，大熱天時行到熱啱哂，夠爽!

一間有故事的車仔麵～經歷時代 變遷～～本身都唔知道一間紅磡嘅車仔麵係有一個故事…入到店鋪裝 簡潔乾淨， 一啲都冇懷舊嘅風氣。誰知道一喝第一口湯的時候也種 似曾相識嘅感覺～隨著自己食麵嘅習慣會落辣椒油， 見呢間店有秘製辣椒醬！！！一嚐一嚐～～～～啲一個味道就係我小時候陪屋企人去食魚蛋河～個一種辣醬味道啦……… 跟住男朋友話我知… 呢間鋪頭嘅故事！牛腩汁一啲都唔肥仲好有牛腩味～ 豆腐卜同白蘿蔔 吸收曬湯汁嘅味道好好味…

今日俾公司調了過黎 紅磡 呢邊幫手頂同事放假！！！到左 lunch 時段 ，一落樓見到大部分餐廳 都冇開工🤦🏻‍♀️ ...... 一問之下先知 原黎呢邊 紅日 餐廳都冇開架 真夠奇怪 。最後揀左呢間 “來多碗車仔麵” 都好耐冇食啦好平呀 一麵兩餸 都只系$25 炸 仲有埋甜品添呀 🍮一麵四餸 車仔麵 $40( 豬紅，雞中翼，魷魚，生菜，菠菜麵+$3 )店舖入耐多人都系買翻公司食啦 平時好少食 豬紅架 見呢間豬紅幾多推介就試下先啦，真心好食同岀面好五同 豬紅吸哂湯的精華好入哂味架 。招牌魷魚🦑都叫左好爽口。系個波菜麵煮得有太淋 浪費左🤦🏻‍♀️

其實以前成日食觀塘既來多碗車仔麵，不過搬走左之後就好耐無食過啦。估唔到而家紅磡都開左呀，咁就方便好多啦。一去到見到裝修好乾淨，好舒服，同平時食車仔麵既感覺好唔同呀。首先就係門口揀餸先，所有野都係開放式，咁就唔驚污糟啦，仲可以睇下邊樣餸新鮮就揀邊樣添。樣樣餸都咁吸引，我就揀左魷魚，豬腸，豬皮同冬菇米粉。聞落已經好香啦，但食落仲好味呀，真係整得非常入味。冬菇大大粒，吸哂湯汁都好正呀。豬腸最怕就係污糟，不過佢呢度洗得好乾淨。而豬皮口感岩岩好，唔會太稔或者太硬。魷魚更加係必食推介，又大條又入味，真係100分呀。而朋友就叫左雞翼，魷魚，芝士腸同滷水蛋。佢就話雞翼好出色，出面夠入味而入面夠嫩。最後我地仲叫左個甜品，楊枝甘露。估唔到車仔麵店既甜品都咁好味，同出面既專業甜品鋪有得比呀。呢間車仔麵店又平又好味，下次都要帶朋友再黎先。

喺紅磡食嘢大家第一時間諗起嘅一定係車仔麵或者打邊爐，不過近日天氣非常之熱真係唔想食得咁多份量，見到有一間車仔面店個名幾得意叫做「來多碗」，就同朋友坐低試下。我就點左蘿蔔魷魚冬菇同腩肉，見到佢哋有秘製辣醬對於鍾意食辣嘅我來講就梗係要加啦，朋友就叫咗豬皮貢丸同埋秘製辣魷魚。首先講咗我個果碗先，蘿蔔食落口感覺到有好香濃嘅魚湯味，蘿蔔咬落去無根 唔會有渣，食得出蘿蔔本身就有處理好呢一樣真係唔係間間車仔麵都做得好，冬菇真係大大粒咬落口非常之彈牙，絕對唔係浸水浸到大一大果重，咬落口有非常之香濃嘅冬菇香味同埋蠔油嘅香味，腩肉睇到相就知道一層一層肥瘦均勻，經過處理之後腩肉一啲都唔肥膩仲可以做到入口即溶嘅感覺，佢個辣魷魚係用返佢自己秘製嘅辣醬做調味，本身秘製辣醬都有浸甜甜地嘅味道配合好香嘅蒜蓉辣味，成件事真係非常之惹味！朋友果碗都好正，豬皮非常鬆化爽口，因為非常之新鮮既關係，佢哋嘅豬皮都唔會有腥味，索左有秘製辣醬嘅湯汁真係口感味道都非常之刺激，貢丸大大粒有非常之重嘅冬菇味又彈牙，魷魚切到一條條啱啱好一啖就可以食一條，真係非常之貼心唔會彈到成面都係！最後我要推薦大家真係要試吓佢哋嘅秘製辣汁，佢哋用蠔油的甜

講真，食物水準係可以嘅，辣醬幾好味，配料都係大路嘢啦，特色就一般，勝在分量可以。推介嘅係冬菇、牛肚，反而牛腩好多時偏韌！價錢以而家嘅水平嚟講已經幾唔錯，三餸加杯嘢飲都係40蚊左右，若想輕鬆解決一餐都唔錯。不過呢間店嘅最大問題係成日都好早就賣晒d嘢！每次七點後去到唔係冇呢樣就係冇嗰樣，有時連麵都可以賣晒，若七點半後先到可能已得返幾樣餸，呢樣嘢就真係唔多得。或者真係入貨唔多啦，但俾人感覺真係麻麻哋。好似今晚咁又話冇晒粗麵，唉......

今日去紅磡做野 做完野肚餓決定搵下野食好想食碗車仔麵 決定試下「來多碗」車仔麵入到去覺得店內既裝修好靚 牆身既大熊貓畫、香港夜景畫好靚好特別 係一間裝修好用心既車仔麵店太肚餓既關係 我點左四個餸 我所點既餸都係店內推介招牌辣魷魚 咖哩魚蛋 豬紅同蘿蔔 配烏冬再點多杯凍檸茶 煮麵姨姨向我介紹佢地既秘製辣醬鐘意食辣既我即刻拎左一湯匙份量第一時間試下個湯底 加埋辣醬真係好香好正招牌辣魷魚好爽口 而且好入味 條條都好大條份量絕對足料咖哩魚蛋係我最鐘意食既細魚蛋每粒都有咖哩香味 而且一份仲有好多粒 豬紅份量都好充料 咬入去都好有味吸收曬湯底既香 蘿蔔好大舊 每舊都係淡黃色咬落去又林又甜 蘿蔔入面都係淡黃色成舊都入曬味 真係好好食 而且舊舊都好大舊真係好正 好有誠意 烏冬係用左扁身烏冬 好入味配一啖湯底食簡直一流最後我見店內單張竟然有楊枝甘露我就即刻試下 估唔到車仔麵店會有糖水食楊枝甘露都好足料 啖啖芒果柚肉芒果味亦好香好甜 食完碗麵 再食碗糖水 真係岩岩好 從來未食過一間份量咁充足 又用心烹調每樣食材既車仔麵店今餐晚餐好驚喜又好滿足 絕對會再黎食！

車仔麵係好多香港人嘅速食快餐，所以我都唔例外，之前出紅磡搵朋友拎野，行過就見到呢間車仔麵店，可能唔係食飯時間，所以人流比較少，於是就走咗入去坐低食！呢間車仔麵店都係先點菜，後付款，再坐低搵位的食或者外賣都可以，呢間車仔麵店比較乾淨企利理！可以自選一款麵類，兩餸起就$25，當然可以另外再加餸，因為我下午都未食飯，所以就點多兩款！我揀咗米粉、咖喱魚蛋、生菜、白蘿蔔、同牛楠，米粉的份量都不少，另外叫多杯凍冰冰的自家制豆漿，豆漿是以密封式包裝，好衛生，味道唔會太甜！牛腩好淋身入味，咖喱魚蛋好彈牙爽口，而蘿蔔都煮得好入味易咬開，生菜好鮮甜爽品！整碗車仔麵份量好夠料，食得岀唔係是非一般車仔麵的用心！讚！

在紅磡工業區附近經過民裕街見到舖面十分乾淨企理的車仔麵舖，就想入去歇一歇腳。店內有三十餘款餸可選擇，選擇非常多而且好全面，滿足到不同年齡的人需要，豐富地叫左碗牛腩，豬腸，雞翼，蘿蔔，魷魚油麵。一食之下估唔到好有驚喜，對我來說車仔麵最重要的是湯底，店內有獨有既秘製辣醬，辣度適中，加左一湯匙，唔會話太辣，而且湯底濃而不咸，配合秘製辣醬好入味。首先，牛腩炆得夠香而且夠淋，好易入口，肉質不錯👍豬腸非常新鮮，食得出絕對不是急凍貨，味道好惹味。蘿蔔夠淋之餘夠爽，而且索哂秘製辣醬湯底既味，絕對係惹味之選。魷魚好爽甜，而且係爽滑既感覺，食得出係貴價貨，老闆也落很重本，十分講究食物的質素。食完麵後，車仔麵店還有甜品一站式供應也是第一次見。食完熱辣辣大大碗車仔麵，再來多碗凍冰冰的楊枝甘露解下暑真係不得了，入面芒果果肉香甜，係靚芒果，而細粒西米入口即溶，甜度剛剛好。而且包裝得好靚好乾淨，真空包裝。盒入面都裝得滿滿的，絕對沒有偷工減料，食完後滿足地離開，老闆招呼亦很好。

聽講家維邨附近新開咗間車仔面好高質，今日一於放工去試下！因為我地夜咗去，所以好多已經賣哂喇！不過都好既，起碼知舖頭食物日日清唔會放過夜~我就叫咗個5餸面，通菜，牛腩，豬紅，魷魚同埋我最愛嘅溏心蛋！而面底就揀咗佢嘅新鮮烏冬。牛腩佢就用咗碎腩，豬紅入味又好滑，魷魚係佢哋招牌野果然好好味爽口唔會淰身，溏心蛋喺坊間車仔麵好少有！而佢做到個蛋黃完全係溏心，又唔係溫泉蛋咁稀，真係好難得，係我眼中完全係完美嘅溏心蛋！至於佢嘅新鮮烏冬係要加＄3嘅。口感似上海粗面同一般買嘅即食烏冬口感結實啲飽肚啲~而我男朋友就叫咗四個餸，有生菜，麵筋，招牌魷魚同牛腩，叫咗薯粉底，佢仲加左佢哋嘅辣醬！男朋友就係麵筋加佢哋個辣醬配合一齊食簡直一流！個辣醬一開頭係甜之後啲辣先慢慢出嚟，佢加咗2次辣醬！而間車仔麵仲有最近好Hit嘅白色可口可樂，我地就叫咗黎飲。因為我哋都覺得呢間野幾高質，見佢新推出咗個麻辣鴨血，一於叫埋試吓！我個人食得唔係好辣，但佢個鴨血好鮮嫩下面再有啲韭菜索番啲麻辣汁好好味。其實食到呢度我哋已經好飽！但係見到佢有甜品又好想試埋！大家有幾可見到車仔麵店會有楊枝甘露？一嚟到見到係預先包裝好嘅，睇落好衛生，打開食落

今天跟同事下班後，有同事提議到他家附近有間挺不錯的車仔麵店吃晚餐反正紅磡坐車回家也是很方便到埗後看到店面就猜到知道開張不久，很光猛需說食物對一間食肆來說很重要但環境來我來說也重要，吃起來都舒服多了自助形式，在進入舖的第一步就已經要先點麵跟餸了我選了菠菜麵，感覺比較特別接著餸，WOW...很多款式菇菇很大粒，可惜我最近不適合食菇類，太濕最後選了蘿蔔、豬肚、豬腸、魷魚、卥水蛋...HAHA...好豪氣秘製辣醬要少少好了，我怕我吃不了辣但店員都誠意推介，而且跟我說不會很辣我用口直接試了少少，的確是惹味FEEL才放心將辣醬混在湯底一起吃我十級推薦蘿蔔！！！超入味又很甜！還記得小時候媽媽吃車仔麵最愛有蘿蔔但不是每間都做得好吃呢~豬肚、豬腸跟魷魚都很爽口至於菠菜麵雖然我沒有吃出菠菜味，彈牙看！連卥水蛋都很入味...飲品有這些，我選了錫蘭紅茶裝修也看出花了心思抬頭看到功夫熊貓，好可愛呀！朋友都買好了，嘩..會不會太多秘製辣醬他說他不怕辣看來工作一天大家都餓壞了叫的餸都挺多！淨餸也明碼實價例明價錢有鴨血...平常車仔麵都是豬紅我們3個就叫了這碟鴨血吃起來是比豬紅實的感覺3個女生，吃飽就想吃甜的剛好來多