來德好蝦麵廚房

营业中

休息中

行完山仲有時間，梗係揀啲好味既野食啦！專登入西貢食晚飯，其實本來係入黎食另一間，見佢新開貌似試得過！就試囉！我地自己買$200海鮮比佢加工，買完就隊比佢整啦，無特別問價錢，點知埋單就知咩事！加工費$280，仲貴過我啲海鮮。不過佢鑊氣足，味道夠，鍾意食濃味野既應該會欣賞。佢係行馬拉路線既，我地唔食白飯就叫左香辣蘇東炒棵條及招牌蝦麵，係幾好味既。但都唔夠佢個冰鎮咕嚕肉咁好味，淨係個賣相已經好吸引，上面啲冰將啲咕嚕肉立即降溫，肉汁完全鎖住，要搶住食架！

今日星期六行山日， 好多時行完山， 如果又係西貢附近都會去食艇仔買海鮮再拎去餐廳加工。 今次由於時間太趕、 去街市買咗花甲同扇貝就算。 平時去開一間平靚正嘅， 但都想發掘吓新野， 就試咗呢間 來得好蝦麵廚房開飯！ 餐廳賣嘅菜式好有東南亞感覺！ 一行7人叫咗好多餸、最特別要推介有蝦麵， 麵條好彈牙， 材料充足， 湯底好夠味。冰鎮咕嚕肉都好特別， 冰鎮住上檯。 加功海鮮亦做得有板有眼。 全部餸都好重味， 食開清淡嘅人未必啱口味！ 但都值得一試。但略嫌海鮮加工費有少少貴！

話說我對食都叫做有要求，可惜硬係比另一半夾我去試d 望見都唔覺得會好味嘅餐廳。呢一間又正正係我被迫中伏嘅一間！首先要講講，星/馬菜係口味上我係幾鍾意，尤其係蝦麵。周末來到，室內坐位已滿那唯有坐戶外。有幸當天並不是很熱。點了蝦麵與雞翼，簡單幾句總結算了。麵無咬口，湯底唔夠味，用雪蝦就預佐，配一件求其炸魚餅。魷魚圈，有乜好評，咪魷魚咁嘅味。蝦麵精髓在於湯底，其次麵質。明白今時今日香港租貴人工貴來貨貴，但太難食嘅真係唔好用黎做招牌菜。如果食過呢間覺得係西貢最好食嘅餐廳，咁你就真係要試多幾間。至於蝦麵係有幾好味，去一次馬拉，求其一個market 食一碗唔洗20蚊港幣嘅蝦麵，飲啖湯。你就會明白我點解兩個人都哽唔晒麵。至於個雞翼，慘過油浸雞翼，唔乾身，唔夠味（又係涷肉問題），外皮一d 都唔香亦唔脆。

聞名不如見面，尋晚同家人黎到西貢，一定要試下依間星加坡餐廳，由於室內店面細細，又太多人關係，見小店會在出面擺枱，令有一番大排檔風味！但今次由於天氣太熱，所以選擇座室內，講番店內食物及服務質素！今次我地點左8樣小菜，師傅工架十足，尤其係冰鎮咕嚕肉，口感一流，秋葵炒豬肉超香口，咸蛋鮑魚新鮮野味，招牌蝦湯麵，蝦新鮮湯味濃！其他小菜都非常出色！但由於假日人多關係，小店出菜非常慢，食完一樣要等一段時間先出另一樣，所以大家去食要有耐性啊！而且假日非常多人，大家敬請預早訂位！

近來整體心情比較沉重，朋友提議去西貢半月灣海灘吸收下天地靈氣，浸浸海水，曬曬太陽，調整一下自己的身心靈。浸完水，來到西貢搵食，結果再來食呢間嚐新加坡菜，之前吃過蝦麵，也很不錯呢。我們四人點了：冰鎮咕嚕肉： 雖不是新加坡菜，但係老闆娘推介，話一定要試，冰鎮後外層脆皮好脆卜卜，肉很軟腍，無介紹錯。蛋黃大蝦：最來新加坡有好多咸蛋黃產品，蛋黃魚皮等等，連餸菜都用咸蛋黃來製作，雖然有點邪惡，畢竟膽固醇含量也不低，但是每人share 一點來吃，減輕一下良心也不會太自責吧！炒香的咸蛋黃傳來陣陣香味，一嚐味道咸香豐盈，但不見油膩，炒到乾爽，吃上去剛剛好，配埋大大隻的鮮甜蝦肉，認真一絕！蛋黃雞翼：酥炸過的雞翼再加上咸蛋黃炒香，咸香配嫩滑雞肉，真是惹味。馬拉盞炒四大天王：新加坡式炒菜，分別是秋葵，青豆，四角豆，椰菜苗，馬拉盞炒法 咸咸辣辣夠惹香，最特別是四角豆，樣子有趣 食落爽爽脆，像多肉仙人掌植物似的 感覺好特別。香辣蘇東炒粿條：味道比較辣，也帶點油，粿條煙軔有口感。新加坡小炒比較特別，來西貢可以一試啊！

標題絕不誇張！真正懂得處理食物的餐廳和廚師，值得大力表揚和支持👍🏼一直都對這間標榜星馬菜色的餐廳讚不絕口，但每次都只嘗試午餐，今晚終於有機會一家四口👨‍👩‍👦‍👦叫餸食飯，果然不負所望，美味非常！今晚的小菜分別為：1）蟲草花雲耳炒龍脷柳2）蛋黃雞翼3）椰菜苗炒豬頸肉4）雜菌上湯浸白菜仔仲有最驚為天人的這一道：5）冰鎮咖啡咕嚕肉本身咕嚕肉已經冇得輸，外脆內軟而冇骨，啖啖肉咬落口只有幸福的感覺；再有得揀冰鎮或唔冰、咖啡或不啡的咕嚕肉，依家全部做齊，簡直係絕配。其實每一道菜都超乎想像的美味，在此不能盡錄，強烈推介！興幸從今我又多一間最愛餐廳 🍴我會不停帶朋友嚟食，誠意向各位推薦，包保你有意外驚喜！

星期日一大班朋友五點幾玩完水上活動，由其中一位朋友介紹嘅餐廳，食完令人喜出望外，真係幾好食。我哋去到仲早即刻有位，坐舖頭出邊食飯時一直都見到幾多人等位。八個人叫咗蛋黃雞翼，海南雞，麥皮大蝦，南洋炒飯，招牌蝦湯麵，馬拉盞炒通菜，冰鎮咕嚕肉。蛋黃雞翼👍係單骨嘅雞翼，食嘅時候好方便，而且個蛋黃味鹹味啱啱好。麥皮大蝦啲蝦炸完再痴左啲麥皮上去，而麥皮食落去都係脆脆地，雖然炸過嘅蝦有啲油，但加番麥皮感覺健康左。冰鎮咕嚕肉👍一整好即刻上菜，雖然要等一段時間，但係食落舊咕嚕肉入面仲係熱辣辣，入面舊肉肥瘦啱啱好，唔會話揸得太乾或者太肥好油膩。最出面嘅皮冰鎮後真係好脆。比其他嘅餐廳有水準。招牌蝦湯麵鋪頭名有蝦面兩個字，相信招牌蝦湯麵應該係餐廳最推薦嘅菜，所以對佢嘅期待好高，以為佢嘅蝦湯底會好濃郁，不過食落去叫做普通，不過不失。海南雞👍叫咗一隻雞，不過分開兩碟上，去晒骨，雞肉都叫滑幾好食。南洋炒飯叫左少辣都有啲啲辣，飯粒炒完粒粒分明夠乾身，好食。而馬拉盞通菜炒得好入味好好食。整體來講大部分食物都好有水準，以後去西貢唔使一定要食海鮮啦。

今天天文台發出寒冷天氣警告。在甘低溫既天氣下，肚子又餓啦。緊係打番個熱騰騰的邊爐，暖暖身子啦。甘就選擇左去西貢尼間來德好。我地叫左個薑黃雞煲。仲叫左午餐肉，肥牛，自製墨魚滑同菜。兩條友食已經好飽。因為原來佢既配料分量都大份。首先，薑黃雞煲好足料。雞嫩滑，湯底好濃郁，好暖胃。飲完成身即刻暖晒，非常正。另外，要特別講佢既自製墨魚滑真係好足料，好好味，又大份。推薦呀！！其他配料就普通野，無咩特別，所以唔多講。總結，這餐是好溫暖又美味的一餐😌😌下次要試下佢既蝦籽面。

仔仔最近吵住去沙灘，趁呢幾日唔太熱，我哋週末特登去西貢坐下船食下野。玩玩下已經夜，坐尾班船到西貢碼頭。唔想食海鮮，唸起朋友介紹呢間，去到已經坐滿晒人。係門口研究菜單，發現少有的鹹蛋黃菜色。一家三口叫左三個菜，三百幾蚊好實在。福建蝦麵湯底唔夠濃，蝦味唔夠。牛肉好食，份量較少，麻辣味送飯一流。蛋黃雞翼值得讚，將雞翼分一半切好再炸，方便食用，又夠味。夜晚7:30左右已經賣晒海南雞。值得再去食，下次想試下海南雞、蛋黃大蝦、冰鎮咕嚕肉。

唉好煩OPENRICE個APPS虧虧地我好辛苦用手機打完篇野居然評唔到分HANG左機!!不過我決定再用電腦打多次!!!決心要介紹俾大家!我晌西貢住左好多年其實甚少落街食晚飯~除左因為好多茶餐廳夜晚唔開門之外都因為無咩邊間餐廳有咩食物係吸引到我經常掛住要食咁你知啦住村屋一上一落都好操勞架嘛…好多時寧願番屋企煮個麵算不過自從我同屋企人試過依間餐廳之後, 依度就成為我地既”飯堂”啦~ 禽晚係第N次黎食了, 我地4個人叫左4樣送~其中1樣豆湯浸菜同冰豆腐依D咁健康既菜就唔記得左影相啦 ^^” 不過呢, 佢個豆湯好似無味精而且都好好撈飯~ 不過冰豆腐應該要襯濃味D既組合, 豆湯同佢自家製既豆腐好似會夾D!然後就係依樣差唔多次次黎我地都會叫既 – 蛋黃雞翼啦! 真係~超~好~食!!!!師傅真係炸得好鬼好! 個脆漿唔會過厚剛剛好, 係脆得黎好鬆化果隻! 加堆咸香既咸蛋黃真係好惹味! 因為火喉剛好既關係雞肉都仲保持都嫩滑多汁~而且雞翼本身有少少醃過, 丁點兒既辣再令到食落更加香口~真係超讚呀!! (**註炸野始終食多都好漏, 少食多滋味呀^^)接落黎試下個辣酒煮大蜆唔知係咪硬係有少少覺得晌西貢食既蜆特

這間位於西貢墟主要道路旁邊的新加坡菜食店「來得好蝦麵廚房」，是我妹跟外甥三姊弟（我的剛出生的外甥女還未能自己食飯，就暫時不計算在內了。）在西貢墟經常幫襯的食店之一，不過「來得好蝦麵廚房」對我來說反而只是人生第一次試食。不過怎樣都好，都是託我妹跟外甥們的福，我都終於能夠真正品嚐到「來得好蝦麵廚房」的菜式，因為「來得好蝦麵廚房」不像一般茶餐廳，沒有茶餐廳午餐碟頭飯提供，想一個人幫襯「來得好蝦麵廚房」存在着一定難度。不過話時話，我妹跟外甥們原來比較喜歡，坐在「來得好蝦麵廚房」店外的位置用膳。即使我曾經觀察過「來得好蝦麵廚房」內部的樓面，「來得好」樓面內部沒有電視機作伴，本來是適合午間用膳的安全環境。雖然我在「來得好蝦麵廚房」店外用膳，不過坐在店外用餐肯定會有它自己的好處，至少在店外拍照，肯定不會遇上不必要的阻撓，自由度大了很多，我在紅磡時已經深深明白這個道理。另一方面，如果我不是親自光顧試食過「來得好蝦麵廚房」的話，我也未必知道，原來「來得好蝦麵廚房」也有近期飲食界流行一時的「雞煲」售賣，我也未必有機會嘗試到有名的「雞煲」。而且，我在「來得好蝦麵廚房」享用的「雞煲」，還是夾雜了「豬肚雞煲」，

來德好餐廳係一間隱藏小餐廳，地點位置唔夠人流多既地方，平時行西貢都唔會特登去行嗰一邊。有位住西貢既朋友介紹呢間餐廳，閒日得閒就去左試下😋入到去無乜人，裡面裝潢簡單，好似係食私房菜既感覺，黎既客人都好似老顧客，成日黎幫襯咁～我地兩個人食左四樣野👦🏻👧🏻🔸蛋黃雞翼🔸冰鎮咕嚕肉🔸海南雞飯🔸燒豬頸肉飯蛋黃雞翼食蛋黃雞翼，內層係脆炸既雞翼沾上濃濃蛋黃醬汁，醬汁有加少少辣椒，但唔會太辣，又脆又香蛋黃味又辣辣地，好有層次既口感～必食啊！👍🏻冰鎮咕嚕肉外層係凍既但內脆係暖既口感好特別，被脆脆糖衣包住咕嚕肉，酸酸甜甜，甜味當然比較重，出面你比較少見呢款菜式，但兩個人食一碟太多，一碟適合三至四個人食😊海南雞飯 燒豬頸肉飯海南雞唔算太好食，上菜既時候已經凍凍地，味道同醬汁都唔太特別，燒豬頸肉都唔錯，點豬頸肉個醬酸酸地幾好味，呢兩個都係套餐黎，幾扺食！有菜有例湯，例湯係節瓜眉豆豬骨湯，油食粒粒分明，薑味較重。

黃酒雞酒味啱啱好雞肉夠入味 亦都夠焾一啖雞肉 一啖黃酒湯好開胃天氣凍時食應該好滿足😍😍黃金魚皮香脆帶點辣味咬落「索索」聲香脆可口「送」酒一流😋冰鎮咕嚕肉本身已經好鍾意食咕嚕肉再加埋冰鎮就更好味👍🏻👍🏻👍🏻有啲似食緊冰糖葫蘆嘅感覺

來了兩次，都沒有令人失望。店內沒有特別裝修，座位沒特別舒服，是小店一間，價錢不特別平，也不特別貴，但味道不錯。在西貢這個很多美食的地方，味道不好又怎能站得住腳。不用飛去星加坡，可嚐到星加坡美食，我覺得很抵👍

西貢這個「香港後花園」，一講到食，第一印象通常都是靠海食海吃海鮮，然後就是在這外國人聚居的地區食西餐。但其實，西貢這個地方山明水秀，鳥語花香，好吃的東西又何止只得海鮮和西餐。就好像這天我在西貢幫襯的新店「來德好蝦麵廚房」，所吃的兩款麵食，便有不錯的水準，令自己相當滿意。 店子看來不大，陳設也頗為簡單，最矚目的，就只得掛在兩面牆上的食物照片與正對著大門口的一把紅色大扇子。 但原來，這兒別有洞天，樓上還有一層，而且還有可供不同人數享用的套餐可吃，那足供12-14位享用的「全年好事餐」（$3998），既有星洲炒肉蟹、又有清蒸大海斑，更有秘製大蝦和清蒸生猛鮑魚，實在教人意想不到。當然，我吃的不是這麼豪華的海鮮餐，只是吃了店中推介的「招牌蝦湯麵」和「豉油皇炒麵」做午餐，但這兩款麵食，水準都甚為不俗。「豉油皇炒麵」是老婆仔叫的，碟頭大，份量多，而且炒得甚為乾身，主要材料就有蝦和蝦乾。少許的辣味頗為刺激開胃，芝麻就為這炒麵更添香氣。要不是有一兩隻蝦肉質欠佳，我會更加滿意。「招牌蝦湯麵」也挺不錯，以豬骨加上蝦頭蝦殼煮成的湯底帶點黏稠，味道不算太濃，但蝦味輕輕滲出，可也頗為好味。這蝦湯麵的材料不少，而