侍元

营业中

休息中

途經黃大仙中心北館，見到日本拉麵店侍元拉麵，入內點了「墨魚餅湯烏冬」「雞翼三件＋凍檸茶」「赤武士地獄拉麵」「餃子+凍檸茶」「吉列炸蠔」等食品。墨魚餅有咬口彈牙，雞翼炸得剛剛好，餃子味道尚可，吉列炸蠔的脆漿可以，拉麵爽，唯一半自助就有D安排不當，例如已用過的餐具碗筷未能及時清理、回收，需由新來食客自行移走，此舉客戶體驗較差，倒不如好似一些連鎖快餐店可用手機落單並通知取餐，騰出人手以清理餐桌，以加快餐桌流轉！

經過附近求其搵地方lunch 見到幾多學生同街坊幫襯以為OK，點知就中咗伏🥲餐牌好多選擇，見天氣涼涼地就揀咗個湯拉麵，點知未落到單已經係惡夢嘅開始…餐廳係自助形式，點餐搵位自取全部自助，但等咗5分鐘都無人係櫃位take order，廚房入面職員望到人龍冇諗住出黎，排我前面既女士不斷唔該，但完全被職員無視。最後由短髮女職員出嚟收錢，但態度惡劣，就咁「食咩」或者叫隔離學生「拎嘢」，唔要求服務恭敬但基本禮貌始終要有🥺🔸九州風豚骨櫻花蝦湯拉麵豚骨湯味精都幾重，唔係濃郁嘅豬骨精華，飲完會口渴，但抵讚嘅係櫻花蝦份量夠多，幫補一下湯底味道。麵底係曲麵尚算掛湯，叉燒偏瘦肉質鞋口，本身見到糖心蛋有一整隻好驚喜，但唔入味之餘蛋黃係實心既，連加分位都要拎返走👎🏻 順帶一提餐廳只用外賣餐具，自取響機亦好似經常出現問題，但見到幾位客人遲攞餐又俾員工話😭港式拉麵唔係問題，但$64咁樣質素加上員工態度，求其一間茶記都應該食得更開心

好耐冇食過拉麵，見呢間裝修得幾靚，吸引到我入來填飽個肚，鋪頭裝修得好有日本風格， 座位寬敞舒適，餐枱和餐具均乾淨衛生，看餐牌有很多選擇， 選了赤武士拉麵，餐廳頗有效率，很快便出餐，湯底味道濃郁，不會過鹹或過辣， 麵條爽滑彈牙，份量亦很足料， 此外還有其他配料， 口感豐富，特別要讚嘅係原隻糖心蛋， 餐廳煮得剛剛好，蛋白惹味彈牙，內裡的流心蛋黃，蛋香味濃郁，口感幼滑， 配上大大杯凍檸茶， 質素正常，好抵飲。總結：餐廳裝修有日本feel，座位寬敞舒適，餐枱和餐具均乾淨衛生，拉麵大大碗夠足料，無論是湯底、麵條還是糖心蛋也高質，可以做飯堂成日去。

雖然平時很喜歡港島區覓食，但是其實九龍區黃大仙也有隱藏很多美食，正好這天陪朋友去黃大仙，發現黃大仙中心新開了一家日本拉麵館🍜門口裝飾就已經很有日本風味了，餐廳內座位也挺寬敞舒適，重點價格很實惠而且份量很大碗👍侍元味增拉麵$62店內主打必吃拉麵🍜味噌湯汁濃郁，豚肉很大塊，肉質鮮嫩，還有木耳絲和流心蛋，拉麵也很有勁道👍炸雞定食$56每次日本我超愛吃炸雞的，朋友點了炸雞我也試了一塊，雞肉表皮炸的很香脆肉汁鮮嫩，搭配生菜🥬玉米🌽沙拉🥗一起吃，清爽不油膩😋雞翼三件+凍檸茶$22雞翼也很大隻，香脆可口也入味，總體來說在商場裡這家拉麵館性價比真的挺高的👍

經過了立春之後，今日來到了黃大仙廟求籤之後，來到了鄰近的商場一間日式主題餐廳用膳.餐廳環境佈置十分之明亮，出餐速度甚快👍🏻👍🏻這個九州風白武士湯底十分之濃厚.利用豚骨熬製並沒有使用味精，吃得出真材實料.拉麵的性價比十分之高，分量十足，包括有大大片的叉燒，日本香濃的櫻花蝦作為伴菜，加上爽口的木耳絲，及原隻的日本雞蛋，簡直是最完美的配搭.拉麵麵底比較爽口，也是掛湯的.照燒雞肉飯分量十足，配上香濃的豉油汁，也是最佳送之選.即叫即炸的雞翼十分之香脆，性價比十分之高.下午茶的套餐價錢更加之優惠，下次一於來試一試.

侍元 黃大仙🍜九洲風櫻海老豚骨湯拉麵拉麵湯底經長時間熬製，特別香濃，色澤濃濁，但飲落卻感覺清爽。粉紅色櫻花乾蝦點綴拉麵上份外吸引，亦帶嚟海鮮味。拉麵裏面嘅每一種配料，包括叉燒，蔥花，溫泉蛋，木耳絲等等，都可以沾上櫻花蝦嘅海鮮味道。叉燒肥厚。溫泉蛋中間流心滋味。木耳同拉麵一樣咬口。🍹我知道日本人用餐鐘意配冰水，但今次食拉麵就加入少少香港特色，嘆返杯冰凍檸檬茶。檸檬茶杯係類似金屬物料，令檸檬茶保持冰凍狀態。

今晚一個人去店，我叫个女收银，比D 沙律醬， 她回应我，沙律醬好貴和她态度差又闹我。之後我回应她，我现在比$卖 沙律醬，她之後仲态度恶劣和黑脸地走进厨房拿出来，之後她仲要无礼貌地闹人。我之後从手機网上，寻找这店资料，我打左电话去荃灣分店，他是一個非常有礼貌地对答和回应我和了解我为什麼打去荃灣店。他知道成件事，他告訴我，他会向大老板反映，今晚黄大仙分店，这件事情和我告訴他，我要求找大老板，我想投訴黄大仙分店！因為个女收银，她大声闹客人和没有互相尊重和无礼貌！今次事件，我只是问这女收银员，我想 要沙律醬，换来比这个女收银员大声闹！请大老板如果见到open rices评论！请跟进事件！谢谢！

餐廳自助形式，自己搵位，櫃枱落單後待機響，到櫃面取餐。價格相宜，在荃灣海之戀都有分店。別府風 赤武士 | $62估不到別府風都幾辣，辣得好正，有粟米、蔥粒、叉燒、溏心蛋。叉燒都有兩三塊，溏心蛋有濃郁的味醂醬油醃味，味道吸引。蒲燒鰻魚牛肉飯 | $72鰻魚份量都多，肉質比較實，鰻魚無骨；牛肉是肥牛，洋蔥煮得腍且入味。可樂 | $10如果不食小食，獨立叫飲品都不貴。餐具是獨立包裝，不用收加一，食完就走得，好方便。

餐廳位於黃大仙鄰近地鐵站大型商場之內，方便又快捷餐廳主打的就是日式料理，拉麵更是主打，也沒有不點選的理由。食物方面，我點選的白武士，就是九州風櫻花蝦豚骨湯拉麵，湯底方面經過長時間熬製，味道濃郁，膠質豐富，奶白色的湯底最上層鋪滿了巨量的櫻花蝦，配搭湯底喜來更有層次。另外拉麵方面軟硬適中，口感一流，幼幼的拉麵，掛滿了美味又濃郁的湯，份外吸引。小食方面，挑選了日式餃子，即叫即製新鮮又好味外皮香脆可口，內裏還帶點肉汁，真的不錯。

望左不小留言都話呢到不錯，ok之選，但容我大膽講句如果咁都好食，做人要求未免太低炸雞都可以做到難食，難度可謂地獄級。當然你可以話小食姐，小問題。但問題係拉麵都可以黐埋一舊，之後叉燒得2塊，湯又冇味，拉麵價錢又成60幾蚊，合理價20蚊就差唔多（第一次嬲到要留言，特此留念）

這家與日本快餐店相似，門口放了一個巨型多啦A夢，店內有很多日本風格的圖畫，採用自助形式下單，於櫃枱付款後回座位等待機仔震動，便可取餐，富有日本風🇯🇵濃厚味噌豚骨拉麵｜$62｜7.5/10地道札幌湯底不會太咸，特別喜歡拉麵口感，十分彈牙有嚼勁，唯獨豚肉質地略韌滑蛋吉列豬扒飯｜$52｜8/10非常實惠嘅價錢！整塊切件的吉列豬扒炸得好香脆，肉質出奇地軟嫩，拍得住日本快餐食嘅質素👍餃子｜8.5/10加$22就可以加份餃子及一杯凍檸茶，餃子香口脆皮，肉餡的肉菜比例均勻

大年初九，在「侍元」吃日式晚餐，簡單中又不失豐富，價錢親民、份量也是足夠的。兩款開心小食：勁香脆的大型炸雞翼，肉汁非常豐滿。家人心儀的章魚小丸子，並稱合味道。（白武士）九州豐櫻花蝦豚肉湯拉麵~色澤胭紅並呈半透明的櫻花蝦，肉質鮮美甜嫩，滿滿濃郁的海鮮風味，再呷一口綿密順滑的乳白豚骨湯，配合拉麵與豚肉，是極為大滿足的享受。溏心蛋墨魚餅手打烏冬~有兩大厚片的墨魚餅，墨魚肉鮮味亦突出，黃澄澄溏心蛋很吸引，烏冬質感柔軟幼滑，湯底配合海鮮則較清甜。北海道芝士忌廉吉列蝦飯~芝士忌廉汁很綿滑，有紅蘿蔔蓉的芝士忌廉汁味道略帶微甜，是很好下飯，吉列蝦外脆內軟，很喜歡啊！人均消費$77，下次再幫趁喔。

星期六去左侍元食拉麵 唔洗排隊價錢黎講，的確係抵食之選，但唔好期望好好食平日有下午茶仲抵食$48 就有一個set lunch可惜星期六日無但都唔緊要 有$50既全日定食set 抵食到爆講番試左果2個拉麵先叫左一個白武士同侍元 味精好重，但拉麵黎講 同某品牌好似侍元好有特色，有櫻花蝦係入面白武士 只是好普通既豚骨拉麵係肉方面，雖然唔多，但好難咬至少章魚燒，勁似係超級市場買番黎自己叮熱食既，同街外有章魚燒機整既分別好大，仲有無章魚係入面

這天晚上我約了朋友在黃大仙吃晚飯，經過親戚的介紹，我們便決定來到這間日式餐廳試一試，店內環境清潔衛生，店內客人十分多，需要等候一會兒才可入座，證明食物質素應該非常不錯九州風櫻花蝦豚骨湯拉麵($62)櫻花蝦細碎，海帶爽口微彈，豚骨白湯十分濃郁，日式叉燒香稔軟嫩，非常新鮮，拉麵有彈性，份量十分多札幌風濃厚味噌豚骨湯拉麵($62)流心蛋十分軟綿綿，非常新鮮，吃的時候，蛋黃緩緩流出，日式叉燒香稔軟嫩，拉麵十分彈牙，細碎的蔥粒，用豚骨熬成的湯底，十分入味沙律套餐($12)沙律菜十分新鮮，栗米十分鮮甜，點一碗拉麵只需加十二蚊就有個沙律小食和飲品，十分抵食炸雞翼套餐($22)炸雞翼是即點即炸，口感外脆內嫩，非常新鮮，炸的時候，鎖住肉汁整體來說，食物的質素非常高，食物的份量十分多，食物的用料非常新鮮，食物的賣相十分吸引，食物都是即叫即做，食物的定價十分大眾化，有日文和中文對照的餐牌，而店員亦有良好的服務態度，所以我認為這間餐廳是值得再去惠顧

雖然 #小秘書 唔係 #黃大仙 嘅 #街坊，不過好多時都會去附近搵嘢食🤤 屋邨林立，自然多食市，平嘅貴嘅都大把選擇😉 呢晚我就嚟到 #黃大仙中心北館 嘅「侍元」。餐廳裝修充滿和風特色，#小秘書 一入門口已經被色彩繽紛嘅餐牌吸引住☺️ 餐飲服務都已自助形式，我就叫咗個 #照燒雞肉飯，配 #炸雞翼 同 #凍檸茶 做 #晚餐 😉 其實呢晚都唔係我第一次嚟幫襯，就因為我對 #侍元 嘅 #雞肉食物 情有獨鍾🤤即叫即炸嘅 #雞翼，皮脆肉嫩，咬落去仲好juicy㗎🤤 而佢哋個 #照燒雞肉飯 大大碗，滿滿嘅雞肉喺飯面，醃製得好入味🤤 最後飲埋杯 #凍檸茶 落肚，簡簡單單嘅一人前，真係唔錯㗎🥳📍侍元 (黃大仙)龍翔道136號黃大仙中心北館1樓N142號舖