侍元

营业中

休息中

侍元拉麵1.侍元味增拉麵$582.沙律+凍檸茶$103.鰻魚飯$52炸雞兩件+凍檸茶跟女朋友看完黃大仙廟會的燈飾，就四圍看看有什麼東西吃。走遍整個商場，看見這個位於黃大仙的日式餐廳。吃完之後，個人認為性價比很高。只是除了拉麵的肉質較鞋口和鰻魚飯的飯比較乾身外，其他也很好，值得一試。吃飯期間也看見長長的人龍，側面反映很受街坊歡迎。另外消費滿$100有餃子🥟送，讀者可以留意。日期：2021.9.24

鄰近地鐵站，近乎連接的商場，上2層向後面方向角落最尾一間店！7:30正正晚餐時段，都算多人！有飯有拉麵有小食供應，飯款比例都多，拉麵亦有4款另外都有二人套餐！拉麵和飯加$12-22便可有小食或配菜連凍檸茶。如單點又口渴的話，櫃枱旁有檸檬水提供，店舖以自助形式，無需加一。環境寬敞，光線充足赤武士(血池地獄豚骨拉麵)$62🌶🌶🌶/5🌶(滿)侍元(濃厚味噌豚骨拉麵) $62拉麵麵條質地粗身而彈牙！地獄豚骨湯底很濃郁，夠辣入味！留意是炸餃子，與平時煎的是不一樣！所以外皮較脆口，亦剛剛炸好，熱㷫㷫女仔一碗拉麵份量應該剛剛好，男仔肚餓就必須加小食喇

同媽媽去食飯，去到黃大仙北館開頭都未諗到食咩，但聽到有路人甲講緊食完拉麵好飽，我先知黃大仙北館有日式拉麵店，於是就同媽媽嚟咗侍元試吓。呢到就有少少似快餐店形式，自己搵位，然後排隊落單再等嘢食。今次就點咗個工人餐，貪佢有飯又有麵仲有小食，咩都有就唔使諗。二人餐就包括有：雜菜沙律兩份黑武氏拉麵一客浦燒鰻魚飯一客元祖炸雞兩件南瓜薯餅兩件兩罐飲品我就食黑武氏拉麵，麵嘅質地啱哂我，唔會太淋仲有少少咬口，湯底又唔會太咸。媽媽就食鰻魚飯，，鰻魚份量都幾多，飯又好大碗，所以一開始媽媽都話食唔哂，果然夠抵食。炸雞比我想像中大件好多，個size大到係我想像中嘅四倍，仲要有兩件，肉汁又好Juice。南瓜薯餅好脆好香口，好味！呢到可以自己加個辣粉，佢呢到個辣粉辣到平時食米線食開大辣嘅我都頂唔順，鍾意食辣嘅人可以挑戰吓！兩個人食到攬住個肚走都只係$188仲要唔使加一，難怪要排長龍啦！

去完花燈廟會🌕行去隔離的黃大仙中心北館的《侍元》醫肚，全店的壁畫裝潢富有日本武士風。真係好似去左日本咁呀🥳菜牌用不同的武士 或地區代表不同口味的拉麵，創新有趣👍付款區落單-＞自助取餐-＞享受美食🍜🍜 #血池地獄豚骨拉麵（$58）＋炸雞翼套餐（$20）可樂再加2蚊🥤波子汽水加8蚊橙紅色的血池湯，🍜黃色的粟米粒，🌽啡黑色的木耳絲，賣相不錯。每條拉麵麵條都像有氣孔般吸收地獄的湯汁，🍜地獄拉麵不算太辣， 剛好適合我😋。如果想加辣，可自由加 魔鬼辣粉。三隻肥美炸雞翼，香脆可口。🍗#鰻魚飯（$52）＋ 泡菜凍檸檬茶套餐（$10）以鰻魚飯黎講，非常親民價， 鰻魚嫩滑肥美， 甜甜的濃厚鰻魚汁，😋 珍珠米粒粒分明 ， 又食左一碗飯😁142元2個人晚餐 物超所值🥰

屋企附近嘅餐廳幾乎都俾我哋試勻😅 呢日就早少少落車，搵啲新口味。醒起 #港鐵站 上蓋商場一樓，開咗間新餐廳 侍元拉麵，外貌睇起嚟都幾有特色㗎，裝飾得成間 #傳統日本餐廳 咁，既然冇得去旅行，就唯有去搵啲 #特式餐廳 自我安慰吓😆餐廳採用全自助形式， 食物以 #拉麵 同 #丼飯 為主🥢 因為要趕起開會嘅papers，除咗朝早碗 #通粉，下晝我就只係食咗個 #蘋果 🍎 嚟到呢刻，我確係有啲我餓😏 我揀咗個 #照燒雞肉飯，加 #雞翼 做 #小食😜 #餐牌 上睇起嚟平平無奇嘅嘅 #丼飯，原來 #廚師 都花咗啲心思🤩 即叫即做不特止，飯粒上更加上 #紫菜 同 #芝麻，令口感更加香口😋 #雞肉 醃製得好入味、一啲雪味都冇，#雞翼 咬落去都唔油膩、仲有一種香脆嘅口感😋 原來 #套餐 仲包埋杯 #凍檸茶 㗎喎… 真係冇諗過簡簡單單間嘅一餐，都可以咁豐富，確係一個食平啲啲嘅好選擇😉

打開餐牌發現選擇嘅類別都好多，有拉麪，咖喱，白汁，烏冬等嘅選擇，可以一次滿足多個願望!餐牌第一頁就係炸雞同拉麪，似乎係佢地嘅招牌，咁當然要試下。落單後，等咗大概5-10分鐘左右就有得食啦! 東京風黑蒜由醬油拉麵 $58黑蒜油拉麪湯底相對其他店，甚至出前一丁嘅黑蒜油黎講，味道較淡一d，反而覺得無咁鹹嘅呢個拉麪更好食。配料方面有爽脆木耳絲同粟米👍🏻叉燒係薄片嘅，食落都軟冧。配半顆溏心蛋，質感幾好，蛋白仲有少少稀黏稠狀。炸雞黑豚肉咖喱海軍飯 $58而炸雞黑豚肉咖喱海軍飯都好好食，有薯仔洋蔥紅蘿蔔，大細份量剛好，好足料拌飯。炸雞意料之外好食，唔會覺得好熱氣嘅炸雞，因為佢嘅外皮唔會好厚炸漿，而入面雞肉嫩滑，外脆內軟～呢個飯升級咗泡菜同凍檸茶，都只係+$10，超級抵食! 如果泡菜份量可以再多d可以拌飯就完美啦。溫泉蛋北海道忌廉芝士天使麵 $48因為抵食第二日又再食，今次點咗芝士天使麵，估唔到日式餐廳都食到天使麵。上碟嘅時候見到以為都唔係好多，點知食落原來份量都唔少喎。有流心蛋係麵，再撈埋芝士白汁，亦有蘿蔔薯仔做配菜。只係呢個真係要趁熱食先得，唔係會硬曬。總體黎講，呢個價錢有咁多選擇，升級套餐都只係

如果你好掛住日本，可以嚟呢一間位於黃大仙商場嘅拉麵店。但係今晚我揀咗食烏冬，因為好掛住烏冬煙銀嘅口感。我今晚揀咗嘅係糖心蛋墨魚餅手打烏冬，樣樣都係我最鍾意嘅材料，墨魚餅做得非常肥厚，每一啖都會食出豐富嘅汁，墨魚味亦突出。糖心蛋半熟嘅蛋心我嘅至愛，當然留返最後最後先食。一個烏冬未滿足到我，加咗少少錢轉套餐，三件肥美嘅炸雞翼，再加一杯冰凍嘅凍檸茶，緩和返炸雞翼嘅熱氣感覺。拉麵店當然有好多拉麵嘅選擇，令我意外嘅係佢仲有免治牛肉飯，忌廉雞皇飯，和風牛肉飯等等，種類非常多，價錢合理，真係當飯堂都得。

放假陪表姐去拜黃大仙，天氣炎熱，拜完立刻走入附近嘅黃大仙中心北館涼下冷氣，順便食埋飯，望見1樓開咗間侍元，主打日式拉麵和飯。擺設都有啲似日本拉麵店格調。我哋都有興趣試吓，餐廳以自助形式經營，一入去就在左邊取餐牌，之後就搵位坐。睇啱食乜就出去點餐處落單比錢，獲發一個BB機，待食物煮好，BB機就會發聲，提示客人可以到取餐處取餐。糖心蛋黑豚肉海軍咖喱飯，糖心蛋入味，已經切粒的黑豚肉肉質細嫩，薯仔和紅蘿蔔林甜，咖喱汁口感香滑濃稠、味道較甜，撈珍珠米飯食，一口接一口好美味。每款主食可以加錢升級套餐，有四款選擇，炸雞套餐加$20，炸雞好大舊，即叫即炸熱辣辣，外脆內嫩，套餐飲品係檸檬茶，轉可樂加2蚊。九州風櫻花蝦豚骨湯拉麵，湯底係奶白色嘅豬骨湯底，味道濃郁鮮甜，加埋樱花蝦更加鮮美。豚肉比較瘦，木耳絲爽口，粟米香甜，流心蛋滑溜入味，拉麵掛上濃湯，鮮味又彈牙。加20元升級菊炸雞翼套餐。雞翼係即叫即炸，外層脆口，肉質嫩滑有汁。

今日約了朋友去黃大仙食飯，去到餐廳時間尚早，不需要等位就可以入座。我們叫了一個黑武士黑蒜拉麵跟沙律套餐，一個海軍風黑豚咖哩飯跟炸雞套餐，再加一個北海道南瓜炸薯餅。拉麵的味道不會過鹹，而且豚肉不會硬，麵身夠硬而且份量多。咖哩飯是日式咖哩，味道香，而且不會太辣。另外白飯的份量非常之多，食完非常飽肚。另外炸雞的外皮炸到香脆，內裡雞肉卻是非常嫩滑。炸南瓜薯餅，外脆而內裡鬆軟，而且味道帶點點甜。整體而言，性價比一流，炸物食物做得非常之出色，而且份量非常足夠。

這間餐廳係商場內，位置很方便。店內掛起大型餐牌和推介，如壁畫一樣，色彩繽紛的佈置。餐廳用自助形式下單，可以揀好食什麼再下單等指示取餐。 食物種類款式多，拉麵，日式西餐，丼飯，小食等。仲可以加配套餐，價錢實惠，很吸引。 點了赤武士， 別府風血池地獄豚骨拉麵。湯底辣味很特別。拉麵有薄切豚肉， 還有不同配菜，粟米雲耳溫泉蛋等。溫泉蛋蛋黃流心，煮得剛剛好。 另外點了蒲燒鰻魚飯。鰻魚厚身多汁，燒汁配飯味道不錯。 加配了沙律餐。有雜菜沙律，還配了杯凍檸茶。 加了炸雞餐。套餐包了兩件唐揚炸雞。炸雞十分大件，兩件已放滿一杯裝。 炸皮不厚，咬下去熱辣辣，很多肉。

黃大仙北館新開了這間走經濟路線的日本拉麵店侍元，價錢大約$50 左右就有交易。餐廳走快餐店模式，自己搵位，自己落單及自己拎食物。餐牌上除了四款拉麵，還有數款的日式蓋飯(咖哩飯，鰻魚飯，雞皇飯，牛肉飯等)，價錢都只是$50 左右，另可加錢轉套餐，分別有梅(沙律套餐)，竹(泡菜套餐)，松(炸雞套餐)，菊(炸雞翼套餐) 四款，都只是加$10-$20，十分抵食。拉麵有四款，我點了白武士的九洲風櫻花蝦豚骨湯拉麵($68)，另加$10 轉了泡菜套餐。拉麵份量都頗大，豚骨湯底味濃，不會太油，但略為咸了丁點。叉燒薄片及比較瘦，但肉質不錯，有彈性，配上大量木耳，粟米，櫻花蝦及一隻流心蛋。拉麵麵條比較粗身微曲，比較容易掛湯，口感都比較彈牙。另外點了炸雞黑豚肉海軍咖哩飯($58)，另加$10轉了沙律套餐，賣相不錯。兩大件炸雞分開上，熱啦啦的炸雞十分好味，用上雞脾肉，厚身啖啖肉，薄薄的炸漿，十分脆口，咬落都有少許爆汁的效果。飯是珍珠米，配上香濃咖哩汁，洋蔥， 紅蘿蔔及黑豚肉粒，十分好下飯。

黃大仙嘅日本嘢，大部份都係偏貴嘅。你到呢一間侍元，佢嘅拉麵真係性價比幾高。基本上食到飽都係6-70蚊嘅事。拉麵大大碗，配菜都唔少，加埋嘢飲，無論係男女都食得晒同埋食得好飽。今日食咗黑武士，即係黑蒜油拉麵。聞落去好香，食落去都好濃郁嘅黑蒜油未。但係美中不足嘅，係佢嘅湯底應該都幾重味精。其他配菜都係好似車仔麵咁擺上去。放得幾靚，好似係質素一定有保證，因為每一件都係預先整定。當然缺點就大家明白啦。佢嘅嘢飲最特別嘅係有波子汽水，讓我尋回童年嘅回憶。不過大家開嘅時候要小心啲，小朋友就話唔怕污糟，但係大家都要小心啲。

黃大仙食日式拉麵嘅地方好似唔多，呢間最近開嘅侍元可以為鍾意食拉麵嘅我提供多一個選擇。今晚我第一次去，餐廳係自助形式，搵到位之後出去叫嘢食。每個食客都有自己一套即棄餐具，既方便又衛生。我叫咗黑武士東京風黑蒜油醬油湯拉麵，拉麵湯底味道濃厚，醬油味好重，食落去啖啖都充滿黑蒜味。配料有流心蛋同粟米，仲有大塊叉燒。流心蛋浸咗湯之後有小小醬油味，粟米就好夠甜。拉麵麵身小小偏軟。加錢叫咗個炸雞翼，炸到外脆內嫩，仲好juicy ，食到舐舐脷。套餐仲有杯飲品，我叫咗檸檬茶。加埋70蚊左右，非常之抵食。

今日去開黃大仙見到有間新開拉麵店好似幾抵食，就入去試下。九州風櫻花蝦豚骨湯拉麵 $58 加$20配炸雞和檸茶，汽水加$2配菜都夠，有香甜粟米，爽口木耳，溏心蛋櫻花蝦同一塊叉燒。湯底濃稠度適中，唔會太咸。溏心蛋軟心，好食入味。讚歧墨魚餅湯烏冬$48烏冬煙韌，原隻溏心蛋，湯底較清，有兩大塊墨魚餅，質感不是爽彈個款，較扎實，可以食到粒粒墨魚🦑，味道唔錯。炸雞翼，炸雞係新鮮炸，呢個好正，雞肉好juicy, 好嫩，有驚喜，配埋罐可樂真係一種享受。以呢個價錢，平平地食個日式拉麵炸雞🍗都係不錯的。

朝早和同事出去開會, LUNCH過晒都未有得食, 好肚餓。係附近有黃大仙中心, 就直接去搵地方食野, 黃大仙中心係正黃大仙站B3隔離, 一出就到, 十分方便。我地最後揀左侍元, 侍元主打日式食品，拉麵好出名。餐廳裝修呈日本風, 光猛清潔。餐牌設計好得意, 好似一本漫畫書。當我地點餐時, 職員會推薦我地轉套餐, 仲大讚炸雞好食。餐廳係自助形式, 有圖教你點叫餐, 仲有多拉A夢扇拎.我地最後叫左 :1)     黑武士醬油拉麵 $58, 加$10 變套餐 (沙律 + 凍檸茶)2)     鰻魚飯 $52 加$20變套餐 (炸雞兩件 + 轉麵鼓湯加 $2)點左餐職員會比個小儀器, 當震動及有閃燈時, 就可以到前台取餐。由於係自助, 清水, 調味料都係自取。黑武士醬油拉麵揀呢款拉麵主要中意佢的黑蒜油, 果然揀得啱, 一去拎食物時, 已聞到濃濃的黑蒜油, 但湯底又唔會過鹹, 拉麵爽口彈牙, 叉燒細滑, 配料也不少, 有黑木耳絲, 粟米粒及半隻半熟蛋沙律沙律一D都唔少, 用了新鮮沙律菜及粟米粒, 配上芝麻醬, 開胃易入口凍檸茶杯身好靚, 味道正常, 不會過甜。而且飲唔晒仲可以拎走飲鰻魚飯$52一個