俺流塩らーめん (東港城)

营业中

休息中

豚肉盛合拉麵、墨汁魷魚豚角拉麵、鮮味蛤蜊濃湯拉麵，三款都係各$89三款都係餐牌的人氣之選。整體味道都偏咸，豚肉盛合有2款豚肉，有厚切和薄片，厚切無論口感/肉質/味道都較出色，各款拉麵都可揀麵的軟硬度和配料。墨汁的那個～朋友就覺得非常咸了！最失手的是整個麵餅竟然可以仍未散開就上枱，一大堆麵團仍黏在一起因太急沒有影低麵團樣子注意墨汁會令牙齒沾滿黑黑的，墨汁是真的，很濃郁示意店員麵未熟還是什麼可以這樣，店員表示已熟並反問我是否需要換，當然店員態度是友善的，但見麵條大部分都黏著的狀態應該都不用再問了要否換嗎？不過我相信應該都是個別情況，希望好好改善下吧！其他都還可以吧！

叫咗俺流熟成濃湯拉麵硬麵，加叉燒 百幾蚊正常價錢環境正常入到黎服務生好好禮貌梗係啦有+1 㗎嘛落咗單5分鐘左右就到，速度算快好，入正題碗麵嚟到第一啖試咗個湯底先湯底略鹹，成碗面食完飲咗三杯水雖然食到有豬骨同雞味但都食到少少味精味試下個麵先硬麵，口感正常，食到最尾都未算好林呢點要讚筍略嫌冇乜味，可能因為佢切得太細條叉燒本身碗麵個塊做得好林，雖然一咬就散，但係冇乜脂肪位係咪冇乜吸收到碗湯嘅味我加嗰塊呢，佢就幫我另上即係都係冇碗湯嘅味好笑嘅係，呢塊脂肪位好足但係瘦肉位就好韌果然兩者不能得兼總結：唔需要特登嚟食行過試吓OK嘅

每次經過都見到大排長龍，今日終於要來試試，食好野，預左要排隊，好在店家都安排得好好，比定個餐牌我地慢慢睇，加快落單程序，like, 最欣賞佢有多種醬汁調味, 令到每個麵既味道都可以個人化，推介柚子胡麻醬，黑麻油醬, 加左醬令到個湯底錦上添花! 點了1) 豚肉盛合拉麵有圓形义燒，有豚肉片，正方形义燒，溫泉蛋，湯底是雞豬骨淆製而成, 一啲都唔油膩！ 2) 俺流熟成濃湯拉麵只有一塊叉燒, 但肥肉唔多，啱晒唔鐘意食肥肉的我，初時以為佢59蚊會好少份量, 點知原來一樣足料3) 俺流义燒飯好似有4片义燒，中間有啲XO醬， 辣辣地，幾開胃

今日起早左， 變左有多啲時間去食午餐 🤔🤔諗左幾諗， 又唔想淨係米線， 想去下坑口食 🤣🤣 咁楝楝下就去食拉麵喇 之前出去過APM 食架喇， 咁以拉麵 呢間係超多配料， 🤔但啲配料唔算係食得慣， 因為有啲菜， 柚子 又有白蔥 ， 但自己最鐘意既配料係青蔥 🤣🤣 咁呢無計全走， 另加青蔥 同要超滾湯咁食係最好， 楝左男盛拉麵， 炸雞大舊架又有叉燒wo , 完全係食肉獸 既代表 ， 咁呢今次咁樣食可以試到湯既原始既味， 跟著再加番啲自己鐘意既調味， 覺得咁樣也ok 🤩

琴日同親愛的母親大人遊完一田超市下午茶決定去咗對面既拉麵店食因為一直都想試下食佢地堂食既麵🤣🤣(之前有嗌過一次外賣自取 個時有7折好抵食👍🏻)今次堂食 嗌咗個鮮味蛤蜊濃湯拉麵+日式胡麻雞肉沙律下午無乜人 所以唔洗等太耐就有得食-【鮮味蛤蜊濃湯拉麵】$89第一下先飲一啖佢地個湯 好鮮味 好香😋😋湯底有啲油膩 但係拉麵跟蛤蜊都好好食 都有唔少蛤蜊架！！！連平時出街食麵唔會飲湯底既母親大人都飲哂😂😂😂-【日式胡麻雞肉沙律】$49店員一送上黎 心諗咁大碗既🤣🤣好大份 成碗都係生菜 比想像中多雞肉有幾粒 都幾好食👍🏻-整體黎講食物質素唔錯 好好食不過堂食要收加一 所以埋單價錢有啲貴今次用餐體驗幾滿意🤪🤪

成日經過都想試下，今次終於黎會一會佢，排左一陣隊就可以入坐，坐吧枱位!主打當然係拉麵啦，亦供應少量飯類選擇，每款價錢唔超過三位數字多款拉麵之中，最後試左呢碗辛辣鹽湯拉麵 ($65)，賣相同份量與照片相符拉麵上配料有青蔥，大蔥，波菜及荀絲，先試啖湯，鹽味較辣為更出，唔好見佢辣油浮面以為好辣，微辣程度咋，係能吊起人胃口果種辛辣!拉麵軟硬度可以係落單紙度選擇，我歡喜有D口感所以選擇"硬"，入口果然係偏帶咬口，而且份量絶對夠飽肚，唔係三注就無晒!其中一個主角日式叉燒又點呢? 帶點厚度，入口出奇地滑，連帶少少脂肪位食，甘香好味喎!食拉麵配冰水，好地道FEEL，加多兩片檸檬，清新味道!叫多款小食，就係呢客大阪燒餃子 ($39/6件)，D木魚片"樣下樣下"咁，夠晒動感一客6件，每件係"就珍"版，唧上"大阪燒"醬汁及沙律醬，即刻變得特別左............哈!  餃子外皮帶點咬口，內裏餡料就係一般餃子餡，亮點應該係個醬汁囉!  但一口一隻都幾過癮!總括黎講回頭率唔低..............!!

將軍澳foodie又出動啦🧏🏻‍♀️今次去坑口東港城搵嘢食😋左揀右揀最後揀咗食拉麵🍜🍜·🍜俺流男盛拉麵 $89呢碗大大碗好多餸🤩，有兩大塊叉燒同埋兩大舊炸雞，最開心係有原隻溏心蛋，入面仲好流心🤤拉麵配料竟然有埋菠菜👍🏻👍🏻熟成湯底好濃好正😍叉燒應該係一早燒好，一上係唔熱嘅，要浸湯手動加熱，同埋叉燒太瘦🙊炸雞係熱嘅脆嘅，但部分浸湯嘅部分就淋咗🤔麵底就正常，好大份量，最後食唔哂🤫·🍜豚肉盛合拉麵 $89就有兩大舊叉燒、幾塊豚肉片同埋一細舊五花腩😚湯底同樣係熟成湯豚肉片都正常冇咩特別，五花腩得一舊咁細舊就冇試到😂·呢間拉麵店係將軍澳區算唔錯，就奔住個湯底我係會encore嘅🤣（其實今次已經係encore😛）

上次我在食評裏提到，單是俺流濃湯拉麵就吸引不到我來第二次，但可以試其他味道的拉麵。這天我就來試俺流紫蘇梅子拉麵。 整碗麵給我的感覺很清新。 今次才知道原來麵條可以選擇軟硬度，有軟、普通及硬供選擇。我選了普通軟硬度，但對我來說都有少少硬。 玉子很滑， 好味😋! 叉燒偏瘦， 適合我這不愛肥膩的人，味道可以。加$10 要了岩海苔，份量足，不過有點鹹。麵條上那一粒梅子，我最後才吃😝。 喜歡吃梅的應該會喜歡。第三波疫情以來很少出街食，今次出街就吃多些😁，另外再叫大阪燒餃子。 餃子煮得有點慢，拉麵吃完了都未端上來，差點以為漏了單😅。 餃子有六隻，其實跟燒章魚丸很相似，都是有木魚及沙律醬。 味道可以。 對我來說可能少一些木魚會較好，能夠吃真些餃子的味道。可能是午飯時間的尾聲，我一人可以坐四人枱，感恩😊! 喜歡清淡的話，這個紫蘇梅子拉麵不錯。

今日放假，特登入咗將軍澳東港城，陪朋友行街🤗，因為佢要湊女，我早到咗就邊食午餐一邊等佢；假期係用嚟享受生活嘅好時光，當然要對自己好啲啦😎💕，於是我就揀咗一間開放式設計嘅日本拉麵店，👍🏻👍🏻因為過咗午飯時間嘅關係唔使等位，睇完餐牌叫咗一碗俺流熟成濃湯拉麵，同埋一份大阪燒餃子嚟犒賞自己工作既辛勞🤣🤣嘢食嚟啦，當然都係相機食先啦拉麵口感彈牙，惹味嘅濃湯，食每一啖都感到好幸福☺️💕見到個湯底咁濃都怕佢會好鹹，但係冇呢個情況，食完都唔覺得口渴；餃子上枱嘅時候木魚絲仲喺度郁緊，視覺效果、味覺都覺得好滿足，但係因為碗麵真係好足料‼️唔浪費食物嘅我，餃子最後食唔晒要打包走，哈哈🤣🤣

好耐無去食呢間店舖的拉麵，壽星仔表示要食呢間，咁就一於試下未食過既拉麵先！🍜呢款岩重口味既朋友，既有芝士的濃味，又有辛辣味！流心蛋依然保持水準，內心流，但蛋白可再入味一點。蛤蜊拉麵湯底creamy，帶有海鮮的味道，有超多蛤蜊😍絕對沒有呃秤！肉雖然不飽滿，但不會腥。重口味的菲兒為了增加湯底的豐富程度，加了其特製的醬汁，個人較喜歡胡椒酸梅醬，酸中有點惹味！玉子大阪燒，與想像中的有點不同，原來裡面是流心蛋來的！不是平日食的那種，不過都好吃的。現在開始都多人排隊等位，想吃就早點到，小店久不久會有一至兩款新款式可試。

呢間拉麵店成日都排長龍，今日見小人說入咗去試吓。我哋叫咗兩款拉麵，一款係俺流男盛拉麵，令一款係黑蒜油熟成濃湯拉麵。-黑蒜油熟成濃湯拉麵一嚟到已經聞到好香嘅黑蒜油味，然後飲咗啖湯底超正😋有兩塊叉燒，兩塊都好厚，啖啖肉。係流心雞蛋，不過食唔到有醬油味只係上左少少色，應該係醃得唔夠耐。拉麵嘅硬度就要左硬，個人鍾意食啲有口感嘅拉麵，所以呢個硬都啱啱好。-俺流男盛拉麵宜個嘅湯底就叫咗辛辣味，辣度啱啱好。呢款拉麵多咗三四舊炸雞。由於啲炸雞放咗喺湯裏面，所以淋咗，如果可以另上啲炸雞就更加好。

每次去超市都會經過這店，今次終於來試一試， 因為近期喜歡吃拉麵😁。一個人就被安排坐在中間的長桌坐位，若人多會同對面的客人面對面，但距離會比一般的二人桌遠一些。 同左右兩邊的座位就很接近。我坐下的時候大約11:40am，客人不多，遞上點 菜紙後沒多久，麵就端上來了😊。我叫了這個俺流熟成濃湯拉麵， 再試這店的玉子 (加$12)。湯味濃郁，叉燒半肥瘦，麵條軟硬適中，份量一般，吃了一碗都不覺得很飽。 玉子煮得幾滑。之前朋友試過，覺得湯底有點鹹。 我沒有喝湯底的習慣，所以不得而知😁。單單這個拉麵就不會吸引到我去第二次，但餐牌裏還有其他味的拉麵，可以去再試。

一向都係呢間拉麵店嘅常客，見佢出咗期間限定拉麵：三重芝士咖喱拉麵，梗係要試食啦！事不宜遲，即刻上菜！老實講見到碗拉麵嘅時候一開始係有少少失望嘅，中間有一堆芝士粉，感覺同個湯唔係好夾，隔離有一塊平時焗麵包嗰啲芝士，突然有啲失望。好啦唔緊要，將啲芝士撈勻先。撈完之後又覺得好似幾正咁喎，夾起一轉面都可以見到有用咗嘅芝士係上面，都做到拉絲嘅，食落去真係唔錯！味道好夾，個咖喱湯底整得好好，芝士味都濃郁，真係麵不可以貌相！湯底我自己覺得係滿分嘅，不過配菜就爭咁啲，肉只係得壹塊，而且冇呢間鋪頭整得最好食嘅溫泉蛋，略嫌可惜！所以我自己特登加咗隻蛋，不得不讚呢一間拉麵譜整嘅溫泉蛋真係超好食！每次來必食。另外附上我朋友食嘅拉麵總括而言，三重芝士咖喱拉麵值得一試！

拉麵價錢香港黎講十分平民，比坊間要過百蚊既黎講，來得更抵食更值得食.......黑蒜熟成濃湯拉麵黑蒜湯底，蒜頭味道濃情化不開，十足蒜頭味...流心蛋的確流心，但未去到糖心(總係有分別的，只要仍是液體就係流心，但去到半流不流才是糖心)，而叉燒夠厚夠淋，一流!俺流柚子拉麵湯底普通，只有麵面數片柚子，湯底無柚子味，反而我自己落柚子胡椒醬，柚子味仲突出，總括而言，普普通通。俺流餃子，普通餃子，無甚特別……

期間限定拉麵 A：三重芝士咖哩熟成拉麵 - 拉麵的軟硬度，添加的配料（蔥和筍）可以選擇。很大一盤麵，麵上有一層熱溶芝士，芝士香味很夠但不會過重，跟微辣的咖哩配起來味道不錯。麵條份量很足，菜（蔥、筍）也不少，但只有一塊小小的豬肉塊。大版燒餃子：皮厚，有彈牙的口感，足餡夠味（肉汁很香，還加了一點沙拉醬），值得一試。日式胡麻雞肉沙律：雞肉軟軟的，醬汁味道濃郁，又多（我本人希望少下醬，但味道還是不錯），菜挺新鮮。服務周到。