倪姐泰國美食 (已結業)

係香港要食泰國菜，任誰都會想起九龍城。成行成市嘅泰菜舖，無番咁上下功力都好難在九龍城生存。九龍城出名嘅簡樸嘅大多都試過，今日就黎試下倪姐泰國美食。甫進門就知道是主打親民價格的泰菜舖。睇到牆上嘅標語，更令我期待今晚嘅佳餚！同細食朋友商量左一陣，決定嗌3個餸試試倪姐嘅手勢！往掏空了的法包內倒入香濃咖哩。材料包括蝦、魷魚、洋蔥、三色椒等，椰味香，配埋清新蔬菜，幾開胃！第一道上菜嘅係「金枕頭」。別以為我地第一道就食生果，其實是掏空法包，再往入面倒進香濃咖哩嘅菜式。材料包括蝦、魷魚、洋蔥、三色椒等，椰味香，配埋清新蔬菜，幾開胃！以原隻南瓜為盅，內裡的南瓜肉當然也放到咖哩裡煮，絕無浪費！咖哩偏辣，份量十足，不防一試！第二道菜同樣是咖哩，名為「黃金海鮮盅」。黃金即是咖哩，再以原隻南瓜為盅，內裡的南瓜肉當然也放到咖哩裡煮，絕無浪費！雖然跟「金枕頭」同為咖哩，不過相比起來較辣，而且份量十足，足足有3隻青口和數隻大蝦，不防一試！名爐烏頭魚加入各種酸菜烹煮，魚肉入味！最後一道是愛吃魚嘅我至愛！身為潮洲妹更是對烏頭情有獨鍾！雖然唔係凍食，不過加入各種酸菜烹煮，魚肉入味，令人一口一口就把魚吃淨得排骨！聽說倪姐嘅

又回到九龍城！朋友推介我地試呢間～夏日炎炎，一坐低就點了杯龍眼冰！$20好多龍眼肉，甜度岩岩好！非常解渴！黃咖哩雞$73咖哩椰香味較重，不算辣，雞肉嫩滑～再加了一碗白米飯，送飯一流！男友非常喜歡！鹵水豬手船河$58河粉較大片，滑滑的～鹵水豬手豬皮軟韌，肉質夠稔，鹹甜恰好！好鐘認食！湯底微辣，充滿蒜香！串燒（分別點了豬、牛、雞全翼）$16、$16、$18非常有驚喜！一上碟，光看賣相已經知好食！份量十足不用說，豬、牛肉都十分juicy , 醃得不會太鹹。雞翼脹卜卜，好吸引，表皮燒得薄脆，肉質鮮嫩！仲有串燒花生醬，更加惹味！總結覺得餐廳菜式味道佳，環境亦算舒服，價錢合理，下次會再來！

次次黎九龍城食泰菜都會食倪姐，因為真係十足十泰國風味，用料又新鮮👍🏻忍唔住要寫一寫讚一讚睇相已經聞到正宗船河香味🤤🤤用料好豐富，大大碗🍜🐷肉丸同肉片好新鮮、好香調味既香料香菜絕對係主角😍湯底亦非常香濃，有一陣陣香草既味道☺️大熱天時食真係好滋陰🙈Love it !!仲叫左杯青檸梳打🍹實在透心涼🤤獅蚶❤️勁鮮！見到廚房即開啖啖都係肉 超正！黎個合照🥇食過幾次都覺得倪姐實在好底食👍🏻味道一流🤤選擇又多🤤價錢又平絕對大推！格局都係滿滿城寨泰菜既格局 好適合同朋友黎飽嘗泰國美食😝👅店員又好人又好介紹 ☺️次次都好滿意

九龍城即刻會聯想到泰國菜...相信你亦有同感吧...泰國菜遍地開花既小區...究竟揀邊間好呢？上網睇過下...見到呢間倪姐泰國美食之前有報導過入面有個HKD98無限時任飲任食泰式邊爐...好似幾吸引...就試一試吧門口好闊...相信入面都唔細...時日晚飯六時正...餐廳才剛開始晚市我們就坐下了...暫時人流不多...店內裝修簡潔...光光猛猛...牆上也有些泰國的裝飾增添了處於泰國之中的氣氛...而餐具是用了簡單的雲石紋...白白淨淨最貼心的是枱上擺放了紙巾給客人使用Menu厚厚的一本...泰國菜款式亦很齊全...生蝦刺身...沙律...泰式小吃...串燒...咖哩...炒粉麵飯...蔬菜...冬陰公！！應有盡用上菜時間沒有等太久...跟平常的速度無異...我準備好個胃啦...先來馬拉盞炒通菜這道菜是我去泰國餐廳必點的菜式...因為外面的馬拉盞炒得非常香口惹味...而自己做家少的話想必是有一定的差距...太難了這一間可能是有正宗泰式廚師坐陣...所以通菜炒得非常入味好吃...份量都幾多！通菜質感爽口...啱啱好又唔油膩...食過半碟就覺得有點咸...但飲杯水又可以繼續！哈哈！推介泰式

終於試到倪姐閒日八點到黎唔洗等位一坐低就叫左泰式生蝦刺身，$98有六隻！蝦好大隻、厚肉、個醬先係重點，比平時紅色個隻唔同，係綠色的，辣勁多！好刺激呀食到！生菜豬肉包可以話係泰國野必點就咁食定係包生菜，定係撈飯食，佢辣辣酸酸既汁都令人好想再食一啖炒金邊飯，有蛋網係出面包住，好有特色！味道都好好、份量又多黃咖啡雞、算蓉包係絕配咖啡個味可以話係100%match我味道，有適中既椰汁味、冇青紅椒、夠濃夠杰鹽燒原條烏頭都係我至愛黎架！等左好耐先上因為佢即叫即燒，都係僅僅熟！好新鮮好嫩口！甜品唔小得芒果糯米飯啦佢淋上熱辣辣既椰汁，芒果又超甜，100分！以後去九龍城食泰國野會首選倪姐

我以前喺九龍城做嘢 識到一班好同事 而家雖然我有我嘅忙碌 但係我亦都會定期返去九龍城同一班老友聚一聚 所以就嚟到呢間餐廳到食泰國菜 尋找東南亞風情燒豬頸肉沙律 豬頸肉燒得非常之香口鬆脆油分亦都好足夠 可能呢個先係正宗嘅泰國燒豬頸肉 因為真係非常之辣 好刺激呀 呢個時候就要搭配新鮮嘅生菜一齊食 除咗解辣之外 更加可以令到成個菜式嘅口感更上一層樓秘製蜜沙文咖哩牛腩 咖哩牛腩除咗有傳統嘅咖哩味之外 仲有非常之香口辛辣嘅感覺 亦有少少甜味 配搭得天衣無縫 而牛腩嘅肉質非常之淋 一啲都唔韌 又冇筋又唔痴牙 非常之正泰式海南雞飯 雞肉香滑得黎 非常之有雞味 而飯嘅質感亦都非常之有口感 值得一讚芒果糯米飯 芒果又新鮮又香甜 糯米飯亦都煮得啱啱好 口感煙韌但又唔係煮爛 加上濃香椰漿 配搭香甜嘅芒果一齊食簡直就係絕配 令到今餐畫上非常之完美嘅句號

夜晚嚟九龍城搵食，梗係食泰國嘢啦嘩呢間嘢大間得嚟又坐滿哂人，實有保證兩個人叫咗個青咖哩炒飯，揀咗雞肉好快就炒起咗上嚟，炒得好香又熱辣辣雖然睇落幾淺色，但係香料味好濃用咗好多金不換嘅葉嚟炒，有秋葵粒，少少辣椒，好惹味話咁快就俾我哋清哂成碟，一粒飯都不留泰式糯米釀雞翼，雞全翼有鎚，翼同雞尖烤得熱辣辣，雞皮薄又香脆，雞肉嫩滑入面釀嘅糯米好飽滿，仲有花生，似生炒糯米飯，但味道唔會太重，唔會蓋過雞翼嘅香肉碎生菜包揀咗牛肉，呢個肉碎堅係嘢！同炒飯一樣係用咗少少秋葵粒，但係仲有好多磨爛哂嘅辣椒籽！！！一粒粒白色本身以為係蒜蓉，點知食落就發現個種辣味嘅後勁好強再加上魚露嘅味道，鹹鹹香香，好啱包生菜食牛肉肉質好嫩，配埋洋蔥等香料，一齊食好惹味食到污糟都抵串燒方面叫咗泰式蝦餅，魷魚鬚，帶子同雞肝，共四串，配沙嗲醬泰式蝦餅夠彈牙，魷魚鬚同燒汁好夾，帶子嫩滑不得不提嘅係燒雞肝！雞肝粉嫩冇腥味，燒得好香，外面頗乾，點埋沙嗲汁一齊食好夾總括黎講呢度上嘢快，啲嘢食平靚正，嚟九龍城食泰國嘢呢度就啱

同朋友相約到九龍城食泰國菜餐廳裝修 唔算華麗牆上既人象畫 扇 同 鐘為餐廳加入泰國既風味點左餐飲先食泰國菜 我就最愛食生蝦雖然驚喜不大 但也算不錯蝦夠爽口 配上辣椒 辣蒜 同 辣醬 衝擊味蕾黃咖哩雞 咖哩香濃而又不會太辣食咖哩 又點可以唔配香脆既薄餅呢海鮮菠蘿炒飯飯炒得香口海鮮料亦足燒牛肉 雖然牛味並不重但經過燒烤 香口 肉亦夠淋身點左少量串燒燒牛肉 燒豬肉 燒雞 同燒雞腎朋友點左個明爐烏頭魚 我本身就唔太好烏頭魚不過賣相好吸引用左個魚形既碟裝住再係下面用慢火熱住黎食個湯底係幾吸引 酸酸地 幾開胃最後食埋芒果糯米飯為今餐飯作結

聽聞這間的船河，是用地道泰國風味，由廿幾種香料，再煲幾個鐘以上，以湯底黎講就一定足料，坐底左夏日炎炎，叫一個椰青，清涼一下，新鮮清甜所以我叫左個豬肉丸船河，一飲下湯底，真係好厚實的味道，少少辣感同酸酸地，因為咁多材料，仲有少少藥材味，其實我幾鍾意個炸豬皮，炸到香香脆脆，豬肉丸同豬肉都好食食完再整多個，泰國特產芒果糯米飯，新鮮熱辣辣既糯米同紫糯米，兩款風咪的米都有齊，香甜的椰汁，甜到入心，仲有香甜芒果，酸酸甜甜中和番，正

雖然成日去九龍城開餐，但每次路經都無留意呢間倪姐，可能夾起小店同樂口福中間嘅佢，門面比較唔起眼啦～所以今次試新嘢！估唔到都幾有驚喜，下次食泰國嘢一定再嚟！極度迷戀冬蔭公湯嘅我，加埋對河粉情有獨鍾嘅老公，得出咗叫碗冬蔭公湯河嘅結論，放棄咗呢度馳名船河！但呢碗$60嘅粉真係抵到不得了，嚟到時見咁大碗真係嚇一跳，都知呢次弊啦～實食唔晒~份量係兩個人係唔會食得晒㗎~湯亦足料夠香辣，4個人食都不為過呀～啲河粉仲係粗條片狀，呢個做法就真係泰國街邊檔嘅方法啦～夠正宗！芒果沙冰好好好大杯呀～仲好好飲添，絕唔會得死甜，good~飲完透心涼呀～獅奄隻隻開晒，唔太多血水，鮮甜！好喜歡呢個拼盤，幾款都各具特色，質素極高！春卷一啲都唔hea,足料非常~蝦餅亦夠彈牙，好滿足~燒烤叫咗司華力腸同雞翼，隻雞翼非常大隻，肉地豐厚，絕非浪得虛名~呢個香蕉蒲餅唔係度度有㗎~呢個做法係特別滋味~可愛嘅蒜蓉包，唔係一片片咁少事，係一個小bun唾，呢餐真係對老闆加晒分，無縮骨，抵讚！下次再嚟幫趁啦喂～

九龍城云云泰國菜中, 朋友推薦我地一定要試下呢間由泰國人經營既餐廳! 我地好早黎到所以唔洗等位。餐牌好多選擇, 花多眼亂啊! 我地頭盤叫左酸辣鳳爪沙律 $65, 酸酸辣辣非常開胃啊! 仲叫左今晚既廚師推介, 泰式燒糯米雞翼 $45/隻, 佢比我想像中大隻好多, 不過都岩既$45無理由太細隻姐, 佢既皮燒得好脆但啲肉仲係好嫩, 糯米飯就似中式個啲咁。好味! 菜呢就叫左馬拉盞炒椰菜苗 $78 份量都算大, 馬拉盞好香, 有好微辣既味道。 主菜分別叫左鮮蝦炒金邊粉$73 同埋香葉肉碎炒飯 $75。同之前既食物都一樣, 好大碟啊! 金邊粉酸酸咁令人一啖接一啖啊! 啲蝦真係好新鮮, 勁彈牙, 夠晒誠意! 香葉肉碎炒飯好香因為佢落左好多Basil去炒, 有少少辣, 我接受到既程度! 口味都算係清清地, 無其他野咁濃。碟碟份量都好多, 岩晒一班朋友一齊黎食啊!

朋友相約於星期四，喺九龍城食飯， 平時去九龍城，一定係食泰國嘢當然今次都唔例外。先點了豬肉碎生菜包， 份量十足， 口感出色，充滿泰國風味， 最得人鍾意係佢肥瘦均稱，唔會一口肥肉成口油， 當然生菜包一向都係我嘅至愛， 其實我都有啲要求 ，但係佢個肉末，真係做得幾好，又唔會覺得鞋口。再來燒豬肉配泰式燒魚餅再配泰式燒墨魚丸， 全部都係燒烤物， 燒魚餅同墨魚丸就冇咩特別 ，不過朋友鍾意食就冇辦法， 都係啲簡單嘢。 但係個燒豬肉， 食得出係用心製作，啱啱好，味道十足。主食海南雞飯， 睇住佢原隻雞咁砌出嚟， 都幾驚喜 ，本來仲諗緊會唔會係啲雞頭雞尾，都幾有誠意，加上個雞夠滑， 雞醬又好味。飲品方面，點了龍眼冰， 好多龍眼肉， 視覺上都幾驚喜。最後芒果糯米飯， 星期四仲可以加一蚊換購， 真係性價比十足。下次都會平日再來 ，因為原來唔同日子有唔同優惠。

今晚來到九龍城搵食， 唔使多講緊係要食泰菜。 大部份泰菜館都是試過， 今晚去了揾倪姐， 貪佢夠地道價錢抵吃。 先來一客 大蝦冬陰功湯(小)。 遠睇好似份量好少但其實二人喝剛剛好唔會太飽。材料豐富，大頭蝦好大隻， 蝦肉結實彈牙仲有好香嘅蝦膏， 草菇蘑菇份量不少。 湯嘅味道真係冇得頂絕對正宗。 各種香料味道配合得宜，嗆喉之餘味道有層次，正! 泰式海南雞飯($55)。 呢個係我哋每次必點的泰式食物。 雞件外表雖然不太靚仔， 但絕對有雞味而且肉滑帶甜。 雞油飯飯香軟熟唔油膩。 個秘製海南雞醬必點，真係好惹味!泰國正宗牛丸船河 ($45)呢個都係招牌菜。 船河湯底味濃， 充滿藥材味， 河寬闊而較硬， 牛丸鮮爽彈牙，牛味頗濃， 配合成個湯底好適合重口味人士， 對我來說有點過了， 所以order了一杯椰汁冰解解濃味。 椰汁冰香甜椰味突出，很解渴。我們order的串燒來了。 小店不用每款最少指定數量， 可以少少哋每款叫一串試吓都得， 但minimum 都要叫四串。雞翼很有炭火的味道，裏面仍然juicy. 燒雞肝估唔到又滑又香媲美鵝肝。 放上適量鹽巴， 很美味的一款串燒。 燒魷魚酥惹味非常魷魚鬚很軟熟，

同住在黃大仙區的四位友人，即興之下相約到九龍城食泰菜。朋友仔就建議去幫襯倪姐，話上次食過好好味，又抵食。去到發現，原來我都有幫襯過架！店內食物都幾多選擇，基本的泰菜都有供應。價錢方面亦幾親民，幾十蚊一個主菜。黃咖喱配薄餅，係最強組合。咖喱有椰汁味，而且有幾多雞肉。薄餅就可以吸收咖喱汁的精華，一點都唔浪費。菠蘿炒飯有唔少海鮮，但味道稍為弱啲啲。我哋亦點左幾款串燒，當中串燒豬最好食，香口又有咬口。燒牛肉係其中一個驚喜，牛肉燒到七至八成熟，中間仲係輕輕的粉紅。而且香料配搭亦做得唔錯，點上醬汁又係另一種層次的美味。明爐燒烏頭就夠晒睇頭，酸酸地又唔太辣，啱晒我哋幾位女士。芒果糯米飯是女仕的甜品，又是晚飯的句號。

嚟到九龍城梗係要食泰國菜啦！裝修好有泰國風味，一入去好似去咗泰國咁平日有一人一鍋都幾特別架叫咗個《大蝦冬陰公湯》$78個湯夠酸夠辣，入面又有勁多配菜同香料，隻蝦都真係幾大隻，而且肉質爽口彈牙《青咖喱炒飯(豬)》$65一捧上黎就聞到超大浸椰汁味😋同埋碟飯勁大碟，65都幾抵食《馬拉盞椰菜苗》$70馬拉盞椰菜係我去泰國餐廳一定嗌係嘅一道菜，因為平時好少可以係其他餐廳食到椰菜苗呢度嘅椰菜煮得啱啱好，軟硬度適中👍都叫咗四串串燒，分別係豬、牛、雞 $13/1特別想講雞串燒，外脆內滑，仲有肉汁！同埋啲醬汁同泰國串燒嘅醬汁真係差不多一樣味！😍😍同朋友一人叫咗一杯《椰汁冰》 $20椰汁冰香滑，極重椰奶味！香甜又解渴🥛