倫哥尊尚火鍋私房菜 (已結業)

好耐冇寫食評，但今次難得食到倫哥火鍋都要分享一下！倫哥大名成日都聽，今次去咗佐敦分店，但要注意既係跟google map係好難搵到入口，因為原來入口係喺佐敦道，兜咗個大圈...上到去就會發現原來地方好大，成層都係佢，張枱都好大，同朋友距離有d遠！野食方面，我哋叫咗$198餐，食咗雞煲先。待應服務好好，同我哋解釋佢哋係用生雞做，上枱要整8分鐘，仲要每2分鐘攪一次，大部分都係佢幫我哋攪！隻雞好有驚喜，超級嫩！完全唔似平時任食雞煲既質素，又大份，超讚！食完雞煲就開始打邊爐啦！湯底可以揀蕃茄或者酸菜，我哋揀咗蕃茄。係醬料方便有好多揀，最特別係有黃燈籠辣椒醬，唔係度度有，辣得好過癮！係野食方面，有個海鮮拼盤送咗比我哋，有大大隻蠔、鮑魚、青口等，已經值回票價，最緊要佢係新鮮，唔係求其送比你！而且雖然可以拎既唔係話好多種類，但應有既都有，連響鈴、牛栢葉、水魷魚都有，最意外既係有鵪鶉蛋，試一試原來係好好味，下次打邊爐可以買嚟試下！飲品方面係任飲，但想飲啤酒既話就要再加錢啦！食到差唔多尾，待應每人比碗糖水我哋，係椰汁嚟，好濃郁同滋潤總括嚟講呢度值得食，只係冇雪糕/雪條食，唔夠滿足！

天氣開始涼 又係打邊爐既季節！想食麻辣雞煲，所以係openrice度搵左倫哥私房菜。我大約七點上到去，時間尚早又係平日，所以都唔洗等位，到七點半到八點既時候就開始滿座。我揀左198既任食雞煲，上到枱啲姐姐會教我地兩分鐘炒一次，炒四次就會熟，不過其實佢地有時間既話都會主動幫過黎幫我地炒炒完之後勁香，食落啲雞都好嫩滑唔會鞋，不過雞煲既重點梗係個辣汁啦！我幾鐘意佢有好香既花椒八角味，食落麻香辣度又唔會過份刺激，有時食其他太辣真係一啖雞配一啖水倫哥食完一轉之後可以refill一次雞，但其實佢本身份量已經有一隻雞，兩個人食完一轉已經飽五成😂所以就無再叫 留肚加湯打邊爐，有蕃茄同酸菜湯底 我揀左酸菜火鍋配料都幾多架！仲送海鮮拼盤，有鮑魚，帶子，海蝦，廣島蠔，好足料。任食既係出去拎既，可以按自己既食量黎拎，避免浪費脹卜卜既蠔🤤整體配料既選擇都唔錯，湯底都好惹味，但食完隻雞都飽左一半🤭，所以食左好少野就要收工雞煲係值得黎食既！

今日去試下倫哥私房菜, 成日聽, 但真正去食係第一次!我地叫既係288$ 任食放題 主要分別係海鮮會比較多!首先會係雞煲任食, 雞可以無限加, 但我地2人而已, 其實都好難食得晒. 有得選辣度 我地選既係小辣, 因為香港人平均胃唔太好, 以免太刺激胃.成個鍋香料配料十足, 香味十分強, 基本上香味都會令人有小小流口水既感覺.雞係生的, 所以請大家一定要煮熟,如果唔係好易食到肚痛. 但係呢個鍋比較難整係要焗2分鍾要炒2分鍾防痴底.經過一番努力之下都終於成功上碟. 但係難以避免都係比較易燶, 有小小焦.但雞肉本身好鬆軟, 肉身白色, 比較新鮮, 如果為暗灰色代表肉質無咁靚.雞肉好juicy, 汁濃, 味道本身都濃所以算係唔錯. 但份量有點多! 之後我地就換鍋食火鍋(288$ 餐先有得換鍋, 如果唔係就要用同一個鍋)呢到鍋大, 搵野會辛苦小小, 可以改善加d類似劉一手既網仔, 咁煮類似烏冬時起碼唔會四散.288$套餐有送一碟牛頸脊, 牛味比較重既部位, 肉質係彈牙為主. 同angus 差不多基本上係成個套餐最好食既牛.海鮮都係呢個套餐既主打, 但其實去到呢刻已經十分之飽. 呢到海鮮係出色既相

天氣開始涼，最岩就係打邊爐。今晚黎到倫哥尊尚火鍋私房菜，佐敦分店鄰近地鐵站，都幾方便。餐廳環境寬敞舒適，岩哂一大班朋友黎。醒胃前菜係麻香雲耳，入口冰涼又爽脆。花菇鮑魚炆得入味，煙韌有咬口。雞煲自選辣度，唔太食得辣建議揀BB 辣。份量十足既任食雞煲可以無限追加，雞件嫩滑，配以芫茜、紫洋蔥等，勁惹味。之後加湯轉打邊爐，有三款湯底供選擇，包括蕃茄、雜菌、酸菜魚，另亦可加錢轉其他湯底。蕃茄湯底香甜濃郁，大人小朋友都岩。海鮮拼盤有多款時令海鮮，特別推薦生蠔，鹹甜適中，肥美肉滑；帶子味道鮮甜肉厚多汁；海蝦緊實彈牙、青口肉厚滑溜；脆肉鯇爽脆有嚼勁。牛頸脊牛味濃郁，雪花均勻，肉質細嫩且香甜多汁。秘制手打墨魚滑/鮮蝦滑爽口彈牙，味道濃郁，鮮甜爽脆又多汁。另有其他火鍋配料，自助區劃分清晰，推薦炸魚皮、響鈴卷，鮮香酥脆。飲品方面亦有不少選擇，有汽水、無糖茶類等，夠哂多元化。最後更附送糖水，好滋補。

之前去過倫哥深水埗嗰間，食材好新鮮就已經吸引了我，可惜摺咗，今次同朋友相約，就揀咗佐敦喱間試下，好開心嘅係佢哋嘅食材仍然係咁新鮮，環境又大又好，真係可以幫襯多次。

一向係倫哥火鍋擁躉，疫情期間再次到訪。假日6、7點坐滿大約7成，可能因為人比以前少，服務態度都算周到，因為限聚令，2人坐4人檯都幾舒適。點左$288套餐，假日加$10，5款海鮮任點，全線無做刺身，非常失望。頭盤先黎雞煲，水準keep倒好味。海鮮拼盤好失望，同張單張不符，大小聖子無、貝只得一款，乾鮑魚變左平價鮮鮑。 帶子一落水縮到好似粒骰仔咁細D任食的肥牛好韌、豬肉片好鞋，食物水準下降左好多，款式也小左，埋單328一人偏貴，好失望

一去到職員就叫坐係門口個位，但其實我到既時間仲早，餐廳內面仲有好多位。佢門口應該無無裝冷氣既，成餐飯都好焗，問佢地d職員有無冷氣，佢地就懶係搞笑hea過左我就算。之後，佢先開正門部冷氣先無咁焗。而加雞方面，佢係每次都要拎d新雞落個煲度。我今天第一次黎食，唔知佢要用番個煲，佢地黑白色頭髮個男人態度就勁差咁鬧，問我地係第一次黎食。每次想叫野都要行出去搵職員，否基本上就無人理。雞十分碎，肉不多。中伏一次已嫌多

佐敦倫哥私房菜都真係位置理想一出地鐵行2分鐘都到,原來個價錢又幾合理WO，先講觀感,開頭以為去左大陸，因為坐位,台,用品都似大陸既餐廳其實都係讚讚,因為夠闊落更感受到家庭式餐廳既感受佐敦,方便而人又多,出出入入,講既係人流10點就要走走無計喇,政府命令的,因為同時放寬限聚令吧~晚市火鍋海鮮火鍋無限時任食除了火鍋外，雞煲、海鮮拼盤、水餃等。為招牌菜雞煲,任加雞雞煲 ~ 我們點了小辣， 同之前食過，保持水準！ 味道希望可以再入味點。 打邊爐最緊要食肥牛,FREE FOR ORDER, 當然10碟吧麻煩哂又有雞煲，又有火鍋,ENJOY MY LIFE，火鍋FREE好多海鮮，好味，又鮮甜，雞煲不算太辣，飲品選擇正常，下次會再選擇這地方倫哥最好的就是不限時間,值得一去的親朋聚會地方

我哋book咗18:00，可能疫情關係，所以無乜人嚟，一入到去，就叫我哋自己揀位。地方都算寬敞，地方都好乾淨，服務都幾好，幾有禮貌。任食時間就無限。雞煲d雞有啲碎，味道亦一般，叫咗少辣但都唔辣，食得辣可以叫中辣或大辣。海鮮拼盤就有2隻蝦，2粒帶子，2隻蜆，2隻青口火煱都係一般嘅配料，選擇亦不多，亦無乜特別。除咗肥牛同豬係叫人攞，其餘都係自己出去雪櫃到攞，有丸，菇，腸仔，豬皮，牛栢葉，午餐肉，最特別都係鴨血同鵪鶉蛋。飲品選擇都尚可以。

$198雞煲火鍋放題好抵食呀！睇到個價錢，包啲乜嘢嘢食，已經覺得超級抵，即刻同朋友上去，入面都人山人海，所以建議是先訂座會比較穩陣。首先大大煲雞煲，超吸引又惹味，上面仲有啲芫荽提升鮮味，仲可以無限任食，愛吃雞的不能錯過！佢仲有個海鮮嘅，不過食得太忘形唔記得咗影相，之後叫咗好多食物配料就影咗好多相啦，基本上豬牛羊都係可以任你叫，食落都夠新鮮，至少對得住價錢！出面仲有好多各式各樣嘅食品配料可以任君選擇，飲品選擇都超過10幾款，豬紅就彈牙有鹹香。最後仲有驚喜，有一個好似燕窩嘅甜品，口感已經贏晒，而且甜味適中，味道香濃，實在吸引。如果想抵食去食一餐豐富嘅雞煲任食，仲要喺香港市中心附近範圍食到呢個價錢，不妨試吓呢一間啦～

每次食雞煲都鍾意試下唔同店，今次就來左呢間倫哥雞煲私房菜！侍應叫我地關蓋煲大約7-8分鐘之後，一定要炒下d雞，如果唔係就痴底。我地一打開個蓋就感受到呢間嘅雞煲同其他店嘅唔同，呢度嘅雞煲裡面嘅調味香料係十分濃郁，以至於係煲滾煙冒起嘅時候，個種味係會令到你打乞嗤嘅程度（特別係如果你個鼻比較敏感），越辣就越勁，我食其他嘅雞煲係未試過咁，可想而知呢雞煲個味道係幾咁惹味，非常香辣可口，而且份量都好多，兩個人淨係食完個雞煲都已經飽飽地！食完雞煲就到火鍋啦，我地揀左薯仔蕃茄湯底。最正就係呢個海鮮拼盤，有鮑魚、青口、蝦、帶子等等，海鮮配以冰塊上碟，保持新鮮度，所以D海鮮熟後食落都幾爽口，唔會霉霉嘅感覺，我就特別喜歡佢個鮑魚，食落有種鮮甜嘅味道！呢度嘅肉都係任叫嘅，我地叫左豬同牛，可能我淥得有d耐，牛肉食落比較韌，所以我鍾意呢度嘅豬肉多d，口感更為嫩滑！呢度飲品除左汽水之外，仲有烏龍茶等幾種茶飲，對於唔飲甜野嘅我來講就o岩曬喇甜品係冰粉，幾特別，冰粉夠凍夠滑！

高質任食雞煲👍🏻✨好耐之前食過一次倫哥私房菜今次套餐有少少轉變喔🔥 啫啫海陸空雞煲放題 $198雞煲依然係任食 無限量添加有海鮮拼盤送 生蠔、鮑魚、青口、帶子、海蝦、魚片其他火鍋配料就自己出去雪櫃攞肥牛同豚肉呢就向侍應落order🔥 雞煲 每2分鐘翻一次 8分鐘就食得！雞肉超入味 花椒八角超惹味喔食到一半左右呢 order左碟肥牛肥牛放埋落去炒 朋友見我甘樣整法表示好奇 但超級好食同樣做法 加左少少金菇落好炒 正👍🏻🔥 海鮮拼盤 用料新鮮啲生蠔 鮑魚 大大隻 送嘅同樣岀色🔥 火鍋 湯底選擇咗酸菜湯 好香濃任叫嘅肥牛、黑豚肉 肉質唔差岀面自取嘅火鍋配料 質素也不錯松露小籠包 果真有松露味牛骨清湯牛丸 爆哂汁🤤✨ 最後仲有黑糖冰粉送潤下喉 🔺 食到飽飽都係二百零蚊埋單 性價比高🍽 倫哥尊尚火鍋私房菜🔎 佐敦佐敦道26號E 2樓

好耐冇食過倫哥喇！宜家推出咗一個198嘅套餐 - 任食雞煲加打邊爐。呢個價錢仲附送一個海鮮拼盤。海鮮拼盤都幾高級，有鮑魚，青口，生蠔，海蝦，帶子，沙白同埋鯇魚。份量係按照人數俾嘅。餐廳職員仲會幫你煮鮑魚同青口，話埋俾你幾多分鐘之後就可以食，好貼心！雞煲2個人份量都有一隻雞，佢有得俾你揀辣度，今次就揀咗BB辣。同樣餐廳職員都會教你點樣炒呢個雞煲。呢個雞煲超好食，味道濃郁，少少麻麻地，好想一舊接一舊食落去。最重點係呢個雞超嫩滑，佢切到細細件，雞件更加入味同埋容易食。享受完雞煲之後仲可以任食火鍋。可以自選鍋底，包括番茄湯，酸菜魚湯等。佢有好多配料任食，鵝腸，牛柏葉，牛肉，豬肉等。以呢個價位，又有任食雞煲，又有任食火鍋同埋嘢飲同甜品真係超級抵！

尋晚去咗打邊爐呢間火鍋店出名高質所以去咗試下先呢個雞煲有得揀唔辣bb辣 大中小辣雞煲每隔兩分鐘要炒一炒炒幾次之後就食得不過記得要睇住火呀唔係有機會燶基本調味好好食肉質軟滑值得一讚雞可以任添之後就可以火鍋有得揀成個煲換又或者加湯佢會有一盤嚟先送畀你有生蠔帶子蝦青口勁扺食強烈推薦牛頸脊雖然要加錢不過好食好多

唻之前我以為係食海鮮煲之後侍應俾雞煲 我仲以為俾錯原來魚與熊掌 兩者兼得 而且份量都唔錯侍應教我地要煲八分鐘 每兩分鐘攪一次打開個蓋 啲雞多到可以分三餐食飲品櫃 呢個年紀開始肥 有茶揀實在太好肥牛同豬肉 各類丸呀 蟹柳呀 菜呀 都係任食嘅 咁呢啲就不多作介紹喇 間間都咁上下要介紹嘅係任食嘅響鈴同魚皮魚皮真係好抵嗌連平時奄尖聲悶嘅呀媽都大讚佢新鮮冇油抑味 平日都冇見過佢食魚皮呢類炸嘢 今晚係咁食係咁叫我出去拎最尾呢個涼粉係解辣嘅透明 涼浸浸 清清甜甜咁