倫哥尊尚火鍋私房菜 (已結業)

佐敦都很多美食，這間倫哥尊尚火鍋私房菜是我今晚來到佐敦揀選的餐廳。餐廳佔2樓全層， 裝修雅緻舒適。半任食海鮮火鍋套餐$288/位，加一後317/位。先上的是跟餐的一次性食物鮑魚及鮮冬菇。鮑魚扣得入味，鮮冬菇又腍又滑，非常好味。跟著雞煲上枱，大大煲，雞肉切得大大件，上枱後侍應前後炒上六次，每次熱辣辣的雞煲麻香辣味飄出，份外的令人垂涎，雞肉麻辣香口，又嫩又滑又惹味，滿滿的香辣刺激味蕾，真的非常滋味！！食完雞煲跟著轉煲食火鍋，要了個芫茜皮蛋湯底，跟著餐廳送上跟餐一次性的海鮮拼盤，有班片、帶子、 海蝦、 半隻蟹、廣島蠔及蜆 …，各款海鮮都很新鮮又鮮甜。美國手切牛頸脊跟套餐一次性的美國手切牛頸脊，用冰底墊上，牛肉味濃郁， 越食越滋味！餐廳放題任食的也有非常多款式，有 餃子及其他、丸類及肉類、炸物及麵類、蔬菜及飲品 ……等等！手切肥牛片、手切黑豚肉是我的最愛， 每樣要了兩碟。肥牛油香有牛肉味。黑豚肉比一般的豬肉肉質緊緻，肉味香。最後餐廳還送上一個甜品，椰汁雪燕， 甜度剛剛好，帶點清涼的口感 ，香滑又滋味。今晚的倫哥尊尚火鍋私菜食得非常開心， 無論雞煲、火鍋、海鮮、牛肉……，食得開心又滿足，且滋味無

好耐冇食雞煲，天氣開始凍，好想食下雞煲。以前都食過倫哥的雞煲配火鍋，好難忘！所以難得有機會食雞煲，當然去倫哥啦......我們去佐敦那間，2樓全層，地方當然大啦！座位亦很寬敞。先雞煲，後邊爐！因我不食辣，所以點了BB辣！店員話要煮8分鐘，每兩分鐘炒下。見到香濃的雞，已急不及待問下店員食得未 怎知店員告知仍要煮多一分鐘 -_-去取飲品先，櫃內飲品任飲。終於食得喇！雞件份量很多，每隻雞件都沾滿香濃的醬汁，食得津津有味 食到大半已經好滿足，誰知店員告知可以再添加雞件的，我們就再加多少少再回味一下！因仲要留肚打邊爐。我們揀 $198/位任食，因主要食雞煲嘛！所以火鍋湯底有兩款選擇，蕃茄及酸菜魚，疫情關係，要食多D維他命C增強體力，所以我們點了蕃茄湯底。原來會轉煲的(以為可以再留返D雞一陣食)。去取配料......海鮮拼盤，只得一次。樣樣都很新鮮，不錯！豬及牛肉可再點的，但我們已經飽，所以邊爐食既野唔多。食到最後，原來仲有甜品的 椰汁雪燕西米露，好味！

倫哥私房菜，是近年冒起得最快的火鍋放題，今晚便來到位於佐敦的分店。可能由於限聚令由四人減至二人，所以今晚店內比較少人。選擇了$288套餐，任吃配料40多款，送美國手切牛頸脊及海鮮部份無限任食，另外汽水果汁任飲，啤酒另外付費。餐前小食，每位有鮑魚和冬菇各一隻，味道鮮美。美國手切牛頸脊，牛肉味道十足，脂肪分布均勻。汽水、蔬菜和丸類都是自取的。麻辣雞煲的雞肉份量十足，配料亦很豐富，又香又辣。雞肉嫩滑，吸收了配料的香和辣之後，味道更加美味。 吃完雞煲之後，可以選擇湯底，我們選擇了芫荽皮蛋湯底，芫荽份量十足，湯頭清甜。海鮮盤包括海蝦、青口、魷魚、肉蟹、帶子、象拔蚌、生蠔、脆肉鯇魚腩、蜆，和龍躉片，其中以脆肉鯇魚腩最為新鮮爽口彈牙。而海蝦、青口、脆肉魚鯇腩、蜆和龍躉片，可以任點任吃。牛肉和豚肉，脂肪分布均勻，只需放在湯內一會便可進食。墨魚滑和蝦滑，爽口彈牙，可以任吃。👍這裏的丸類選擇很多，每款都很爽口彈牙，其中以芋頭貢丸最為新穎，又好味。飯後還有免費的椰汁燕窩贈送，椰汁味道濃郁，燕窩份量充足，為今晚的放題畫上了一個完美的句號。

之前食過西環分店，都記得倫哥好抵食朋友話天氣凍想食雞煲，而我想打邊爐咁去倫哥就唔洗爭啦，食完雞煲打邊爐好公平$288套餐可以任食部分海鮮 (蝦,蜆,魚等等)，送一碟美國牛頸脊本地肥牛同埋豬就可以任叫岩哂大食既人仲有好多飲品任飲，欣賞佢有coke zero!-一坐低就有前菜，花菇鮑魚雲耳同埋麻辣豆角雞煲有姐姐幫我地炒，因為佢叫我地著白色衫怕D汁會彈起，都幾貼心我地唔係好食得辣，所以叫左BB辣，份量都幾多，留肚打邊爐所以都係食唔哂D雞-湯底要左芫茜皮蛋湯好清既湯底，可以中和返頭先雞煲既重味道配料就自己出雪櫃拎，都幾多丸類既選擇仲有出面冇得拎既出前一丁，記住舉手同姐姐拎呀～最後仲有糖水送-我地encore左蝦同埋蜆，其他野基本上都夠食就冇特別再叫lu~因為我地細食，都食到勁飽如果朋友好大食，又想無限時任食既話呢度就岩哂啦！

食過好多次倫哥，因為喺雞煲界入邊都算係好有質素，今晚天氣凍番啲，突然好想食，所以又再次光臨。 不嬲我覺得倫哥都係貴精不貴多，普通食材選擇唔多，但海鮮類就可以任食，而且非常高質。首先食咗雞煲先。雞煲真係好好味，偏向重慶嘅味道，有好濃嘅花椒味，啱晒我！而且雞肉非常嫩滑又入味，食完唔夠喉仲可以再嗌。雞煲完之後就打邊爐，有幾款湯底可以揀，芫荽皮蛋、牛奶豬骨湯、蕃茄濃湯、雜菇、酸菜湯，今次就試吓酸菜湯。湯入面雖然好多酸菜但估唔到仲有好多脆玉鯇！海鮮方面全部都好新鮮選擇亦都好多，龍躉、脆肉鯇魚片係我最愛，不斷encore。仲有牛肩肉，薄薄一片 ，牛味香濃，好滿足！自助區都有好多一般嘅配料，同埋飲品，都好豐富，最後仲送返甜品俾我哋，椰汁甜品，唔太甜味道幾好！

今日同屋企人來佐敦呢間倫哥，我記得以往倫哥都係主力雞煲同價位都大約在三百幾蚊左右，見到有個198套餐又係時候去試下。個雞煲都一如既往咁保持水準，雞件都係大大塊，啖啖肉的。仲可以再添。到火鍋的時候，職員仲好細心咁幫我們將鍋底小小燒焦的部分清走先再幫我們落湯，今次我哋試番茄湯底，眼見其他客人的湯底都好吸引，又有酸菜魚等等，下次一定要試下。形式有少少跟以往的不同了，像放題般自己出去攞食物，大部分的食物都係獨立放好一份份，咁就唔會驚自己眼闊肚窄攞多左，又唔需要一直找職員幫手落單。但有些肉類都還是需要找職員幫手落單。丸類數數下都有成10款8款，我最推薦係芝士牛丸，記得呢款有芝士芯的牛丸係其他好多地方度食都係特別貴的。但在這裡係任食呀。。。。仲有香芋丸。。龍蝦沙律丸等等。唔可以唔提係個海鮮拼盤，有大大隻青口喇，又有大大隻鮑魚，仲要全部擦到乾乾淨淨，又有蠔又有蜆。其實總体來講淨係個海鮮拼盤同任點的雞煲已經值回票價，果然倫哥就算有小小改變都沒令人失望。

已經過咗立冬，天氣明顯轉涼，又準備迎接冬天最適宜嘅四大飲食活動....1, BBQ，2, 食羊腩煲，3, 煲仔飯，4, 最後緊係拾吓拾吓打邊爐啦！總覺得冬天做哩四種活動先有 feel,所以夏天唔會走去BBQ打邊爐,一直期待冬天來臨.今次先去進行嘅係打邊爐！由於係佐敦返學,放學之後被師妹捉咗落去倫哥拾吓拾吓,貪佢就腳方便.我又未去過倫哥,落去睇睇咩環境先!一入門,內裡客人不少,相信質素唔會太差.睇完個 menu 之后,由於師妹話想食雞煲先,之后再打邊爐,我就無所謂,師妹埋單,無理由重要求多多.....首先,即使唔識煮餸少下廚嘅人,唔知D雞熟唔熟的話,放心,D服務員會不停提點你,我就受到哩種服務.師妹同我都唔食得辣,所以雞煲走辣成為必選!倫哥嘅雞煲雞肉嫩滑,入味之餘味道帶甜,啱自己口味,所以..... 即使自己唔太好雞煲,但對倫哥嘅雞煲不得不俾個滿分!個雞煲望上去以為份量細細,但食完之后已經飽七成!師妹重可以打邊爐! 果然人仔細細先最拆得!佩服!大部份嘅火鍋配料同飲品都係自助形式,放哂係雪櫃,好處係唔怕漏單.肉類要通知服務員,另外攞俾你.最特別係有個雙色墨魚滑,一黑一白,兩款嘅味道差唔多,

天氣開始轉冷，是時候食火鍋。朋友推薦「倫哥火鍋店」，他們覺得食品新鮮，鮮肉滑，少味精！我是夜與家人一同點了$299的套餐。套餐包括蔬菜、肉、海鮮、飲品，滿足一切要求！食得飽飽的！大家記得在佐敦道望住大大間惠康便是店舖。一到店，店員馬上送上前菜，分別是青豆同埋木雲耳， 而且細心地問我們有沒有其他需要。我們選擇了套餐A，套餐非常豐富，是雞煲火煲。我立即向大家推介。我朋友未食雞煲，已經急急腳拿了不少火鍋材料，首先有響鈴、魚皮、蔬菜、鮮富足等等！因為他喜歡湯底索食材@@雞煲前，職員送上鮑魚冬菇，比美酒店級數，非常入味和爽口！雞煲要煮數分鐘，職員細心走來看看熟的程度，食得安心雞肉好滑！葉得好好味！服務超讚，一般雞煲火鍋，只是雞煲加水，倫哥是額外一個火鍋煲！令人唔會食油膩湯底！火鍋選擇了蕃茄湯底配料超豐富：海鮮（龍躉、青口、海蝦、蜆、鯇魚片、蜆、帶子、生蠔）、牛肉是牛頸脊，頂級位置還有墨魚滑、蝦仁滑，兩種魚滑都是鮮甜彈牙～真是有墨魚在內的！真材實料火煲還有豬肉店內坐滿人放心做足措施,保持社交距離

天氣開始涼涼，今日揀左食雞煲＋打邊爐。位置係佐敦，方便，而家地方夠大，坐得舒服。先來一個bb辣雞煲，因為唔知辣度係掂，待應有提議另外俾小小辣醬我地，唔夠再加，非常貼心。雞煲煮8分鐘，每2分鐘搞動一下，免痴底。 果然時間控制得幾好，雞肉好鮮滑，雖然係bb辣，但都好入味，超微辣，但咬落雞肋骨都好惹味，食完仲可以添雞，都幾抵，其實本身（雞）份量都多，食完一round雞已經好足夠。 冬菇鮑魚 - 鮑魚好入味，冬菇爽口，好食。 打邊爐我哋揀咗芫茜皮蛋湯底，可以清下熱氣。美國手切牛頸肉勁嫩，肉味濃海鮮選料好豐富，品種都幾多，夠新鮮其實仲有50款左右既食材，可以無限添食，都幾抵。 同朋友邊傾邊食都食足3個鐘，又飽又滿足。

眼闊肚窄、三心兩意、舉棋不定，呢幾個四字成語都好適合形容我哋呢一班女人。就好似有選擇困難症嘅我哋，又想食雞煲又想打邊爐......好彩佐敦呢一間餐廳可以一次過滿足晒我哋嘅願望！仲要大件夾抵食，有$199同$299既套餐就可以任食雞煲同任食火鍋。一坐低店員就會問我地雞煲想要咩辣，我哋就揀咗中辣。冇幾耐就上左三碟前菜先。有兩隻鮑魚同冬菇，吸曬蠔油味，好入味！仲有酸辣雲耳同四季豆，爽爽，好適合既大餐前小菜！雞煲我地要少少試下，想留肚打邊爐。雞係生嘅，你要喺枱面炒到熟為止，途中店員會過黎幫手我望下。煲入邊已經有大量嘅香菜同埋辣醬，十分惹味！由生慢慢煎到熟，雞皮煎香收乾出黃油，再用返自己嘅油爆香雞肉，聞起都食指大動。有幾款湯底已包埋可選擇，我地要左雜菌湯底！有蟲草花、冬菇、靈芝菇等，清清地都唔錯！飲品都有兩大櫃選擇，仲有不少韓國飲品，正其他配菜都係任拎，放在雪櫃自由拎套餐有包碟牛頸瘠，脂肪分伴平均，入口有油香之餘又富牛味，而且軟嫩無渣，自己都食左半碟！另外都有包既豬同肥牛任食，好抵，岩曬食肉獸。墨魚滑同蝦滑自定製，啖啖肉又爽口，真係激讚！佢既墨魚粒大大的，真材實料！咁抵仲有海鮮拼盤，上山下海，咩

天氣開始轉涼, 又係時候食雞煲喇,之前一直都聽d fd講呢間好食, 所以今日就黎左喇!地鐵站行過黎幾方便~幾分鐘就到我地叫左個$198任食套餐, 野飲都係任拎ga (酒精除外), 首先就去雪櫃拎左呢2罐~我地唔係好食得辣, 第1 round叫左bb辣既雞煲, 又okay wor!所以第2 round就小辣~ 更加香更加惹味!隔離枱應該叫得好辣, 個鍋蓋一打開就已經有辣味攻過黎, 好過癮 XD一開始雞係生既, 分幾次要炒熟佢,見到係雞脾肉就知真材實料, 加上雞肉又滑又大大舊,又可以任食,  食第1round時已經覺得$198真係超級抵~~~~食完1 round唔夠, 再叫多round,同樣都係大大舊肉, 唔會因為係第2 round而質素唔同, 值得一讚!第2 round甚至比第1 round更好食更啖啖肉~ 無叫錯, 小辣真係更加香口!!!食完第2 round都大半飽了, 之後就轉火鍋喇~拎埋d蔬菜類既料, 等唔好只係食肉肉肉..唔少得丸喇 ~~ 再加d醬汁~疫情期間, 拎野食當然要戴番個口罩喇~轉左火鍋之後, 就可以任叫肉片, 有豬肉同牛肉~叫幾多都得ga! 唔止有肉, 仲要有海鮮 &

倫哥尊尚火鍋私房菜 (佐敦)佐敦佐敦道26號E 2樓-佐敦高質火鍋放題 家庭聚會好地方！😘打邊爐季節又到啦，推薦佐敦冇限時雞煲/火鍋放題，今次試咗海陸空雞煲火鍋，有意外驚喜！❤️🔹香辣雞煲 鍾意食雞煲嘅你不可以錯過可以無限追加，唔覺意食咗三round! 雞煲自選辣度，我哋嗌左中辣。😋雞件嫩滑，充滿芫荽洋蔥，啖啖肉好惹味👍🏼🔹花膠雞煲湯底秋風起又到冬天，食完雞煲可以另外叫火鍋湯底繼續打邊爐~今次試咗養顏花膠雞煲！勁厚切花膠連原隻新鮮雞!湯底足料之外，雞味濃郁，好鮮味😍🔹牛頸脊肉牛肉也是必點之選吧！呢個牛頸脊肉牛味香濃，不油膩，肉質軟熟口感好，值得叫。🔹海鮮拼盤鍾意食海鮮真係唔好錯過海鮮拼盤，可以無限追加！特別推薦青口以及蚌類 ，肉質肥美彈牙👍🏼 生蠔大大隻好肥美，絕不兒戲！啱晒鍾意食海鮮嘅朋友呀😊🔹手打墨魚滑/蝦滑肥仔手打墨魚滑/蝦滑 亦都非常值得一試肉質Q彈爽口 食到一粒粒墨魚肉蝦肉！🔹其他火鍋配料店內仲有唔同丸類同埋蔬菜選擇家人特別鍾意響鈴同埋炸魚皮，酥脆香口👌🏼

天氣開始凍特別想打邊爐食返啲熱嘢， 我自己就比較餵食 多數都會去啲放題度打邊爐 兩三個人嘅時候， 貪佢乜都有得食 ，唔使煩惱點餐今次係第二次上嚟倫哥火鍋私房菜， 貪佢地方夠大， 同埋放題進食嘅時間比一般嘅放題時間長， 今日上嚟比我想像中多人 可能因為天氣凍咗呢度比較自助 點咗個雞煲之後 佢會要求你自己每兩分鐘炒一次 大概炒四次左右就可以食啦😂 不過咁炒下炒下又幾有氣氛嗰嚿雞 好入味呀 又嫩又香口， 我今次點嘅係中辣， 我覺得都唔會話真係好辣 都ok辣度剛剛好， 非常惹味， 如果鍾意食雞嗰啲朋友食完一轉仲可以再加雞㗎， 出面唔係間間雞煲放題可以再加雞食完個雞煲超好咁佢就會可以畀你 重新換一個新嘅湯底用嚟打邊爐， 因為交收都幾熱氣所以我哋選擇咗個芫茜皮蛋湯底， 親親幾都唔錯， 個海鮮拼盤好足料，而且 食材都非常新鮮這個牛肉亦是我嘅至愛， 脂肪嘅比例 均勻 入口即溶墨魚滑 同埋蝦滑都真材實料 ， 打到起曬膠嘅咁，非常Q彈之前嗰啲都係出 一round， 如果可唔夠喉可以 encore呢一款牛肉同 豚肉另外2個雪櫃都有好多款 配料畀你放題任食啤酒係要另外畀錢嘅 不過價錢都合理 鍾意飲酒嘅朋友都

自從疫情爆發左以來好耐都冇出過街食晚餐了經過左幾個月之後今晚終於解封了所以就約埋朋友出去食雞煲咁耐冇食雞煲底下一食飯就梗係要食放題啦今晚就去到佐敦呢度最出名嘅雞煲火鍋店今日比較早嚟到所以好快就可以入到首先店員問我哋要邊一種辣到嘅雞煲因為朋友唔係好食得辣嘅情況下所以我哋揀咗最低辣度嘅微辣呢度嘅雞煲非常之咁惹魅而且仲係相對地比較甜嘅而且每件雞都啖啖肉非常之咁入味每一啖都食到雞煲嘅香濃味道食到差唔多之後我哋就出，拎咗一壺濃湯加入變成火鍋魚湯嘅種類方面就有呢個酸菜湯底或者呢個蕃茄湯底我哋就選擇咗蕃茄湯底店員話千祈唔好加太多濃湯因為加得太多濃湯寶失去左雞煲火鍋嘅原有味道而呢度會每人送一份海鮮裏面有生蠔帶子鯇魚同埋鮑魚仲有大蝦而去到配料方面我最欣賞就係呢度嘅水餃同埋雲吞因為佢哋嘅水餃同雲吞係每日新鮮炮製人手製造唔係嗰啲來貨同埋機器製造的新鮮嘅水餃同埋雲吞就會聞到嗰一浸麵粉嘅香味同埋少少嘅鹼水味道但係就係呢分未到足足證明呢度嘅水餃同雲吞係新鮮包製所以放入到火鍋入面非常之咁好食而且呢度仲有大大盤鮮榨嘅魚皮同埋響鈴脆卜卜嘅魚皮同埋響鈴放入左湯底之後吸收晒湯嘅精華完全係跨啦啦另外我最欣賞就係呢度嘅牛骨清湯

早有聽聞過倫哥私房菜嘅火鍋好正，今日終於約到朋友黎試一試，我地去咗佐敦分店，一開頭見地址係二樓但無大廈名，本來驚好難揾，但各位可以放心，路痴嘅我都望到佢地大大個招牌，其實唔算難。一埋位，店員就俾咗小食，同花菇鮑魚招呼我地，花菇幾有驚喜，花紋幾靚，炆得淋又入味。主角雞煲黎到，店員提醒因為雞仲係生嘅，每隔兩分鐘要炒一炒，共4次以防痴底，過程大約8分鐘，麻煩少少但保證食到新鮮啱啱煮好嘅雞件，雞件嫩滑，醃得入味好好食，仲要無限添加，鍾意叫雞嘅朋友黎試下喇。我地係$288嘅套餐，主要係多咗牛頸脊，海鮮，手打墨魚滑，牛頸脊脂肪分佈平均，有咬口又非常香口，海鮮亦非常新鮮，墨魚滑亦唔會粉，好真材實料，數款海鮮同墨魚滑係任點任食。最後仲上咗甜品，椰汁雪燕滋潤下秋天帶黎嘅乾燥，店員服務周到，態度又好，值得一讚。