倫哥尚品火鍋私房菜 (已結業)

之前食過旺角間倫哥，幾唔錯下，今次有同事farewell，即刻再諗起倫哥，貪佢可以食耐d，一大班人坐低傾下計。一入到去，即刻有少少前菜食，豆角雞腳都唔錯。之後人齊就即刻上返個雞煲，叫左小辣，個雞煲炒得好香好惹味，食左幾輪，都唔算飽食其間仲上左一大碟刺身，三文魚蝦帶子都鮮甜，幾新鮮下，每人食幾件又唔會太飽食完雞之後又叫左個温泉雞火鍋，成盤靚肥牛拎尼，個湯又好飲，仲有幾款海鮮食，真係唔錯！下次有機會一定會再尼

一早BOOK定,7點入座, 一班朋友慶賀生日. 點知食到一個一個咁走, 食左4個鐘.食物次序錯哂, 頭盆係等2個鐘後中場時間食.D雞煲任叫, 但每次要等差唔多成個鐘先有一盆.KEEP住你有餓既感覺.到9點幾, 開始上少少野食, 頭盆一人一件, 時間關係, 人人肚餓, 當然冇FEEL.叫湯底, 都係要等20鐘, 就算係一早安排好既椰皇雞溫泉雞鍋, 都係要有排等.......個醬爆waiter 得個講字, 吹水, 就係唔比野食, 好有技巧醬爆waiter 話叫將D 餃放係冬瓜外圍 "高溫慢煮" 以防個餃會破開走D 鹽份出來, 整差個湯...... 結果係令人更餓......................個湯係餓既情況,都OK. 但個冬瓜就太硬, 最後都試左少少就算. 個牛頸脊份量大約一人2小塊, 但素質都OK,有口感D 海鮮都係一人一件, 但係唔新鮮. 部份蝦有D霉霉地, D 蟹又細又冇肉...........魚滑任叫, 正正常常, 只係都要等下.雲吞一人一粒左右, 都係正正常常.全個SET係正常成年人既6-7成份量, 但係就食足4小時, 要出去加場補一補宵夜先得這次是第二次來了, 比第

等等等等等等，七點準時去到，19个人，分兩張台坐，送果兩碟小食，仲衰過茶樓嗰兩碟花生。等20分鐘嚟個雞窩，再encore雞窩，又等20分鐘。之後又等20分鐘一盤刺身，每人一隻蝦同帶子，全部每人一件，等到人都鬼咁肚餓。之後9:30pm，海鮮，牛肉全部未上臺，要再追, 再等十分鐘先黎，原來都係每人一件，蝦，蜆全部得一隻，真係多得佢唔少，好似去乞咁。原本諗住最後班車十点鐘走得，最後食到11:00，先覺得有飽感覺。所謂私房菜，規限食什麼，之後以為仲有，原來送來一大盤菜畀你，我想食嘅豆腐，魚皮餃，腐竹，全部都冇。一向好少寫評價，係咁差我先會寫。350元一個人，我去食稻香好過仲可以俾我任叫。

倫哥係我少數會encore嘅放題雞煲, 原因係佢多野食得黎, 唔會俾啲垃垃圾圾野你, 食材算係有質素。一黎到有個刺身拼盤濕下口，正常，牡丹蝦係大隻, 不過有啲腥雞煲唔辣真係唔好食, 所以奉勸各位, 唔食得辣都唔好叫唔辣, 起碼少辣雞都算多肉，辣就唔係好辣，即使去到大辣，仍然入到口兩個雞煲各自添食一次之後, 就轉打邊爐梗係要轉佢嘅招牌溫泉雞鍋，啖湯係正，好香椰子味, 濃郁, 不過你睇佢就乾塘咁款，一人分得一啖仔再上就係預定的海鮮盤同兩碟牛頸脊海鮮盤真係好大堆頭, 有蜆, 花甲, 蟶子, 鮑魚, 象拔蚌仔, 脆鯇骨腩同腩片, 海蝦, 帶子真係食哂都唔使食其他了海鮮則質素參差, 本人唔係太好甲殼類, 只吃了花甲和蝦, 還有我鍾意的脆鯇骨腩，花甲和蝦係正常鮮甜, 骨腩都幾脆。可能真係太大堆頭，其他人食食下，就認為帶子和魚腩片係一般, 可以不吃其實, 有冇得唔要咁多呢, 因為真係唔係人人樣樣啱食, 可能會浪費牛肉店員話得一隻，但兩碟好似個樣唔係好同我睇樣係有唔同, 食的時候也覺得有唔同, 不過就唔知邊碟打邊碟再添要加錢, 牛肉不是任食, 但食哂其實已經好夠老實講, 真係食哂佢俾你已經好夠, 其他

雞煲幾好食，刺身都鮮甜大件。打邊爐的湯底都ok，任飲的選擇正常。牛好食但不能refill，我唔係好接收到任食打邊爐牛唔可以refill。部分海鮮不能refill 好正常，但牛🤦🏻‍♀️建議想慳錢既食同獸朋友 fill 一round 雞煲先打邊爐，如果唔係就回不去嫁啦。其他普通火煱料都齊全，但不供火煱紙，我欣賞店家環保既心，但起碼應該有可點既餐牌。下下要問有咩嗌好蠢。價格較貴，但質素亦ok,唯牛不夠吃，好奸😂

我們點了個每人$318餐，包好多野食，飲品任飲，最神奇係佢食野有好明確次序，要先食雞煲，之後刺身，再之後火鍋。一開始佢會先上雞煲，食完仲可以添加，不過如開始食下一道菜，就唔可以再追加雞煲。雞煲好食，可以自己控制時間，又可以炒下，幾好玩。不過佢上雞煲上得好慢，感覺好似拖我地時間咁。之後就上刺身喇，因為我地人多，一大盤刺身真係好壯觀。刺身質素不錯，挺新鮮。之後就上火鍋，佢有幾個湯底可選，某些要先預訂，由於我地無事前預訂，最後選了溫泉雞火鍋。呢個湯超甜，仲有椰肉可以食，推介火鍋會包一堆海鮮、牛肉，海鮮有蟶子、蟹、蝦、帶子、大蜆、小蜆、魚片,鮑魚等等，每人一隻。至於肥牛則非常鮮甜好食，基本上大部海鮮及牛肉都不能免費追加 (除了魚片、蜆、蝦)，要加就俾錢啦。海鮮我覺得質素OK啦，有點沙，所以味道雖好，卻未盡完美。另外仲有一張常見的火鍋物清單，例如金菇、魚皮、芝士腸等幾十款食物，多得不能盡錄。所以無論你幾大食都好，一定食飽。我覺得呢度食物質素係唔值$300以上既，不過真係以量取勝。

平曰食 有房 。 但冷氣廢左要開住門 。 同無房有咩分別 ??8成滿座 侍應得3至4個點菜 服務 落單情況惡劣 服務態度差 人手嚴重不足全場唯一男侍應 由頭到尾 一直黑面無態度可言 唔講以為我招呼返佢 無下次

係朋友介紹下一班人嚟呢間餐廳打邊爐， 一入到去環境都幾舒服，幾寬敞打邊爐之前佢畀我哋食任食雞煲😋d雞都ok😋之後打邊爐 我哋揀咗兩個湯底， 一煲係麻辣湯底，另一煲蕃茄薯仔清湯，我朋友食麻辣個邊佢都話好好食，我食蕃茄薯仔清湯個煲就覺得好清甜我覺得最值得推介就係啲牛肉 d牛肉真係好驚喜😋😋😍😍👍👍一啲都唔韌，口感好好佢啲海鮮都好新鮮，好鮮甜😋整體嚟講，呢間餐廳嘅食物都好高質素😍😍下次會再幫襯

一大班朋友食飯最怕就係有限時既餐廳，食完想傾下計都唔得實會俾人催埋單聽朋友講呢間係冇限時任食，一於黎試下啦。雞煲任食，味道幾好不過略嫌偏咸。打邊爐湯底我地叫左麻辣鍋，食落唔算太辣，唔食得辣既朋友仔都可以試下。牛肉一流，好有牛味🤤🤤可惜再叫係要加錢海鮮拼盆有鮑魚，蝦，蟶子等等，都幾鮮甜😋整體黎講唔錯，不過價錢偏貴，連埋加一要$360一位

咪以為 #小秘書 日頭淨係食幾粒提子🍇加杯奶🥛就夠飽，成日無咩食嘢就係為咗今晚呢餐😝 同學仔生日，指明要嚟幫襯 倫哥私房菜 Lun Gor Private Club 👀 皆因其他分店廁所太窄，佢想嚟試吓星級版有咩唔同wow🤣BCC分店嘅收費比其他分店貴，無可厚非佢嘅招牌雞煲水準一流👍🏻 坐嘅位置舒服啲、廁格又闊略啲嘅🤣🤣 不過我諗住所有食物同服務都會相對地提升🤔 相反地... 太子/佐敦嘅服務就似乎比BCC周到得多，起碼唔使我哋吓吓要等十分八分鐘先搵到服務員😕 食完🐔煲，想換過啲碗都爭啲比侍應哥哥托手踭👉🏻👈🏻 🤨 至於食物方面，除咗多咗份魚生之外，其他種類都比以前削，從前一向唔使加單嘅我哋，今日居然要加馬🤔 唔通 #倫哥 當咗我哋係佢啲團購客？😌

久仰大名，朋友轉工所以特地請佢食餐好。人頭收費，刺身拼盤～ 三文魚同蝦都算新鮮，其他睇色澤都已經知。小食~ 可以不吃雞煲啲雞比較瘦無乜肉食，又油食完雞煲有呢碗甜點隔一隔。不過我哋都無食到。牛肉個樣同味道係ok,不過無得加單。海鮮都好大碟，淨係食咗蛤，蝦，鮑魚，蟶子，蟹都夠。魚類其實都太多食唔哂呢個價錢色咁多嘢係抵，不過唔係樣樣啱食，所以試一次就夠，寧願揀去散叫嗰啲可以食多啲自己想食嘅嘢。順帶一提，間舖又唔係full,唔知點解上菜速度係唔會因應你食嘅速度而調節，未食刺身已經擺個雞煲上枱仲迫你去開大火叫你三分鐘搞一次。

朋友生日話想食雞煲又想打邊爐，一行9人就去訂倫哥。當晚去到有張大圓枱，兩個爐唔駛爭。餐廳光猛，唔迫，夠冷氣。平日$318位，星期五六日，假期及假期前夕每位加$10，仲有加一。餐廳食物有自己次序，店員會講邊啲係任食，邊啲唔係。先黎個小食，有麻辣木耳，麻辣豆角，辣一辣條脷為雞煲做準備。雞煲。可以任食。我地叫咗一個BB辣，一個小辣。分別唔大，同樣有香葉味，但小辣比較惹味。煲內算多肉，唔會食來食去都係骨。魚生有三文魚，北寄貝，八爪魚，帶子，蝦。都算新鮮但唔算頂級。猴頭菇燉雞湯。好夠熱，味道不錯。到打邊爐喇。店員準備火鍋需時，我地等咗一陣先有得食，大家可以早啲叫加快個節奏。水果鍋底清甜，有木瓜，西瓜，粟米。手切肥牛。每人分到3，4塊，肉味未見突出。海鮮拼盤。算多嘢食。鮑魚彈牙，貴妃蚌鮮味，魚肉平平，但蟶子有沙，蝦有啲霉，帶子無味。另外有任食項目，有雜菜雜丸雜餃同魚皮響鈴。不過不失。我地問可唔可以淨encore菜肉餃，店員話咁樣叫會耐啲到，建議我地叫雜餃。值得一讚係黑白墨魚滑彈牙足料，好味。最後有燕窩燉奶，香滑夠味，驚喜之作。我地無留意倫哥只收現金。到埋單時有半枱人已經走咗，其他人唔夠現金要去㩒機

同事講到幾咁好食 ,即管試下, 三百幾四百蚊個人 ，環境一般， 冷氣唔夠，想去廁所 未去到經過吧檯， 成地都係水 ，已經返轉頭 ，服務尚可， 講返食物， 先來個雞煲， 一般， 驚你唔飽 ，再要你like佢個fb page ，隊多個涼粉畀你食， 再驚你唔飽， 整多個生果盤畀你食 之後開始打邊爐 ，海鮮拼盤， 絕無驚喜 ， 刺身 ，非常一般貨色， 唔好有要求， 肥牛得一碟 其他食物選擇有限， 亦無過order紙畀你睇, 純粹口噏, 聽到都係好似啲百幾蚊任食嘅貨色 ，除咗龍躉片叫做好啲 ，其他乜丸物丸， 全部行貨野， 咁嘅價錢 ，同普通百零蚊酒樓任食火鍋差唔得好遠嘅質素， 頂曬籠好少少， 唔知點解咁多捧場客， 饒恕我唔識欣賞， 純粹個人意見

曾撰文評估火鍋店的經營方向，估計不斷有新意出台，想不到有西瓜浮在火鍋湯面的真事出現。這是此店的生果火鍋，我初嚐，亦是我首次來此集團的火鍋店。自崛起自佐敦，我慕名已久，一直未有緣份。海鮮多而便宜，是此店的口碑。原來此店已有提供四川麻辣雞煲。食客一次已可同時飽餐麻辣雞煲，海鮮火鍋，生果火鍋。如何一次滿足三個願望?我真是好奇!🤔定位為新式麻辣雞煲？麻辣雞煲已非新食法，此店殺著是「堂炒現焗」的「好玩」形式。當年重慶麻辣火鍋南下時，店員須指導香港食客如何進食麻辣烤魚和麻辣雞煲。如何令魚雞香而嫩，部驟是很重要。簡單的，如稻香，煮好捧上檯便成。此店把煮雞程序複習化（冠名「阿嫲」-長氣又麻煩?），上煲煮沸後，須立即啟動翻炒4部曲:用「摩打」手炒雞，炒完用蓋煮2分鐘，如此循環4次，並要每次降低一級火力。唯店員人數少，往往要我們操刀，動作稍慢，或忘記降火力，雞肉變嚡口。事後分析網評，佐敦，牛頭角店的女仔侍應均十分熱情，笑容可掬，炒功了得。因此店有魚生和近中環，我才來此店。此店風格似「海底撈」，須以貼身服務，突出食品與衆不同。今次的雞肉和服務令我失望呢。「雞鮮醬濃」標準未達到，辛辣亦欠層次（我們選中辣）。數

見openrice咁多好評 點知⋯中伏🤭上到去係先食雞煲 可以點辣度 食完可以無限refill....雞煲幾好食 唔知係咪太餓😂😂跟住黎既係刺身 飯前果 同埋冬菇鮑魚！真係好少 應該無咩打邊爐前會有生果食左先😂😂狂風掃落葉後 就黎打邊爐湯底！！佢係水果湯底黎 撈一撈真係見到西瓜皮🤖🤖😟心諗會唔會係飯前果食剩既倒哂落去💀一盤牛肉 一盤海鮮 一盤丸類 一籃生菜魚皮⋯牛肉黑黑地色👾感覺唔太新鮮！海鮮都唔太得⋯總之就係 唔會再去👾