偉記燒烤樂園

营业中

休息中

呢間燒烤樂園係我提供俾呢個網頁,而我今年已經幫襯佢差唔多十次,可能係我一生之中,一年內最多次BBQ。最初呢間BBQ前身係士多茶座,可以免費泊車食下下午茶,又可以借條水喉洗下車,所以我對佢印象不嬲都幾好,因為果度員工又好態度勁NICE。之後轉做自助BBQ場,我就嘗試去幫襯下,每次去食物及服務都好滿意。不過...近來可能生意好,食物及服務方面都差少少。平時我最鍾意豬扒,一向係白淨兼味香,但近幾次已經變暗色,而且又好多添!以往想要多一支鐵叉,可以用兩蚊去買多支,但而家又唔可以喇!可能驚多支叉食多?兩個人開一個細爐,除原有爐上一堆炭開爐外,會多送一包炭,四個人一個爐送兩包,六個人一個爐送三包,如此類推,但我過呢個星期日去,六個人都係送得果兩包炭。人多一個爐燒自己佔爐表面面積大,所需要炭都會多好多,所以得兩包炭根本唔多夠,如果燒個零鐘多都勉強可以囉!總括講呢度仲可以幫襯,但希望唔好因為生意多,而開始對食物質素及服務鬆懈囉!如果唔係就好似天水圍果間【有Y 用】咁,由最初好多人去幫襯好旺,做到而家蚊蠅多個人,咁就喊都無謂囉~

沉晚兒童節約埋成班friends十幾人黎呢度BBQ,由於早收工,所以我同其中兩個閒友由5點開始燒,一直燒到近十二點先走。職員態度都幾好,環境OK,幾乾淨,大部份都有上蓋,唔怕落雨,又有足夠車位係個場裡面,仲有兩部電視亦唔會話太迫。$58/一個人(估唔到假期前一晚都係收呢個價!)仲包一支Meko/維他樽裝水(約700ml)及一支/罐飲品,紙碟、膠叉、膠手套任取。食物種類約三十幾款,除基本丸類同肉類外,亦有方包、粟米、蕃薯,本來話有菜,但唔知點解沉晚只係放左少少出黎就冇晒囉~問過職話係因為個少少都係前一晚既,只係放埋出黎畀我地,但唔明點解沉晚都算係黃金期既時間唔再整多d囉~蜜糖冇溝水,仲任取,唔錯!中間出過一次熱腐竹白果糖水同凍涼茶,兩個都非常之OK!尤其係個凍涼茶,超夠凍,又少甜好好味!我地開左一個大爐同一個細爐,但當問佢地拎到第八包炭時就話要加$12先再有...另外真係好食既食物只有黑椒牛丸同雞亦,其他就普普通通啦~但比較差既係牛扒、豬扒同咖哩魷魚片,d扒落得過份地多鬆肉粉,我地燒極都唔會「銀」,又唔夠入味,所以食落去好怪...而d咖哩魷魚片就好梅...不過整體上由於呢度都幾抵食,所以

在網上經常見到此燒烤場推介,於是係星期日同班朋友去試吓,去到覺得空間感好迫,無人招呼七國咁亂,廁所又好似狗屋咁,食物質素麻麻無新意,下次請都唔到.

今日小學舊同學約BBQ,最初話去天水圍,但我睇完食評知道好差,之後另一舊同學話小欖,但其他舊同學又話遠,仲話係日頭先好玩。之後貪近決定去呢度喇!元朗集合至八點半齊人,我冇車坐埋舊同學車,兩部七人車不到五分鐘到達,入到去有敞大免費停車場,有專人指示泊車後,我約十人浩浩蕩蕩入場。今日、明日及後日都加價,今日成人由平日$58元加至$88元,三歲以上小童及老人,由平日半價加至$68元。包一支水及汽水換領卷一張,憑卷可換各式汽水一支。今次係我咁多人,第一次幫襯,平日我車經過,已經覺得幾多人幫襯,而且一兩年前呢度仲係士多時,我已經同朋友幫襯過飲茶,當時飲完茶仲借水喉及洗潔精洗車,現場人士態度十分友善。去食物時,感覺食物款式都幾多,但食物不便之處,就係要用紙碟裝載食物,每隻紙碟只能夠擺甚少食物,如果燒烤爐離食物處太遠話,來回距離就好似太遠啦!仲有冇雞扒、蒜茸及魚柳等就尚為不足。但食物新鮮,醃製食物味道好不太濃又唔唔錯。仲有涼茶、渣熱糖水、卷裝廁紙、牛油、蜜糖、杯碟、透明手套、膠叉及蔬果不停供應及添加,確實好多其他燒烤場唔可以相比。另外場內有好多部大電視,現場直播有及無線各台節目,亦有現場轉直播足球賽