傅記飯店

营业中

休息中

我平時食野都冇乜要求, 好少比食評, 但呢間實在太差了.叫左半隻燒鵝($130), 因為太肥, 得幾舊可以食得(其他係"肥羔"+"皮"), 仲食到成口都係油, 又冇鵝味, 好唔抵.話梅班塊: 好似食緊"炸粉"咁, 一d都食唔到魚, 餘下大半碟.只有碟菜ok.

12/12(二) 7:15pm是日雖說放假,但精神外馳的程度跟返工不相伯仲;一大清早入樂園蹓躂至傍晚,於樂園商店被洗劫一番後,跟另一對昨晚剛外遊回港的友人已達至油盡燈枯的地步.一行4人駕車至就近的深井吃個家常便飯,不願到陳記或裕記,友人便推介此店.平日此時段的深圳冷冷清清的,眼見店內食客不過5臺.店子的環境比一般的小菜館開揚闊落,我們坐於對正大電視的室外圓桌.由於各人皆不在狀態,只簡單的點了幾味:豬肺湯$20盅x2,燒鵝例牌$65,金銀蛋雜菜煲$45,紅燒山水豆腐$38,以及是日特價椒鹽銀魚仔$18.豬肺湯--原盅上,2人共享一盅已足夠,豬肺湯火煲得火候十足,而豬肺亦得男友垂青,略嫌湯頭油脂過多.燒鵝例牌--不嗜鵝的我也輕嚐一小件,外層燒至脆口,而肥瘦不太均勻,肥的肥膏滿瀉,瘦的肉質欠缺細滑,可取是鵝味濃郁!金銀蛋雜菜煲--節瓜,西蘭花,白菜仔皆蠻新鮮嫩綠,作配菜的皮蛋及鹹蛋食味則不太討好,吃出皮蛋有異味,鹹蛋則不夠味!猶幸以入味的豆腐,菌類及粉絲墊底彌補其不足!紅燒山水豆腐--碟頭頗足,布包豆腐質地極之嫩滑,以鮮甜的小棠菜及冬菇墊底,唯芡汁味道稍為清淡,椒鹽銀魚仔--銀魚仔炸得非常香

上星期日，行完山散晒，一班人來此歇腳兼終極一食。我叫了常餐，附有一提子餐包，好好味。朋友們叫的燒鵝瀨也不賴，好似很好吃。佢地話來深井無理由不叫燒鵝喎。另他們叫的豬扒包很像也很好吃，賣相不錯。

同同事farewell，去深井食燒鵝lu~~ 原本諗住去裕記，但有人話le間d鵝無咁肥，所以黎左le間﹗燒鵝真係幾瘦既，不過d肉有d"鞋"囉…其他菜式其實無咩特別，如果唔係因為燒鵝出名，其實都不會山長水遠到深井食飯﹗雖然不算是十分出色，但都算一嘗深井燒鵝﹗

為左滿足我以上夢想, 今日游過水, 7點鐘同男朋友2人成團, 轉2程車咁由tst去深井。去到都差唔多開波喇。首選都係傅記。因為其他食肆都有不少不愉快經驗... 知傅記有波睇就更加唔駛諗~ 8點半2位。傅記有2邊。一邊食燒鵝小菜, 另一邊食小菜客飯。2邊都可以亂坐, 佢地會將食燒鵝果檯鋪上檯布以作識別。同時, 食客飯果邊的制服同事係唔會對你的要求作回應的。為左滿足我大杯酒, 大塊肉的奢侈心理, 2個人食左半隻燒鵝, 草菇扒菜膽。亦因為冇魚扣, 改叫了風沙白鱔再加多d特價十蚊carlsberg。是日燒鵝水準不錯~ 皮脆得卜卜聲, 少不免食到成下巴都係油。不過真係肥左d, 背部的肥油都成2mm厚! 不過食得燒鵝都預左油, 咬開d肥肉, 照食可也。草菇扒菜膽的草菇真係好食~ 勁甜而冇草菇的草青味~ 菜膽就略嫌佢切得求其, 切口下尚有連住的位, 搞到我食得lair咁hair! 又搞到成咀係! 不過整體而言食味不錯。最後來的風沙鱔, 風沙中夾住小蝦仔, 果然係近馬灣! 個風沙比起好多地方正! 將鱔先沾上食鵝的梅醬, 再沾上風沙, 味道正得佢呢~ 不過要趁熱食~ 呢度前菜碟酸菜千祈咪睇少! 好食架~

母親節正日的中午，與她來了這裡吃燒鵝。傅記不是裝潢精美的飯店，伙記也不會彬彬有禮的拓待你，卻是有求必應，老實可靠的那種。在這滿有大牌檔氣息的飯店，我們都感到很親切。　四個人，吃了：招牌燒鵝（例）-其實媽媽想食叫半隻，不過三比一反對，希望試更多的菜式；事實證明，燒鵝皮夠脆但肥油多，淺嚐不為過，例牌也夠食了。椒鹽魚下巴-知道這裡出名椒鹽魚扣，但又接受不了吃魚胃，改選魚下巴。魚下巴其實是近魚頭的三角肉位，肉夠嫩炒得又香，味道不錯的。蝦醬通菜炒鮮魷-這本來是美味的菜式，這裡沒有特別的credit。尤其魷魚的新鮮度有改善空間。秘製蒜香骨-香口菜式，味道不錯但非我杯茶，幾乎都是給妹妹清掉。風沙釀茄子-蝦乾粒、蒜碎等炒香了茄子，茄子又不油膩，愛茄子的人會喜歡。　加上靚仔，就很飽了。要讚一讚這裡上菜特快，10分鐘內菜式上齊；始終吃中菜還是滿桌餸菜比較高興。埋單$300，物有所值，如果不是那麼偏，真的是吃飯的好地方~

1. 三條友2. 三樣野食- 燒鵝(例) - 肉,本身鵝掂, 香脆; 汁,掂. 保持到水準. 原汁原味, 椒鹽豆腐- 有o甘上下份量, 瀨粉- 尚可Maybe It's 新年+跑馬, next time 可能我要記得帶利是食飯咯.

上個月同娘親及弟弟前來。叫左燒鵝例牌, 椒鹽魚扣同羊腩煲。燒鵝叫做3間中至正的。魚扣不嬲都係好好味! 不過印象中佢將之前橢圓形碟換曬做正方膠碟, 份量少左係必然的了。羊腩煲d羊好雪。連皮帶骨的部分較少, 瘦肉太多, 所以點啃都啃唔落。枝竹十分搶手。馬蹄都幾好味。生菜o係南乳汁下灼熟吸左南乳味, not bad!

我上次去d 伙記服務好差..又好dirtyd野食..又唔係好食..好重味精味..食完個口仲成口油...唔惦..

不嬲去傅記都唔係食燒鵝, 而係魚扣, 即係鯇魚胃。椒鹽魚扣, 好惹味, 好食。今日同屋企人去, 食返, 都唔太差。燒鵝不嬲都係好鞋, 鞋到咬唔開, 而今日咬得開, 皮且脆, 有進步。可是都不及陳記。鵝腸都係我次次必食。都怪avian flu, 將所有鵝腸變曬漂白貨。今次食豉油王鵝腸, 唔好食!幸好以前食不少新鮮的, 但只能活在記憶內。以前同男朋友食過羊腩煲, 十分之好味, 值得試。但係陳記有個competitive advantage: 人地有carpark!可惜陳記冇好味魚扣…

燒鵝皮脆肉香,蝦仁炒蛋白一流...好滑!價錢超值!

又係因為太夜(11pm), 裕記收o左爐~ 停車場個看更介紹傅記, 一於試試~ ^_^ <br>我地坐外面, 風涼水冷(落雨)~ 四個人, 叫o左: 燒鵝﹝唔錯，好過陳記幾百倍﹞, 蒜茸牛油炒草菇好香, 鹽水雞腳一般, 黑椒爆鱔球都ok, 蔥爆豬頸肉(點解D 豬頸肉咁淋o既??)~ 食燒鵝, 送瀨粉~ 埋單$360~ 幾抵喎~ ^_^

Mr Foo is the first inhabitant of Sham Tseng.the restaurant now are most welcome one, esp if you eat alone, the steam fish there is goodbut do not expect too much about Sham tseng roast goose