傑克漢堡 (華健大廈)

营业中

休息中

無比芝士我有點失望🙍‍♀️價錢本身合理，可能新年得一個人太忙亂啦！雞肉洋蔥圈好食。可惜左少少🤏🏽因為太遠，返唔到去換😵‍💫希望下次記得啦！🥺🥺🥺

朋友想係元朗搵burgers食～就專登過黎買～🍽招牌蛋牛堡🍽一打開個樣 ......🙈味道都差過以前少少～薯條～就幾好食～而且係粗薯條😋總括黎講係比好多漢堡店都抵食嘅～味道就一般般～CP值：🈴

外賣試吓新野，叫咗一個蛋牛堡餐同炸雞塊先講一下個蛋牛堡，$37見到呢個價錢你就知超級抵食，套餐除咗有個包，仲有一罐汽水同埋薯條雖然咁抵食，但係佢亦都唔算係難食個包入邊嘅漢堡其實係好大塊，好厚我認為個漢堡係贏咗連鎖店嘅漢堡可惜薯條同埋炸雞塊就贏唔到，外賣送到嚟，其實都係隔咗十幾20分鐘左右，但係啲薯條淋曬，好似冇落鹽，完全冇味，而且太過粗，好似食緊薯仔咁而個炸雞塊，$19，食落好似放左好耐咁，而且無比醬汁，食落無味又好乾總括來說其實咁嘅價錢都接受到，由其蛋牛堡其實幾好食的👍🏻

傑克漢堡前前後後光顧了20次左右，2023年金毛哥哥保持到水準但自從2024年斯文哥哥冇做之後傑克漢堡質素就猶如賭博一樣，試過最差薯條完全係凍漢堡包都可以煎到燶晒，亦試過水準回到接近斯文哥哥水準。總括來講光顧襯傑克漢堡之前需要調整自己心態或者咁樣會有驚喜

話說親自行到去舖頭買餐，點咗個餐企喺門口等咗接近嘅30分鐘，整好咗又唔叫Number，個餐擺咗喺度冇人叫過，行埋去先至話要問佢，真奇怪做好冇叫Number反而要客人去問，企喺佢舖頭面前都唔叫一次，仲話個鐘壞咗🔥大晒？個客企正門口都冇叫，摸上手個包凍，薯條凍，罐汽水熱嘅（室溫），真係超級過份，做唔切冇心做㗎，就唔好做囉！以後唔單止唔會幫襯，仲會叫人唔好幫襯😡😡非常之差差差，之前都唔係咁差，越做越衰，一心諗住支持小店，極度失望

嗌招牌蛋牛堡番到去發覺係無蛋，咁都可以漏左隻蛋變左平d既普通牛堡，薯條長短加埋十條左右，職員態度極惡劣，粗口橫飛，唔知係負責serve客定趕客，成個餐既樣同味道唔似係比人食，比以前差左好多絕對唔會再幫襯。

用QR code 落單，去到都要等大約5-10mins 漢堡包外表差劣，與相片不符，食前見到其實胃口已經大減。但溫度尚算ok, 返到屋企仲暖，可能因為住對面。牛肉算大但蛋好細，食到最味一兩啖先feel到蛋味。薯條份量ok,味道正常。職員沒有禮貌！態度好差，感覺不良好，俾人感覺仲唔耐煩過啲客人。鋪頭環境較差，應該冇下次。

呢間漢堡包店我唔係第一次幫襯，價錢經濟，份量十足，塊漢堡扒厚過1cm，套餐有薯條和罐裝汽水，薯條係採用有皮嘅粗薯條，每次都食得好飽，有時罐汽水留返聽日先飲，飯堂之一，每星期食都唔怕食窮，招牌牛堡套餐$39👍🏼👍🏼小店經營只做外賣，製作需時，請耐心等候，而家有QR code落單可以節省等待嘅時間。讚👍🏼 今次叫咗個夏日風情菠蘿牛堡套餐，燒過嘅罐頭菠蘿特別清新Juice，塊漢堡超級厚身，不規則形狀似人手製作，厚過塊麵包，十分有重量🍔

有時晚上不想吃飯麵，就會買漢堡回家吃。套餐deflaut跟薯條和汽水一罐，不吃薯條可轉跟粟米杯，與大型連鎖快餐店一般做法差不多。薯條和粟米也不想要，或加錢轉吃小食，如炸雞塊等。因為薯條是粗條，而且份量不少所以我一般都吃薯條。至於主角漢堡，肉塊應是自家製的，有一定的厚度和滿滿的肉感，所以每次我都叫招牌牛堡套餐，就可滿足我。此外，每個時期都會有一款期間限定口味，有一次推出了磨菇黑椒漢堡，作為黑椒和磨菇控的他就買了回家。黑椒口味香濃，和牛肉漢堡扒是絕配啊，加上磨菇，使整個包有不同口感。

每次想食漢堡🍔/薯條🍟都會諗起嘅一定係Burger Jack！抵食又好食～而家麥記已經越黎越貴，唔再係窮人恩物～咁既然冇左價錢嘅優勢又唔係特別好食。咁點解唔試下d新野先😋誤打誤撞就食左呢間～之後就間唔中都會幫襯下。佢地都有網上落單然後自取嘅服務岩哂我呢d唔想等外賣嘅人，叫定就唔洗等咁耐嘛😆蛋牛堡配薯條+無糖雪碧係我嘅all time favourite😋蛋牛堡味道ok，舊肉都大大舊～不過薯條就一時時，有時會重手多鹽左🤣無糖雪碧真係唔係間間都有架，所以有我就一定會嗌😆

開既位置吾當眼見到多數係學生黎買第2次食都係咁正大薯條外脆內軟 有薯仔味凍左都仲係脆 超過份！脆雞 好怕難咬既個d炸到硬晒霉晒既雞肉🤙🏻係新鮮既雞肉加上埋 40蚊左右有個餐 仲可以有埋野飲熱氣野要配汽水個人覺得抵食過連鎖店既😹

傑克漢堡以最優惠嘅價錢給客人最高級嘅享受， 絕對係性價比最高嘅一間漢堡包店。我選擇了招牌蛋牛堡餐。 首先以質量去比拼， 麵包鬆軟， 醬汁與牛肉及蛋相當配合。漢堡牛肉有2厘米厚， 比起老麥嗰塊半厘米嘅薄肉， 絕對係物超所值。 而且價錢 比起老麥更優惠。套餐配有罐裝汽水及薯條， 粗薯條炸得香脆鬆透， 如果唔揀薯條都可以轉粟米嘅。此店提供多款不同配搭， 有牛堡，豬堡及熱狗等， 總有適合你嘅選擇。另外小食除薯條及粟米外， 還有炸魚手指，炸雞塊，香芋丸及芝士蝦脆脆棒， 選擇多樣化。我相當欣賞這間店舖地方細小，可以生產出星級質量的漢堡， 絕對係一級性價比之選。

見到外賣有叫滿$120有75折就試吓啦，有意外驚喜‼️呢間burger相對其他平好多，以為會同某快餐連鎖店嘅質素差不多，但原來好味好多！🤩先講講個炸雞塊，每一舊都炸到金黃色，食落好脆口，再落左少少唯鹽定係椒鹽粉，所以好香好好食！👍🏼👍🏼👍🏼然後個炸魚手指就有少少失望，開頭以為佢係魚柳條，但原來入面係魚蛋，所以應該叫炸魚蛋手指🤣重點黎了，個漢堡雖然一打開個樣有少少衰，但就係因為佢好多汁，所以先要整成個包都係，舊牛厚身，睇相就知，完全唔係普通hea 整，雖然略嫌少少乾身，但分量十足，個包亦都有煎下，所以都好香，呢個包性價比超高，大力推薦❣️❣️

牛肉漢堡加薯條同汽水只需$33!有時食得多麥當勞，都會想食下其他嘢！呢間傑克漢堡嘅漢堡係手打牛肉整出嚟嘅！而且啲薯條同麥當勞嗰啲完全唔同㗎 ！佢仲支援網上落單同付款，我多數比完錢過一陣先去現場拎，就啱啱好！如果唔係，佢門口成日要排隊，就等好耐啦！重點推介大家揀有菠蘿嘅漢堡，只需$39就有一個套餐，個菠蘿同個牛肉味道非常之夾！

點的是招牌牛堡餐：食物一到手，便已急不及待打開嘗嘗。室溫的粗切薯條，偏油偏硬。至於那招牌牛堡包，打開時只見牛丶生菜和千島醬已有點錯愕，怎麼這漢堡跟平時的有點不一樣。吃着吃着，才發覺手中的漢堡少了餐牌圖片中的芝士。於是上前詢問正在店外吸煙（剛才煮食物）的負責人所點的招牌牛堡會否附有芝士。他說招牌牛堡會有芝士，叫揭開包查看，實況如圖（包與牛之間，包面只有疑似牛油），他回應說《 芝士已經溶了》，他們店是不會騙客人區區一片芝士云云⋯⋯ ⋯⋯