元元酸菜魚

营业中

休息中

之前想食酸菜魚嘅時候曾經叫過呢一度嘅外賣，而今次經開呢一個商場行街，見到實體舖嘅時候，而果使又唔係下晝啦又唔係夜晚，係中間中午嘅時間，見到佢都有一個酸菜魚嘅set，所以就走咗入去食啦，今次呢係食堂食嘅，估唔到更加驚喜一入到去坐呢就係掃QR code佢落單嘅我自己都覺得呢一個安排係幾方便，即刻呢就叫咗個酸菜魚食啦，上枱呢，酸菜魚呢熱辣辣，我自己超鍾意熱辣辣嘅嘢食，所以已經加咗分，如果味道呢都係一如既往都係咁好嘅，而因為堂食關係呢其實都更加好食，裏面有萵筍，最驚喜嘅呢就係佢都有一啲寬條麵，朔埋啲酸菜魚汁，超級好食，我諗下次我都唔會嗌外賣，會堂食

喺屋企突然之間好想食酸菜魚，又唔想落街買，於是就嗌咗外賣返嚟食。呢一間酸菜魚個味道係唔會太過酸，又唔會太過辣，裏面呢有好多唔同嘅配料，而佢嘅魚亦都係非常之新鮮，唔會話好似冰鮮魚咁樣嘅味道，配埋白飯食呢係非常之好食嘅，但係呢佢表面上呢有好多辣椒，我自己就唔係好鍾意keep咁多辣椒係碗酸菜魚度，好似會令到佢越食越辣咁，所以我通常都會夾開佢，而去個價錢呢係午市方面啦都比較性價比高，如果夜晚嘅話呢，我就自己就未必會嚟食啦，因為佢都要嗌一大兜，自己一個未必可以食得晒，所以都係會午餐或者下午茶先嚟食。

比咗$447食餐垃圾，落完單之後唔夠3分鐘已經上哂所有菜，啲野食全部都唔熱，只係岩岩好，暖暖地。酸菜魚冇酸菜味，得個鹹字，賠錢買難受，真係唔好去食。好好好難食！

鑽石山荷里活廣場餐廳通常沒有太大變化，但是今次看到了一間新的川菜 元元酸菜魚，便和家人們入去試一試午餐。午巿客飯的酸菜魚份量都偏向足夠，味道也挺正宗的，還可以選擇小中大辣。酸菜魚來有豆芽。有萵筍絲有粉條，還有相對份量的魚片，魚片沒有骨也沒有腥味，處理得10分好。然後擔擔麵十分好味，和在內地吃的味道接近，推薦大家嘗試。本來是排骨擔擔麵，但是排骨忘記拍照片了，也是炸得酥脆。套餐加$28飲咗杯手打檸檬茶，味道很正宗。起碼夠大杯，唔會似出邊三分之二杯都係冰。另外還叫了兩個小吃，味道一般，但是仍可接受。這一間酸菜魚 最緊要每碟餸嚟嘅時候都熱辣辣，都有鑊氣。

下午茶餐食佢套餐，真係好抵！叫咗佢個招牌酸菜魚，同蔥炒羊肉個炒羊肉好有鑊氣同超級送飯👍🏻👍🏻仲有個豆漿好有驚喜好有豆味，又唔會太甜，下午茶餐都做到咁真係好出色！

7月12日已移民英國，揾食肥華及靚媽嘅乖姪女，因公事回港，相約叔叔，嬸嬸食晚飯，從言談上肥華得知，乖姪女喜歡食，酸菜魚，所以肥華就選擇咗，呢間之前食過，兩三次又感覺甚好，而有酸菜魚食嘅食店用饍，可惜今餐此店出品，真喺令肥華失望，餐枱上嘅食品，除咗個回鍋肉保持A+水準外，冷盤，醉豬手及雞絲粉皮，有B+評分，上海粗炒值C+級数外，個兩個主角，酸菜魚味道大不如前衹有C級評分，水煮牛肉個湯底極咸，而牛肉就冇味，再加上一碟，味道不佳得大量配料而牛肉衹得幾塊嘅，䓤爆牛肉，呢兩款食品，肥華俾個E+評分佢，亦問心無愧，今餐此店最值得表揚，就喺侍應,幫到客人嘅服務，肥華俾👍👍👍👍佢哋！今餐肥華俾此店⭐️⭐️👎

假日唔想煮，跟家人去到鑽石山，四圍搵嘢食。餐廳燈光鮮明，設計簡潔，以綠色為主調。餐廳坐位蠻多，枱與枱之間不算太濶落，午餐時候，很快就坐滿滿。餐廳使用QR code點餐： 午市客飯套餐酸菜魚、白飯、熱柚子蜜白飯粒粒分明，香氣四溢，有效中和酸菜魚的辣味。魚肉質鮮美，略嫌沒有太多酸菜，如可以多一點就更好。午市粉麵套餐酥炸排骨湯拉麵、熱好立克排骨外表金黃酥脆，內裡肉質還可，但有點乾。湯麵吸引湯汁，卻欠缺彈性。

放工同同事去食飯，近近地方便就腳就揀咗鑽石山，搭完扶手梯一行就見到元元酸菜魚，見到有二人套餐都幾抵食，諗都唔諗就決定食佢啦！二人套餐分別有酸菜魚或水煮魚或者乾鍋選擇！套餐仲會包咗一款冷盤、一款小炒、白飯及飲品冷盤我哋叫咗花雕醉雞，個酒味都幾香，雞肉嫩滑好耐冇食過水煮魚，所以今次我哋就揀咗水煮魚，魚肉無骨又唔會腥，個水煮湯底煮得幾惹味小炒揀咗回鍋肉，炒得夠香，個醬汁味道好正煮食包括咗白飯，但係係可以加錢升級做陽春麵，將水煮魚湯底加入少少一齊食，即刻變咗水煮湯麵啦

成餐最正常嘅係酸菜魚，份量唔少，都無乜大問題小食係最出晒事涼拌萵筍絲咸到洗腎，即刻問職員拎杯水沖一沖水，都無乜用，一樣咁咸😰蒜泥白肉$38得嗰四塊，下面全部都係水晶粉嚟，都唔緊要，但成碟嘢除咗辣味，無蒜味香味，難食到一個點，譚仔都好食過佢好多另外仲叫咗碗牛腱麵，無乜特別無影到相，正常發揮，啲麵比較腍，但就等咗好耐明明當時下午茶時間，都無乜客飲品又係出奇地慢，食緊酸菜魚同小食跟住先有嘢飲希望餐廳認真試吓自己啲出品，改善一下

今天去了鑽石山荷里活廣場一間叫元元酸菜魚餐廳，環境寬敞，設有卡位😄我地叫左二人全日套餐元元酸菜魚🐟這道菜的特色在於酸菜的清爽酸味搭配魚肉的鮮美口感，口感清爽😋花雕醉雞🐔花雕醉雞帶有濃厚的花雕酒香氣，醇厚的雞肉和酒香完美融合😍招牌紅燒肉🐷紅燒肉有入口即化口感，滋味濃厚，十分惹味😋陽春麵🍜 +$18 有豐富的湯汁和獨特的麵條口感😝擔擔麵 🍜+25具有濃厚麻辣的滋味，麵條彈牙😊檸檬茶🍋🥤+$3將檸檬味和清甜的茶香融合在一起，十分解渴鴛鴦🥤+$3混合了咖啡和茶的香濃飲料，微苦微甜😛整體得分: 4/5味道: 4/5環境: 4/5🎇元元酸菜魚🎈鑽石山龍蟠街3號荷里活廣場1樓173B-174號舖

今日同朋友嚟到鑽石山行街行到晚餐時間準備搵食咁啱見到呢間係食酸菜魚嘅我哋都好想食 又未試過呢間所以決定入嚟試試佢啦～叫咗全日二人套餐可揀1個主食酸菜魚/水煮魚仲有1個冷盤、1個小炒2個白飯、2杯飲品- - - - - - - - - - - - - - - - - - - - - - - - -1. 酸菜魚(主食)魚肉份量十足 滑溜冇骨同埋見到入面都有唔少配料芽菜、黑木耳、豆卜、萵筍、薯粉湯底用咗唔少香料製成 夠晒惹味感覺有啲似某間雲南米線嘅麻辣口味入口既麻且辣 每樣食材都入晒味加埋酸菜 酸酸辣辣咁送白飯一流2. 雞絲粉皮(冷盤)好鍾意呢度嘅雞絲粉皮夾起嗰陣 粉皮唔會黐到實晒透明質地柔軟又有彈性加埋切成絲狀嘅雞肉同青瓜仲有最重要嘅係佢個醬份量好夠 每啖都有醬汁精華感覺有少少花生醬味道 好香～另外仲有4款冷盤可揀3. 招牌紅燒肉(小炒)＋熱柚子蜜(飲品)估唔到呢度嘅小炒都咁好食啲肉肥瘦均稱 塊皮煮前應該有煎過吓因為佢有一定脆度 之後先加調味紅燒吸晒調味 顏色都偏向少少紅肉質煮到軟嫩多汁 啲汁都好濃稠又係可以送到一碗白飯另外仲有5款小炒可揀

放工又來荷里活食高質中菜😍 餐廳裝潢雅緻，環境氣氛熱鬧，長期都好多人幫襯～ 主打酸菜魚、水煮魚，另外仲有乾鍋、多款中式小炒、小食、包點及甜品，款款都好味！今次我哋試咗乾鍋、包點、麵類同炒飯，質素好唔錯👍🏻 人均$150以下已經好飽肚，抵食！三人消費晚市：$394+10%💟香辣乾鍋(小辣) ($168)✨包括：美國肥牛、牛柏葉、花菜、鮮腐竹大大碗乾鍋，香辣惹味，小辣辣度適中🤤 用大量香蔥及辣椒炒起，加入超豐富配菜，肥牛夠軟嫩入味、牛柏葉爽口彈牙，花菜脆口、腐竹好入味，另有附上萵筍及蓮藕片，啖啖口感味道都好豐富🤤💟瑤柱蛋白炒飯 ($88)✨正宗美味炒飯👍🏻 以鮮美的瑤柱和蛋白為主角，色澤金黃誘人。散發瑤柱香氣，蛋白柔軟口感與米飯完美結合，份量多 美味飽肚，啖啖滋味😋💟雞煨麵 ($58)✨以濃郁的雞湯為基底，配上嫩滑的雞肉粒、香菇、菜及掛汁麵條，啖啖鮮甜 有咬口，雞肉的鮮嫩和麵條的彈性，簡單又好味～💟酸辣湯拉麵 ($52)✨湯底酸中帶辣，味道十分香濃，好開胃😋 湯汁的酸辣口感與粗身彈牙的拉麵完美融合，還搭配豐富的配料，口感豐富💟黃金饅頭 配煉奶 ($28/3件)✨必食😍 外脆內軟饅頭，沾上煉

隨着酸菜魚嘅熱潮，香港越来越多酸菜魚專門店，呢間酸菜魚環境舒適，魚都唔錯☺️✅元元酸菜魚魚嘅份量非常多，魚肉比較厚身彈牙配菜有豆腐卜同萵筍😍底部仲有寬粉，兩個人share都夠飽✅雞絲粉皮呢個雞絲粉皮嘅麻醬似係特別調製過，好食到停唔到口✅紅糖糍粑糍粑口感煙靭，外層好脆，如多啲黑糖醬就好😆✅手打檸檬茶用咗鴨屎香烏龍茶配香水檸檬，香水檸檬獨特嘅香氣配酸菜魚好夾🍋💛好味指數:4.6/5💛💜回頭指數:4.6/5💜📍元元酸菜魚 (鑽石山)鑽石山龍蟠街3號荷里活廣場1樓173B-174號舖

Weekday簡直全場爆滿要排隊先入到唔好以為呢度剩係得酸菜魚食佢仲有好多其他川菜選擇我今次就揀咗食香鍋同其他小點-黑糖珍珠鮮奶食辣嘢都係要飲d凍飲中和一下呢個珍珠奶茶超大杯超抵飲黑糖味夠濃，但係唔會太甜兩個人share都夠-酸辣湯平時去上海菜館飲嗰啲酸辣湯細細碗已經要$50呢度成一鍋先$98幾個人share就最啱啦唔會太搶喉嘅酸辣味好開胃-自選乾鍋香辣鍋底配菜萵筍鮮腐竹牛百葉嫩牛肉我鍾意佢個鍋配好多免費蔬菜另外個鍋底唔係好油，健康啲

今次我哋嚟到鑽石山食酸菜魚🐟，見到呢個二人餐包好多嘢，就決定揀佢了😽。🍽️二人全日套餐 $388 + $20 套餐包前菜、小炒、主菜、兩碗白飯🍚同嘢飲，我哋揀咗： 🍴醉豬手 🍴蔥爆牛肉 🍴酸菜魚 🍴白飯 🍴黑糖珍珠奶茶 + $20醉豬手醃到好入味😋，每啖都好濃酒味🥃，而且仲好有彈性，好似食緊啫喱咁🍮，骨膠原滿滿🦴。蔥爆牛肉都好鑊氣🔥，有啲似乾炒牛河走咗河粉😂。到重頭戲酸菜魚‼️，本身驚二人餐份量會少啲，點知完全冇💯，都係勁大碟🍲。入面有齊寛粉、豆卜、芽菜、木耳等等🍝，而魚嘅粉量都唔少。食得辣嘅、記得加麻加辣🌶️。最估唔到嘅係😮，佢珍珠奶茶嗰奶茶係港式奶茶🧋，而且啲珍珠一啲都唔硬，真係有手搖店嘅感覺。