元朗冰室

营业中

休息中

今日早左起身去左食個靚早餐去左元朗冰室的總店或者叫第一間啦叫左個沙爹牛面早餐正正常常不過不失突然有個待應走去問我對住張枱個客呢度有咩車去元朗市中心支吾以對左一陣我出聲話後面有架68x 直到轉頭個待應同另一枱客人講番原來係幫手問但我感覺到果種做街坊生意的人情味

睇完餐牌覺得似岀名厚豬扒，厚豬扒就無食過，系朋友食既，當距OK LA，但常餐個湯米粉就無味既，要撈人地啲肉醬汁食先有少少味。而講返我自己叫個拉麵，以下系我直接wtsapp fd 內容 “個拉麵冧，叉燒又硬又鞋，白色果塊蟹塊好似膠咁，蛋可以，奶茶正常，我隔離個食辛辣麵(平時自己煮公仔麵果種)，個麵都系冧，前面果位食米粉，無味，要旁邊果位share d 肉醬比距，豬扒就⋯⋯無人有意見，應該最唔伏系豬扒😳”我個叉燒拉麵，最後頂唔順，扒晒d麵算，個叉燒好似乾肉咁，仲勁硬又鞋，好似恰肉渣咁煲湯豬肉都冧過距。。。陰公。唔開心。不竟，四個有兩個半話唔掂，比返一線生機可能豬扒Ok 我就比個OK算。

Today went to work And originally want to have lunch at a western restaurant, finally just went to a Chinese style instead Since the most famous food is pork, I ordered a 常餐, pork with noodles The pork is just right, not too fat or too thin. The texture is good. But for the noodles, it is just Normal, nth special. For the milk tea, taste bad that I just drink a few sips. Overall, the pork worth trying.

下午茶時段明明有三張吉嘅卡位，但都唔俾我兩位坐，個呀姐話要搭枱咖喎，其實戈陣有幾張卡位坐緊兩個人囉好冇！坐底咗有啲gur, 之後候佢哋唔為意行返過去卡位到，點知放底咗個留座牌，然後另一個呀姐好串咀咁話：喂，你哋係咪兩位呀，坐戈到啦（指住原本編俾我哋個位）之後食食下，入咗兩枱二人坐卡位喎，又話要搭枱嘅？講真你多人嘅話唔俾兩個人坐卡位/搭枱我完全理解，但戈陣根本冇乜人，仲要態度咁差！下次唔會再去

呢間元朗冰室最出名就係厚豬扒、炸脾！-歐美全日餐厚豬扒套餐有厚豬扒、茄汁豆、炒蛋、歐陸腸、火腿、牛角包、沙律🥗(⁎⁍̴̛ᴗ⁍̴̛⁎)豬扒一如既往又淋又香😋牛角包都係熱辣辣好脆好香牛油味😍其他火腿炒蛋腸仔味道都係好味的❤️不過沙律就嘛嘛地！-燒春雞配薯條 有燒汁/洋蔥汁簡🤪賣相非常吸引😍燒雞肉質嫩滑 而且雞皮燒得勁香😍點埋燒汁非常正🤤薯條都有驚喜！即炸熱辣辣脆卜卜！似M記脆薯皇既味道/口感整體味道唔錯之餘價錢都好抵食😋-厚豬扒配圍頭酸菜飯豬扒外脆 入口鬆軟入味有肉汁🤤配上附上既秘制豉油 粟米粒🌽甜甜酸酸既酸菜 簡單既配搭已將成個豬扒飯加曬分 好正😆

雖然呢間餐廳叫元朗冰室 但呢間冰室嘅設計一啲都唔似冰室 同傳統嘅冰室有好大差別... 不過唔緊要啦最緊要係好食姐 咁就去咗試吓啦。今次係去元朗冰室度食早餐 九點幾十點都仲係好多人 不過好好彩唔駛等好耐位 早餐都有四五個選擇 同平時其他餐廳嘅冇乜大差別 都係有面有通粉有包去揀 不過我個人喜好就係番茄牛肉通粉 佢個番茄湯底真係好吸引 個湯底好濃！啲牛肉唔會好硬 都唔會好鞋。 佢個多士亦都係一個賣點 鍾意蒜蓉味嘅朋友可以叫多蒜！ 佢啲蒜味真係好香！其實元朗冰室係出名食豬扒包 仲要係厚切嗰種 只不過今次係食早餐 所以就冇叫豬扒包 如果平時你食下午茶嘅朋友可以一試啊！

有次去幫襯夜晚個經理，同成班阿嬸女同事👵🏽👵🏽👵🏽👵🏽👵🏽👵🏽👵🏽坐喺度，咁我唔知佢哋收咗工未，我咪推門入去問，個返夜班經理竟然反問返我，你話呢？我知就唔洗問你啦！無禮貌👎🏻個阿嬸女同事就插咀，問我你嚟見工定食嘢？你醒吓啦！係咪個個客入嚟你哋到問，咁嚟食嘢定見工呀？

二個人今晚在深水埗食宵夜，第一次黎到元朗冰室。雖然已經是晚上十點多，店鋪客人都有六成坐滿。看到餐牌有上寫住厚豬扒專門店，都不用多想，即刻叫個厚豬扒試下。我叫的是貓頭鷹時段的豬扒飯餐，個餐可以配多一樣餸，我選了司華力腸，叧外叫了本土鮮豬潤麵。第一眼當然看豬扒夠不夠厚身，炸豬扒比平時的厚少少，但不算大塊。豬扒算鬆軟，個味道調得唔錯。鼓油汁是用心形小碟盛載，好美喔。反而重點想講講個豬潤麵，豬潤切得厚身，好嫩滑，沒有內臟的腥味，個湯底顏色雖然好清淡，個味道好鮮甜，好夠味。另外我加5元追加的午餐肉煎得好香。整體來說這個價錢，算抵食，下次會再來的。

今日同男友去深水埗東沙島街附近買野，順便同佢去元朗冰室試下厚切猪扒飯，因為之前經過睇過餐牌，已決定揾日試下。😬厚切猪扒配辣肉醬飯 猪扒真係夠晒厚身，對於我少食肉嘅人嚟講真係太夸張😜一定食唔曬，好彩有食肉獸一齊。😂但我仲意食佢哋嘅辣肉醬，好好味，😋感覺有D似川菜中麻婆豆腐嘅肉醬汁，但辣左少少，加埋D椰菜粟米一齊撈嚟食就啱啱好😅土魷蒸肉餅飯呢個蒸餸睇個樣感覺唔錯，但食落感覺到肉餅入面肥肉比例太多，啖啖油😓就算覺得浪費都冇繼續食。

呢間元朗冰室分店位處於太子同深水埗之間，所以人流比平常少，連舖頭招牌都係得一塊好hea既大banner，但呢度絕對係一處傾計食飯既好地方。魚湯時蔬，食完辣辣口水雞同炸乳鴿後飲啖魚湯，果浸食完炸野辣野既熱氣感覺當堂消失哂，湯料有莞茜香芹菜心菇類，絕對係誠意之選。$42 (加$5白飯一碗，加$9凍飲一杯)。口水雞例牌，晚餐$44今時今日真係碟頭飯都埋唔到單，但呢碟例牌足足有12舊雞，脾胸背全齊，食落相當足料惹味，(本人係好辣但唔食得辣既民族，即係一路食一路鬼殺咁嘈話辣但又係咁食果款。)都係$5白飯$9凍飲 兩個人百鬆D三餸兩飯無加一坐足兩小時又好招呼，今時今日呢D質素都唔知去邊度搵。炸乳鴿，$36當然唔會食到90年代龍華啖啖肉既質素啦，但皮脆肉嫰呢D基本野就絕對無過譽，如果無揸車既話，餸啤酒簡直係不二之選。P.S. 仲想推介呢度既厚切豬扒飯(好似$58連飲品)，上次食過唔記得影相，真係好厚切，真係好豬扒，一哥快樂果D真係可以行埋一便!

去完深水埗買野，順便食返個下午茶先我叫左個雞肶套餐，蒜蓉多士好脆，蒜蓉味十足！正！雞髀好正，因為好入味同埋脆得好香口！雞皮好脆，面肉質保持軟身麵就正常野，有少少辣辣地，唔錯！再飲返杯涷飲就大滿足！

咁岩喺深水埗呢頭做義工老公過嚟接我走，跟住諗起呢間身處深水埗但叫自己做元朗冰室嘅餐廳其實之前都食過幾次，佢地D豬扒好好味所以就去幫襯啦當然係會叫佢餐牌推銷嗰個厚賜豬扒啦仲有佢地個煎藕餅亦係非常好味佢哋嗰個厚薄口感適中，煎得唔算太油豬扒唔使講啦，雖然係厚但係一啲都唔銀，一啲都唔鞋我就叫左辛辣麵餐，另外就叫咗雞髀，佢哋都係炸得啱啱好，係就係熱氣左少少，不過間中一次冇所謂啦，其實佢炸到層皮係又薄又脆，唔似其他餐廳炸雞髀嗰層雞皮又厚又硬，價錢來講辛辣麵喎，都只係＄46所以我覺得好抵

這天到了元朗冰室吃早餐, 價錢$30價錢都合理。早上8點幾未有太多人, 我一人都坐了4位座位。叫了一個早餐 :火腿鮑絲通粉蒜蓉多士配煎雙蛋熱檸水原先想要腸仔煎蛋, 可惜職員話唔得, 有些失望。火腿鮑絲通粉除左火腿絲及鮑魚絲, 還有雜菜粒粒, 色彩繽紛, 胃口大增呀 ! 味道亦不錯。蒜蓉多士配煎雙蛋蒜蓉表面雖然有些燶, 但可以接受。厚多士真係要熱食, 好正。煎雙蛋, 我只食左蛋白, 兩隻生蛋黃就無食了熱檸水檸檬不苦澀, 不錯。

次次去襯或者講起元朗𣲙室都係厚豬扒，但我自己就嫌佢太油，今次午餐就試下佢嘅蒸水蛋！午餐叫水蛋，都要等十分鐘度，可能係即叫即蒸啦。水蛋好滑，佢跟嘅飯都算多，但送水蛋之下平時食好少飯嘅我都食晒啲飯！大家下次除咗厚豬扒都可以試下其他餐，朋友話口水雞都唔錯㗎！

我唔係元朗人，所以我唔知道究竟呢間冰室之前喺唔係元朗，而且印象中的元朗，除了老婆餅和圍村菜，真係唔知有咩食。既然佢成個餐牌都冇一唔講豬扒，似乎呢間餐廳的招牌菜係豬扒啦？香港既好食豬扒真係好難有，而且大部分都太多醃肉粉味，就算對岸梳打埠既豬扒包都一般，好，咁我睇下有咩咁巴閉。一係唔食，一食就盡啲，嚟個double 厚切豬扒飯($55)，跟紅豆冰(加$4)。以晚上9點都仍然不停有客，似乎唔係得個名。好了，上菜了。OMG, 真係厚切，喺厚到成吋厚個款，重要成塊兵兵波板咁大，而且唔係double, 喺 trible 。應該咁該，喺一塊大(網球板)加兩塊細(兵兵波)。但更大既豬扒，只要喺難食就天都假。但食落係超美味，可以用Juicy 形容，大佬$55兩塊豬扒加飯，重要塊豬扒係Juicy, 你重想可以點？佢個汁OK ，似甜豉油加少少熟油。豬扒最大問題喺食多會膩，但佢加上個豉油就啱啱cover 晒，重有少少伴菜。成件事即刻昇華晒，但我發覺自己中伏…我後悔點double, 因為實在太多了，最後都食唔晒。紅豆冰…我對唔住你。最後，真係好食既，而且環境又舒舒服服，值得一去。P.S. 痛風者留意食完一定要食