元朗冰室

营业中

休息中

去日本旅行時成日見餐廳可能只做一兩款食物，譬如一蘭拉麵，其實只做拉麵加少量配菜選擇，偶然會有限定食物提供，但都長做長有架喎！原因就係人地專心做好一樣嘢，自然就吸引到識欣賞嘅人光顧今日我想介紹吓呢間冰室嘅招牌厚切豬扒呢度雖然唔係獨辜一味只賣豬扒，不過都做得好好，係我暫時食過嘅平民價做得最好嘅我點嘅係厚切豬扒麵餐，以前只得豬扒一個選擇，而家可以轉雞脾My favourite! 但諗起Juicy 又啖啖肉豬扒就想食～如相片顯示，塊豬扒好足料又大，重點係肉質好稔好juicy, 而蒜香厚多士外脆內軟有牛油香味～通粉就嘿～普通吧！拌碟有青瓜蕃茄，可以清清味蕾～一份餐$42連飲品，抵食！

個個食豬扒 我就食雞脾風和日麗既下午 就去左元朗冰室食個TEA冷氣好爽一坐低已經好好招呼 問我地食咩肯定好多街坊日日黎食背哂個MENU唔洗諗就講食咩叫左個辛辣麵雞脾餐凍茶同埋沙嗲牛脆包熱茶過左一陣就到以為脆豬果隻包TIM  原來係似法包果D  不過唔係我叫又乾又硬 又冇汁醬 杯奶茶唔錯到我叫既辛辣麵餐喇雞脾好大隻 蒜多士夠香 不過如果茶多D蒜上去就仲正了個麵岩岩好 凍茶都唔錯總評 味道:個包真係好唔掂  其他都OK環境:唔錯 坐得舒服 有電視睇服務:手腳快 係咁搵野做 唔通老闆睇著?? 衛生:乾淨 抵食:抵食又大件 

地圖看來彷彿確是元朗十八鄉地圖，作為牆紙切合店名。在餐牌上看到厚豬扒篇-厚豬扒配蓮藕餅飯，便點了，試試回味一番當年元朗吃豬扒的感覺。環境乾淨，卡位有大有小，四人卡位、二人卡位，中間亦不少位置，紙巾在桌面，餐具在櫃桶。原來有友人表示，看見餐牌，如有雞扒、豬扒、牛扒，絕不會點豬扒，因豬扒給人痴牙的感覺。但筆者當年在元朗工作，吃盡元朗著名豬扒（成記、天奴、開心），早早將「豬扒很痴牙」的想法抹掉。豬扒飯，雖店員稱沒有汁，但以心形小碟盛著豉油，微鹹不甜，不是瑞士汁，是豉油加熟油吧。豉油西餐或豉油汁配扒飯，然後用單手吃，不用刀切，另一隻手打機玩電話，也成為了男人的浪漫。豬扒厚身，一如其名，厚身但肉質不乾不硬，軟身含肉汁，醮點豉油更加香，邊邊部分及面頭更加煎得香脆，與上述經典元朗豬扒餐廳可以一較高下。蓮藕餅像魚餅，但換成蓮藕，爽爽的，又是煎得香脆，味道還是不錯。茶走的奶茶味比起大部分深水埗的餐廳濃香，煉奶不多，甜度可以再多一點。個人獨吃可以走遠一點，雖然來油站這邊比較遠，但可以吃到當年元朗豬扒的情懷，多走兩步也值得。

2017-04-18元朗冰室******************「你厚多士!」唔好意思, 呢度出名既唔係厚多士, 係厚豬扒。一般市面食到既豬扒多數都比較薄, 元朗冰室就主大又厚又鬆化既厚豬扒, 仲有不同配搭。可以加埋肉燥, 辣辣地好送飯。******************元朗冰室營業到深夜, 深水步夜食一族又多一個好選擇(SSP夜食好選擇: 華記小廚、元朗冰室)******************消費: $96優惠: /

以往都有食開厚豬扒飯配辣肉醬，而肉醬可以分開上嘅。不知從何時待應阿叔話唔俾，話增加廚房嘅工序。咁就出事嘞…即時變油浸飯。本應想叫少飯，好彩飯腳制止。唔係就真係無飯到肚。另其實碟飯係另配一碟豉油，而我哋係無點㗎。所以希望餐廳睇下安排番分開肉醬上，始終唔想嘥咗啲飯又或食幾羹油落肚咁唔健康。

依間冰室在深水埗、佢個厚🐽扒系列真係好味、佢隻雞髀👍仲有少少辣味添啱晒我、佢跟個塊厚多士仲要係蒜味好香、仲要咁嘅份量，兩個餐加埋＄100都唔使👍👍👍、不過凍飲D冰多左D😓、下次想試下厚🐽扒辣菜甫飯

這間「厚豬扒專門店」的豬扒一向大件夾抵食，不過之前我只是在午餐時吃過它，早餐就沒有吃過。這一天，老婆仔想吃豬扒，就造就了這次來這兒吃厚豬扒早餐的機會。 叫來僅在早餐優惠時段推出的「馳名厚豬扒麵 + 蒜蓉多士」早餐（$30），超大件厚身豬扒，外層炸得金黃，肉質鬆而不硬，水準絕對比一般茶餐廳的為佳。蒜蓉多士的蒜茸下得不吝嗇，多士也夠厚身，作為配角，也不錯。 不過這早餐是不包飲品的，熱飲要加 $6，凍飲更要加 $8，叫來「熱奶茶」一杯，再補多 $3把麵換成出前一丁。下了麻油，飄散著麻油香氣的丁麵，雖然煮得稍腍，麵條不夠挺身，勝在下了少許椰菜、紅蘿蔔等蔬菜，為它加了點分。 這份才四十元不到的重量級港式厚豬扒早餐，雖然價錢比一般的茶餐廳早餐貴，但吃過這早餐後的我，飽得連午餐也沒有吃，直到晚飯時間才覺得肚餓再吃東西，都算厲害！

《一人開飯 之 中伏記》第一次去食係半年前左右， 叫咗厚豬扒辛辣麵， 豬扒又肥又鹹，無豬肉味。個辛辣麵煮得差。以為上次咁啱啫。。。比多次機會啦！今日第二次去食， 首先入到去， 未坐好已經問你食乜嘢啦。叫咗“乳鴿” 同埋“豬膶出前一丁”。乳鴿 好油兼出水，凍又中太鹹又無乳鴿味。豬膶出前一丁， 豬潤超鹹 ， 有怪味， 出前一丁個麵煮得唔好…湖咗。湯無落足一丁粉。問員工除 淮鹽之外有冇 喼汁點乳鴿。回：“無”，轉身便走。仲有，換餐牌唔出聲，起身準備取銀包，係我旁邊就收嘢，聲都唔出，非常無禮貌。（以為d 社企聾啞餐廳…抱歉 ！人家NGO 不知幾好禮貌！！！）食物已經唔得，員工們又無禮貌。。。對不起，無下次。寫這食評是希望減少受害者！

曾寫文評論以地區命名的新派冰室，結論是包點優於飯麪。食厭了紅磡冰室的奶油酥，南昌冰室的黑松露炒蛋多士，專程來驗證元朗冰室的豬扒包。這間號稱厚豬扒專門店，令我聯想歷史背景。話說昔日元朗農民飼養的豬十分優質，比日本可能更勝一籌，豬肉味香濃而多汁；當然，孩童時品嚐元的美食，印象會異常強烈，有情意結。查此店在元朗無分店，命名可能真是與此有關。點了豬扒包餐，32元，十分廉宜，份量震撼。豬扒算是鬆軟，近骨部份甘甜溢香，但味道太淡。豬扒包很脆，但偏乾。問題是號稱魔鬼醬汁液，卻是無鬼(辛辣味)，無邪惡(芝士)，無味道。醬汁宜濃郁和澎湃!厨師想突出豬肉味，但無此效果。其次，份量宜減，否則女士口放不入，肚藏不下；而且食的時間長，麪包會凍，不脆。轉變為豬仔包的直徑才是致勝之道。搭檯的男人點食豬扒飯，豬扒份量再大一個碼，可見此店以份量大，抵食為主軸。寄望元朗豬扒包更上層樓，改良魔鬼醬和麪包質素，會與澳門豬扒包齊名。

在深水埗見到一間叫元朗的冰室？ 地理位有d confuse, but 有老友推介過這冰室d豬扒勁正，而且 CP值超高，就試試。豬扒辛辣面套餐：我有無眼花，塊豬扒同T-bone無乜分別，超大超厚(1-2cm)，咬一口，竟然鬆化，我仲以為會好硬淨，實在無介紹錯。豬扒包：無面餐的咁大塊，但一樣超厚，咬落仲有d爆汁，而且包質也不差，還有一個餐才HKD40.00，不只CP值高，直頭超值。

其實我每次入去任何一間餐廳食野，我都會好有禮貌企係門口話比侍應知我幾多位，等佢安排我入座，等佢地易d安排每位客人既位置，唔會影響佢地既運作，其實我坐咩野位都無咩所謂，但我今次入去，對住一位坐左係收銀位既姐姐舉起一隻手指話一位，但佢望左我一眼就無理我，咁算啦，我自己就行左入去坐係近窗口既一個自閉位，但好搞笑既係我行到過去都未坐低，個袋都未放好，果位收銀姐姐就秒速咁企左係我隔黎拎住支筆同張紙望住我好似係要我order野食，佢係無出聲問我食咩，我叫佢等一等，我menu都未睇，咁佢就行返去收銀位置，好喇，我睇好左食咩野喇，咁我就舉手啦，佢望到我，但佢好似係到玩緊手機，望一望我，眼神話比我聽佢係知我想寫野，但佢未玩完手機，叫我等等，全程都係無出聲，但我係知佢係咁既意思，好喇，呢位姐姐終於都肯幫我落單喇，我點左一個宵夜套餐，厚切豬扒飯配辣肉醬，凍檸茶，佢幫我落完單都仍然係無出聲咁就行開左喇，我有一刻真係以為佢係講唔到野，或者喉嚨唔舒服之後我望到張單我係晚上11:26分落單，我既野食到左11:48分先到，野食方便，厚切豬扒，一個字「肥」，成塊豬扒淨好出色咁整到無咬口，一咬落去就淨係感覺到肥既感覺，好

今天來到了深水埗石硤尾一天遊，友人想喝奶茶，在OPENRICE 搜尋茶餐廳，發現深水埗新開了一間冰室，名為『元朗冰室』。位於深水埗的『元朗冰室』厚豬扒專門店，以厚豬扒做主打，當然要試試，仲要打孖上，order 了“Double”厚豬扒飯 ($48+$2凍奶茶)簡直可以重量級形容！豬扒厚身，卻完全不韌，而且有肉汁滲透，連骨位就最美味！一人一塊就已經夠晒了！順帶一提，心心碟裝上豉油，把豬扒沾上豉油後，你會發現，呢碟飯爭了煎雙蛋，還要是流心的太陽蛋，建議冰室不妨真的加上煎蛋，賣相更吸引之餘，食客會更滿足！**後來在餐牌上，發現了小食欄有西煎雙蛋 $18，下次可以考慮加一客。另外order了馬來咖央西多士$16，價錢不貴，可惜味道一般，咖央不夠香，而且西多可能因有太多牛油關系，變得很油膩。不怕，在這裡，有厚豬扒已經值一個笑臉😋香港真是一個多采多彩的地方，只要你願意發掘，你就會發現香港不同的角落，充滿著不同的色彩。深水埗石硤尾是一個很特別的社區，有很多舊式小店、屋村、街市、公園等，滿是歷史的痕跡，假期留在港也可像遊客一樣。

辛辣麵豬扒餐，真的這麼難煮出來嗎，等了45分鐘先有得食， 其他餐就正常出，我坐低的時候， 已經見到有幾位食客，唔再等走咗，對面位先生已經同我講，等了30分鐘， 同樣都係辛辣麵豬扒餐，如果再唔改善下， 真係唔會再幫襯

早餐B餐沙嗲牛麵-麵不好吃，沒有味道，最後我加了辣椒油蒜茸多士火腿煎蛋-味道很好，但煎蛋過熟熱啡-我覺得濃郁，有水準冷氣-可能我坐門口，有點熱環境-裝修優雅，尤其牆身老照片服務-樓面只有3人，要求辣椒油時回應比較慢。

與同事傾開厚厚豬扒, 同事話SSP附近有間叫元朗冰室, 有厚厚豬扒食, 個日去開SSP, 一於去試下 !地點係SSP, 但都要行10分鐘, 冰室係新開, 午飯時間唔算好多人,睇下餐牌先 :我就ORDER左 "厚豬扒出前一丁" + 紅荳冰豬扒真係厚切, 雖然厚切, 唔會鞋,但係好嫩滑, 煎得好香, 而且好大件。反而紅荳冰就有D失望, 已經叫左少冰, 但都係好多冰, 味道好淡,慶幸紅荳好甜, 好咬口囉 ~