元朗新記 (吳松街)

营业中

休息中

難得外國友人回港短聚，一於帶佢食番啲地道港式美食。餐廳環境燈火通明，座位亦算闊落。貴妃雞粥 $59一大煲雞粥滿滿的雞油香味，粥底軟棉。雞件滑身得嚟每一啖都充滿濃濃嘅雞味，難怪可成為招牌煲仔雞粥。另外，我發現原來食粥都可以好似車仔麵咁加料，我加咗豬紅（$6）及碎牛（$6）。一碗粥，三種味道。香脆炸兩腸粉 $25腸粉皮夠薄身，包住脆脆嘅油炸鬼，一啖一口感覺唔太油膩。牛肉腸粉 $29紅燒元朗脆皮乳鴿 $76一啖咬落去外層香脆，內層嫩肉勁juicy，再沾少少淮鹽，入口有三個層次。魚蛋片頭河 $39魚蛋彈牙，片頭正常發揮，河粉嫩滑得來加埋個清湯底好夾。生炒牛肉飯 $53朋友在半飽狀態下，仍然堅持試埋個炒飯，分量大碟得來，鑊氣十足，朋友話回港就係要食番呢種粒粒分明的炒飯。薑汁紅棗糕 $24要食中式甜品唔一定要上酒樓，紅棗糕彈牙QQ，薑汁味濃。今次一餐滿足晒朋友回港要食的粥、粉、麵、飯，有地道港式小菜嘅鑊氣，性價比高。

最近天氣凍，最適合食暖笠笠的綿滑雞粥🔥🔥。想不到元朗新記連佐敦也有分店。在旁邊的廟街逛了一圈，馬上就到新記試下它的馳名本土老字號招牌惹味特濃雞粥～🐤🌟貴妃雞粥新記的雞粥很特別，是用瓦碗上菜，即使吃了一會，仍是暖暖的。足料雞粥，顏色一看就充滿濃濃的雞汁香，雞肉肉質鬆軟嫩。粥底嚐一口已滿滿雞香味，粥夠綿。🌟炸蘿蔔糕有驚喜，外層煎得十分香酥，好有蝦味。🌟海蜇熏蹄最喜歡的海蜇和熏蹄，可以一次過試晒～海蜇有少許辣，但他的辣油是十分香🌶️。🌟秘製雞中翼份量十分多，每一口雞翼，都食到酥炸香味～🌟紅燒元朗脆皮乳鴿 期待已夠的脆皮乳鴿 ，炸得剛剛好！咬一口，已感覺到乳鴿的酥脆，肉質不會乾。可以Encore。🌟芽菜炒河芽菜炒河十分足料，因為本身都喜歡吃芽菜，啖啖芽菜十分滿足。河粉調味也剛剛好，不會太咸，可以一試。

餐廳好近佐敦地鐵站，A出口行過嚟2分鐘就到🥢 貴妃雞粥 💰$59餐廳招牌必叫‼️雞粥係用個鍋上，keep到粥既溫度，粥面上已經有浸雞油，粥好綿入晒雞味，雞有5-6件煮得都好嫩滑🥢 脆皮炸乳鴿 💰$79同樣係招牌必叫‼️乳鴿嘅size算大隻，炸得夠脆無燶，乳鴿有肉唔瘦，肉質好嫩唔韌🥢 薑汁紅棗糕 💰$24食粥既餐廳都叫到甜品，紅棗糕一份有4件，仲要大大件，紅棗糕夠煙靭，夠厚，一上枱要即刻熱辣辣食就最好食🥢 油條 💰$12油條估唔到有驚喜，係自己餐廳即刻炸，依款油條外皮脆內面軟，唔會係空氣感好重嗰種，就算擺咗一陣再食都仲脆🥢 XO醬炒蘿蔔糕 💰$58蘿蔔糕嘅份量唔細，落足XO醬，亦都煎得夠香，蘿蔔糕亦都係餐廳另一推介‼️🥢 海蜇生腸 💰$58海蜇生腸又係另一驚喜，依度嘅海蜇生腸份量好多，海蜇夠粗夠入味，而生腸係一口嘅size，容易入口之餘，亦都好夠爽口睇返餐牌，依間餐廳平時仲有沙嗲牛肉麵、鮑魚火腿通粉等等可以選擇，今晚我去食嘅時候係7pm，我見到隔籬枱嘅食客食緊小菜，下次嚟都想試吓啲小菜XO醬叉燒炒蛋，椒鹽豬扒同埋菠蘿咕嚕肉🤤

夜晚飽飽地，想食下粥，同埋小食，估唔到係佐敦都有地道雞粥食。- 貴妃雞粥 ($59)必點既招牌雞粥，粥底煲到好綿，好香雞油味，仲要成鍋上。雞件有5，6件，仲係好嫩滑，唔會好乾，煲既火候真係啱啱好。- 蜆介鯪魚球 ($58)鯪魚球好大粒，好香脆，咬落又好彈牙，配埋咸香既蜆介醬 ，好正。- 叉燒腸粉 ($29)叉燒腸比較普通，外皮比較厚。- 豉油王炒麵 ($34)豉油王炒麵份量夠，炒得又夠乾身，唔會太油，太咸，可以配粥食。

-元朗新記-📍佐敦.前排天氣好凍，想食碗暖笠笠的粥，黎到佐敦找到哩間有煲仔雞粥。.一般茶餐廳格局，用QR自助落單。週日晚餐時間去，成晚都食客不斷。.海蜇生腸 ($58)海蜇同生腸都好爽口彈牙。海蜇好厚身夠大條。.貴妃雞蠔仔粥 ($74)好足料的粥。.雞係哩度的招牌貴妃雞，挑選最新鮮嫩滑的母雞，用多種藥材、香料、蝦乾及瑤柱烹調而成的。用煲仔煑起，粥夠綿滑夠米香。.蠔仔好多而且唔係細粒的，每粒都好飽滿。.菠蘿咕嚕肉 ($81)豬肉好厚身，醃得入味，肉質結實有咬口。.外面的粉層唔會太厚，加埋酸甜汁都夠香脆。.椒絲腐乳炒通菜 ($51)份量超多的炒通菜！通菜莖好爽口，葉的部份就好鮮嫩，加埋惹味的椒絲腐乳送飯一流。.

今次來到生記貴妃雞粥的佐敦分店，雞粥配脆皮炸乳鴿最正😍好多年前在元朗吃過呢間，印象中仲開到好夜！我今次帶日本同事同行，帶他吃香港地道的食物！每間餐廳都有唔同嘅招牌菜，呢間餐廳嘅招牌菜係生滾貴妃雞粥，我哋當然有點🤣我就先食乳鴿，跟住之後再放啲粥在碗，所以啲粥除咗有雞味仲有乳鴿味，大家不妨試吓，啲粥係好綿好滑，啲雞都比較濃味，果然分店都唔差另外再加左啲鮮蝦腸粉，啲蝦好爽，腸粉又好滑，呢間呢唔係淨係做粥同埋腸粉，仲有其他炒粉麵飯，唔係只做粥腸粉嘅專門店，所以都幾欣賞佢吔做得唔錯開業不易，守業更加不易

出餐超級求其，餐廳嘅職員超級冇禮貌，開頭話驚人取消左就唔落返單，已經話即刻重新落過單都唔肯，然後又話冇生意，咁嘅服務態度點會有生意，真係唔會再幫襯，又貴又唔抵食。

新記嘅雞粥好食就好多人都知，但今次我哋唔諗住食佢哋嘅雞粥，而係睇吓佢哋嘅一啲小菜同小食又係咪一樣咁正先😆酥炸魷魚鬚 $61份量唔算少，魷魚鬚嘅Sɪᴢᴇ都幾平均，啱啱炸起即食，熱氣嘢真係要咁食先正，食落好酥脆亦都唔難咬開，調味都啱啱好，大推👍🏻👍🏻椒鹽豬扒 $84我哋叫咗套餐，有個白飯加杯凍檸茶，個調味都幾好，椒鹽味幾香，食落有好輕微嘅辣，食食吓係幾惹味幾好送飯嘅😆菠蘿咕嚕肉 $61呢個真係去邊間小菜都會點嘅Iᴛᴇᴍ，呢到嘅咕嚕肉做到外脆肉嫩，炸粉唔會過厚，食落啖啖肉，醬汁亦唔會過酸，又係送飯良品🫢🫢紅燒元朗脆皮乳鴿 $76即叫即炸，乳鴿嘅Sɪᴢᴇ不大不小，食落肉嫩，而且都幾厚肉，皮脆略帶點油香，師傅控制時間控制得唔錯，呢隻乳鴿都幾出色😗整體嚟講，以幾十蚊嘅價錢食到咁嘅質素嘅小菜，相當超值，下次有機會會再介紹埋佢哋個雞粥比你哋😆

本來openrice外賣叫了豬潤貴妃雞粥卻來了豬潤魚腩粥打電話去同老闆講老闆不斷道歉話下次會補返俾我好有禮貌算了做人總有做錯的時候下次還是會再去的啲粥嘅味道唔錯就是魚腩有啲多骨

前日行咗嚟佐敦，咁啱搵到呢間嘢食，叫元朗新記，聽講係喺元朗開出嚟，咁就係咁以試吓啦！佢呢度最出名嘅招牌相呢，就係貴妃雞粥，所以梗係要叫返個試吓，雞嘅味道唔錯，有雞味，份量亦都足夠。重點咗出名嘅燒乳鴿，燒出嚟嘅顏色呢令立立，皮脆肉嫩。我重點咗另外兩個小食，一個係我最鍾意嘅蜆介鯪魚球啦，大大粒夠晒香，點埋個蜆介醬呢，仲好好食。第二個小食就係海蜇手撕雞，平時食手撕雞就識得單獨食，海蜇都係單獨食，依家佢撈埋一齊我都係第一次試。有唔同嘅層次，有層次感。最後我哋都係食多個粥，咁就揀咗個蟹粥食啦！我本身其實就唔係好鍾意食蟹嘅，不過蟹粥我就OK。

今次同朋友佐敦佐治五世公園踢完波之後去食飯，近近地就揀左呢間元朗新記，見佢餐牌幾多元化，除左主打雞粥仲有其他野食，價錢又唔算好貴，就食番夠本先😛首先叫左個貴妃雞粥（$59），佢門口大大隻字寫得梗係要嗌呢個啦，d粥煮得軟滑又綿，雞件食落都係新鮮，果然係招牌貨👍🏻另外一個主食就叫左XO醬叉燒炒蛋飯，佢XO醬都夠多，d蛋又炒得好滑，岩岩好半生熟咁，撈飯一流，再加埋肥瘦適中既叉燒真係無得彈，而且仲要好鬼大碟😮仲有叫左隻蛋黃鹹肉粽（$39），隻粽舊肉都算大舊，個鹹蛋黃係較尾既位置所以影唔到，都幾大隻，隻粽都幾好食😁仲有叫左碟酥炸魷魚鬚（$61），魷魚鬚新鮮熱辣炸出黎，香脆之餘個粉唔算厚，好味😋叫左咁多肉類，梗係叫碟菜，懶健康下啦🤣 叫左個蒜蓉炒菜心（$51），菜心炒得有鑊氣，都唔錯✌🏻呢間餐廳有各種唔同野食，有粥有小菜，碟頭飯等等，價錢唔貴又夠大碟，都幾岩我同波友食，今餐食得幾滿意😃

🦑酥炸魷魚鬚 $61推！呢間茶餐廳的魷魚鬚做到好似大排檔的質素，有鑊氣，而且香、酥、脆、嫩，食落非常滋味！🐟蜆介鯪魚球 $58大大粒鯪魚球，每粒都好似乒乓球咁大粒，而且好有咸香味，唔洗點醬已經非常夠味。🐓貴妃雞豬潤粥 $65特別之處是佢用煲仔上粥，而材料都好豐富好多，所謂的貴妃雞指的是用嫩滑的母雞，所以粥底會較鮮甜。🐖南乳豬手撈麵 $46豬手好入味，而且豬手煮得好軟淋，一咬已經可以肉骨分離，好食！個麵我就唔太食得慣，有個種鹼水的味道，再去的話會叫淨豬手。

.元朗新記其實今次係第二次食呢間分店🫠，但今次就想share一個差嘅體驗🥲今次我地叫左2款粥品、一份炸兩、一杯飲品🫨* 貴妃雞粥 $59* 豬潤粥 $37* 炸兩 $25……….貴妃雞粥只有3件雞塊，而且以骨居多，粥底亦不綿密，比較稀，似水流流多d😞，以前佐敦返工都幾中意黎食雞粥，但原來過左兩年做差左咁多🤔………豬潤粥，粥底都係比較水（圖1），豬潤大概有5件，比雞粥好，起碼有野咬下…🥲粥底亦似係用味精調味🫠………炸兩，menu名稱係香脆炸兩腸粉🫨，但完全同香脆扯唔上關係…琴晚食直頭係淋，質感類似濕左嘅毛巾🧐……….早2年去過元朗分店食過，印象職員服務幾好，但琴晚嘅體驗就係，服務比較差劣🤔，係比較可惜，本來對呢個品牌感覺、印象都唔錯，但今次真係差左好多🤔唔推介大家去試..………地址：元朗新記 (吳松街) (佐敦)佐敦吳松街123號地舖………

講起雞粥，一定會諗起元朗新記‼️其實除咗雞粥之外，乳鴿都非常之出色👍🏻脆皮炸乳鴿 炸乳鴿工序繁多，要整得好食都唔係咁容易㗎～新記嘅乳鴿意想不到有驚喜外皮超脆，內層肉汁鮮嫩飽滿，完全冇腥味！唔使再點醬汁或者鹽已經十分好味😋貴妃雞粥 豬膶魚腩粥 呢度嘅名物係生滾粥，粥底綿密，食材新鮮👍🏻蜆介鯪魚球 見隔籬枱食鯪魚球，個樣好靚仔，所以我哋都跟隊叫咗一碟～真材實料鯪魚肉打成，夠彈牙好香口！蛋白杏仁茶 超多蛋白，杏仁茶唔會過甜，完美ending！元朗新記 (吳松街) (佐敦)佐敦吳松街123號地舖

幾時都鍾意食腸粉配粥、從來都食唔厭。去開佐敦見呢度有得走即刻走入餐廳睇下有乜好食Cheung Fun with Char Siu叉燒腸粉> 上枱仲熱辣辣嘅叉燒腸、啲皮又真係滑滑捋捋厚疊疊 ，叉燒餡算係多肥瘦適中，甜豉油味道亦啱啱好，整體總算唔錯Stirred Noodles with Shrimp Wonton鮮蝦雲吞撈麵> 雲吞體型小巧蝦肉爽脆，撈拌碟蠔油食啱自己口味，如果想易吞啲可以混入上湯進食另有一番滋味Chicken Congee with Eel貴妃雞黃鱔粥> 粥本身味道唔過鹹，當日的雞件個人覺得略為瘦削但味道還好，黃鱔品質中規中矩