元札幌拉麵 (悅來坊)

营业中

休息中

裝修日式風格， 以木傢俬為主， 配上顏色鮮豔燈籠和可愛多啦a夢公仔裝飾， 十分吸引， 靚靚打卡位。豚肉軟骨拉麵$78湯底可選擇味噌、 醬油和鹽， 拉麵可選擇偏硬、一般、偏軟， 仲可以加配料 ， 很貼心的服務， 我選擇了味噌湯底， 鮮味香醇突出， 配上份量十足， 爽口彈牙拉麵 ， 拉麵完全吸收了湯底的鮮味精華， 好味到唔停得口。豬軟骨肉質軟腍， 好入味， 配埋半隻滑溜流心蛋、 紫菜絲和甜甜粟米粒， 再吃一口彈牙的拉麵，每啖好豐富 ， 十分滋味！自家製手包餃子(加配優惠價)$28餃子外皮很薄， 很飽滿， 大口咬下去，充滿肉汁和嫩滑， 好味。鰻魚飯配沙律+麵豉湯+ 茶碗蒸 $90足半條鰻魚份量， 賣相吸引， 表面燒到焦香， 香氣四溢， 配上甜甜的燒汁 ， 鰻魚肥美無骨 ，香甜嫩滑， 食完滿口油香，飯面上鋪滿幼細玉子絲， 口感更加豐富， 配 埋新鮮蔬菜沙律， 鮮味味噌湯和足料茶碗蒸， 蒸蛋充滿蛋香又嫩滑， 超值之選！燒牛舌$38牛舌厚度適中，燒得有焦香味， 而不失嫩滑而嚼勁， 舐舐脷爆燈。

昨天行過悅來坊商場，行街其間，比門外嘅叮噹大公仔仔吸引到，所以就喺店外觀察下見鋪面裝修得幾靚，坐位闊落，好有日式風味，當時大約1點鬆d，唔洗排隊，就入去食碗拉麵啦。我叫咗碗雜錦面，湯底好清淡，麵煮得太淋，無曬咬口，叉燒好薄，得一片，豬軟骨非常細舊，飲品只有罐裝汽水，成碗拉麵，只可以講，最正嘅係隻流心蛋，夠入味勝在店內掛住餐牌喺當眼處，可以方便客人選擇食物，而且職員態度親切其實我真心少少失望，希望可以改善食物質素

今日帶小朋友去荃灣嘅大型玩具店行咗陣， 見呢個商場入面都好多食肆， 然後我哋就諗住揀一間嚟食飯， 小朋友想食拉麵， 所以揀咗呢一間餐廳， 當時大約六點零七點鐘， 喺門口排咗一陣隊就有位， 呢度嘅拉麵和小食嘅款式都有幾多選擇。櫻花蝦拉麵近排愛上咗櫻花蝦拉麵， 可能鍾意咗佢嗰陣咸香味， 呢度嘅櫻花蝦都幾多， 湯底夠熱， 湯底用左豬骨湯， 其他配料有海苔 ，蛋，叉燒等， 味道方面豬骨湯嘅湯底味好濃， 櫻花蝦嘅鹹香味好出， 拉麵嘅口感都做到爽口彈牙。叉燒拉麵小朋友叫咗個叉燒拉麵， 叉燒嘅份量都幾多有四片， 我試咗一啖肉質都夠淋， 叉燒做得幾入味。自製手包餃子+ 燒牛舌手包餃子用咗雞肉雜菜嚟做餡料， 個皮厚度適中， 煎得幾香口， 叫拉麵加28蚊就有一份幾抵食。燒牛舌牛舌嘅厚薄切得幾適中， 食落幾有口感， 而且記重牛味和炭燒既香味。

之前同同事經過呢間餐廳，佢哋表示呢間好一般，我見個環境同餐牌都唔差，於是今晚係附近做完嘢親自嚟試一試！好有日本特色，坐得舒服，我張枱係角落，隔離仲放多張凳可以放袋呢一齊睇下有咩食？我地兩個人叫左一個飯一個拉麵🍜呢個係豚軟骨拉麵，啲肉煮得好軟好淋，而且有得揀湯底同麵嘅硬度就返顧客個人口味！個飯係溫泉蛋牛肋條飯，有齊沙律、麵豉湯、蒸蛋，食完真係好飽！啲沙律菜灑上少少沙律醋，好開胃，都幾新鮮～個飯除左牛肉，仲有埋雞蛋、蟹柳、海苔、青瓜絲等等，有啲似韓式拌飯呢個蛋又唔同飯入面個隻溏心蛋，我鍾意呢碗多啲，有冬菇因爲有茶，所以都冇特登再另外點飲品，店員都好勤力加茶呢！枱面放有足夠調味品同用餐所需嘅紙巾同牙籤，夠曬顧客友善另一樣做到顧客友善嘅係唔同嘅俾錢方法其實仲有啲額外嘅新menu，試過發現都唔係同事講嘅普普通通吖，算係唔錯喎，多款同唔伏，價錢都合理，可以再encore

同亞女兩個去元札幌撑枱腳, 之前都食過, 覺得唔錯, 今次又再 encore。 店舖細細間, ㄧ舉手就已經有職員行過來招呼客人。今次想試多幾款小食, 所以只 order 了ㄧ份主餐, 就係温泉蛋牛肋條飯。 4 條牛肋條 size 適中, 好淋, ㄧ d 都唔肥, 最啱 keep fit 嘅人食, 仲有溫泉蛋, 日式蘿蔔, 蟹柳, 蔬菜, 五顏六色, 十分吸引, 另外有味噌湯, 沙律及蒸蛋, ㄧ次過滿足食慾。小食要了三款, 首先係燒多春魚, 燒得略為燶咗少少, 但味道都不錯。跟住要了串燒雞軟骨, 最欣賞佢係用不銹鋼支串住 d 雞軟骨, 可以循環再用, 認真夠環保。最後要多客炸豆腐, 豆腐炸到金黃色, 內裏滑滑的, 上面鋪了很多木魚片 (唔 sure 係咪), 多了ㄧ重口感。簡簡單單又ㄧ餐, 已經好滿足。除了客飯, 還有拉麵, 及其他小食, 啤酒, 還有店長推介嘅二人餐, 下次同 honey 試下先。亞女話串雞軟骨好好味喎

約左男朋友去荃灣經開悅來坊順便差行下Aeon,行吓行吓差唔多到肚仔餓既時候，咁岩見到有間日本料理,其實我地都有段時間無一起食過，見唔使等位決定入左去試下啦😋😋.店內裝修尚有心思，有隻巨型多啦A夢夠搶眼，店外都有座位提供，如果坐出面應該會有另有一番風味🍡🍢🍱⛩.我地簡左點拉麵🍜呢到都好多拉麵選擇，係選擇困難症之下我點左Ankake拉麵，男朋友點咗叉燒拉麵加$16加配溏心蛋同汽水，佢可以俾你揀麵既煙韌度嘅同埋湯底（味㬝,醬油,鹽味）另外加點個南瓜炸薯餅🎃黎到啦😈😈賣相不俗，麵份量幾足，薄薄嘅叉燒味道不俗，麵質幾彈牙👍🏻而湯底亦唔油膩，簡簡單單一餐晚飯😇😇食完仲行咗奇趣天地收穫豐富😍😍🥰

約左朋友上佢屋企打機 一齊係附近商場食個晚飯再上去 呢一層有好多餐廳 隨心揀左呢間試下點左以下食物 北海道櫻花蝦拉麵($88)熱辣辣 好多材料 櫻花蝦,叉燒,半隻溏心蛋可以自己選擇湯底同麵硬度 我地就揀味噌湯底 味道濃度啱啱好 麵質都唔錯 我地再加錢叫多左隻溏心蛋 海鮮大阪燒($42)用個小熱鍋送上 夠晒熱 上面個醬就係大阪燒靈魂 個大阪燒麵粉比例都幾好 唔會好粉 價錢又夠實惠鰻魚飯定食($90)包捨:沙律,蒸蛋,湯同鰻魚飯鰻魚都幾大條 雖然有少少骨但都無影響味道 出奇地個蛋幾好食燒明太子($38)應該係即燒 一客有兩件就咁食會咸d 配酒飲下應該會幾好 或者點下佢配有沙律醬都可以平衡下

今日同女朋友係荃灣悅來坊行完AEON, 發現呢個商場真係好多野食，見到呢間「元札幌拉麵」座無虛席，裝修又幾有日本風味，就決定晚餐幫襯一下。望落餐牌，價錢一啲都唔貴，選擇都十分多，有拉麵亦有定食。我點了一款限定嘅魚介叉燒蛤貝拉麵 $88。湯底味道十分濃郁，蜆肉夠晒肥美，仲有兩大塊叉燒、一隻蛋，真係好滿足喔！女朋友點了一款雜錦拉麵 $82。拉麵的份量好似比普通拉麵店大份，絕對夠飽。女朋友表示味噌湯底十分出色，叉燒好夠口感、好香，又唔太肥，恰到好處，有驚喜。跟餐可以加溏心蛋 + 汽水 $16。溏心蛋係冷盤上，好好味。自家製手包餃子 $28，餡料都幾豐富，煎得金黃色，咬落多汁，絕對係誠意價。章魚燒 $38。新鮮即製，上菜時仲感受到溫度，咬落口感非常出色，我同女朋友都一致推薦！串燒雞軟骨 $18食飽仲去咗同叮噹影返兩張相先走。餐廳幾好味，坐得舒服，性價比高，絕對有下次！

親戚喺附近酒店check in 我哋就同佢喺呢度附近商場搵嘢食見呢間餐廳入面坐咗好多人而且餐廳佈置都幾有特色所以就揀咗呢間餐廳佢要鰻魚飯定食而我就揀咗一個櫻花蝦拉麵之後就加左燒明太子鰻魚飯定食好快就送上嚟 除咗鰻魚飯仲有一個茶蒸蛋 仲有沙律同麵豉湯 呢個定食都幾多份量而我個拉麵都轉頭就送上 好多材料裏面有櫻花蝦,叉燒,溏心蛋 麵身唔會煮到好冧有咬口 湯底我哋揀咗味噌 鐘意佢味道較濃但係呢個味道都唔會煮到好咸 我覺得啱啱好推介明太子串應該係即燒 一客有兩件有沙律醬畀你點 個明太子串鹹鹹地 入面一粒粒脆卜卜 覺得呢個配啤酒啱啱好

今日去Aeon掃貨，行完之後拎住好多野，所以決定係入面搵野食算喇。原來B1果頭有好多餐廳，成條食街咁都幾正，有雞煲、日本野、泰國野等等。係荃灣，除左台風之外都無食過其他拉麵店，所以就想試下依間拉麵。依度既裝修幾和式，坐位都闊落，坐得幾舒服。Menu入面有唔同既拉麵、飯(定食)、小食，都幾多元化。佢拉麵款式同一般既日式拉麵好唔同，有元拉麵、Ankake拉麵等等既特色拉麵，每個麵都可以簡湯底，例如醬油、鹽、Miso湯底。我同朋友叫左個醬油湯底野菜拉麵同味噌湯底Ankake拉麵，另外叫左個餃子。叫完野食之後，我地就下Waiter比杯茶，係玄米茶，幾好飲，好快飲完Waiter又會Refill，好有心等左十分鐘左右，有拉麵食喇。Ankake拉麵野菜拉麵有不同調味料可以加，加左我最後既Garlic!我試左一淡朋友既Ankake拉麵，Menu英文寫係Sticky soup ramen，個Miso湯又真係幾稠Wor，係幾濃既湯底，幾特別。另外我個野菜拉麵入面有唔同既蔬菜，例如娃娃菜、冬菇、蘿蔔等等，係特別既配搭。湯底方面，醬油湯個味好厚，但唔會好咸，幾唔錯，唔係死咸。但麵同筍就有陣簡水味，依方面可以做

拉麵平時我都食唔少，不過真係第一次比一間咁可愛嘅拉麵店吸引咗入去食嘢呢度嘅裝飾全部都係呢款卡通人物，實在係我嘅童年回憶拉麵可以揀湯底同麵質除咗麵仲有飯可以揀小食都好多元化叉燒拉麵呢個叉燒拉麵份量十足，湯底鹹度適中，麵質偏彈牙，好好味叉燒大大塊，肉質偏瘦少少地獄拉麵呢個麵唔算好辣，味道比起叉燒拉麵重啲麵質同樣爽口，而配料有叉燒同溏心蛋，份量唔錯海鮮大阪燒呢個大阪燒食落質地偏淋，少少煙韌除左有平時嘅沙律醬同木魚碎，仲另外加左煙肉碎，食落香好多呢個大阪燒俾我嘅感覺幾家庭式，同平時出面食嘅有少少唔同北海道南瓜炸薯餅呢個薯餅外表唔係好突出，開頭都有少少擔心質素，但原來真係唔可以睇表面呢個薯餅食落外皮薄脆，內餡塞滿南瓜蓉，比我想像中好食呢度環境唔錯，食物比預期中好，下次嚟荃灣又多個選擇

悅來坊入面有好多餐廳，八方雲集﹑元氣﹑砂煲兄弟等等，我地見到間居酒屋好似幾有feel咁, 就入左去，主打拉麵，同時有飯定食同燒物。我地兩個都叫拉麵，可以選擇湯底（味增﹑鹽﹑醬油）及麵的硬度（偏硬﹑一般﹑偏軟），重可以加配料老公選擇左醬油湯底既元拉麵（＄６２），我就選擇左味增湯底豬軟骨拉麵（＄７８），兩碗都幾好食，拉麵有蛋香味又夠硬身，份量亦足夠。豬軟骨竟然有５塊之多，重有溏心蛋。下次試埋d定食，見到隔離枱叫鰻魚飯and looks good! 我地再叫左三樣小食，麻醬波菜﹑豆腐﹑燒雞軟骨，燒雞軟骨最好味，上菜時重有油滋喺雞軟骨上滋滋下，好好吃啊!

今日去開悅來坊買野，順便同朋友食晚餐聚聚舊。我地行經呢間拉麵店，見佢平日夜晚都幾多人幫襯，一於就試下佢。我地一人揀左一個拉麵再share d小食。魚介叉燒蛤貝拉麵，呢個應該係新出，餐牌上面無，個拉麵有叉燒、蛤貝仲有溏心蛋，而且份量十足，蛤貝大大隻，唔錯。雜錦拉麵，有豬軟骨、叉燒、蟹捧同溏心蛋，咩都有d，岩晒心大心細，有選擇困難ge朋友仔。我地見佢溏心蛋 + 汽水都只係 $16，本身汽水都要$12，緊係加多隻蛋，好味道😋跟拉麵加$28自家製手包餃子，有4隻餃子，煎得好香脆，餃子餡料十足，口感幾好。章魚燒，細細粒，可以一啖食一粒，食落唔會淨係得粉，個面好脆好好味，好有水準。串燒雞軟骨， $18有兩串，好抵，味道不過不失。我地食左咁多野，每人都係百零蚊，餐廳又坐得舒適，下次可以再返黎encore。

今晚同朋友經過悅來坊商場，見到一間拉麵店，裝修都幾靚，有一個大叮噹裝飾，於是入去試一試佢哋嘅拉麵。餐廳有大約80個座位，門口外面掛滿燈籠裝飾。晚上6:45分，不用排隊等位，二人座位幾舒服的。這裏設有晚餐、飯、串燒還有拉麵。我們坐下來已有兩杯熱茶供應。款式都幾多，我們點了地獄拉麵，餐牌上寫着有三隻辣椒的，還有咖喱飯。地獄拉麵：叉燒都幾大塊，仲有一隻切開嘅雞蛋，拉麵的湯味道很濃郁。咖喱飯：配有一個燉蛋，一碗麵豉湯，以及一碗沙律。燉蛋味道很夠材料入面有一隻大冬菇，麵豉湯都好入味，沙律菜都唔錯！餐廳內，牆上掛了餐牌，顧客好容易可以看到餐廳的推介食物！後記：加一服務收費。平日晚上七時前不用排隊等位，可以輕鬆入座。

上回講到去左悅來坊食完炸雞‘’餓底‘’小編當然唔夠喉同層有間幾有日本感覺既拉麵店 就去試下😋.🦀札幌螃蟹拉麵麵豉湯底濃濃地仲有醬油同鹽味湯底可以選擇🤲🏻螃蟹唔係一般蟹柳黎既💁🏻‍♀️幾有鮮味👍🏻👍🏻麵質幾彈牙 配菜都唔少💃🏻一碗簡單既拉麵 又幾有滿足感😇.另外仲叫左串燒牛舌🐮👅焦香得黎都幾嫩👍🏻.人均消費：$90推介指數：👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻🤙🏻（6/10）