元気寿司 (元朗廣場)

营业中

休息中

原本以為是個別例子，已經手機下單還漏單成這樣子，想不到枱枱都發生漏單現象，最終有別的客人需要取消訂單離開，真沒想到元気現在的水平這麼差，雖然食物味道還在，但我還是不會再來

嗰次我哋放學啱啱好2:30就有下午茶，都知道好多人落單，所以叫完之後都等咗一段時間先到，因為下午茶真係特別抵！我叫個餐好似$78，詳細唔記得價錢，已經有六件壽司、一個烏冬、一個小食！佢嘅下午茶套餐離不開都係50至$100超級抵食！當然如果有啲數先唔想食都冇辦法，因為固定咗。記得我叫個套餐係有兩件燒三文魚，一件三文魚，同埋貝類，味道唔錯！ 應該仲有個烏冬我就同小朋友一人一半，值得一提嘅係個三粒炸蝦波，裏面熱辣辣，啲蝦好滑！呢個係最好味

最愛元気寿司🍣🍣🍣🍣🍣🍣🍣🍣🍣🍣🍣🍣🍣如果計咁多間連鎖式壽司店嚟講呢個人認為元氣壽司最好食🫶🏻🫶🏻🫶🏻如果佢多啲迴轉壽司就好啦 wish 我去元朗嗰間就冇嘅都係靠火車頭送啲食物過嚟😌要我喺店舖之中最愛嘅壽司就係燒牛肉壽司🍣嗰次掛住食嘢，都唔記得影相🥲🥲因為實在太好食啦忘記咗做正經事📸📸📸📸同埋如果記得嘅話，就喺電話度撳定飛預啱時間先落去到時就唔使企喺度等位

元氣壽司相信大家都成日食除咗壽司之外唔知大家仲會唔會食沙律呢呢一個沙律非常推介俾大家入邊有吞拿魚混合車厘茄冷麵同埋生菜，鋪滿住芝麻醬，非常之好食😋清新又飽肚，壽司之外嘅選擇🥳🥳🥳而且每次叫都係大大份，只係20幾蚊一啲都唔貴。材料非常之新鮮，芝麻醬有時會過多，如果可以另上會更佳。

🤳🏻自助落單（一行四人）各自各落少插曲:我們按多咗一份湯，同店員講，店員首先說是我們自己落單的，並沒有錯🤦🏽‍♀️🤦🏽‍♀️之後叫店員除消都ok的🤪🤗🚝🚝🍣🍣🍢🍤🍠快速列車送餐快👍🏻（建議可加上食物蓋）會衞生好多🍙🍘紙菜（脆）不失水準…

同朋友午餐唔知食咩好就嚟咗元氣啦，價錢對得住啲質素啊，為咗再飽肚啲我哋都嗌左烏冬份量好多又幾好味，佢個花之戀同啲天婦羅都好好味呀，中午時間雖然多人但係都唔使等位就入得，最搞笑係佢個迴轉壽司如果入完單佢會攞架警車送過來俾你好得意呀～

話說好耐冇食過日本🇯🇵嘢，加上依家咁熱嘅天氣食壽司係最啱嘅🥳所以我哋就揀咗近近地嘅「元氣壽司」依家落單好方便，用手機Scan完個QR Code，就可以直接喺電話度落單，要幾時加單、落單真係自己話事👍🏻落完單之後就有火車直送到你座位隔離☺新鮮好玩👍🏻食物質素keep住一如以往👍🏻

元氣壽司高速線，其實已推出一排，手機落單都不是新鮮事。 雖然佢有提供wifi，但係信號唔穩定，記得睇清楚order 有冇落到。呢間高速線既列車🚄同其他高速線有啲唔同，佢係有sensor 㗎！ 拎完壽司唔使禁制佢就自動走，咁好玩梗係叫多幾碟啦！ 講返野食方面，轉左高速線係多咗新嘅嘢食，例如軍艦方面，有蟹膏甜蝦，為本人現時至愛之一！ 亦加入很多熟食/熱食但可惜地，同時又少左某啲野食，我以前至愛既炙燒左口魚壽司、筋子壽司等都無左😕 Btw, 炸物真係不建議喺度食，味道一般。

自從裝修後第一次幫襯，依家變左用高速列車🚄送壽司，坐卡位舒服好多。最中意呢到間中會有d新款熱食，好啱小朋友，我點左個肥牛烏冬，明太子薯條、蒸蛋、辣味三文魚手卷等，食到好飽

放工行經元朗廣場，見到元氣壽司已經裝修完成，就決定喺度食晚餐啦！裝修後全部轉晒做元氣高速線，自行手機落單，唔需要再好似以前咁要員工落單同送餐！另外，餐廳光猛明亮咗，座位又闊落咗，連座椅都較以前坐得舒服👍🏻可能係裝修後再開張關係，仲有氣球送俾小朋友添！食物方面又冇乜轉變，味道都係同以往嘅一樣普普通通🤷🏻‍♀️但有啲我平時食開嘅食物冇咗，例如筋子壽司同埋左口魚裙邊壽司雖然係感覺煥然一新，但我都係比較鍾意以前！因為我一向只食開某幾款壽司，所以唔需要點睇Menu，以前只要向員工一次過講晒想落單嘅食物就可以，但依家要慢慢自己睇完逐樣㩒，雖然可確保落單食物冇出錯，員工又可以較為休閒，但我覺得落單時間耐過以前，反而對我麻煩左！

好差，我叫左$56x蚊既野食，全部自選既，1500落單，18:30自取啦，甘我就ard1835拎，大概15分鐘拎到屋企，首先佢係冇冰袋啦，其次我去到就見到我袋野袋就甘放係收銀果度，唔知放左幾耐，返到屋企食既時候我係覺得唔夠凍，希望唔會有事啦。其次啦，我返到屋企d野食係明顯匆忙整出黎，甘我去到店門見到甘多人排隊都知忙，但真係冇估到d野食外貌好似撞左車甘，果d炙燒既真係燒左下咋wo,我叫果個炙燒芝士皇帝蟹柳d chesse 明顯圖文不符，因為d芝士係明顯冇燒過既。最後佢5點幾果陣同我講冇哂吞拿魚，同我講換其他野，我問佢有咩可以換，佢同我講左一大埋野啦，甘我以為全部同吞拿魚既價格一樣，所以最後選左換墨魚，但換完之後先發現吞拿魚貴過墨魚$5/2，甘我叫左兩份🙂真係。。算，當新年利是。真心講句，爭鮮都好過佢成年事真係令我好失望never try again🙂

星期六晚上食元氣情況比想像中理想大概等左三十分鐘就有位平時如果係其他元氣就要等到天荒地老呢半小時算係好快呢可能係因為呢間係最原始嘅元氣係無高速列車🚄 係用迴轉呢不過迴轉帶上係無咩食物 可能怕無人拎浪費呢中途再加單，應該係漏單好耐都未到叫左好多食物，好多都係平時叫開嘅- 吞拿魚魚生- 芥末八爪魚軍艦- 飛魚子軍艦- 海膽墨魚軍艦- 元氣卷- 玉子壽司- 三文魚壽司- 甜蝦壽司- 鰻魚壽司- 帶子裙邊呢個份量，兩個人食真係唔少呢新年關係，送左利是封呢⋯⋯食埋今次就可以做到會員遙遠拎飛呢

平時晚上去元氣都大排長龍今次去元朗廣場估唔到無咩人雖然無咩人，但都要外賣因為趕住返壽喂汪星人之前聖誕有張減30蚊嘅優惠券今日到期所以就用埋佢第一次係元氣畫紙仔叫外賣睇住圖黎揀都 OK 嘅揀左個壽司🍣組合同埋加左卷物同手卷俾完錢之後大概等左15分鐘就有得拎都可以接受，因為可以係附近行下走下因為外賣係免加一呢個價錢真係好抵食望落去好似唔係好多但我地兩個人食真係飽到呢每人有超過十舊壽司不過外賣就無得飲元氣嘅綠茶🍵同埋食薑芥辣八爪魚🐙元氣卷 軟殻蟹手卷 飛魚子軍艦係我必叫嘅食物

元氣當中，呢間都算黎得最多，原因好簡單，就係唔洗排隊，好多時平日黎即使其他元氣分店都排晒長龍，但係呢間不用排隊就可以直入。如果快d裝修轉埋自助點單，有火車送到面前就更好啦。

去完元朗睇醫生，架車泊係元朗廣場，順便睇下元朗廣場有咩食，順便食埋晚飯先返屋企，諗唔到食咩，最後選擇左我地至愛既壽司，大小朋友都岩食，好耐冇見過迴轉壽司，因為好多分店都轉做高速線，原來迴轉壽司比高速線少好多野食。八爪魚刺身，北寄貝刺身新鮮，甜蝦壽司鮮甜，炙燒牛油赤海蝦，牛油赤海蝦輕輕炙過，令到牛油味更香更出，壽司飯味道剛剛好，唔會太酸，最後叫左日式炸雞，新鮮炸起，點埋沙律醬真係好美味。但服務超慢。