元気寿司 (元朗廣場)

营业中

休息中

我地叫左個lunch set同散叫左啲壽司🍣lunch set B有麵豉湯，沙律，7件壽司🍣，3件炸蝦卷。麵豉湯味道怪怪地，豆腐好鹹，叫飲品好啲🤔沙律好細份，味道一般。壽司好食！款式一般，不過抵食！最好食係炙燒帆立貝壽司🤤🤤🤤超級大滿足😍帆立貝好大舊，口感好其次係軟殻蟹手卷，大大件軟殻蟹，有肉地，如果早黎食，軟殻蟹啱啱炸起，紫菜又脆，配埋沙律醬，又係另一個大滿足🤤芥辣八爪魚凍冰冰，做前菜一流😋最後必食一個芝士蛋糕先走！好香芝士味，又軟滑清甜😍😋😋

以前去元氣壽司感覺好一般, 近幾年元氣加入咗呢個高速線吸引小朋友，但我個大朋友都想去試下，所以前一兩個月去過荃灣，覺得食物質素改善了很多，非常滿意。今次再嚟元朗這一間新舖，再感受一下佢嘅高速列車服務，同時再享受一下佢嘅新鮮壽司嘅味道，睇下係咪間間元氣壽司都提升咗質素先? 槍魷魚係我嘅至愛，覺得佢滑嘟嘟，入口又啜啜哋咁，少少薑溶係上面已得嘢味，唔洗落wasabi都正，係另一種辣!辛辣長鰭吞拿魚: 鍾意這個辣醬同埋沙律醬混合埋嘅味道，再配落吞拿魚到，好滋味!左口魚裙邊: 清淡得嚟又有魚味，同時質感比較特別。脆蒜油金魚: 估唔到呢個咁中式嘅脆蒜可以擺落油甘魚上面，份外嘢味!

今日四點幾食完下午茶， 七點半就食晚餐。 由於唔太肚餓嘅關係，又唔想食太多飯和粉麵， 所以最終選擇食元氣壽司。我叫咗個中華沙律， 每次黎都必食，因為夠爽口和入味。 另外我嘅至愛鰻魚壽司,當然唔少得啦! 即叫即整, 鰻魚同飯都仲係暖暖地架。之後隨意再叫多幾碟壽司，食完真係好飽呀

今晚頭盤就食咗芥辣八爪魚軍艦同埋松葉蟹牛油果軍艦，平時食開軍艦紫菜係韌架！最估唔到今次放入口，咬一口竟然發現紫菜係脆架！真係值得讚，另外辣味燒牛肋骨壽司塊肉冇乜筋同埋肥膏，辣辣地幾好味，其他壽司就一般般冇咩特別，埋單一百七十幾蚊都算係咁啦！

之前收到SMS知道會員生日可以一次9折和生日月會內其他幫襯日子有雙倍積分，所以呢個星期五就選擇在元氣午餐~~~同事A食呢個烏冬~~~而我就食午餐SET，魚生和生蝦就俾同事B，蛋壽司分俾同事A~~~同事B食的烏冬餐，大家都覺得個烏冬都幾碗~~~左邊係我個餐的壽司，右邊係同事B的餐飯~~~我另外叫多兩件$10的蠔，前兩個星期六中午昕昕去完合唱團才到此午餐，昕昕在元氣最喜歡食烏冬和三文魚，每次我會將三文魚浸完熱湯才俾昕昕食，呢款蠔算是不錯，期待再到此午餐

我是元氣壽司的常客，很喜愛他的壽司，炸蝦卷，及三文魚湯。可惜今天再去元朗店，情況完全不一樣。迴轉壽司帶上沒有壽司，壽司上有很多不明物體，炸蝦卷切口甚差，蝦還是有點熱的。手卷上來了軟殼蟹也是有點熱，還有破茶杯及掉色的三文魚湯碗。實在令人有點倒胃。店𥚃人手明顯不足，做好的手卷也放一段時間才掉＂掉”到客戶枱上。是“掉”，不是放。希望它可以尊重自己嘅品牌及尊重顧客，期望他快快改進。不要步元綠壽司的後塵，快速擴張之後，食物質素每況愈下，最終關門收場。

今日星期六， 12 點到， 一心諗住要等返十幾廿張枱， 點知， 吧位無人坐， 完全唔洗等， 👍🏻第一次俾家姐仔坐迴轉吧位， 佢覺得好新奇， 同屋企既hello kitty 火車路軌一樣。 佢有得睇又有得食。至愛波士頓壽司同燒三文魚壽司， 元氣一向都保持到浪準， 雖鮮味就無乜， 不過尚算可以。另外， 家姐最like 既蛋壽司。甜甜地，脂最岩小朋友。 埋單都食左190

細妹話下午茶抵，所以今次去食。不過今次D野食一般，首先壽司吾係好凍，(可能我都有D要求), 三文魚壽司有少少薄，蒸蛋OK！煙三文魚沙律，有粒粒煙三文魚，好! 追加了刺身蝦同三文魚，蝦OK！三文魚部位差，不是太靚！又追加了軟殼蟹手卷，好好！三文魚頭湯好淡，同以前比差好遠！

今日早左少少放工走左去元氣食餐“自我放題”壽司。先叫左個三文魚頭湯暖暖胃先，三文魚湯幾足料，都有d魚肉食下，仲見到三文魚眼tim！叫左兩件海膽墨魚同埋兩件辣味三文魚軍腩，即叫即整果然塊紫菜仲係脆嘅。呢兩件次次叫都保持到水準，好少會中伏嘅！另外叫左帆立貝、三文魚腩同埋蝦。蝦同埋帆立貝嘅味道唔錯，件三文魚腩反而有d腥，麻麻地。有芝士嘅卷物我反而覺得唔錯，可能因為我係芝士怪。呢個新出嘅松葉蟹牛油果真係麻麻地，兩樣野只係分別地放番喺同一個軍艦上面，無咩特別可以唔試！最後再叫多個元氣卷，一如既往嘅水準，食完咁多件壽司，飽晒lu！Order 嘅壽司算唔錯，不過迴轉帶上面嗰d望落就有d乾喇！下次都係會keep住食order嘅壽司。

農曆年前已食咗唔少中菜, 喺大年初一既下午嚟到第二場就casual啲食sushi, 所以就嚟到元氣外賣自取啦, 睇睇個外賣餐牌, 啲野食名又改得幾有賀年氣氛! 新年飯飯掂壽司卷物盛 ($270), 一盒差唔多30件既大路款. 好啦~ 希望雞年食完瓣瓣掂啦!!新年你家盛刺身盛 ($272), 廿幾件刺身, 味道依然夠鮮!!

嘩...好奈都無黎元氣食野，因為佢一到夜晚就排晒長龍，有排等位！今次我就揀左下午餐時間黎食，總算唔洗排隊啦。一入到去侍應就好有禮貌帶位，之後當然到我叫野食野，叫左好多款唔同壽司，我最想講晚系佢鰻魚芝士卷，用左水牛芝士配青瓜，食落口唔（流）， 整體黎講壽司用料ok，乾淨，呢個價位算唔錯

大熱天時出街,仲要帶住個小朋友身水身汗,真係要揾個地方座得舒舒服服,歎下冷氣食個Tea先。揾個卡位座,沖左柸用綠茶粉開的綠茶,色澤程墨綠色,甘甘地,茶味又濃,只係太熱了,等會兒涼D再飲。小朋友最好食熟食,所以叫左軟殼蟹卷及蝦卷俾佢食,可能是即叫即做, D飯仲有D暖暖地,而軟殼蟹及蝦仲很香很脆,小朋友越食越快,食吾停口。我自己就叫左甜蝦寿司,甜蝦是新鮮的,但無乜特別。三文魚是新鮮的但又係無驚喜,只係食親寿司係會必點。元貝寿司,肉厚色澤靚,但食吾到鮮甜味。

剛剛還吃過元氣壽司, 誰知光顧過後3天, 元氣竟推出$19件吞拿魚腩的限時優惠! (天呀! 為何時間永遠不配合啊~~!)非常吸引, 所以導致數天後又再光顧。雖說同一集團, 質素亦難免有高低。 考慮到要大吃吞拿魚腩, 就選擇較多街坊光顧的元朗廣場那間, 應該會比較新鮮點吧!果然是較多街坊光顧的一間, 不過佔地座位也同樣較多, lunch 時間等上大概十分鐘就可入座。其實“人生如壽司熊”也蠻可愛。為配合宣傳, 連平常供應的紙巾也套上壽司熊。推出極上優惠和極上之選, 款式眾多, 也敵不過吞拿魚腩的吸引!三文魚壽司 $14/2件先來兩碟慣性三文魚壽司。這間分店的三文魚較有魚油的光澤, 來得不錯。吞拿魚腩 $19/件豪氣地一口氣叫上10件吞拿魚腩, 可惜店方未能將所有吞拿魚腩放於同一碟上做出壯觀場面。急不及待放入口, 是剛剛用完壽司飯? 還是什麼原因? 壽司飯竟是熱的! 雖然不是極上拖羅, 這可說是中拖羅呢! 熱飯是非常影響上面那塊魚生啊! 非常後悔一口氣叫了10件熱騰騰的壽司。吞拿魚腩是無罪的, 以$19的價錢是很便宜的, 錯就錯於那熱飯! 吞拿魚腩面預先放了些wasabi, 其實不用加上,

繼左個會一直未黎食過，一黎就見到好多新野係固定餐牌上，好開心，應該多左6、7樣，主線熟食，我叫左4樣試，牛肉薯餅炸得香唔多油薯茸滑牛肉食唔出係牛肉，牛油果松葉蟹蟹肉好香，芝士蟹棒芝士味香，帆立貝香牛油味，值得再食另外想講因為放長假冇咩客冇咁趕，師傅手勢細心d，不過服務態度唔知搞咩勁差，個waitress la口la面,鬼整佢

三文魚雪味好重，吃下去時吃不到鮮味 ,只有好重雪味,味道不新鮮湯烏冬,這個反而OK,湯有些小咸 溫泉蛋,還可以蝦刺身,味道一般 併盤,整體一般今日感冒在家休息，屋企人話不如出去行下好過長時間在家,就去了元朗廣場，見到元氣又話吃下這間,我話我在感冒，屋企人話唔怕一次半次冇事,元氣亦好耐冇吃,又冇咩人光顧,我們入到去成個場只有3-4個客人，心知不妙呀，我們點了自選三食，．另点2個刺身,刺身十分不好吃，勁重雪味,其他野食只是一般,環境都OK,服務就一般，元朗旳元氣應該冇下次