元気寿司 (元朗廣場)

营业中

休息中

星期五放假, 本打算一個人煮即食麵作午餐, 剛巧與上媽媽放假, 就去吃星期一至五才有的午餐套餐吧!自己一向是元氣fans, 吃過多家分店後, 覺得元朗廣場這家最好味!這裡的刺身總比較鮮, 飯特別好, 外觀特別整齊, 所以要我慳妹花每人六十多元只吃個剛飽的午餐, 我是十萬個樂意的先說湯, 吃第一口豆腐鹹得我打個長冷震, 第二口亦如是, 要注意一下才肯六十元一個碗子很少的飯, 為何仍會支持?飯口感很好, 醋份量恰到好處, 三文魚刺身鮮魚油香口感一流, 三文魚子都可以, 但不是我吃過同等價錢的最好, 終於不夠香! 這次最想讚美的是炙燒三文魚, 個人本身不太喜好炙燒三文魚, 因為大多師傅都燒得過生或過熟, 又或是本身材料不夠好功夫多好都救不了... 但今次吃的竟然魚油味甚重, 而且比刺身的魚油味更濃更吸引, 可口到要命其實真的感到份量極少, 胃口如此少的我吃罷不到一會肚子又餓, 但有機會的話, 炙燒三文魚丼, 我們會再見的

本人以前只是買 吉之島or一田中島水產既壽司/刺生, 直到今年再次去日本品嚐過那些壽司後, 決定要試試元氣壽司(以前試過屯市間元氣壽司, 不過因為感覺不怎麼樣, 之後冇再光顧), 今次試的是元朗廣場的元氣壽司寫這篇食評前我已經光顧過數次, 所以不囉唆了, 直接看看以下的壽司這些壽司全是單點, 分別有 胡椒鯛魚, 他他牛, 京蔥吞拿魚, 炙燒黑椒三文魚, 酒煮螺頭, 螺片, 劍魚腩, 蒲燒鰻魚, 象拔蚌, 炙燒吞拿魚, 燒鯖魚光看壽司的種類已經超越 吉之島&一田, 而重點是米飯和食材, 我到東京旅遊時不論築地市場,普通超市和一些小店, 它們的米飯是口感煙煙韌韌, 有醋味; 而用料當然係新鮮; 而元朗廣場間元氣壽司可能個師父用心, d壽司整得蠻整齊; 而用既米飯帶煙韌(當然未到日本水準-不過咁比好似有d過份 ), 而d食材夠大份, 最讚是他他牛, 劍魚腩. 總結而言, 如果同板長, 吉之島, 一田, 爭鮮 比較, 元朗廣場的元氣壽司應該勝過他們, 以這個價錢我覺得是合理. 可能有些食家會說Sushi Shikon, 天空龍吟好更多, 但我覺得去到如此大等級差距就沒有可比性了. 而且這兩家

至親將要遠赴海外留學，臨行前本公子請她一嘗她至愛的元氣壽司。今天適逢是星期日，但人流未算擠湧，等了十分鐘便取得位了！來到元朗廣場三樓剛坐低，我們便急不及待地從迥轉 bar抬拎取碟上食物，再加落柯打！ 其中有幾款做得不錯，可以推介給大家試下 炙燒辛辣三文魚腩 9元件  燒三文魚16元2件我們每樣叫幾件所以用拼盆上；首先賣相不俗、色澤金黃，未食已令食指大動！灸燒辛辣三文魚腩寿司賣9蚊幾低食，一口咬落魚腩肉汁鮮美，而且唔太辣；燒三文魚壽司也同樣魚味甘香、飯味甘香！燒牛肋骨  9元件話牛肋骨，其實都無乜骨，但要慢慢嘴嚼，食入口牛肉味十足，亦幾多汁 juicy，口感唔錯！炸軟殼蟹 38元軟殼蟹多肉多汁鮮，份量亦唔少，蟹炸得恰好，咬落啖啖肉，怕食蟹拆肉既朋友都會鍾意食，一上枱就比我地掃清光，好吃！日本芝士蛋糕 16元最後必吃既係日本芝士蛋糕，一口咬落冰凍可口，芝士嘅香、旦糕既滑，配搭得天衣無縫，又唔會甜溜溜，確係回味無窮！常言道：短歌終，盛筵散；今天的暫別，是為明天的重逢！而更值得我們回味的，除了美味的芝士疍糕外，還有那份真摯的情義！

下午茶吃得非常不快，決定今晚再食過！近排很喜歡這店，因食物服務都比ok還ok!一行4人所以等卡位，等了約35分鐘，因預了要等，所以沒什麼感覺！炸軟殼蟹跟好吃，鬆脆的炸粉下是柔軟多汁的蟹肉，份量也不太少很是抵吃！厚燒玉子壽司是我近幾次來的至愛，厚厚的甜玉子很有蛋香，比起魚生壽司另有一番風味！一向不太沉迷三文魚的我特別喜歡這裡的三文魚壽司，新鮮夠凍的三文魚生加上微暖柔軟的飯一併放入口確的一流，我好幸福啊！ "> "> 其他食物也不錯！服務生很有禮貌，讚！我會繼續幫襯的！

我同男朋友既初次食飯地點就係元氣仔 ， 昨天打算入元朗搵佢食個B仔涼粉 ， 早d入元朗諗住行陣街 ， 跟住行呀行呀行 ， 係元朗廣場見到元氣仔 ， 突然好想食 ， 就係咁我地就攞票等位 ， 不知為何今晚異常的多人 。 入到去 ， 我地好好彩有BAR檯住 ， 因對上一次食坐ORDER檯係咁漏單 。 跟住經過我地一輪搶攻之後 ， 我地飽到坐定定 ， 我地食左10碟三文魚壽司同2碟三文魚剌身 ， 元氣仔D三文魚真係好好味 。 YUMMY ！ YUMMY ！ 其他既食材都好新鮮 ， 我地都唔記得食左幾多碟 ， 哈 ！ 最後更令到我地打消食B仔既念頭 ，我捧住個肚搭車返屋企 。

對上一次來這里吃東西已經是很久之前的事了,今天,又心血來潮想吃,就和男友來到這里了去到好多人,等左唔駛一分鐘就有位,GOOD一開始已經很好禮遇,男侍應好有禮貌咁招呼我地坐下,^^拎呀拎，叫呀叫，食呀食，比我印象中食既上一次感覺好味好多～要試下個燒蝦，真係正，帶子啖啖肉，超值，芝士炙燒既好夠芝士，我鐘意^^全部都好讚,係個軟穀蟹油左少少.

琴晚收工, 忽然好想食壽司...於是就叫左男友仔先去拎位!真係...好耐好耐無食過元條氣啦, 期待 = =+收工去到 7 點半左右, 等左大約 4-5 個 number 就到了!!殺入去嚕, 吼吼~轉轉帶上面每一碟都好似好好味耶 轉下落下單....我地 2 個食左好多野喲... @o@- 炙燒洋風赤海蝦 x1碟 ($22)刺身面舖滿新鮮大量既蔥花, 蝦面有香濃既燒味, 讚!- 香草三文魚 x2件 ($18)三文魚刺身大大片, 上面舖左零碎既香草, 係青青既鮮草味, 清新, 讚!- 甜蝦軍艦 x2件 ($18)幾隻小小迷你甜蝦仔, 食到蝦味, 唔錯!- 軟殼蟹手卷 x1 ($18)脆脆紫菜包住暖暖既飯, 仲有熱呼呼又脆口既軟腳蟹同好好味既沙律醬....超正!!!- 赤海蝦刺身 x2碟 ($76)又鮮又甜又好味...絛絛都粗過我隻手指尾..哈!!仲有....- 大滿足 x5件 ($45)- 1 綠 ($13)- 2 紅 ($36)- 1 紫 ($16)- 1 橙 ($32)唔知係太耐無食定係真係好食左...每件壽司都好好味, 刺身鮮甜, 飯既軟硬適中仲有微溫...超讚!!相比起出面 sel

星期六晏晝要搵地食野係比較難，因為唔同平日啲打工仔要為個一個鐘去同時間鬥快，weekend放半日或者唔洗返工既，就係一點多鐘開始搵食，所以搵到都好睇彩數~但我既彩數就...一點多，去到元朗廣場一心諗住食咖喱，路過元氣心諗食壽司都好喎，但又覺得好似食得好密咁（因為前幾日lunch先食咗）再者門口已經見到有條人龍仔，就打消念頭喇，點知去到間咖喱居然人多到無位座，望咗兩望都唔見會有位既機會（因為間舖很少位，約不多於20個坐位）便轉移陣地去返元氣食喇（其實係自己想食，我呢啲真係超級粉絲）嘻~幸好排隊都只排了10分鐘就可入坐喇，有野食lu~之前試過佢地既“秋の味覚”，覺得活赤貝係7款之中最得我歡心既食物之一，真係好爽口所以今次都係諗住食返佢架，點知無貨...唉...我同佢無緣啦 咁就叫其他啦，order咗小柱壽司，燒牛肋骨，汁煮海鰻，赤海蝦刺身，軟殼蟹手卷，跟住就係等喇...10鐘後赤海蝦刺身到埸，噢~依舊彈牙~~但啲蝦殼未請晒，有隻咬到中間位有蝦殼再等...10分鐘都無野到，追追單...即到...仲4碟一齊到添，但有個問題係但點解...牛肋骨會同海鰻一齊擺既？如果我同我媽媽黎就死喇，因為媽媽唔

上次去黃大仙元氣不足一星期.今天又去元朗的元氣.食物.環境...服務不相伯仲....計服務.店員做事都好勤快...環境都光猛.乾淨..都值得讚....食物如下:海蝦壽司13元 .蝦肉黑色.味道欠奉..唯一可取之處.蝦肉好爽[b]三文魚壽司13元 無出水..但味道都係欠奉..可取之處就係壽司夾起來不會散.而我食的途中.食到一塊魚鱗.立刻扣分...[b] 甜蝦壽司16元 甜蝦爽甜.如果大家去食.我都建議大家點呢種食物[b]帆立貝同象蛂蚌9元一件係呢餐最正的食物.帆立貝仲有海水味..新鮮.9元好抵.象蛂蚌爽甜.而個飯味道正常 [b]三文魚刺身35元好似末溶雪咁...俾冰我食....直情有種零度感覺.......呃錢.....總括,評分值中等....不過有一些同呢間店差不多的連鎖店..比元氣平.但味道更好...

唔知點解元朗既元氣壽司服務都較其他分店差, 平時係尖沙咀返工, 去開既都係尖東個間, 都唔見係咁差囉~ 一個人去但食咗五碟就走喇, 其實食物質素ok既, 但服務同衛生質素就…首先, 店員無重複order, no smile(佢無帶mask既)唔知點解有d就帶有d就無, 奇怪~軟殼蟹手卷 ~ 第一碟到達, 好味(如果熱既仲好!), 保持到水準軍艦三味 ~ 望到個樣有d怪, 但食緊手卷食完先至望到同平時食開既唔同樣, 就係北寄貝沙律變咗芝士海鮮沙律, 但我order個時無講過喎, 問問個店員(帶咗mask既)我「唔該, 呢個係…」店員「係呀, 轉咗」我「但我唔食呢款喎」店員「唔食, 哦」跟住佢就攞走咗碟壽司行去壽司bar, 比我見到佢居然用個壽司蓋就咁蓋埋碟壽司然後放係回轉帶上面呀, 碟壽司等我食完件手卷再研究都起碼過咗2分鐘, 紫菜都”淋”啦, 再加上佢又知我無掂過碟壽司(雖然我都無), 但個感覺好唔衛生囉, 重點攞回轉上面d壽司呀???松葉蟹同活煮穴子 ~ 松葉蟹夠凍, 活煮穴子都係咁啦甜蝦刺身 ~ 刺身唔係凍既居然係暖既, 坦白講真係未試過, 食咗一隻好驚會肚痛, (而家都仲未)平唔

"海歸"說雖然飲完中午茶很飽，但也想晚餐之前，去元朗食壽司當下午茶。點知元朗那些"地道"壽司店新春大休，no idea下去試下元朗的元氣壽司，貪佢本身多分店較就腳(好像7-11/大家樂之類)、水準算是穩陣、又經濟、而且我又有member card。還有是，原來"海歸"從未聽聞過"元氣壽司"這個本地連鎖食店。不過其實我們昨天為了用埋張生日8折卡，順便懶鬼煮食便去了食元氣初一午餐呢。要了燉蛋、三文魚湯、三文魚三味、蝦三味及一些大滿足系列: 帆立貝、筋子、左口魚、劍魚… 等。除了劍魚，一切壽司也是慣常穩陣又乾淨ok的，左口魚及帆立貝固然是my favourite。但劍魚… 一食便很懷疑它是甚麼，一點也不甘口也不像劍魚，使我不禁問waiter它是甚麼。我猜它是不太新鮮吧。不過，"海歸"看來在海外餓了壽司很久，食得津津有味呢。

今天探完朋友的bb和他來這裡食叫了以下壽司腐皮：好甜赤虎蝦：都好新鮮甜蝦：好淋鰻魚：好普通帆立貝：超細件，都可以的，但比起金水的帆立貝差好多...........

好朋友未試過食回轉壽司, 一於黎試下, 似係平平地。大約7:30去到, 唔少人排隊等位, 以為有排等, 但都好快有位, 三個字都唔知有無開頭大家都就住就住, 因為唔想咁快食到飽, 又覺得可能遲d有d仲好味既轉到黎, 但一食開就狂食。兩個人食左10幾碟, 以我地胃口黎講算多, 但我見我隔離既男人一個都食10幾碟刺身類: 三文魚刺身, 因為好朋友唔食, 所以我一人獨攬, 正!小食類: 炸軟殼蟹、螺肉, 炸軟殼蟹係另外order, 份量少之餘又無特別, 可以唔叫壽司類: 海膽、甜蛋、燒墨魚鬚、腐皮、魷魚、赤海蝦、炸蝦卷物類: 元氣卷、炸蝦卷甜　品: 迷你泡芙埋單唔係平, 野食又唔係特別好, 其實係睇同你食既人係邊個以二百幾換來兩個人嘻嘻哈哈既晚餐, 係值得既。不過點解元氣都收服務費, 有何服務?

經過元朗廣場軟殼蟹手卷毒癮又發作忍唔住買返件食外賣軟殼蟹手卷, 紫菜係有膠袋包裝住, 獨立衛生, 到食時才攞紫菜出來, 卷著軟殼蟹食, 不過今次 d 紫茶已漏風, 唔脆... 失望元氣卷以前係好好味的, 近期食過二次, 二次都超失望, 元氣卷中間的涵係炸三文魚皮來的, 以前又香又脆, 而家又乾又硬, 係硬到咬唔開, 一次唔得, 冇理由第二次都係垃圾真唔明, 大家都係元氣, 都係比咁多錢點解元朗的元氣食物質素及服務都較其他分店差

元氣不嬲都係我食壽司既首選之一因為我鍾意迴轉元氣又算抵又有我最愛既軟殼蟹手卷今次食左10碟其中炸蝦卷係必叫既真係好好味啊!!!!d蝦仲係熱熱地ga!!!軟殼蟹手卷紫菜夠脆軟殼蟹+沙律醬既滋味太正喇!!!!!!!!其他冇乜特別不過都幾好味既~~~~~~