元気寿司 (港晶中心)

营业中

休息中

尋日為咗休息一下 就同朋友去咗元氣壽司休閒一下一開始好多人等左半個鐘 終於入到去 叫咗好多壽司😋有吞拿魚壽司 炸蝦卷 牛油果軟蟹卷 炙燒三文魚壽司 甜蝦壽司 牛油帶子壽司 芥末八爪魚壽司 竹崙湯烏冬 啲壽司真係好好食 魚生幾新鮮 牛油帶子壽司嘅牛油味真係好足 唔係好膩 幾滿意好鍾意食佢個炸蝦卷同炸軟殻蟹卷 好香脆可口 軟殼蟹味道仲好好食🤤🤤佢嘅吞拿魚同三文魚壽司都好好味 都幾新鮮幾鮮甜😋佢嘅烏冬都好值得一試 湯味濃郁 烏冬軟淋淋🤤仲叫咗個朱古力芝士蛋糕 同埋抹茶千層蛋糕 芝士蛋糕味道好濃郁 千層蛋糕一定要放一陣先好食 如果唔係會有好多冰 不過都好好食😋

想食有保証而價錢唔太貴既壽司，元氣壽司絕對係我既選擇係尖沙咀放工，係紅磡哩邊就有間元氣，由於時間仲早，所以入去坐就有位啦⋯⋯同同事一齊去，被安排坐係回轉枱到，不過我地都係選擇直接同服務落order. 先叫左壽司，有熟有生既😆😆😆，有三文魚，赤背，甜蛋，腐皮，帶子等等。。。話好生鮮就一定唔會架啦⋯⋯不過一定唔會差之後見到隔離飲三文魚頭湯，心郁郁又想食，所以後加左一碗，開頭都擔心會有好多骨，不過好彩唔係姐，食飽飽好滿足。

尖沙咀最近少了又平又抵食的壽司，所以選擇了這間連鎖的。首於這間壽司鋪都經常光顧，所以大家都很熟悉。點了一些大路的壽司，都很不錯，新鮮。特別有點了三文魚頭湯，湯底濃郁，而三文魚頭不會太多油份，於天氣凍時喝一碗的確有助暖身，下次都會再叫。

自爭鮮來港後已很少來元氣，今日不想等位，所以來了久違了的元氣。自制了三文魚盛宴，叫了黑椒三文魚，炙燒親子三文魚，油甘魚壽司。壽司是即叫即製的，入口時壽司飯仍微暖。三文魚及油甘魚肥美，但香港的魚子總是不夠新鮮，沒有口感。軍艦的紫菜不夠脆，味道尚可。食物整體質素合格，價格與食物質素比例合理。另外，值得一讚的是店員服務態度良好，非常有禮貌，而且積極回應食客的需求。

晚飯 成日都會食元氣, 有陣時 連中午都開始想食... XD 食咗啲零食手信先去食飯, 唔算好餓, 所以同朋友夾份叫 2人份 再 share 黎食, 佢叫一個 lunch set, 而我主打散叫啲熟嘅壽司~我地最愛嘅小童餐~ XD玉子壽司 + 蟹柳壽司 + 飛魚子軍艦 + 太卷 配 燒牛肉壽司~2個即時變番小童 開心仔 mode ON!呢啲簡單壽司 呢間分店嘅水準一向都 keep 得好好, 食得好滿足! 天婦羅炸蝦卷 壽司飯凍 配合 炸蝦熱辣辣 好好味, 每次都想 encore~

同事話想食元氣，於是黎左尖東呢間食，我地2點幾下午茶時段等位都要15分鐘我地唔算太肚餓，只叫左幾款壽司。海蝦壽司無乜蝦味，一般，好彩只叫左一件。 帶子壽司食落好似唔多新鮮… 燒牛肉壽司，牛肉燒得太耐，unun地。三文魚腩壽司，新鮮肥美，咬落去有D魚油，好食。辣味燒三文魚腩壽司，燒到半熟，帶點辣味，幾好食，估唔到三文魚搭配辣椒油都有唔錯既效果總括黎講，呢間普普通通，lunch唔太抵食，我地就咁叫幾款壽司，每人差不多8X-9X，呢個價錢會有更好既選擇。

自從屋企附近個間執左之後😭真係好耐無食元気喇今次黎到尖沙咀呢間分店呢間枱比較少想同朋友傾計 所以突登等table🙈等左都20分鐘先有得入座⠀嗌左佢期間限定既壽喜燒牛壽司 ($16)上枱個下嚇左一跳😂😂舊燒牛肉有成隻手掌咁大個壽喜燒汁好好味 好正❤️⠀之後嗌左幾款壽司全部都係我最愛😂💕💕⠀呢個係新既 八爪魚梅子卷 ($22)有甜甜地既梅子味 幾特別😂八爪魚都幾爽口⠀蒲燒鰻魚芝士卷 ($14)一啖擺入口 feel到d芝士味好濃 慢慢湧出黎好香好好味💛 帆立貝 ($17)呢個係每次都必嗌💕 帆立貝極度鮮甜同埋好厚肉 超好味的元気卷 ($22)又係每次必嗌 因為有我最愛既三文魚中間既炸魚又係好香好脆卜卜 一啖食到兩個texture😂😂⠀炸三文魚皮 ($19)炸得比較油 但好脆身 配蛋黃醬幾夾😋⠀炸墨魚咀 ($37)好鍾意呢個 炸得脆脆 入面墨魚咀又好有咬口如果有杯啤酒就正😂⠀白桃梳打 ($19)有d太甜 隻味未算好假但麻麻😫

一路都有食開元氣，有時都唔明點解會咁多人去食。之前會鐘意去元氣列車，貪佢有得玩下，但少左野食。今次就去正常店......點知.....三文魚湯都OK，最重要夠熱，有一半為佢而黎。第1ROUND已經有DD失望賣相可唔可以好少少？好似好求其放係一堆咁.....係三文魚側邊贈送粟米1粒.....(???) (我當然無影佢=_=)個軍艦D紫菜一睇就淋到........海鹽帆立貝....無海鹽味...帆立貝無鮮味...><其他都OK,個螺片幾爽脆^^見到有新款壽司，當然第2ROUND試試啦咁就瀨野.....吉列豬排左口魚卷.....2個人異口同聲：點可以難食到咁？吉列豬排極淋,左口魚無味....完全食唔出有味，上面塊葉質感好差仲全伙味道好惡劣架配搭....師傅你到底有無食過？吞拿魚太薄，根本夾唔到醋飯><

今天午飯， 到了紅磡附近的一間元氣壽司用膳。 因為時間尚早店內仍不太多人。這個是刺身定食( $88 )。 套餐包軟殼蟹壽司玉子壽司甜蝦三文魚， 三文魚及帶子刺身，還有一碗烏冬。 但套餐不包餐飲， 但店內有很多喝的綠茶， 是自助任添的。除了套餐之外還散點了兩款壽司， 分別是玉子壽司， 還有親子灼燒三文魚壽司。我完全是比壽司上的熊人圖案吸引了才點的， 這是以前沒有的， 很新鮮很特別。 而且玉子很大片， 很好吃。 但我看見有些外國人好像接受不了甜的蛋， 都剩下玉子。親子灼燒三文魚也是新的。三文魚灼燒得剛好 是半生熟之間， 而且上面加了魚子， 燒過後的三文魚， 很美味的微燒焦， 很好吃。 大满足

唔想諗而又唔想食太差既時候，我往往提出食元氣， 無論味道，質素，環境同服務都keep到，所以今晚同朋友傾嘢，佢叫我諗，我都係諗嚟呢度食。”大滿足“系列就走唔甩啦！係！我一個人食四件辛辣長鰭吞拿魚，吞拿魚很新鮮，零鯹味，仲要幾大片吓，加上沙律醬同一啲都唔辣的脆卜卜XO 醬食，一啲都唔單調. 另外仲叫左海鹽左口魚裙邊，入口即溶，食完被油充滿了口腔。 另外仲叫左季節限定的藁燒鰹魚配柚子胡椒，有啲似燒吞拿魚咁，柚子味很出很清新！最後係不用多講的三文魚吧.落單的姐姐已經很好，點解經理都係笑面迎人，食得分外happy!

根據今天的日本傳統，在春分前的一晚向著「惠方」，閉上眼睛邊微笑邊許願邊一口氣把原條象徵福氣嘅「惠方卷」吃完，那就可以為新一年祈褔。認識「惠方卷」都是從數年前的元氣壽司開始，持續是因為「惠方卷」的美味，今年的惠方在「南南東」，即是SSE東南偏南。「惠方卷」的美味來自單純的食材，紫菜包著醋飯（可是這分店師傅在做惠方卷時的手勢是未夠紥實，吃至一半已開始散開），內餡有蟹柳、青瓜、玉子、飛魚子及葫蘆乾，五種材料分別代表幸運、健康運、金錢運、愛情運及工作運，因為玉子、蟹柳、葫蘆乾都是帶甜的食材，所以「惠方卷」的味道是偏向甜，醋飯黏糯，家人靜靜地把「惠方卷」大口大口的吃完，滿心期待福氣續延！

假期裏的下午，這位於尖沙咀的壽司店是比預期的少人。我是看見門前的新推廣便按下開門掣進入。夏令特撰中有兩樣東東是我忍不住要點的……柚子鰹魚 $14/2件淡淡柚子汁入味的鰹魚魚片, 用大火燒烤魚片表面至燻香, 做成壽司後放上薑蓉、新鮮蔥花, 吃起來飯團不黏而鰹魚魚片是帶重薑味, 不用蘸芥末醬油來吃也可。烤牛油果伴吞拿魚醬 $22半隻烤至軟身的牛油果, 面頭加上吞拿魚沙律醬, 整體味道就是靠這些沙律醬的酸甜, 但是牛油果本身的味道會被蓋掩著。

想當年，迴轉壽司空降香港，小妹，還是乳臭未乾的丫頭。學期末考試後，總喜歡，和同學仔，結伴同往，開懷痛吃一頓。一邊吃，一邊疊高壽司碟子，一邊計算花費。屈指一算，後多年都沒有光顧元氣壽司了。是日，出席開飯啦頒獎禮，路過元氣壽司。遠處，已被元氣憤怒仔Logo引了。毅然決定，入去回味，久未細嚐的老味道。午市時間，店內座無虛席，小妹被安排坐在迴轉壽司吧一個空位。望著眼前一碟碟壽司刺身小吃不停地轉吓轉，恨不得把它們一一吞下﹗每個座位上，井然有序地放著紫薑、豉油、芥末、綠茶粉和紙巾，並放有一個茶杯。客人可自行加入綠茶粉，再按旁邊的熱水制注入熱水，即成一杯甘香綠茶也。看了餐牌一眼，就有了決定。舉手示意，女侍應如機械人般，很快地落了單。刺身定食$88，包三款刺身、六件壽司，以及一碗烏冬。兩片三文魚刺身雖不上是極品，幸入口仍鮮美甘潤；四件帶子刺身除了嫩滑外，更是鮮甜無比，教人回味不已；蝦刺身肉質幼嫩鮮甜，食味也不俗。吃時，蘸上適量鹹鮮豉油同吃，更是鮮上加鮮。壽司有五款，共六件，稍嫌壽司飯醋味較為薄弱。三文魚壽司普普通通，甜蝦壽司粘滑甘甜，北寄貝壽司嚼勁甚佳，蛋壽司軟綿甜美。小妹最愛的，乃口感食味均十分豐富

呢間分店已經不是第一次光顧樓面3個職員 在下午茶時間來說應該足夠的但因為經理與另兩位職員聊天 服務需時等候因為坐回轉位冇茶壺 要用牆上的熱水 斟一杯約4-5分鐘 同職員反映有改善 值得一讚散叫的 鰻魚壽司 鰻魚夠長 醬汁不足 飯是散的赤海蝦壽司 蝦夠大 夠新鮮 燒牛肉壽司 牛肉厚簿適中 燒得太熟 飯較少又散三文魚壽司 三文魚沒有色擇炸蝦壽司 已經係最新鮮最好食辣味三文魚 辣味適中 再辣些少更好 三文魚太碎多春魚 應該有兩份 另一份吹了兩次才到 這一份應該炸完放係到太耐 已經硬左凍左蒸蛋 夠滑身 蛋味適中熱烏冬 份量足夠 但烏冬篇硬有些生 味道清啖 但不是太熱芝士餅 來貨的 但要睇職員點處理 美中不足的是 第一個來 應該最後上 職員也沒有問 另外這店鋪應該將芝士餅應該放左外面 正常硬的 這個是溶灑的芝士餅溫馨提示這店鋪好多款沒有 餐廳沒有指示 入座後沒有講底 如果有啲款想食可以查詢後才入座

星期六晚到處都人山人海，去元氣攞飛等位，貪其差唔多到會有sms提示，行遠少少都唔驚。行住街等又覺耐，但其實都等左半個鐘。海膽軍艦，半滆嘅海膽，睇得出亦食得出唔新鮮。海鹽赤海蝦，蝦新鮮，加埋鹽同檸檬汁食，好清新。蟹柳沙律船，好甜，蟹柳下面放左少少蛋絲，賣相幾靚。蒲燒鰻魚，鰻魚肥美。丸壽司三點，好得意，波形嘅壽司，但味道其實無變嘅。蛋，依然夠熱又夠滑。飛魚籽軍艦，無點豉油都好鹹，麻麻。火灸三文魚，肥美好食。湯烏冬，夠熱，烏冬彈牙，但味精湯底扣分。全店得四個伙計，人手不足，又漏單，賣哂又唔出聲。