元気寿司 (集成中心)

营业中

休息中

今日去咗元氣壽司，同朋友叫咗佢哋嘅特價雜錦刺身丼飯，$93有7、8款刺身鋪滿一整個丼飯，都幾足料！三文魚、甜蝦、吞拿魚，每塊刺身都算新鮮同厚切，入口帶有少少冰涼感，魚脂香味唔錯，仲有塊厚厚嘅玉子燒。雖然唔係頂級刺身質素，但呢個價錢，呢個份量，已經抵食。.另外個套餐仲包咗味噌湯同沙律，配埋一杯熱騰騰嘅綠茶，真係Relax！我哋坐係Bar枱，雖然唔係面對面，不過正因為咁，大家吹水都冇咁「壓力」，少咗對視反而更自然，啱哂中午輕鬆傾吓計嘅節奏。.呢道係親民平實，如果大家唔介意唔係超高級壽司體驗，呢度嘅套餐絕對係一個Lunch時間嘅好選擇！

我一直都係依一間壽司店的會員，咁啱早排收到message話要續期,所以同埋屋企人一齊喺度食返餐認真講依間壽司店嘅食物選擇並不不算超級多,不過勝在佢嘅配搭都非常之唔錯因為每次食飯都會同兩個小朋友一齊去,所以佢哋架餐牌總有一些適合一家大細去吃的食物,例如炸薯條,牛肉烏冬,蝦壽司，魚子壽司 蒸蛋 以上的食物都係小朋友最愛另外除此之外,我同太太都鍾意食帶子壽司,三文魚腩壽司另外我都喜愛佢哋個啤酒有陣時食嘢就係想一家人一齊食,各自鍾意嘅嘢食一齊食都係一個好選擇所以時間去開，我都會經常過去食,讚

今日食呢一個元氣壽司🙈原來呢一間餐廳下午會推出午市套餐，有幾件壽司再加茶碗蒸或者烏冬，另外可以加錢配搭手卷或者不同嘅小食！我就揀咗炸雞做小食，炸雞係日本嘅傳統炸雞味道非常好食，加少少七味粉仲更加正🙈🙈 壽司嚟講，我就覺得都唔俾其他餐廳差，中等以上嘅水平啦🙈🙈 北寄貝沙律好少餐廳有得食，我就幾鍾意食呢一個北寄貝沙律壽司，我覺得幾開胃🙈🙈 最後除咗套餐壽司之外，我當自己加多咗一碟🙈🙈 成個set我覺得價錢都唔係好貴，同埋都食得飽最主要🙈🙈

My mom and I went to eat at GENKI for lunch, it was only 11am at that time so it had just opened. When we were seated, we smelt an unpleasant smell.We were looking at the menu when we saw a new menu item. I loved ice cream so I decided to try it.When it came, I was very pleased at the looks of it. It looked delicious!When I tried to scoop it out, it was rock hard. I had to stab a fork in it and eat it. The ice cream tasted very bland with little to no taste. But at least the pistachios tasted go

Genki Sushi🌟連鎖壽司店😋💠💠💠💠💠💠💠💠唔知想食咩，但又想食壽司，通常都會去元氣壽司~ 快靚正！🙈今日lunch大概1:10pm先到，唔洗等位，即時有位~ 掃QR code落單，野食好快就到！💠牛肉烏冬配壽司定食 ($85)💠前菜 - 蟹柳蟹子沙律💠牛肉烏冬💠日式海鮮茶碗蒸💠雜錦壽司 - 炙燒珍寶皇帝蟹柳壽司、炙燒大切三文魚腩壽司、蒲燒鰻魚壽司、炸蝦卷💠辣味三文魚壽司 ($19)質素好，不過略嫌牛肉比較un, 同味精重@@ 而且個餐真係分量好多，如果食量細，可以揀另一個set~🙈🙈餐廳環境：🩵🩵🩵/5 服務質素：🌸🌸🌸/5 食物味道：😋😋😋/5 性價比：💰💰💰/5 (一人 $114.4連加一)

元氣@集成中心🌟今日去左食下午茶，揀咗個自選壽司套餐包括有六件壽司一個小食同埋一個主食，我就揀咗章魚燒茶碗蒸同埋三件甜蝦蟹膏壽司，一件蟹肉蟹膏壽司，一件芥辣八爪魚壽司，一件北寄貝沙律，呢個價錢嚟講$60真係好抵食，壽司嘅質素都正常，個人嚟講幾鍾意食芥辣八爪魚，非常開胃，茶碗蒸非常香滑，總括嚟講都唔錯好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

超耐無食過，路過，禁岩有優惠，勁抵，而家先知迴轉轉左做火車😂😂幾得意，覺得壽司質素同以前一樣，無變，係平，抵食，跟住叫左個生朱古力蛋糕，係新野，好味，拍得住出面蛋糕店d甜品😋

今日叫海老壽司10幾個 order．太太叫咗北海道特濃朱古力蛋糕但也推介麻繙今川燒（吉士昧）同埋花佃一牧場。今年又可以做銀級會員。希望下次再有半額50%對決。咁我就多啲返嚟。，

好多健康人士都介紹減肥可以食刺身平時同小朋友來食我都係叫到一枱壽司蟹籽、玉子、鰻魚、燒三文魚、蟹柳刺身蝦、北寄貝沙律等等等等但今日想介紹下原來元氣個沙律都好好味架喎！ 田園沙律有蟹柳、牛油果、蕃茄仔、生菜配上一啲藜麥同埋一啲醋個酸味真係恰到好處而且份味都叫岩岩好係原本以為無菜食既地方可以增添一啲新野食真係值得推介

餐廳：元気寿司地點：銅鑼灣軒尼詩道長鰭吞拿魚刺身 $27 另加一長鰭吞拿魚刺身一客三件，吞拿魚好易咬開，質感可以，魚味就麻麻。赤海蝦刺身 $27 另加一赤海蝦刺身一客三隻，好大隻，抵過特大赤海蝦壽司好多。質素唔錯，又鮮又脆。極上吞拿魚三點(大拖、赤身、長鰭）$34 另加一大拖好肥美，入口即化！長鰭同赤身都唔錯。之後即刻encore一份就發現色水差左好多，質素唔穩定，好random。日本鯛魚 $22 另加一日本鯛魚一客兩件，夠厚身又鮮甜，值得encore！黑松露吉列蠔 $12 另加一黑松露吉列蠔一客一件，吉列蠔都幾大隻，炸得幾好，皮脆内juicy。不過個黑松露醬就無黑松露味。特大赤海蝦 $16 另加一特大赤海蝦一客一件，話增量1.5倍，不過其實都唔算太大，唔多抵。三文魚籽 $18 另加一三文魚籽一客一件。炙燒黑松帆立貝 $18 另加一炙燒黑松露帆立貝一客一件，今日隻帆立貝細左d，上面加左適量黑松露醬，再炙燒吓，味道係可以!燒三文魚鮫 $24 另加一燒三文魚鮫燒得算可以，皮少少脆，肉質都可以，伴有檸檬一塊。牛油煮蜆 $22 另加一牛油煮蜆一客有好多連殼蜆，個湯牛油味好香，加上少少京蔥同葱花

話說今日約咗個客喺銅鑼灣見面，不過早到關係又廢事熱辣辣喺條街度，所以經過集成中心，見到間元氣無咩人而自己又未食晏晝，所以諗住食少少嘢打定個底先，因為我比較少食生嘢，所以日本刺身、壽司都唔係成日食，但係冇問題嘅，元氣壽司應該大把啱我食嘅嘢，快、快、快，一位埋嚟坐啦~~~ 仲記得以前食迴轉壽司都仲未咁先進有架子彈火車飛出飛入，今次一個古代人就即管體驗下啦，電腦落單時，見到非常多款式及種類，但礙於我好多都唔食，所以最後都叫得幾款小食頂下個肚：炸蝦天婦羅、燒珍寶蟹柳、蔥香珍寶帆立貝、明太子雞翼、巨峰梳打。落單完成後等咗大約十幾分鐘，終於所有食品陸續上枱喇~~~ 首先試咗個蔥油珍寶帆立貝先，雖然叫珍寶不過其實同普通嗰啲都差唔多大，味道方面都好新鮮，而且加埋香蔥食都鮮甜。之後到珍寶蟹柳，話佢珍寶蟹柳倒不如話嚿飯好細，蟹柳上面有芝士，其實... 味道真係唔係夾，不過蟹柳都算新鮮嘅。跟住到炸蝦天婦羅同明太子雞翼，炸蝦天婦羅都係我鍾意嘅小食，但見到佢呢個嘅賣相就知道粉漿非常厚，而且入面甜蝦細細隻，味道就不過不失；明太子雞翼即叫即炸，入口時燙口，雞翼飽滿但比較乾身，入面充滿明太子，有少許辣味都好惹味。最後

午市较为冷清，只得8成入座。门内食客大多在等食物上枱，门外食客因无人招待，虽有座位却无法入座。13:04下单，13:28仍未等到任何一碟🍣服务缓慢且不熟练午市服务应以效率为重，更何况为快餐寿司。迄今为止于元气寿司最不愉快的体验。

今日想食平靚正壽司，就去左元気。赤海蝦刺身 $42：一客五隻，比起赤海蝦壽司仲多左個多汁蝦頭吸汁。呢個應該抵食過赤海蝦壽司。赤海蝦壽司 $10一件：我哋至愛之一，赤海蝦新鮮鮮甜啖啖肉，正。炙燒黑松露帆立貝 $17一件：呢個新款壽司已經變左我哋嘅最愛。首先帆立貝又大又厚，新鮮鮮甜啖啖肉，黑松露醬又多又香令到件帆立貝更滑，炙燒完仲好食。必食。我哋一叫就係六件。鮮味鮑魚壽司 $14一件：新壽司做緊限時優惠減$4，新鮮彈牙鮑魚一開二用紫菜條包住壽司飯，配甜甜哋好似鰻魚燒汁咁嘅汁食，質素可以。炙燒芝士白蝦 $19兩件：白蝦冇赤海蝦咁脹卜卜同啖啖肉，上面啲芝士都可以。炙燒芝士皇帝蟹柳 $17兩件牛油果蟹肉軍艦 $17兩件：蟹肉多到滿瀉，質素可以，牛油果有幾細舊。三文魚籽軍艦 $17一件章魚燒風味香脆魷魚卷 $19：一客兩件，飯卷包住炸魷魚鬚同加左沙律醬嘅沙律菜加蟹籽，上面灑上木魚碎，白芝麻粒同紫菜碎。珍寶吉列蝦卷 $19：一客兩件，飯卷包住炸蝦肉同加左沙律醬嘅沙律菜。厚燒鰻魚飯 $78成個飯盒上，係經高速綫送上。一大條鰻魚切左一半俾我哋，又熱又彈牙，好味道，飯量好多。略嫌鰻魚唔夠厚。牛油果蟹柳沙律