元気寿司 (新都會廣場)

营业中

休息中

好耐無食元氣，一直覺得有點貴同質素麻麻，所以好少去。今日媽咪同姨媽都話想去，咁好啦，當回味一下。第一次感受到媽咪成日提起的元氣列車，係幾過癮嘅，小朋友一定好鍾意。我比較掛住以前畫紙仔點餐嘅年代，感覺比較多選擇，而家嘅選擇好似少咗，我以前最愛嘅海鹽海老壽司而家都無咗了。我哋叫咗好多卷物：炸蝦卷、元氣卷同加州小卷，方便分享。另外仲叫咗軟殼蟹手卷、蔬菜天婦羅、炸三文魚皮、粟米蟹柳腐皮包、烏冬等。食物質素尚可，無乜驚喜，但又唔會難食或失望，不過不失啦。炸三文魚皮，炸粉有點厚，所以食落去有啲硬，無乜酥脆嘅感覺，亦唔覺得自己食緊魚皮，比較似食炸粉。最鍾意腐皮甜甜的豉油味，加埋粟米蟹柳沙律，！

每嗰月第一嗰禮拜嘅星期三有元氣幫到我銀包👛，因為有8折😂 雖然呢嗰優惠我一年都食唔到一次，但都真係幾吸引💕 任叫完埋單都只係$150✌🏻 今次叫咗平時唔多嗌嘅嘢試下😂 ⁃青森蘋果蛋糕🍰 - 好普通好普通，難聽啲講質素好低😅 ⁃吞拿魚冷拉麵沙律🥗 - 呢嗰反而有啲surprise，因為賣相都幾好睇，性價比好高⁃雙重鰻魚芝士 - 冇乜特別，之前嗰個芝士鰻魚卷仲好食⁃大拖羅 - 元氣嘅拖羅嚟講已經進步咗好多⁃炙燒帆立貝同有黑松露 - 其實識落冇乜分別，好似原本嘅炙燒仲好食平時食嗰啲三文魚腩、油甘魚、黑椒蠔🦪、黑椒三文魚、芥辣八爪魚都梗係有叫🤪

有睇我其他關於元氣嘅評價嘅話，你必定會見到我寫千奇唔好係呢到叫呑那魚/拖羅食😂 因為真係梅到，超級難食😢但係今次食完有啲改觀，叫咗期間限定中拖羅，我終於成功食到鮮味 ，$12算性價比好高😂 不過其他呑那魚都係咁難食！同埋今次嗰蒸蛋同薯條都退步唒😕仲有呢間啲服務質素算係差，一去到佢安排咗我入坐就行走咗去理其他人，無俾到QR code我落單🥲不過可能真係太好生意，3點幾要排隊俾錢，真係好誇張😥 下午茶時間食咗$100

覆診後又係補充能量既時間，平日返工又邊可能咁優閒，今日特意來到葵芳新都會廣場呢間元氣壽司，自疫情後元氣既食物質素進步咗好多，或者因為壽司郎同爭鮮既競爭，做為食客不但有多個選擇仲可以食到更優質既食物都唔錯呀。元氣強調採用日本產米，粒粒晶瑩煙韌不鬆散，口感一流，單睇相都知食材亦不馬虎。壽司：炙燒珍寶皇帝蟹柳，玉子，燒汁牛肉，蒲燒鰻魚，炙燒三文魚，件件都大大件，最驚喜反而是珍寶皇帝蟹柳，配埋上面既芝士好鮮美，出乎意料之外。湯烏冬，烏冬都好煙韌，連湯都好好味。芝士薯條，香脆內軟配埋芝士令味道升級。總結午後之選，超值抵食，最適合me time。食飽再行下商場，shopping，仲有一個非常chill既地方畀放鬆下自己，Good呀⋯

葵芳全日遊呀今日喺葵芳全日shopping day成個葵芳多人呀好多人喺度shopping呀人多得好緊要咁我哋都要搵個lunch食嘅咁我係揀咗去食呢個葵芳元気寿司門口好多人排隊呀所以要拎飛等位啦都唔記得等咗幾耐啦因為拎咗飛住我哋仲周圍行咗一陣入面嘅內在環境大致上係咁有三條軌道送壽司過嚟而家都全部變晒包裝嘅嘢綠茶粉都唔係有匙羹自己放入杯係用樽裝倒出黎跟住Wasabi都係用包裝嘅珍寶吉列蝦卷$19第一份先嚟到嘅係呢個珍寶吉列蝦卷擺盤唔錯佢係紫菜包住啲飯再包住個生菜再包住個吉列蝦卷味道唔錯吉列蝦脆脆地幾好味有層次味 材料成個都好夾蔥香脆蒜海鮮軍艦$14跟住有呢個蔥香脆算海鮮軍艦我就覺得呢個麻麻地但係女朋友覺得呢個好好味因為有蒜香味而家睇返原來呢個都係$14嘅甜蝦蟹膏$19兩件壽司個攞件唔係擺正係碟嘅中間甜蝦同蟹膏係三比二嘅甜蝦都OK嘅但係啲蟹膏係麻麻哋冇乜味軟殼蟹手卷$22以前嚟親元気寿司都覺得軟殼蟹手卷係最好味但今次係唔同睇法 覺得個軟殼蟹手卷好失望頭先個蟹係比較細 佢食落都唔係話太好味添冇咗個質感 軟殼蟹都唔算脆口 肉都比較少蔥香珍寶熟帆立貝$17我覺得呢個蔥香珍寶熟帆立貝好好味喎又蔥香

唔多人食，但唔明點解安排入座都要等好耐。可能因為安心出行嘅關係，有啲客選擇手寫填表格去申報，負責安排入坐個職員就花時間睇住啲客逐個填資料。安排一枱入座都要等成3、4分鐘，然後先叫下一個號碼，效率奇低。食物方面，味道冇問題，同平常一樣。但啲碟同壽司蓋全部都一係有油，一係就痴立立，每次掂完都要抹手。舊壽司飯又壓到扁晒痴住喺隻碟上邊。客唔多嘅情況底下都要等好耐，可能廚房得好少職員？另外，叫咗個烏冬嚟到只係微暖。好趕客。

每次經過新都會元氣，都見到好多人等位😂今次終於同友人一齊試下~~係未真係咁好食先！友人好中意食刺身，所以一黎就叫左個-三點盛宴，有蝦，三文魚🍣，同章魚🐙蝦真係好鮮甜同彈牙😍*吞拿魚腩壽司真係好有驚喜完全係好甜好鮮味。當我想再encore嘅時候已經賣哂了可想而之到底係幾咁受歡迎另外，值得一提係佢個炸蝦天婦羅🍤真係第一次起元氣食天婦羅，好有驚喜好意外地好食佢炸到好脆好香口，平時食呢d會覺得好大陣油益味，但呢到真係完全冇架💙

好耐好耐無食過元氣了，突然想食就黎食，好多以前無既款式，不過味道感覺就不過不失啦。油甘魚刺身 $42 四片，性價比是可以的，不過就無乜味，無鮮味無臭味無驚喜。蟹肉蟹膏軍艦 $10 係抵食既，味道比想像中好。呢啲全部有辣汁既壽司都令我有少少疑惑，唔知點講，其實唔係難食，但覺得唔太夾。帆立貝柑橘汁就幾fresh唔錯。本身抱有大期望呢個燒明太子魚丼，點知最後又有啲失望，比想像中差，不過唔係難食，但就係味道唔太出。炸蝦卷做得唔錯，唔會太乾，而且香脆。元氣卷就普通正常野。柑橘白蝦味道可以，蝦都有鮮味。廣島天婦蠔花卷，呢個幾得意既，味道都唔錯，比我想像中好鍾意食火炙，因為佢燒過下，會特別滲到啲油脂香同埋魚味牛油熟帶子，無乜牛油味，同埋帶子有啲硬。人均$187，食個lunch黎講都算幾貴，不過間唔中豪食午餐都可以既只係覺得唔太值，以後盡量唔會食元氣。

以前去親元氣食壽司都一定排晒長龍，而家終於唔使等位啦！直入👍🏻QR code點餐我就真係唔係咁鍾意啦，有時要揾想食嘅嘢都難啲，麻煩咗。脆蒜長鰭吞拿魚 $10/件叫呢個全因為個醬，唔知點解幾鐘意食沙律醬加辣椒油，仲要加埋蒜，個組合好似怪怪地，但真係幾特別㗎喎！但舊吞拿魚就麻麻地啦！三文魚壽司 $14/碟不過不失啦海膽魷魚軍艦 $17/碟魷魚爽口辣味三文魚$17/碟呢個係又係元氣先有嘅怪怪辣味三文魚，唔知佢係點整出嚟，怪得嚟又幾好食😂順帶一提呢個醬油樽真係好差，成日漏到周圍係😓

湯烏東裏面有條毛，發現後叫、侍應過來，她們的反應好慢,我要叫咗好多次才有人回應，她們通知了負責人，但沒有人過來找我講致歉的說話,她們只是收走了食物，等我自己行出去比錢，取消有問題的食物就算，我以後也不會來吃東西，今次是我最生氣的一次，我幫襯左好多年，今日在門口無人持，有問題也抓不到員工，是請不到人，定無人做事嗎？就連負責人也是草草了事,還是現在改了自動落單,就不需要員工返工,不需要理會食物的品質,有異物在食物裡,也不要緊,無人餐廳

這天剛剛與婆婆用過下午茶，旁晚又與友人共聚。 由於完全沒有饑餓感，因此選擇了豐儉由人，同時坐得舒適的元氣。 剛到時還沒有很多人，想要即時入坐可以坐在迴轉位置，我們希望坐卡位，方便傾談，於是等了十多分鐘才能入坐。自從新都會元氣搬了舖之後，一直沒來過，看來內部裝潢與座位設計跟舊舖大同小異。炙燒牛油赤海蝦($10)是每次必點項目，喜愛蝦肉爽脆鮮甜且帶牛油香。汁燒翡翠螺壽司($19)是期間限定，螺肉爽口有鮮香，不錯吃。帆立貝壽司($17)，帆立貝爽口清甜，好吃。海膽軍艦($25 )海膽甘甜軟滑，紫菜脆口，全部一起塞進口腔，是一種不錯的享受。炙燒明太子三文魚($28)，明太子的咸香味道提升了三文魚的食味，不錯。明太子薯條($22)，就是炸薯條附帶明太子醬，滋味來自醬料，薯條自身無甚特別。抹茶千層蛋糕($19)送來時冰感十足，除去膠邊，稍待蛋糕軟化才能進食，抹茶味很濃，沒有很甜，整體可以。

Li幾日都無咩mood search有咩好食, 咁啱去開葵芳唸住去食開嗰間, 點知執左, 唔想唸之下就用App攞左籌等元氣, 兩個人lunch hour黎講算好快有(20min).>我地叫左: 甜蝦蟹膏 (HKD19/2件), 炸蝦卷 (HKD22/3件),炙燒黑椒三文魚 (HKD14/2件),炙燒辛辣三文魚腩 (HKD20/2件),芥辣八爪魚 (HKD14/2件),軟殼蟹手卷 (HKD22/1件),三文魚 (HKD14/2件) >而家每款壽司都即叫即手握, 感覺上新鮮勁多, 紫菜仲keep住脆口, 最抵食可算係軟殼蟹手卷, 事關啲現炸軟殼蟹勁大件包到底都仲食到, 個沙律醬加入幾粒蟹子口感非常好👍🏻. 另外甜蝦蟹膏嘅蟹膏係填滿半個軍艦👍🏻, 食過坊間有啲日本料理得一粒紅豆大細蟹膏壽司li個真心有誠意呢.

元氣經常食開，今日黎到葵芳食元氣。咁岩新推出左特大新鮮帆立貝 上面放左片檸檬配上檸檬嘅清新味，完全係好好新鮮嘅配搭。仲食左個綠茶紅豆千層蛋糕，味道唔太甜。不過個人都係喜愛食日式芝士牌。今次仲有張現金券⋯⋯食好啲

最近元氣又出新野！-胡麻冷麵😍（$22）依個胡麻冷麵幾好食，冷麵煮到岩岩好😋，軟硬適中，仲有好多配料☺️，包括有青瓜絲🥒，蛋絲，雞絲和蟹柳和雞蛋，淋上胡麻醬再攪勻，味道清涼😊，麵條又彈牙，十分開胃，必食❤️-特大帆立貝☺️（$19）帆立貝真係好大粒，肉質肥美，口感好Fresh🥰-池魚😋（$14）池魚食落魚味濃郁，配上蔥花薑蓉，不錯😎-極辛三文魚卷😀（$22）炙燒三文魚加了辣醬，食落有點辣😚，再配上三文魚籽和青瓜絲，口感豐富👍🏻，幾特別😆-芒果卷蛋伴雲尼嗱雪米糍🥳（$21）甜品再食埋芒果卷蛋同雲尼嗱雪米糍，卷蛋軟綿綿的，而雪米糍有點煙韌，仲有雪凍左的士多啤梨，好好食😝-草莓梳打配荔枝雪球🍹（$21）草莓梳打十分解渴，仲有荔枝雪糕，正👍杯底仲有士多啤梨，飲完好涼爽😘-Name🏠: 元気寿司  Genki SushiLocation📌: 葵芳興芳路223號新都會廣場4樓480-483號舖（港鐵葵芳站 D/E 出口，步行約4分鐘）價錢💰： 特大帆立貝（$19）池魚（$14），極辛三文魚卷（$22），胡麻冷麵（$22），芒果卷蛋伴雲尼嗱雪米糍（$21），草莓梳打配荔枝雪球（$21）

踏入7月 天時暑熱♨️最適合就係食壽司🍙 見元氣壽司推出左全新限定「夏の味覚」，即刻入左去食返個透心涼午餐先！-☆ 特大帆立貝壽司 超級肥美飽滿😋☆ 池魚係厚切 食到啖啖肉 好滿足😊☆ 極辛三文魚卷 帶微微香辣十分惹味💕☆ 胡麻冷麵 涼浸浸加上彈牙冷麵 食得好過癮👍最後當然要食埋甜品🍨 芒果卷蛋伴雲呢拿雪米糍 同埋 草莓梳打配荔枝雪糕球，滿足我第二個胃🤤 最特別係杯草莓梳打甜甜酸酸，同個荔枝雪糕好夾，清新開胃😚😚