元気寿司 (元州商場)

营业中

休息中

晏晝執咗成日屋，夜晚費事煮飯，所以就出咗去同老公食元氣，大概六點半左右入去都仲有機會坐到卡位。我哋一口氣就點左好多樣嘅壽司同埋小食，我哋用咗元氣會員卡，扣番上次嘅積分，就平左＄30 。小食八爪魚都算不錯，都有六舊原隻八爪魚， ＄17來講呢個價錢都算抵。反而佢嘅炸墨魚咀就麻麻哋，味道勁鹹，係炸得好香口嘅，但係食一舊起碼要飲幾啖水，下次未必再點。第一次是炸蝦天婦羅手卷＄34 ,食落係溫熱的，入邊有原隻天婦羅蝦，但係佢嘅外皮炸得太厚，唔係好食到蝦味。其他嘅壽司質素都不錯，試咗去新出嘅炙燒黑椒秋刀魚＄14/1件，呢個係落單嘅時候推薦我哋嘅，又真係唔錯喎，食落唔似秋刀魚，似燒鰻魚嘅感覺，好肥美，下次再去都會再食。反而個炙燒芝士熟蝦＄19，個賣相就真係好一般，最後我都冇食到俾咗老公食。元氣有一大缺點就係，你落左單都唔知自己點左咩壽司，有冇走單又唔知，只有買單嘅時候先俾你核對賬單，有時叫得太多都唔鬼記得左自己食乜嘢啦🙄

今日遲左搭車，遲左返學，拿拿聲係附近食，因為想食壽司而且要快食完，所以選左元州商場元氣食。快速點完，我點鰻魚芝士卷，佢黎左鰻魚壽司。我舉手示意比錯，我以為佢會淨係拎走件錯既，點知整碟拎走。。。其實我趕時間，我想食左其他先，妳黎錯就將錯果件換走。。。早知係咁，我就話照要唔洗換啦換左後冇影相，拿拿聲食左先算，爭取時間。首先我每次都係食炙燒辣三文魚壽司先，今次我發現件三文魚冇三文魚味，得d辣醬味，同我平時係其他分店食好唔同，之後我以為feel錯就食三文魚壽司，點知完全食唔出三文魚味真係好差。火炙黑椒三文魚好食d，但黑椒味過份重^^”之後食燒牛肋骨壽司，都算不錯。蝦壽司d蝦有腥味，鰻魚芝士卷就見仁見智。。。整體最好食都係燒牛肋骨壽司。下次唔會再幫襯。

元氣差唔多一至兩個月都會食一次，上次仲儲夠分做埋會員添，計埋有得儲分，等於每一次可以有九折，唔錯唔錯。見到佢哋出咗一啲新款壽司，都點左一啲試吓。蒲燒鰻魚芝士卷＄14平時都有食芝士卷，今次成條鰻魚放咗喺上面，係夾嘅時候有啲唔方便，鰻魚味重，肉質都唔錯。汁燒油金魚＄12上面有啲蒜頭片同蔥，但食個蒜頭片嘅時候要小心，我都比佢戒到我咀，油甘魚都幾好食。炸八爪魚＄37得四夠八爪魚，呢個價錢來講有啲貴，原隻細八爪魚炸，好香口，未到不會過鹹，但係得四舊😑。墨魚軟骨$17口感幾得意，真係咬到一粒粒嘅軟骨，味道都可以接受。新入會送一包綠茶粉同一個元氣杯，仲可以儲分，但要係三個月之內食到一定價錢先可以入會

去到長沙灣見客....但係又未夠時間.....又想搵個地方坐下玩下電話....卒之走咗去元氣壽司睇吓有冇新野出先呢期元氣壽司好似轉左新餐牌我不嬲都最鍾意食蝦所以火隻蝦一定走唔甩另外佢有個新嘅蟹肉牛油果不過食落去味道都係一般我嗌多左呢個綑邊食落去都幾爽口彈牙呢個三文魚鮫的確幾好食只是份量少了一點但係一定要加少少檸檬汁如果唔係就會有啲鯹呢個芝士蛋糕係必須推介嘅但係要攤凍少少食因為佢一上㻡嘅時候會好硬攤凍少少當佢軟化左食落去嘅口感就好唔同係有一種細滑嘅感覺不過一個人食170元壽司都有少少過分

都有成幾個月冇食過元氣壽司，咁今晚諗唔到食咩所以就去食元氣啦。長沙灣呢間元氣星期六日真係要早啲嚟食，如果唔係七點鐘就已經有人排隊。點菜之前咁梗係要整個Wasabi豉油，一打開個Wasabi真係嚇親，好似好舊甘，Wasabi嘅顏色係深綠色，唔似一般嘅先鮮色甘，好似放咗好耐，搞到都唔係咁落咁多。另外壽司飯嘅份量比以往細咗有啲失望，刺身就一般，試咗個新嘅炙燒芝士菠菜三文魚，賣相就一般，上面有芝士菠菜同加少少粟米，加粟米就覺得有啲奇怪，食落似普通嘅炙燒三文魚，食唔出其他味道。朋友就覺得軟殼蟹手卷不錯，蟹炸得剛好，反而我覺得個炸蝦卷就幾好食，熱辣辣嘅炸蝦。

早幾日同朋友去左食元氣，都有段時間冇泥食，估5到水準都系甘好阿最中意食系燒帆立貝超香，沙律醬燒過既味道同帆立貝勁夾！帆立貝亦都好鮮味 中，每次泥必食阿筋子亦好推介，完全冇腥味，雖然系冇甘香魚油味，但以呢個價錢泥講絕對抵食仲有一個必食既系軟殼蟹手卷紫菜勁脆，成個手卷又香又熱，蟹都有肉夠香脆泥緊要再去食多次至得

每次來到長沙灣元氣都不會令我失望這次點了十多件壽司和軍艦，水準非常好，特別是火炙系列，燒得剛剛好，入口一陣陣火炙味道再來是日式蒸蛋，這回的料比以前吃的多，可以看到蒸蛋表面有一堆菇，希望水準能一直保持下去

中秋個日，公司有小聚會。諸多要求既肥仔老闆叫個外賣都好有要求。大節大時又要食餐好，但係又唔想太貴。叫過幾次到會魚生飯都硬係有D 微言，話比貴左但無食好左既感覺。靈機一觸諗起可以叫元氣，上官網睇到有派對餐。一望就知呢個派對餐B一定搞得掂肥仔老闆。果然，佢一望就拍板! 官網話有呢D野。派對盛B ($799)(6-8人) 壽司盛78件三文魚‧墨魚‧蒲燒鰻魚‧八爪魚‧熟蝦‧赤海蝦‧甜蝦‧炸蝦卷‧元気卷‧左口魚裙邊‧帆立貝‧三文魚腩‧長鰭吞拿魚‧北寄貝‧螺片‧炸物盛‧牛油果沙律‧迷你泡芙‧KAGOME 混合汁其實真係幾抵食。公司有十幾個人，叫左2個派對盛B，埋單$1600，其實幾抵食，因為上次食到會都要咁既價錢，但得1人1盒魚生飯。今次一人分到10幾舊壽司，而且質素又真係同堂食差唔多，但價錢又比堂食平。除左剌身之外，仲有兜炸物，分量真係唔少．有炸薯格，炸雞，有兜牛油果沙律，Puff，仲有好多枝果汁。壽司真係幾新鮮，唔會因為係外賣而變到好乾。最欣賞係帆立貝，又肥美又甜。炸薯格就好似KFC D 薯格咁，好岩口味。牛油果沙律就麻麻煩，牛油果有D 爛溶溶，不過o係咁多炸物中，食下都OK既。其實今次我去外

以前好中意食元氣覺得款式多又幾好食, 但而家愈開愈多壽司店, 就好小食元氣了,今日黎到元洲商場諗唔到食咩, 見元氣無人等就再食下~呢間元氣幾大間, 好寬敞, 卡位都有好多~而家新推出緊呢個series, 但今次Vi就無試到, 都係食番以前食開既款式~首先係火灸三交魚壽司, 呢度既火灸三交魚壽司最好食既地方係加左沙律醬,同埋火灸左既三交魚好軟滑, 有油香, 幾好食~但呢個元氣卷就差左, 三交魚食得出唔係咁新鮮,裡面脆魚亦唔脆~牛油果軟殼蟹卷係Vi必食既, 大大件軟殼蟹o係裡面,夾埋d牛油果好味道, 而且飯既比例唔多, 所以有成口都係軟殼蟹既感覺而波士頓卷係Vi第一次試, 裡面粒魚生細到唔係好食得出,入面加左芝士有點怪, 同壽司飯唔係幾match~最後呢件炸蝦手卷係要自己包既, 紫菜同蝦分開,咁紫菜就唔怕會林, 炸蝦係新鮮炸起, 但炸粉太厚, 食到成口粉~整體呢間元氣野食做得差左, Vi之前o係其他分店好食d,但呢間勝在少人, 坐得舒服~