兄弟工房 (已結業)

今晚黎左食間餐廳， 環境好好，比較安靜今晚黎左食間餐廳， 環境好適合三五知己傾計聚舊啊， 適合三五知己傾計聚舊啊， 食物方便，叫左一碟意粉，一個龍蝦墨汁飯同燒肋骨，味道好好食， 最後食埋個朱古力慕絲蛋糕，值得再黎食，推介

態度真係好差一入座就黑晒面話要1.5小時交檯我明白想做多轉生意但唔曬一嚟就黑面成餐飯叫嘢食攞餐具叫飲品都要受氣未夠1.5小時就已經bear實你張檯唉！我哋都係想安安樂樂食餐飯者😑我唔建議大家貼錢買難受😑😑😑

放工約左朋友黎試呢到食Pre生日飯，打開menu無咩好揀於是揀左個set Dinner for two。Waitress態度同語氣都好麻麻，服務質素非常一般，抱住食物質素最重要嘅心態坐低。前菜有湯、麵包同沙律，正正常常冇咩特別，唔多講。Main dish一上，賣相唔錯，但真心唔好食，我叫5成熟，塊steak咬落似well done，咬得好辛苦，好似食緊擦膠。埋單好似$500-600，呢個質素仲差過食花園餐廳。基本上可以話毫無優點。無下次。

誤打誤撞搵左一間完全無服務的地方食lunch，店員掛住傾計，店面竟然用衣架掛住衫褲起收銀位，見到都唔開胃，地方小，坐得唔算舒服，兼且價錢同lunch質素唔相符，感覺唔值，飲品難飲😪我地食完都話唔會有下次

🍽兄弟工房▫️某日𝙳𝚊𝚢 𝚘𝚏𝚏所以喺屋企附近食咗個𝚕𝚞𝚗𝚌𝚑，順便做個紀錄🤣▫️▪️南瓜湯🎃(跟餐+$𝟷𝟶, 𝚂𝚌𝚘𝚛𝚒𝚗𝚐: 𝟾/𝟷𝟶)南瓜味道濃，食到有南瓜蓉，而且好𝚌𝚛𝚎𝚊𝚖𝚢!幾唔錯！▪️香烤𝟾𝚘𝚣紐西蘭西冷牛扒🥩 ($𝟾𝟼, 𝚂𝚌𝚘𝚛𝚒𝚗𝚐: 𝟽/𝟷𝟶)𝙻𝚞𝚗𝚌𝚑 𝚜𝚎𝚝牛扒無得揀成熟程度，牛扒都算厚身而且好大塊，不過略嫌牛扒有少少韌，以呢個價錢嚟講，可以接受▪️香煎厚切豬扒($𝟽𝟿, 𝚂𝚌𝚘𝚛𝚒𝚗𝚐: 𝟾.𝟻/𝟷𝟶)相比牛扒，豬扒反而較為出色！肉質淋嫩，唔會好老好鞋🐷▪️𝐼𝑐𝑒𝑑 𝐿𝑎𝑡𝑡𝑒(跟餐+$𝟷𝟶, 𝚂𝚌𝚘𝚛𝚒𝚗𝚐: 𝟹/𝟷𝟶)是甜的奶水，呢個我唔係好得😂下次唔叫咖啡應該會好好多🙈🙈

是日星期六晚— Happy Weekend!!🎉去咗石門呢間餐廳食飯, 特登喺OpenRice訂咗坐先(順便拎飛行里數😂)晚餐選擇都幾多, 可以加$18 配餐湯同埋飲品.是日餐湯 — 粟米湯, 有粟米蓉, 味道濃郁, 飲落好rich☺️美國頂級12Oz肉眼配薯菜($288), 好豐富呀, 有烤茄子, dried tomatos, salad, 青瓜等等, 薯蓉creamy, 牛肉叫咗5成熟, 食落tender, 不硬中, 煮得啱啱好☺️為咗balance吓, 另外果個叫咗墨魚汁慢煮八爪魚意大利飯($142), risotto做到應該做嘅咬口👍🏻 鎖哂啲汁喺個飯度😋 可惜嘅係個八爪魚有小小硬🤔-Overall: 高質餐廳, 會回頭for sure😋 服務都好好, 有求必應

#石門 #兄弟工房 識食梗係食佢地個西冷扒啦，薯菜就只係粗薯條，唔係薯角，都好食，即炸🤩#西冷牛扒 同上次差唔多，都係咁好食，係今次有少少靭，都係充滿牛味好正👍是日餐湯係 #椰菜花忌廉湯 食到粒粒椰菜花，健康咗咁，忌廉味唔算重，ok 啦餐飲叫咗#凍咖啡 我未攪混，啲咖啡好飲，唔苦，微酸，同啲煉奶攪混咗就蓋過哂咖啡味，變咗好奶，同好淡味，所以唔好飲😔味道: 9/10味精: 5/10價錢: 8/10環境: 8/10服務: 7/10

食牛扒甘荀湯好真材實料，飲得出係甘荀打到好融，打到做湯嘅，同埋上枱夠熱，我地即刻飲哂8安士西冷牛扒跟薯菜好正，件扒無我想像中嘅靭同難嚼，反而非常之充滿牛味同軟熟，一咬落肉汁爆哂出黎，好正薯菜都係新鮮炸出黎，熱辣辣，脆卜卜燒翠玉瓜都好好味，表面放咗黑椒同鹽調味，去咗翠玉瓜啲青味8安士西冷牛扒跟意粉個意粉都好正，並唔係平時嘅茶餐廳嘅淋意粉，係有彈性嘅煙靭意粉，不錯凍檸茶就普通，個茶底比平時嘅英式紅茶濃啲，比較似檸檬茶味道: 9/10味精: 5/10價錢: 8/10環境: 8/10服務: 7/10

嚟到石門唔知食咩好，好多餐廳都試過，行咗一圈之後決定食呢間兄弟工房。店舖細細放到六七張枱，入到去要量體溫，仲有消毒用品提供㗎！Menu有八款set brunch揀，包飲品同餐湯。餐湯就係是日餐湯得一款，飲品就有茶或咖啡，佢哋咖啡選擇較少，只有齋啡揀。❤️ 甘筍忌廉湯幾特別，之前未飲過。甘筍blend到好幼細，入口順滑，食到少少洋蔥味。好飲度：⭐️⭐️⭐️✨(3.5/5)❤️ 橙茶甜度啱啱好，飲落好fresh！👀好飲度：⭐️⭐️⭐️(3/5)❤️ 香烤露筍伴8oz紐西蘭西冷扒配薯蓉 $122廚師推介之一👀露筍&蕃茄有烤過，露筍幼細且嫰。薯蓉份量多，口感幼滑無顆粒，奶味較濃。牛扒接近全熟有咬口同有彈性，肉味好濃，油花較少。燒汁幾出色，配牛扒唔錯。好食度：⭐️⭐️⭐️(3/5)❤️ 甜椒伴厚切豬扒配意粉 $118豬扒肉質較嫰，有落香草調味，但味道比較單調，同樣有配燒汁醬吊吊味。甜椒有烤過，甜味較出。意粉一般，我都係撈埋燒汁食。好食度：⭐️⭐️⭐️(3/5)餐廳推薦度：⭐️⭐️⭐️(3/5)石門食西餐嘅餐廳唔算好多，呢間算係ok！可以過嚟寫意悠閒咁歎個brunch，度過寧靜嘅下午。☺️

眼見openrice comment都正正常常，試完先發現野食真係極品，又貴又細兜，味道就還好但完全唔抵。錢銀嘅野就因人而異，我就覺得呢個價位喺沙田一定可以搵倒更好嘅野食。同埋唔知係咪廚房冇人手，等每碟野食都可以等足半個鐘先得碟。如果冇食過嘅話齋睇openrice可以會好似我咁，俾人水左，仲要係水左唔少錢至於服務，又係抵讚，正常講野，個侍應都可以串77咁答你，服務好到我都唔好意思再幫襯。鐘意俾人西嘅記住試下 一試難忘。

We came here to celebrate a friend’s dinner. The steak was quite good for the price. Due to the pandemic, the restaurant wasn’t too packed and my friends and I were able to chat comfortably. We brought our own birthday cake and they only charged us $70 for the cake-cutting service vs $20 per head at the other restaurant in Shek Mun. They were also offering a 10% discount due to the pandemic.

在工廠區，食得飯堂多，食得燒味飯多，會令你漸漸地失去了求美食的動力。所以，這是大家見我的本地食記持續減少其中一個原因。當然，2019同2020年發生的所有大大小小社會事，國際事，也打擊了少許 stamina 。近兩、三年，家中添了小孩、工作轉了在沙田近屋企同石門區難以到區外找食就變相令我減少去試新店了。不過，東西還是要食的，美食還是要找的，而石門又的確不是沒有東西吃。近港鐵站的京瑞廣場，就經常有食店會給予大家驚喜。這一天，我想起食牛扒，就想到去京瑞廣場找，當日看中的，是一間很小的西餐廳，名叫《兄弟工房》。Com'on Brother，我要去食牛扒。這《兄弟工房》是一間小店，小規模的製作，好食的機會也大大增加。當日，就簡單地來一份午市套餐，是一個有湯，有主餐，有飲品的豐富配搭。當日的餐湯是一個濃郁的蕃茄湯。這湯，落了很重奶油，也落了很多蕃茄，所以有香滑的口感，也有很濃的蕃茄甜酸味。我的午食主餐是紐西蘭西冷扒配薯菜，本以為是薄切牛扒，但餐牌說是八安士啊。塊扒的確係足八安士的。半成熟，再加上 Gravy，味道濃香。當然，濃香的不單是 gravy 的功力，是牛肉的濃香味。吃一口牛，吃一口點了

今晚去食，食物味道 ok，只係疫情下 waitness 竟然全晚無帶口罩，上菜時仲對住碟餸講嘢……咁唔負責任，無下次了……入去一坐低見到 waitness 無帶口罩，本身想即時起身走人，但因為有朋友生日同有老有嫩，所以無走人，一定唔會再幫襯……

依間鋪頭就位於石門既，咁石門而家多左咁多野食，如果有睇開我既食評都知道我係住附近，所以有時間我一定會試哂石門既食肆，咁今次我就同一大班朋友去食既，for兩個既dinner set呢，我地分別叫左3樣，想試哂佢，咁下面比大家睇下菜式名同埋價錢。咁大家唔係walkin架話都可以係openrice book檯既，佢有時會有d優惠比你，今次佢地就免費送左個蒜蓉包比我地，個包幾脆身，咸味都足夠。跟住就有餐湯啦，雖然入面就落足料既，但唔係好岩我口味，不過各人口味都唔同，可能你地會喜歡。下面依個係香煎虎蝦茄汁意大利飯，蝦係幾大件但味道比較淡，但飯係做得唔錯，夠哂味道，好似我咁鍾意食茄汁味既野可以食依個，唔錯的下面依個係prime 西冷扒10oz，因為我朋友唔係好食得太生，所以叫左7成熟，初頭我會以為太熟，食落口會鞋身少少，但都煮得好冧，肉汁都鎖得實係入面，係非常好添呀。下面依個係香炸德國咸豬手，先講依個薯蓉先，我係覺得非常好食，咸味均勻之餘配埋個汁係prefect，豬手比較硬身少少但配埋芥末醬，唔錯。最後依個係BBQ汁焗豬肋骨，薯條入面好足料，咬落去唔係好似出面咁好多粉而且熱到辣口個隻，而個豬助骨配

今晚靜靜搵左石門D間餐廳同朋友相聚，地點很方便，落左馬鐵行三四分鐘就到！店內環境清幽，燈光柔和給人很舒服的感覺😊好適合三五知己好友去談天説地👍我地點了一份120oz牛扒約$260，七成熟，肉質鮮嫩多汁，沒有過火，而且配以薯格真美味🤩D份羊架約$230，我點了七成熟，配合特別配菜提升羊架鮮味另外加多$18有粟米極濃餐湯和特色飲品鮮橙冰茶！埋單都吾洗$500抵食，記得去之前經OpenRice book 位，點主菜有八五折👍👍👍