兄弟工房 (已結業)

兄弟同心 其利斷金廚師無論選料定烹調都好用心份量又夠大 價錢又合理難怪非常時期都座無虛席.🔸香煎鵝肝意大利飯🍛煎得甘香油潤既鵝肝配上如忌廉般濃郁既燉飯聽落以為好肥膩❓No No No大廚好巧妙地晌意大利飯加左少少醋中和左鵝肝既油膩感即使燉飯配鵝肝食落都唔會飽飽滯滯.🔸 肉眼扒🥩無肉不歡既我當然要點返份牛扒肉眼扒份量驚人足足有12oz叫左5成熟感覺岩岩好而且牛味濃郁有咬口.🔸白酒煮藍青口配多士🍞青口用蒜、香草、車厘茄與白酒煮熟鍋中的湯汁是精華喔配上烤得香脆既多士真心想叫多份多士.🔸西蘭花濃湯🥦呢個湯暖胃之餘更加食到粒粒既薯仔蓉西蘭花煮熟打碎放湯 冇左濃烈既草青味相信連平時抗拒食西蘭花既朋友都會喜歡.🔸焦糖燉蛋🍮薄薄既脆皮焦糖配下層烤得又香又滑既燉蛋絕對係百吃不厭既經典甜品

晚飯時間黎到好多野食既京瑞廣場，係一期外圍既兄弟工房點左個二人套餐，包餐湯、沙律、兩個主菜同兩杯野飲，幾抵食。餐湯係南瓜湯，好creamy，沙律都唔錯，我特別鍾意d onion同沙律菜。主菜揀左燒魷魚圈配墨魚汁意粉，果然冇令我失望，d魷魚好好味，不過小心食意粉到個咀黑「蚊蚊」😅另一個主菜係燒春雞，大大份有埋配菜薯仔、瓜同菇，雞皮脆肉滑，雞肉裡面仲要一啲都唔乾，唔會鞋烚烚。唔夠喉的話，加$38就有個甜品法式焦糖燉蛋，味道都唔錯㗎👍🏻

同老婆去咗表妹屋企拜年，晚飯時間去咗京瑞廣場，呢度嘢食嘅選擇非常之多仲要大部份都唔係連鎖店，可以食啲有特色啲嘅嘢食。老婆喺門口見到兄弟工房嘅二人套餐非常抵食。二人套餐包餐湯沙律，再加兩個主食同埋兩杯茶。餐湯係南瓜湯，口感一流又唔會太咸。其中一份主菜就揀咗燒魷魚圈配墨汁意粉。魷魚圈非常爽口再加上墨魚汁意粉配搭一流。第二個主菜我哋就揀咗燒春雞，雞肉燒得唔錯外皮香脆，雞嘅質感又唔會太乾。最後我哋加咗$38再加左一個法式焦糖燉蛋。

星期日都要返工的我覺得好苦，所以要為自己搵一間好食的餐廳慰勞下自己。公司附近就是石門站，今次去了商場一期果邊搵食。之前都有食過呢間餐廳，覺得上菜快而且味道唔錯，所以今日就再去食下。由於係星期日同2點的關係，餐廳都冇咩人了。Brunch包主菜、餐湯同飲品。是日餐湯為薯汁忌廉湯，湯裡面有洋蔥同薯仔肉，味道唔錯。香烤8OZ紐西蘭西冷扒配薯菜，牛扒都算幾大份而且唔會話好薄身，肉質鬆軟，牛肉味濃，配有醬汁令牛肉味道更出。薯菜有煎翠玉瓜、車厘茄和薯角，薯角炸得脆口，口感鬆脆，鹽份充足，十分惹味。熱咖啡，咖啡即叫即沖，在近窗的位置有一部咖啡機，可望住咖啡沖出。咖啡味道好香，口感順滑。

呢排見到好多人讚石門呢間餐廳，今日抽時間嚟試吓。午餐menu 有多款選擇，日式西式都有，包埋餐湯同飲品。餐廳地方唔大，以淺色為主調，有d似家庭式經營嘅感覺。餐湯係蕃茄忌廉湯，睇顏色就已經見到個湯有幾濃郁，味道較酸，但好處係幫到你打開胃口，迎接之後嘅主菜。主菜我叫咗香煎厚切豬扒配薯菜，一上枱嘅時候我真係呆咗！點解咁大碟嘅？厚切豬扒足足遮蓋咗大半隻碟，而且真係好厚切，可能有1 - 2吋！最誇張係配菜都極大份！d翠玉瓜勁大件，我估計拼翻埋一齊嘅話，分分鐘有兩條翠玉瓜伴碟！加埋d薯條，真係齋食薯菜都飽呀！講翻主角厚切豬扒，咁厚嘅豬扒要煎熟但又保肉質嫩滑真係好考廚師嘅功夫。佢都做得唔錯，豬扒唔「鞋口」，食落去感覺到廚師冇加太多調味，不過豬扒本身肉味都夠。飲埋餐茶，食到飽晒，都係$120，大件夾抵食！

真心石門咁遠，入得黎就食埋野先走，呢次好好彩唔打唔撞入到兄弟工房食西餐，唔使排隊又出奇地頭盤到甜品都在水準之上，係中環食一人400既質素。我哋叫左個 dinner set for 2 都係338，加原價58既 creme brulee 只須58。頭盤沙灣係我中意既黑醋沙律，有少少蕃茄同洋蔥絲調味，個人好中意食。甘筍沙甜甜地，食落暖粒粒。野飲叫左冰茶，係橙加茶既配搭，好飲過檸檬茶唷。小食叫左雞翼，炸得香脆甜甜地，自己擠檸檬食完都唔覺油膩。主菜分享係鵝肝意大利飯， 鵝肝煎得香身，配上有咬口 既飯粒同少少酸既調味係幾夾，意大利飯整得幾正宗。 燒春雞係難得 juicy , 呢道菜雖然簡單但唔係個個都做得有水準， 皮脆內嫩。最令我有驚喜係creme brulee , 濃郁奶油香係我食過最有奶香的，表頭帶點苦苦既焦糖平衡番甜味，好中意丫。幾時先會再黎石門呢，甜品令我想短期內再度光臨 。

星期日想出外吃個brunch，來到屋企附近的石門搵野食，見到這間餐廳有brunch食，所以便試試。餐廳位於商場的一期位置，而且入口在商場外面。座位不多，裝修走文青風。餐牌上有幾款不同的食物可以選擇，而我揀選了all day breakfast!餐湯是薯仔白湯，有很多薯仔蓉，內裡還有洋蔥，好有口感。Brother's 全日早餐，這裡的all day breakfast都有幾多不同的配料，包括有多士、黑松露炒蛋、炒雜菇、沙律菜、煎蕃茄、巴馬火腿和茄汁豆，相當豐富!炒蛋嫩滑，拌入黑松露令炒蛋更惹味，再配上多士一齊食，更能突出味道!沙律菜拌上沙律醋，酸酸地很開胃!炒雜菇用上牛油和黑椒一齊炒，juicy又美味!Iced Orange Tea，這裡的橙冰茶唔會好甜，有淡淡的橙味，而且茶底又不會太澀，易入口!這間餐廳上菜速度快，而且夠哂熱辣辣，值得再來!

兄弟工房真係抵食呀！同朋友去食個late lunch，都仲有扒可以叫，正呀！我叫左個牛扒配薯菜。先黎一個餐湯，係蕃茄湯呀，好濃郁，好茄呀！酸酸嘅蕃茄好醒胃，令我更加期待個牛扒。牛扒黎喇！好大塊呀！有成個手掌咁大呀！仲好厚添喎。個牛扒好juicy，因為有厚度，都幾有口感架。我喜歡無筋嘅扒，啖啖肉，係正嘅！除左有件大份又juicy嘅扒之外，仲有好足夠嘅蔬菜，熱辣辣嘅薯角，真係好豐富架！食完成個餐真係好滿足。

石門發展得好快 越嚟越越多餐廳進駐今次就試下呢睇落幾骨子嘅兄弟工房喺石門站行過嚟5分鐘都唔駛 好方便餐廳雖然唔大 入面只有6張4人枱不過空間感又幾好 一啲都唔逼仲幾舒服添晚餐有單點有餐 任君選擇最後嗌咗二人餐 同朋友慢慢食慢慢傾✨南瓜湯&沙律沙律以黑醋為汁 酸酸地幾開胃而南瓜湯就屬於正常水平✨燒魷魚筒配墨汁意粉賣相好靚 大概有7-8件魷魚筒意粉每一條都沾滿墨汁 但又唔會有太濃太假嘅墨汁味係屬於清淡啲嘅墨汁意粉 唔會太膩✨肉眼扒除咗塊扒大之外 仲有好多配菜添筆者塊扒係5成熟 亦都煮得啱啱好雖然唔算厚切 不過肉味濃郁 呢個價錢嚟講無得彈啦✨香橙紅茶是日冰茶係香橙紅茶無加橙味嘅糖醬 只係靠新鮮嘅橙嚟帶出淡淡嘅橙香清清地 飲落好舒服✨芝士薯條配黑松露沙律醬 $65份量唔少 好驚喜嘅啲芝士係焗過嘅而唔係加芝士醬不過有少少失色嘅係焗到有啲乾😛整體嚟講 兄弟工房係一間嘅幾抵食幾用心嘅小店推薦大家去開石門嘅可以試下

今日同好姊妹嚟到石門嘅兄弟工房食飯 , 平日晚上嚟到 , 入座率近 8 成 睇完餐牌 , 發現佢嘅 2 人餐 ($338) 幾抵喎 ! 包咗餐湯 , 沙律 , 2 個主菜 , 飲品 , 加 $38 就有埋甜品 餐牌 :甘筍湯 味道同質感都唔錯 😁😁 成碗清曬 !沙律 沙律汁偏酸 , 沙律菜種類都多 , 新鮮 , 而且好大兜 , 2 個人食都食唔曬 😮😮燒魷魚圈配墨汁意粉擺盤有啲睇頭 , 墨魚圈唔韌 , 墨汁意粉唔會太濕 , 又唔會太乾 , 個人幾鍾意 😌😌 肉眼扒 (5 成熟) (12 oz) 見到餐牌嘅美國頂級安格斯肉眼扒要 $238 ,  所以 2 人餐非常之抵 😏😏 ! 牛扒軟腍 , 有肉汁 , 亦都非常大份 ! 配菜都唔馬虎 , 種類非常多 , 有沙律菜 , 焗蒜頭 (我至愛 🥰) , 車厘茄 , 小啡菇 , 瓜類同埋薯角 ~ 又好味 , 一定夠飽 ~ 冰茶 入邊有 2 - 3 楷鮮橙 , 都幾有誠意 , 味道唔錯 , 唔會太甜 , 飲到果味 ! 黑松露芝士焗薯條 ($66)2 人套餐外 , 友人係薯條控 , 點名要嗌薯條 😂 份量夠大 , 係粗身嘅扭紋薯條 ~ 整體嚟講 ,

西餐好多人係屋企都會整，的確簡單野有時自己整仲好食。所以好多時出街都係食心機，功夫，配搭同食材等等新鮮蔬菜配上黎麥酸汁調味，健康又開胃。湯足料有心機，粒粒食材打散而成，亦有幾款調味唔單調炸魷魚圈宜加真係買少見少，又要魷魚無雪味口感好，炸粉亦重要，睇色水就知無失望，點埋醬即頭爭食香煎鵝肝意大利飯，為左中和鵝肝油膩感，飯底加左酸，食落無咁滯，但份量都係好多，最後要打包。鵝肝就軟身入口溶化另一指定5成熟牛扒的確做到，仲成功鎖得住肉汁，肉質同味道都好好！另外配菜都有落心機，蒜焗過嘅一整粒蒜，不同瓜類，仲有磨菇等等，一d都唔單一，多方面滿足冰茶真材實料，大大粒檸，唔係落野溝出黎！檸檬撻重檸味，甜味好足，兩個人分享剛好！

所以照片及文章為本人拍攝及寫的，並沒有重複濫發，請審核。.Brother Craft Beer 係兄弟工房自己的手工啤，當然要試下啦。揀了Toffee Apple的味道，酒味清甜，少許果味，容易入口，適合女生。.另外點了二人套餐，餐湯是南瓜濃湯，健康又沒有味精，好足料，有南瓜的甜味。.前菜有沙律，沙律菜很新鮮，吃下去很爽脆，而且加了少量的黑醋，酸酸的，令人開胃。 .香煎鵝肝意大利飯，法國鵝肝煎很很香口，不用配其他汁已經好有味道。整體來說，意大利飯很creamy 很香口，而且意大利飯粒粒分明，𣎴會太淋，煮得剛剛好。.豬肋骨，份量頗大份，大約四至五條骨，每條都好鬆軟。外面的barbecue sauce 好香，而豬仔骨肥瘦適中，好入味，好淋口。

石門C出口行幾步就到 位置夠晒方便餐廳唔大 裝修簡約 只有6-7張4人檯 夜少少去都可能會爆滿 但勝在人少少 夠靜👍🏻👍🏻👍🏻👍🏻叫左個2人餐 包咗餐湯, 沙律, 主食同主菜各1, 飲品主食就揀左燒魷魚圈配墨汁意粉一送到上檯第一眼就被賣相吸引🥰🥰而魷魚有微微燒過 唔會好韌 但如果多啲汁就一流😋😋主菜方面當然選擇左大家都推薦既肉眼扒order左7成熟 唔會太熟同韌 所有配菜亦有烤過 唔會生到食唔落最後再加甜品 檸檬撻+燉蛋各一鍾意食酸野就要試下檸檬撻 唔錯 酸得黎好好食🥳另外即使2人餐唔岩食 散叫既價錢亦唔係差太遠 選擇亦更多

石門呢個地方真係好少黎，但係轉工之後，原來過黎好方便，所以就約咗閏蜜在新年前飯聚一下。🍴燒春雞本以為係平平無奇嘅燒春雞，但係切開勁多汁，雞肉鮮嫩，唔會鞋，連胸肉都唔會乾，雞皮有微脆，不錯。🍴香煎鵝肝意大利飯意大利飯好creamy，但飯感微硬，有一點微酸，鵝肝油脂含量不錯，好香。而且彈性十足，竟然切完之後意外地彈出碟外到電話上，電話都佈滿油脂。🍴檸檬楓糖雞翼雞翼新鮮炸好，好熱，外皮好脆，但炸粉唔會厚，檸檬汁係自己搾，雞肉都唔會炸得好老。🍴法式焦糖燉蛋燉蛋好重忌廉味，好厚實挺身，唔會好似好軟咁，配上新鮮燒好嘅焦糖，可以為呢餐畫上完美句號。🍴是日冰茶冰茶不能走冰，只可以少冰，橙茶好fresh，不會太甜。餐廳食物質素不錯，所有食物都好滿意，服務態度殷勤，唯一就是枱面有點少。但環境舒服，好適合三五知己黎到聚會

先說地理位置，於石門站附近，出閘直行轉左，步行2分鐘可至，頗為方便。店面頗精緻，有20-25個座位，環境頗舒適。食物方面，品嚐了以下菜式：餐湯、明太子忌廉汁軟殼蟹意大利粉、脆皮德國鹹豬手、檸檬楓糖雞翼、果茶。餐湯為西蘭花蘑菇湯，口感不錯，富有一陣蘑菇的味。至於意大利粉，醬汁由忌廉調配而成，濃稠而又不沾口，加上明太子更是畫龍點睛豐富了醬汁的口感。而雞翼頗為一般，外皮頗脆，但較為乾身，就像沾上檸檬汁的KFC雞翼。鹹豬手同為一般般，雖然豬皮尚算脆，但脂肪部分不多，性價比不太高。反而果茶頗讓人驚喜，有一陣果香，不只是糖水和水果的混合物。總結此餐，驟眼看來只有明太子忌廉汁軟殼蟹意大利粉值得推薦。一餐盛惠$440。