兄弟工房 (已結業)

經過石門又未食過呢一間，見舖頭細細地就入去試吓啦，三個人食咗一個飯，一個意粉同一個黑毛豬扒，價錢唔算平，但係估唔到D質素有幾好喎，個扒要238 ，飯同意粉就一百蚊咁上下啦！會有下次喎😆

今次食呢間兄弟工房喺石門站，最近開通嘅屯馬線好方便就去到呢度所以就黎呢度試下。餐廳擺設同佈置都幾有心思，坐位唔係太多所以如果你想試就要早啲黎啦。我同朋友今次呢就叫咗個二人餐黎試，分別揀咗個墨魚汁魷魚意粉同埋ribeye steak。頭盤有沙律，對我來講有少少酸不過都算幾開胃。再食主菜，墨魚意粉幾重墨魚味而且麵質幾彈牙，唔怕食到成口黑晒嘅朋友都可以叫黎試吓。牛扒都剪得幾靚同埋好大份，加埋啲薯條其實份量都算多啊，我地都差啲食唔晒，不過同埋朋友share一邊吹水一邊食都幾好，切落去果下都感覺到啲肉好腍而且好有肉味。最後我哋加咗個creme brûlée,焦糖整得幾好，金黃得來又脆。整體來講都好滿意呢個二人餐。

好少黎石門食野，今日係附近有野做就黎左呢間試下門口都幾易搵，入面啲裝修都好舒服，幾適合同低傾計我同朋友叫左一個二人dinner set，頭盤有湯同沙律湯份量岩岩好，味道都唔錯沙律係我鐘意食既田園沙律，好開胃主菜係墨汁魷魚意粉，賣相幾好，魷魚好彈牙，醬汁唔會好搶魷魚既鮮味，好食！另外仲叫左個RibEye，呢個係7成熟，肉好腍，煎得好香，不過就要快手食晒唔係就好易凍平時都仲要飲茶同埋橙汁，呢到有orange tea一定要試下，又可以吸收下維他命c，估唔到呢個配搭都幾好飲呢到甜品有3種，今次就食creme brûlée，焦糖脆得黎唔會苦，好食啊雖然呢間餐廳唔算好就腳，不過都好抵食

近排好耐冇出過街，一定要幫襯小店，所以去咗附近一間Cafe食嘢。😊😊首先我哋叫咗兩個晚餐set，頭盤係巴馬風乾火腿配蜜瓜。本身好怕火腿好鹹，但係今次呢隻啱啱好，配埋大大舊蜜瓜，真係好開胃😍😍😍餐湯唔係罐頭開出嚟嘅，而係好香好香濃嘅蕃茄味👍🏻👍🏻唔會好油膩，反而好開胃🧡🧡前菜我哋叫咗墨汁意粉，同 美式BBQ醬烤豬肋骨配薯條❤❤好怕燒到好乾好齊，但係呢一個配得啱啱好，好多汁之餘，而且仲保持肉汁鮮嫩👍🏻👍🏻配埋香脆薯條就冇得頂。最後，最驚喜係個甜品，我哋叫咗焦糖燉蛋。呢個燉蛋做到好多層好香滑嘅感覺，加上焦糖，簡直入口即溶，必須佳品🤤🤤🤤

石門好多小店，所以我哋成日都專登過嚟食飯。今日試咗間喺石門馬鐵站附近嘅西餐，店面細細，但係驚喜十足。我哋係星期六午餐時間嚟到，因為武漢肺炎關係，無乜人，唔使等位。希望疫情一過，小店嘅生意會蒸蒸日上啦！午餐非常多選擇，仲送餐湯同餐飲，都係百零蚊，好抵食！餐湯係忌廉蘑菇湯，用上新鮮嘅蘑菇，唔係一般罐頭湯貨色，非常好味。午餐我哋試咗西冷牛扒同埋厚切豬扒，可以配飯，意粉，或者薯菜。餐廳好細心，知道我地唔食薯條，專登將所有薯條變成翠玉瓜，非常細心。西冷牛扒同豬扒質素都唔錯，呢度絕對係想簡單食個西餐嘅好去處。

近來喜歡找一些小店吃晚餐，上星期經過石門發現原來有很多本地小店，所以今日便帶媽媽來試試🤪今天選擇了吃這間兄弟工房的西餐廳，門口放置了很有特色的桌椅😚原來他們有二人晚餐，$338有湯，沙律，2個主菜，飲品，價錢合理。今次我們決定散叫，並加了一個套餐🤩餐湯是椰菜花湯，都幾好味。我最鍾意食蜜糖雞翼，加少少檸檬汁上去，再加上雞翼非常脆口👍再叫了西班牙黑毛豬，超級超級的大件😳還有不少配菜，有薯仔，烤蔬菜，也有沙律菜！兩個人吃份量也非常足夠。雖然黑毛豬厚身，但是吃下去很Juicy！感覺熟到剛剛好😋😋另外意粉叫了明太子軟殼蟹意粉，軟殼蟹非常之大件，而且肉厚！再配上意粉，真的非常飽了😂最後喝一杯檸檬茶作為總結，這間餐廳環保意識也很強，是走飲管的，值得一讚。👏

今日為左探朋友而遠赴石門。作為港島人真係好少機會去新界，之前去過石門一次，結果食左餐出色既西餐。正所謂Weekends are for brunch，我地一去到石門先食過Brunch先，今次選擇左兄弟工房。餐廳一共八款brunch，價錢可以接受，而且充滿多樣性。Brunch既餐湯係雜菌忌廉湯。- 明太子忌廉汁炸蝦意大利粉明太子味好突出，洋蔥帶點辣味，味道層次更豐富，炸蝦一共三大條，金黃酥脆。- 班尼迪蛋配菠菜煙三文魚荷蘭醬質感滑溜，唔會太稠。水煮蛋形狀幾圓渾，一切開水煮蛋未算太流心。餐廳以菠菜代替傳統煙肉，帶點小清新！Brunch送埋飲品，我同好朋友分别選擇熱咖啡同冰橙茶。橙茶有驚喜，茶味幾香，入面有一兩片橙，大家仲可以食埋啲橙肉添！

2020年2月12日 星期三呢日專登山長水遠去到石門諗住睇樓，順便周圍行吓，行完之後見肚餓，就直接喺附近睇吓有咩嘢食見到呢間餐廳個名幾得意，原來係食西餐嘅，就直接入咗去食裏面嘅座位雖然唔係好多，不過坐落去又幾舒服，仲有埋背景音樂餐牌方面主要係晚餐同二人餐，選擇都有幾多，價錢亦都唔算太貴，我同女朋友就要左一個二人餐首先有餐湯，應該係南瓜忌廉湯，因為南瓜嘅味道好濃郁，個湯都唔算好稀之後有沙律，沙律菜上面淋左醋，食落去酸酸地幾開胃，而且菜都幾新鮮之後有主菜燒魷魚圈配墨汁意粉，魷魚圈用咗一支百力支串住，賣相幾特別，食落去魷魚圈好彈牙，唔會太靭。至於意粉就好重墨魚味，食完成個口真係變晒黑色至於另一款主菜係肉眼扒，菜式嚟到嘅時候都嚇咗一跳，冇諗過會有咁大塊肉眼扒，切落去又唔會太過難，可能我哋叫咗五成熟，唔會煮到過咗龍，啱啱好甜品方面我哋叫左檸檬撻，食落去好Fresh，超級有檸檬味，用嚟消滯簡直係一流另外仲叫咗一個焦糖燉蛋，見到表面嘅焦糖燒得好香，而裏面嘅燉蛋好嫩滑，雞蛋味好重食完呢餐真係好飽，睇嚟又要唔知做幾耐運動先可以減到肥啦

係沙田搵食唔一定去新城市，馬鐵石門站周圍都有好多好野食！😊😊😊為左出去抖下氣，今晚就尋尋覓覓搵到呢間兄弟工房，座落係京瑞廣場第一期出面，店鋪面積唔大但好骨子，裝潢頗有心思。😍好有溫馨café feel一開始我地叫個starter巴馬風乾火腿配蜜瓜，總共有8件好足料好大件，出面既starter一定無咁好！蜜瓜好甜好新鮮，好大舊😍火腿唔太鹹易入口，yummy！😆😆然後我地叫左兩set dinner，佢先俾蕃茄湯我地飲，以為係普通蕃茄湯，其實係蕃茄蓉，每啖都有好濃既茄肉！😳😳第一個set係燒大蝦墨汁意大利粉，意粉整墨汁唔太濃剛剛好，大蝦都好鮮甜！🤗🤗另一個係美式BBQ醬烤豬肋骨配薯條，黎到真係嘩一聲，好大碟，豬肋骨肉好嫩滑，最正係個BBQ汁配合得好好，薯條又脆，一邊食一邊讚不絕口！🤤🤤2個餐都有杯野飲，我地叫左杯熱檸茶同iced orange tea，檸茶茶味濃，而杯「橙茶」又好有創意，好fresh❤️❤️最後再食多個甜品法式焦糖燉蛋，香脆既糖衣，蛋又軟又滑，好彩食埋先走！🤤🤤

今日來到石門， 要揀食邊間餐廳真係花多眼亂， 但原來西餐嘅種類唔多，我哋就揀中咗呢間喺商場側邊小路嘅地舖…兄弟工房。餐廳唔大，裝修簡約有條理唔想諗就揀左二人餐餐湯係南瓜湯幾滑幾好飲雜菜沙律，菜都新鮮，略嫌啲醋落得重手咗啲，食到底下好酸我哋揀咗燒魷魚圈配墨汁意粉賣相幾靚， 穿著墨魚圈嗰兩條係餠乾可以食埋， 墨魚圈燒得好香， 意粉煮得軟硬剛好，雖然唔係條條意粉都沾到墨魚汁，但係整體味道都唔錯肉眼扒比想像中大份，而且仲有好多配菜。肉眼扒我哋要咗五成熟，唔會太靭亦都唔會太生，火喉調教得不錯同埋時日冰茶-橙冰茶幾好飲！加38蚊的檸檬撻上碟超香檸檬味！食落口感都唔差，好fresh！但真係超級酸，可能太多檸檬汁太足料，食左一半投降………法式焦糖燉蛋呢個比較好食，燉蛋好滑好香蛋味！略嫌上面塊焦糖有點厚埋單唔駛500,超飽的！

好少嚟開石門呢頭啦，估唔到原來咁多嘢食！見到呢間裝潢咁靚嘅Cafe就入咗去，因為假日加上我哋兩點幾先到，所以人客比較少。店內環境都坐得好舒服，門口仲放咗大大支消毒水，即刻安心咗啲🤣午餐有成八款選項咁多，價錢都尚算合理，加上假日但冇收加一，係抵讚的！先嚟嘅番茄湯，個質感一啲都唔水，食得出亦睇得出啲蕃薯粒粒，而且味道好濃！點咗杯熱咖啡，係即磨的，上枱是聞到薄薄的香氣。我嘅All Day Breakfast到了！（雖然已經是中午），呢個係我食過比較喜歡嘅All day breakfast，因為唔會有好多乾/硬挖挖嘅item，反而有好多我鍾意嘅，特別個菇整得一啲都唔乾身！而且個蛋炒得好滑，唔會食完好濟！而朋友的Egg Benedict睇落賣相好吸引！雖然好想食埋個甜品不過已經太飽啦🤣🤣都係下次再戰！

石門站的京瑞廣場，近來開了不少食店，大多數都是一些地道小店。今天我們來是這一間叫兄弟工房的西餐廳，位於地下樓層，店裏的位置不多，建議來之前可以先預約， openrice都有得訂，幾方便。門口也有介紹二人套餐的晚餐！$338,價錢合理。食物種類方面主要分小食，意粉，飯或者主菜。小食方面見到有雞翼，炸魷魚同炸薯條都好吸引🤩主菜方面，聽聞這裏的鹹豬手和黑毛豬也很出名，今天要試一試。😚叫主菜加$18可以有餐湯及飲品。 今天的是日餐湯是椰菜湯，質感將打碎了椰菜一樣，幾真材實料。檸檬楓糖雞翼，雞翼炸得好脆，再加少少檸檬汁，好好味😍再嚟主菜，頂級安格斯肉眼扒，超級大塊😳，也有不少配菜，有蒜，薯仔以及蔬菜。肉眼扒我哋叫咗五成熟，切落去仲有肉汁，而且好有牛味。德國豬手，個人覺得有surprise,皮脆， 肉卻很滑，再配上酸菜，薯蓉都好好味👍👍推薦最後是軟殼蟹意粉，軟殼蟹幾大隻，意粉軟硬適中，較creamy，4個人食剛剛好。

週末跟朋友J到火炭朋友家，早點去石門那邊走走和吃午餐，這應該是我第一次來石門吧，比我想像多很多街坊和有人情味的食肆，大多都很吸引呢，我們還是無志氣的選了西餐吃，因為太想喝咖啡了，這暗兄弟工房在網上都蠻多好評，應該不錯。*餐湯是蓄茄湯，西式有渣的那一種，我最愛蓄茄的味道所以覺得很好喝，蓄茄很出但又不會過酸過甜，作為開胃餐湯是很好的選擇。*Brother’s 全日早餐 $102全日早餐都算是很豐富，有黑松露炒蛋、什菇、parma ham、腸仔、蓄茄、沙律菜、麵包和茄汁豆。每款的份量都算是很大的，女孩子吃的話一定會飽到不得了。朋友J覺得曼出色的是黑松露炒蛋，超級滑強香又很出，有點黑松露點綴又昇華了幾層，建議可以放上麵包一齊吃，完全是高級的吃法。*班尼迪蛋配菠菜三文魚 $108我點了最愛的班尼迪蛋，配的是超高蛋白質的菠菜和三文魚。頂層的班尼迪蛋切開後蛋漿會慢慢流出，我喜歡把蛋漿都弄出來再吃，就是每一口都要有蛋漿才好吃！旁邊的沙律菜和蓄茄仔都是不錯的，雖然是伴碟但須的不馬虎。*餐飲點了熱咖啡和凍咖啡，雖然是咖啡機出品，但竟然有驚喜，味道不會過酸或苦。*

星期六去開沙田整啲嘢，加上啱啱有新鐵路🚞，所以就試下搭咗去石門，順便食個Brunch。原來石門站一出有唔少食肆，本身想食嗰間大排長龍，就再睇下有乜好食啦。見到有間叫兄弟工房嘅餐廳有提供Brunch Menu，環境又幾Chill咁，就試下啦😉。Brunch有8款揀，由$78-$118不等，奉送冰茶及餐湯，價格正常。款式都幾多種類，包括沙律、意粉、意大利飯、炸魚、全日早餐同牛扒等等。我相信總有一款會啱食😝。餐湯係南瓜忌廉湯🎃，幾Creamy又夠濃，唔錯。班尼迪蛋配菠菜煙三文魚($108)，我最近都愛上咗食Egg Benedict🥚，呢到整得幾好，塊Muffin包包夠鬆軟，蛋係爆漿的，而且搭上荷蘭汁配煙三文魚，全部都係我鍾意食嘅🤤。明太子忌廉汁炸蝦意大利粉($88)，意粉造型吸引，有三隻吉列炸蝦🍤。意粉口感ok，我主要欣賞嘅係佢個明太子忌廉汁，好好食好惹味😋，而且仲配有唔少菇同蘆筍。呢碟份量都多，食完會夠飽。餐飲方面，我要咗呢到嘅招牌凍橙茶Iced Orange Tea🍊。唔係講笑，呢杯真係超好飲！我無喺第個地方飲過呢隻口味，有淡淡嘅橙香，但無橙嘅酸澀，又無渣；總之就同個紅茶好夾。我直頭想喺

相隔兩個月再訪兄弟工房今次由石門站C出口一出直行轉個靚彎就到真係超就腳👣今次一於試下佢個Dinner for two西蘭花忌廉湯餐湯有別於其他西餐廳常見既既蘑菇湯而係平時比較少飲到由西蘭花、洋蔥、薯仔打成既西蘭花忌廉湯🥦好有驚喜沙律五顏綠色既沙律菜好新鮮🥗配埋酸酸甜甜既黑醋真係好開胃肉眼扒（12安士）本身對「安士」呢個單位冇咩概念🤷🏻‍♀純粹係想食下牛扒🥩但一上檯個下真係好有驚喜😍大大份既肉眼加埋七彩顏色既side dish🍽真係唔敢相信自己點既係Set Dinner 🙈而且塊肉眼好重肉味👍🏻鵝肝意大利飯鵝肝煎得好香而且最重要一d都唔腥意大利飯煮得剛好唔會太硬每一粒米飯都包裹著厚厚既sauce 好creamy冰茶隨餐附送的餐飲選了冰茶小店用上大大舊既新鮮檸檬🍋酸酸甜甜好消滯法式焦糖燉蛋薄脆既焦糖配上香濃幼滑既燉蛋必食！為整頓晚餐劃上完美句號😌