影片
以上资料只供参考，请与餐厅确认详情
啱啱喺联和墟街市买完𩠌，就上2/F or 3/F的熟食市场睇吓有咩外卖可以买返屋企做午餐。千拣万拣，拣咗呢一间兄弟海南鸡饭，见佢餐牌写住$50招牌海南鸡饭，转鸡髀就加$7。于是我就同个貌似老细嘅男人讲：海南鸡饭转脾外卖，要白饭，个男人话得返油饭啫，白饭卖晒。我话OK咁要油饭。等咗一阵系个阿姐攞盒饭俾我，阿姐要收我$59，佢话个水牌啱啱转左，未改返转脾加$8，另外1蚊外卖盒。 返到屋企打开盒饭，谷鬼气，佢比只鸡翼我，佢又识收我加$8转鸡髀，我都算，因为已经返咗屋企，唔通再揸返15分钟车去换盒饭咩？ 海南鸡冇味嘅，仲有只鸡好肥， 啲鸡皮黐住好多肥膏，睇见都唔想食，但系差唔多60蚊一个饭，勉为其难食咗三份一，我好后悔喺呢间度买外卖，早知买隔篱档嘅炒粉面算啦！呢间嘢唔会再帮衬
继续阅读
今次去呢间专做海南鸡既餐厅系间小店，无分店，咁岩今晚系熟食中心见到就好奇试下我地三人同行， 但一致都认为晚市二人餐再加碟小菜及串烧已经可以好饱。套餐可以点两份主食及小食另外仲会送椰子汤同饮，我地叫左一份卤水猪髀饭及香叶肉碎蛋饭，小食就叫左泰式炒通菜及加钱叫左半只海南鸡，另外再叫左叠咖哩蟹同串烧，所有食物份量好多，海南鸡好滑，菜都炒得好好味，咖哩蟹同香叶肉碎饭系心食之选，我就觉得猪髀饭可以再整淋多啲就更合我口味。串烧黎讲，佢烧得好香，而且外皮香脆，一啲都唔算㶶，明显系好用心烧出黎，而家食落去肉质好好，唔会太熟又唔生。咁岩撞正铺头开第一晚晚市，老板仲请我地食烧蚝，当然肉质肥美，火喉刚好，值得一试
继续阅读