光榮冰室 (兆和街)

营业中

休息中

今早去食個早餐，講到什麼生滾牛肉，沙嗲牛肉丁面超難食，沙嗲無味，牛又太(鞋)，丁面都吾係平時食個d，不知所謂，當然，午餐未試過，吾知點，但以後吾會再去。咁難食無影相。

極邪惡！！超大塊雞扒！！超多人 但流動都幾快 排左一陣多d就入到去坐！！坐就麻麻架啦！！但茶記到到都叉唔多！！！叫左個特餐 蔥油雞扒飯！同凍奶茶小甜小冰！45蚊冰飲都唔洗加錢算好有良心！！見過凍飲要加3蚊好得人驚！！先講飲品！ 都算滑慨茶味就普通！！可能叫左小甜感覺比較普通！碟飯黎到有d比佢嚇到 ！塊雞扒成隻碟咁大！一放底說有陣陣架蔥香 加上淡淡甜甜架豉油香！！雞扒外皮炸到幾香脆！ 內裏肉質都幾滑同多汁！飯都有米香 吸埋d蔥油 真係一個字爽！！絕對會再幫食！！

咁啱攞野入荃灣俾朋友，所以順便約佢一齊食lunch。周末下晝1點，我地4個人等位，前面已經排咗超過20人，但都只係等咗20分鐘左右，就已經俾到一張圓枱我地坐。做野既姐姐非常快手，因為佢地都知出面好多人等位，一有客人起身埋單 阿姐唔使30秒就清好枱俾後面既人入座 👍🏼因為真係好旺 好多客，佢地餐牌好簡單，ABCDE餐再加個常餐。眼見大部分客人都係食2款餐: 叉燒炒蛋飯 & 蔥油雞扒飯，我地都係 😆我自己最鍾意個叉燒炒蛋，好滑，蛋味好香濃，再加上啲甜豉油，成碟飯幾下就清晒。我啲朋友就鍾意蔥油雞扒飯多啲，因為貪佢夠香，雞扒煎到金黃色，層皮好脆，啲蔥油真心好香。我係覺得連埋飯 成碟有啲乾，無咁易入口。因為多客 成間鋪好忙，廚房有漏單既情況，不過同阿姐講聲，好快就出到俾我地。就算咁忙幾位阿姐都仲好好態度，好好人 😊👍🏼第日入開荃灣一定會再幫襯!

除咗龍門之外，應該係最多人去嘅'皇'色店。新開荃灣嗰間分店都去咗幾次，質素真係好，屋企飯餸咁嘅款，又大碟又冇味精，平平實實咁咪好囉。我哋香港人就係需要依啲嘢，唔好搞咁多花款。 今日食下午茶餐，蕃茄牛肉炒蛋飯，睇下幅相，真係好似屋企煮嗰啲咁，好好好滿足。咖啡又濃又滑。順便仲可以捐錢。

門口連儂牆已經係排隊嘅光榮嘅標記，起荃灣雖然話有唔少黃餐廳，成日想搵d 茶餐廳類兼有得坐嘅始終無！試業期間我已經一星期食幾次，午餐晚餐全部食過，對佢個煲仔飯真係念念不忘！舖內乾淨企理，雖然撘檯撘到一張卡位四個都唔識嘅，但入得黎幫襯都起碼大家都係同一陣線，感覺到warm D! D 姐姐個個做到無停手但依然笑笑口又好禮貌，早幾晚臨收舖又去食，見到格離枱應該落漏單，仲欠一個煲仔飯，但廚房已收爐清洗，個老闆知道漏單後猛灑冧仲堅持廚房即整比佢，雖然食客最後話唔洗整，但老闆呢d 待客之道真係一流！

加班加到9:30，屋企又無留飯一丁友喺荃灣街道上，帶着疲倦的身軀同埋空虛的肚子突然聞到陣陣嘅煲仔飯香味轉角望一望就見到一條長長嘅人龍突然發現一間之前未見過嘅餐廳咁就上去望一望啦睇吓有咩食，因為都已經好肚餓啦行到門口發現真係好香，結果忍唔住排隊心諗自己一個人食飯應該好快有位啦都等左差唔多半個鐘先有位入到去食一坐低即刻叫煲仔飯點知侍應就話煲仔飯起碼要等半個鐘已經10:00，當然馬上放棄轉叫快餐叉燒勁多炒蛋勁厚醬油特別，唔會太鹹帶少少甜凍檸茶非常大杯但有少少過甜（已經帶咗少甜冇少冰）總結：大件夾抵食，下次會試煲仔飯太忙，啲侍應唔會太多時間去服務

基本上我吃這一間冰室已經差不多兩個月前，接近兩個月這個網才新增了這間冰室的資料。雖然光榮冰室好像沒有聽過，但一搜查，原來在另一區也有一間發現這間冰室，進來之後，裝修都是懷舊風味，但是物料相當之新簇，完全沒有灰塵，或是老舊的感覺。餐牌上面選擇也不少，下午茶的清單也甚長，想了一會兒，還是有點兒肚餓，反正下午茶有牛脷，於是便點了個焗蕃茄牛脷飯。一杯熱鴛鴦走，味道也不錯，煉奶份量不算太少，甜味足夠，奶茶味道亦都香濃，咖啡味亦都不會太酸，整體的味道實屬相當不錯。焗蕃茄牛脷飯，飯的份量也相當之多，我都吃不完；番茄味道普通，因為還見到整件番茄都沒有爛，還是一件完整的蕃茄在飯的上邊；還好，牛脷的份量相當多，最少有三四大片，亦都夠口夠大件，不算太過林，但質地還不錯，有點肉香，但表面就輕微太乾，味道普通。焗飯不算住得太熱，可能因為火喉未夠，但又趕着拿出來給客人；上邊的芝士也不算太溶化，因此味道普通。看似沒有什麼特色，因此餐廳就算不算特色的特色也當作是特色，例如：有可樂、有樽裝可樂，以及以可樂樽作為牙籤筒，就是這點的特色。雖說新開的冰室無故又說自1982或是1962 ，但明明之前沒有聽過，又或是餐牌完全一塵

喜歡舊式茶記的粉絲又多了一個選擇，光榮冰室在荃灣開了分店，毋須再去楊屋道哪兩間過氣冰室，是時候去發掘其他懷舊味道。這間店鋪裝潢跟六七十年代一樣，卡位設計，磁磚牆身，可樂宣傳海報貼在牆身上，早餐款式完全是港式代表作，當然首選是沙爹牛肉一丁配煎蛋多士，煎太陽蛋恰到好處，蛋漿入口即爆，沙爹牛肉貨真價實，沒有太多梳打粉味，一丁煮得軟硬適中，凍咖啡更是一丁絕配，喜歡懷舊的吃貨必定要到這兒重溫兒時的味道，今後又多了一個好去處。

荃灣區越開越多冰室，今次來兆和街試試這間光榮冰室。裝修其實很簡單，繼續老香港風，勝在空間夠，搭檯也不局促。下午茶時間來也很多人，要搭檯看到午市餐牌有「叉燒炒蛋飯」毫不猶豫，立刻點餐！如圖一樣，份量很足，炒蛋有光澤，夠滑叉燒也不鞋口，數數超過10塊，只$45非常抵食唯一有少少燶味可改善