光榮冰室 (兆和街)

营业中

休息中

服務：ok--------------------環境：普通茶歺廳------------------------------食物：少有既雞翼早餐其實全部普普通通,冇乜特別好食．自在夠黃,所以支持下！

呢排想多幫襯食得心安理得既餐廳但通常都排長龍不過唔緊要 堂食唔到就take away想食點都會食到既！！星期六朝去剪頭髮排唔到堂食於是買個蕃茄湯通粉一路整頭一路食好大碗 又足料 多排骨 湯夠濃味

光榮冰室🍴要支持💛💛💛小編同男朋友食左2個快餐🍛😋👣叉燒炒蛋飯🍳$45🍴係茶餐廳有e個咁正既賣相，已經加哂分😍💯🥚炒蛋好滑，加埋葱粒炒，非常之香😚🍚叉燒配埋甜䜴油同埋炒蛋，簡直正！🥰——————————沙嗲豬頸肉飯🐷$45🍴沙嗲汁配豬頸肉、菠蘿都係第一次🤪，豬頸肉幾軟身、入味🤓，整體口感都幾新穎🤓——————————佢既凍飲、熱飲都係一樣免費😍，好公道😎

光榮冰室出名係良心店，每次行過都見到大排長龍門口貼滿Memo紙一張又一張色彩繽紛嘅Memo紙感覺Pattern仲靚過貼牆紙我哋下午茶時間先去食，諗住少啲人，點知都要等20mins黃店嚟講未算高質素，不過都比藍店好暫時咩黃店都支持先火腿通粉 $28起身覺得肚餓，點都要叫個粉食味道不過不失湯底唔算特別略嫌火腿同通粉比例唔啱火腿太少，通粉太多生炸雞髀+薯角/沙律 $30我食得比較慢，同枱我嚟之前已喺度嗰2個話雞髀好似炸得好靚到佢哋走咗嚟另外2個，又聽到同枱話隻雞髀炸得好靚我唔好意思當面講以雞髀論雞髀，質素唔係想像中咁高本身應該OK，但可能太多人懲罰佢maybe一次過整唔切，擺咗喺有水蒸氣嘅地方附近雞髀皮上枱唔太脆，入面雞肉涼咗其實齋睇佢整法同隻雞髀個樣本身炸完應該好正，啱啱皮脆肉嫩只係而家太多人先做唔切反而薯角同沙律就唔錯薯角表皮脆脆哋，入面薯蓉質感，而且仲暖暖哋

平靚正之選既黃店👍🏻出邊有連儂牆 入邊啲文宣勁update 侍應又好有禮貌次次經過厚福街果間都排哂長龍 襯荃灣新開冇咩人即刻去試😍😍 -三眼仔豬扒飯 $52連野飲一開始係衝住三眼仔叉燒飯而黎 點知黎到之後先發現荃灣呢間得豬扒😢 不過點知呢到又冇失望wor 呢到個飯勁大碟 啲蛋dok開佢係流心既！ 啲蛋漿同啲鼓油撈埋啲飯一齊食真係一流啊🤤🤤另外仲叫左叉燒炒蛋飯 同旺記冰室果個一樣咁好食大家快啲去懲罰佢啦🤣🤣！

話說呢間黃色經濟圈既茶記，行迥過都見到好多人，所以真係懶得排隊，但成日聽到手足讚野好食，服務又好，所以星期六晚夜釣前，決定排隊都幫襯!!今日約得早，所以都唔算等左好耐~ 5至10分鐘就有位，如果2個會容易啲，我地當天係3個人，所以先先等左一陣子其實唔會認錯同搵錯，因為門口啲紙仔，願望，訴求，多到連隔離牆都要貼埋唔太餓，所以我地叫左炸脾，一個配薯角一個配沙律。個雞脾弓脆到呢～同埋價錢好抵，連飲品都係30蚊咋

6月之前...本人非常鐘意食 X興既蔥油豬扒雙蛋飯.......但某些原因...所以6月到依家就無再食了....一款自己鐘意食既野....突然無得食...雖則唔可惜...但都會有小小空虛.....幾經轉折....終於試到一間自己幾鐘意...食左幾次都唔會厭既....蔥油雞扒飯:同本身自己鐘意食果個有小小出入啦...豬扒變左雞扒....無左2隻雞蛋...但係價錢真係差好遠...以前要成68蚊+3(凍飲)依家只係45蚊(凍飲免費)......性價比唔洗我講都知啦....係十分非常之極高講份量...我食左幾次雞扒都係非常之咁大塊....女仔唔好以為可以輕鬆挑戰....男仔正常都應該可以既(本人係大食的)蔥油稍為小左DD..同唔夠油(健康DD)凍OT...正常啦..大大杯...唔洗加錢...絕對接受HAHAHHAHAHAHAHAAHA

呢間茶餐廳一直都想幫襯，除左因為見人話食物好味之外，最重要係有一位良心、有勇氣既老闆😍。佢講左我唔敢講既野，做左我唔敢做既野，而我只能夠幫襯佢，道出我對佢既支持、鼓勵同感謝。星期五晚上6:30，餐廳已經爆場😮，門外亦有幾位客人等位，同附近無人排隊既餐廳形成對比。由於當日天氣比較熱，所以無點到煲仔飯，但見到在場人士食，其香氣及飯焦，都令人垂涎!! 下次黎一定一定要點煲仔飯!!😏同朋友兩個點左餐廳人氣碟頭飯，叉燒炒蛋飯同蔥油煎雞扒飯。本人好中意食d色水較深既食物，所以呢塊雞扒好吸引我既目光。雞扒大大塊蓋過哂d飯，而且好厚身，雞皮煎炸到香脆，食落一d都唔油膩，不過肉質唔算嫩滑，係比較扎實既雞肉。薑蔥蓉同甜豉油有提味作用之餘，亦為個飯添加濕度。叉燒炒蛋飯望落平平無奇，亦無雞扒飯咁震撼同吸引，但原來一d都唔簡單😯，唔怪得食客都話佢好味，要不停反兜。蛋色黃金、蛋味濃、嫩滑唔鞋，加上少許蔥粒，綿上添花，叉燒即刻變成配菜😆。甜品以邪惡既西多士作結，大大件，啖啖花生香，麵包軟棉棉，好滿足🤤。以上兩個飯都係套餐包餐飲，但飲品溝得好稀，飲落好啖味🤐。雖然當晚好忙，但職員有禮貎、有笑容、做野快手有效率。

🐷🐷今日10.31係全民感謝日，我老豆又冇帶我出街食飯，趕頭趕命去睇醫生但都不忙支持荃灣良心小店 - 光榮冰室門外貼左大量加油貼紙同文宣，當然有貼豬仔🐷🐷嘅五大訴求！因為過左食飯時間所以唔使排隊，但食食吓下午茶時間出面就好多人排隊，上班族都特登黎蛇王支持下，香港人真係好團結！良心小店野食好多選擇又黎得好快，坐得好舒服😌！重點係：老闆講明電視唔播cctvb!!食客不準轉台! 🐷🐷叉燒湯出前一丁配滑蛋牛油多士加茶走（$44）：平民價，特別推介飲啡走茶走，話晒都係港式冰室丫嘛！老豆話下次可以滑蛋轉奄列，叉燒轉煎雞扒！🐷🐷呢d應該叫隔離飯香！🐷🐷香蔥油雞扒飯（$45）：是日快餐，良心價，$45配冷熱飲品！雞扒煎得好香，落左好足嘅蔥油送飯，味道一流！大家萬聖節🎃快樂！最後，各位萬事小心，11.2維園見！#chujaieatattw#良心小店 #黃店 #光榮冰室 #光榮冰室荃灣店 #hkigfoodie #hkfoods #hkfoodieblogger #hkfoodies #hkfood#全民感謝日 #感謝日#香港加油 #懲罰 #懲罰黃店

黎到荃灣懲罰橫黃店 發現呢一間黃店有幾間分店今晚黎到 外面都有人排隊等入去懲罰男友幫手排隊 所以我一去到就入去食了內裡裝修簡單 就是兩隻字「光榮」大大隻在店中央的牆簡單看了別人的食評 又睇下隔離個個食咩 我地就即刻點左呢幾樣食物香蔥雞扒飯我個人覺得是有驚喜的！雞扒煎得香 配埋香蔥一流叉燒炒蛋飯雞蛋夠滑嫩 叉燒份量都不算少滑蛋牛肉煲仔飯煲仔飯就比較一般 感覺似加啲餸係面 無咩煲仔飯的感覺不過覺得食物大大份 又有鑊氣！野食黎得又快！冰室黎講水準真的不錯👍🏻

去完旅行番黎，好掛住香港既茶記。一起身就衝入荃灣搵好西食。見到呢間咁多人排隊，應該係好野。 店員安排得好好，排左大概10分鐘就入到。 店員落單，跟單，出食物都有禮貌同快。 我同老婆分別叫左蔥油鴛鴦扒飯加太陽蛋+凍奶茶（$42+$8），生滾沙爹牛肉一丁配火腿奄列方包（$44）+熱奶茶。餐廳最好的就是凍熱飲同價，多士唔駛加錢。本身想叫佢個三眼仔飯（即係3隻太陽蛋加排）, 但去旅行期間真係爆曬quota,留番下次。蔥油鴛鴦扒飯大大碟，用厚身豬扒，雞扒JUICY，2塊排都冇雪味。 本身覺得隻蛋要加$8有D貴。 但出奇地隻蛋好好食, 個黃好香，撈埋佢D 豉油去送飯好正。沙爹牛麵，用一丁,唔駛加錢，比埋原裝麻油同味粉你，抵讚! 沙爹牛好得，個沙爹醬好"結"身，好香沙爹味，所以個湯可以唔駛落太多味粉。跟餐有多士配奄列，都係傳統港式味道，方包已塗上牛油，由於佢個蛋高質，連帶奄列都好好食。 凍/熱奶茶都好飲，茶底夠濃，個人唔鍾意太奶既。 總結，荃灣區CP值高，必回頭既港式茶記。

又係一間好出名嘅黃店不過排隊都唔洗排好耐但係都係嗰句大家要學連豬幫襯小黃店呀🤪-#意式肉醬窩蛋飯 $45話明快餐 真係好快就送到🤣光榮冰室好特別 快餐係冷熱飲都係同價肉醬份量好多 足夠撈飯食👍🏻不過味道普普通通 冇咩特別評分:7/10-#沙嗲牛肉滑蛋飯 $45本身以為沙嗲牛同蛋一齊炒嚟到先知原來係分開😂滑蛋炒得好靚 但可惜冇乜味一定要加埋沙嗲牛食而沙嗲牛份量適中 亦都好腍 如果多返少少汁會好啲評分：6/10

奶茶是驚喜之作：水夠熱，茶味濃香而不澀，入口滑溜。（唔記得影奶茶，不過外表都係其次，內涵先重要）一丁麵不用另外加錢，沙嗲牛煮到剛好，不韌，好食。座位係一般茶餐廳裝潢，簡潔不造作。

黃到閃閃下既光榮冰室，特意去荃灣幫襯下💛雖然人龍幾長，實際上唔洗等幾耐就已經有位。門外的連儂牆可以隨便貼上memo紙💛收銀處有個箱仔，可以隨便捐款俾星火，食完飯都有得捐，方便快捷👍上網見到人氣葱油雞排飯，毫無疑問揀左佢，另外仲叫左叉燒滑蛋飯😋呢兩樣都係餐廳的快餐，如果叫常餐個d就可以要等耐少少啦。叉燒滑蛋飯叉燒大件厚切，炒蛋滑溜有蛋味，加埋少少葱同豉油汁，普通得黎味道唔錯。葱油雞排飯雞排好大件，咁既價錢幾抵食。最重要係皮脆肉嫩，超好味呀😍呢張圖已經叫左少飯，不過份量仲係好多😂食唔曬既朋友記得叫少飯唔好浪費👍黑白是良知

今天難得放半日假，不如去荃灣懲罰一下良心小店，實地考察佢啲嘢係唔係好食！光榮冰室係一間極明顯的良心食店，好多食客一見櫥窗貼滿七彩繽紛嘅便利貼，每張寫上各食客路人的心願。我剛到的時候約下午1:40分，午飯時間已到達尾聲，應該較容易找位吃飯，竟然還有不少食客在門外等位。等了10鐘過後，終於安排好一個坐位。冰室裏坐得滿滿的，每個食客的坐位是擠擠的，但沒有人覺得煩嫌，反而我覺得有點「自己人」的共鳴，這個是真真正正的人情味。先看看午餐的餐牌，咖喱牛腩飯一定是我的首選，再配搭上一杯凍檸茶，簡直是天注定的組合。先試咖喱牛腩飯，賣相夠頹，香氣吸引，咖喱汁夠杰夠味微辣，牛腩夠淋肉味重，薯仔切成方粒，入口容易也很入味。港式咖喱飯多用咖喱醬或咖喱糕做膽，再加各門各派的秘方調配。光榮冰室的咖喱是合格的，短短5分鐘我已把這個飯完全吃掉，感覺愉快！凍檸茶，茶味略淡，有待改善。總括來說，光榮冰室是一間地道，有人情味的冰室包括伙記及食客也是齊上齊落的香港人。