光榮冰室 (兆和街)

营业中

休息中

喺上次去生龍清湯腩食評提到,原本想同老公嚟呢喥食,但人多同太餓,所以冇食,今(24-1-2020 Sat) 年三十,我一個人買咗年花後肚餓,行經就諗,不如喺呢喥食,啱啱要開始排隊等位喇,不過都好快有位.呢喥環境係迫夾,睇完menu,我就要$44.00嘅午市特餐,番茄湯排骨粒通粉,要火腿庵列牛油方包,飲熱檸水.好快,番茄湯排骨粒通粉同熱檸水到嚟,睇見番茄湯排骨粒通賣相冇乜花巧,排骨粒只有兩件,食落,湯已經唔熱,通粉係厚身同彈牙嘅,番茄湯味道唔鮮.熱檸水,我只加少少糖,但都已經夠.同佢唔會有澀味.火腿庵列牛油方包,見到火腿庵列外表係全熟,cut開睇,好彩內裡仍有蛋汁正.味道正常OK.牛油方包嘅牛油塗得好夠,好甘香,方包軟熟.老實,環境一般,服務尚可接受.而喺榮光嘅濃濃氣氛包圍下,有別於其他餐廳,呢喥一片寂靜,心情有啲沉重.味道係4.1分, 抵食係2.7分

煲仔飯！！正份量大大份本人叫左個紅棗滑雞煲仔飯！啖啖肉，又嫩滑！！返尋味😋😋😋😋有朋友叫咗臘味煲仔飯，分量十足！！男仔來講都覺得大份，正個個食到都讚不絕口！會再食過！！

🧆蔥油雞扒飯 連餐飲$45🧆好好食 大大塊雞扒👍🏻👍🏻雞扒都係炸炸地嘅 外皮好香脆肉唔算好滑 但絕對合格蔥油亦惹味 真係好抵食🥰🥰.🥘叉燒炒蛋飯 連餐飲$45🥘非常住家嘅感覺 所以係預期中嘅味道正常穩陣好食😗只係個醬汁有啲多🤭.🍗生炸雞脾$26(單買)🍗本身係衝住呢個黎 但少失望可能唔係下午茶時間買所以呢個似放耐咗翻炸 有啲乾硬😢其他人話下午茶嗰啲係多汁又大件嫁🤔.Btw過咗2點會少人好多😌

久仰光榮冰室大名，趁今日早起，可以避開人潮食個冰室早餐。一直都好鐘意食冰室一碗麵一個多士同滑蛋餐，感覺好豐富！今日就食左個蜜汁叉燒辛辣麵，有得轉辛辣麵好新奇，岩曬掛住辛辣麵既我，多士+$1可以烘底，牛乳滑蛋超級滑，仲有好多蛋汁，十分滿意！美中不足蜜汁叉燒有少少乾，食唔到蜜汁味。飲品好立克亦都滿意，好多餐廳會開得太淡，但光榮仲有好重奶味好立克味亦濃，飲品亦見誠意！聽講隔離全記點心係同一個老闆開，下次亦想一試！

光榮冰室的- 抵食早餐光榮冰室係荃灣兆和街，唔少行山客係搭小巴去行山之前都會先去醫醫肚。我同男友上星期倒瀉屎就去左食早餐，我由於減肥既關係叫左個$22蚊包野飲既蕃茄薯仔排骨湯通心粉，可謂係非常抵。而男朋友就叫左一個heavy既早餐，有咁多野食都係$36，而且味道都ok👍🏻

今日來到就算唔用推介都識的推介冰室。離鐵路有點遠，今日來到唔多人，唔駛等就入得。吃吉列豬扒定叉燒滑蛋之間掙扎最後決定吉豬，叫後才知是快餐，45蚊。（實在被檣上的畫吸引，睇唔到有餐牌）一上枱，嘩，面一樣大的豬扒，下面是咖哩汁飯。有樣值得讚是先放咖哩汁，後放豬扒，避免咖哩汁整林塊豬扒。吉列豬扒炸得唔錯，豬扒本身用了咖哩醃製，香口好味。不過咖哩汁有點少，飯有點爛，扣分不少。但45蚊，飽個肚，還是可以接受的。

區議會選舉後，光榮冰室推出何已完飯引起廣泛注目。除夕晚，我在尖沙咀厚福街附近見到光榮冰室，未夠6點已有接近20人的人龍。剛巧住荃灣的朋友邀請我過去食飯，我先知道荃灣都有分店。以現時的印刷技術，估計黑白餐牌是營造懷舊的感覺。蔥油雞扒飯蔥油份量好多，聞落好香，用黎撈飯一流飯底下有炒熱過既鼓油，但非常大量，整個飯底都好咸！主角雞扒好足料，唔似市面餐廳紙咁薄，呢度口感十足，外表煎到好脆，好好食凍檸茶比我想像中多冰，紅茶味幾出。

充滿良心既茶餐廳，話說我去咗荃灣行山，行全香港最高既山，就係大帽山😀由於係行通宵山既關係，所以落返嚟就係啱啱好可以食早餐😀咁當然要揀一間有良心既餐廳去食😂 入去就叫咗茶餐，感覺上菜上得好快😂 大約5分鐘已經有得食，食物係中上既水平😗個滑蛋炒得唔錯，食落幾滑🤪應該係將幾隻蛋溝埋晒一齊🤪有唔同國家既蛋先可以咁總體我覺得幾好，最重要係間店食得我好開心，好有良心，希望大家會繼續好好支持💛💛💛

光榮冰室 , 相信已是一間無人不知無人不曉的茶餐廳 ~絕對是一間 "黃到發金" 的一間茶餐廳 , 長時間有人龍排隊 , 一衆手足都從老遠而來 , 要狠狠懲罰佢 ~Menu ~ 凍檸檬茶 : 茶底的味道一般 , 檸檬不苦澀，檸檬味也不夠酸 , 整體來說檸檬茶的味道一般 ~咖哩牛腩飯 : 碟頭飯 , 夠大碟 , 咖哩是偏向接近南洋式的茶記咖哩 , 不需要奢望太高 , 但咖哩粉都算爆得香 , 亦煮得勻 , 咖哩汁的辣度算是中等 , 幸好油份還不多 , 極好撈飯 ; 牛腩大大件 , 肥瘦均勻 , 煮得夠腍夠入味 , 若果以茶餐廳的咖哩水準來說 , 味道算是中上 ~ 真心講一句， 光榮冰室，加油！香港人，加油！！本篇完 ~

早於七月便曾經幫襯光榮冰室，那時有一種直覺，老板應是同路人，但當時還未有黃色經濟圈的概念，大家也只是當它一間普通茶餐廳般入內進食。5個月過後，隨着老板高調表態，光榮冰室成為了黃店的中硫砥柱，店內貼滿文宣，門口更設立了連儂牆。香港人不畏長龍，日日來"和理lunch",這樣的場境，不可以說不感動。可能顧客源都是年青人佔多，裏面提供的食物都大大份，而且取價都合理，可能驚仔仔女女吃不飽。上次叫了猪扒煎蛋飯，幾好味。今次叫另一個名物，葱蓉煎雞扒飯。已吩咐侍應少飯，大概是擔心手足捱餓，出來仍然是這樣，滿滿一碟。飯超多，雞扒超大塊，薑葱蓉超多，既瘋狂又可愛的舉動籠絡着同路人的心。雞扒是生炸而成，皮脆而肉嫩，雞肉没有過分調味，雖是凍貨，仍可保持自然的雞味，配合薑葱蓉同吃，是一種港式獨有的滋味。埋單45蚊，評價是超值，不單是因為光榮冰室是一間黃店，更多的是食物的品質，分量及蘊藏著的人情味。p.s:之前有傳聞話光榮係偽黃，"證據"是店內的電視播tvb。當日所見店內電視已改播rthk,其實節目質素比tvb好上千萬倍。但即使光榮真是藍扮黃，我也會呼籲大家幫襯，因為我們要令更多商户知道香港人的取態，要令黃店成為

💛💛💛💛邊個話單拖唔黎得懲罰！自己一條女我得你都得！唔好怕醜！ 因為其實好多男仔都係單拖黎懲罰！最後就所有單拖既都一齊坐低食飯！門面己說明一齊 望到咁己經知道好難食排隊排左半個鐘都知難食！ 你最好諗定食咩 因為你都唔想出面d人排咁耐架啦ABCD餐是但一個啦 都係個幾味（麥麥校長mode我睇左其他人食評就諗定要叉蛋飯簡簡單單 方便佢又方便我得啦 知你黃啦咁簡單都煮到咁好食！ 聖誕節大餐都要過埋黎食煲仔飯啦！ 一個餐$40～ 多左出黎就俾下學生食飯啦！

早就聽過光榮冰室既大名，Lunchtime 特登去試佢，門外早已有一條人龍仔。店外貼滿哂市民/客人既手寫memo，色彩繽紛，代表住對小店及香港人嘅支持。等左15分鐘就入得啦，佢既menu同坊間冰室差唔多，於是我就梗係要試下佢個午市特餐啦我點左雞扒烏冬+牛乳滑蛋多士雞扒新鮮即炸好脆口，但雞肉有少少乾，烏冬都煮得淋。個湯都唔太多油，所以覺得ok個滑蛋相當出色，滑溜好有蛋味，個多士係即烘，暖暖地又脆脆地，配住牛油既油脂香味一流總評：平靚正，大份夾抵食；最重要係佢係屬於香港人既冰室呢

當見到個門面都知道佢有幾黃，而且光榮呢兩字係黃色經濟圈都成日出現，相信佢既黃事大家都知，唔講咁多一於懲罰佢入到去就見到裝修好懷舊，好有以前冰室既風味，仲係正中間有大大隻餐廳既名餐牌上面選擇都不少，有齊茶記應有既選擇呢到轉辛辣面都唔洗加錢，好抵食呀個面煮得唔會太淋，仲會比埋原裝調味粉雞翼煎得好香脆，而且肉質仲好嫩滑多汁跟餐有多士配奄列，都係傳統港式味道，奄列煮得好嫩滑同好多火腿而且好多蛋汁同蛋味濃，可以用多士點蛋汁，多士仲唔洗加錢夜晚去食既仲有煲仔飯，天氣咁凍見到好多台都一人一個夜晚又忍唔住黎左試煲仔飯，天氣凍凍地食返個暖笠笠煲仔飯就最正個煲仔飯一黎到，又熱辣辣又香噴噴不過煲仔飯需時都要20分鐘左右，真係比Ｄ耐性呀叫左個紅棗滑雞煲仔飯（＋潤腸）滑雞份量都好多，都算幾滑同非常厚肉，雞有雞味而膶腸既肥肉不多，膶香味濃，不過有少少煮燶左飯粒都煮得幾爽口同乾身，但可惜飯焦唔多，有部分煮燶左土魷肉餅煲仔飯，肉餅打得鬆軟，加埋鮮香既土魷，食落好有口感不過鹹魚唔太夠霉香，食落比較厚身總括黎講：光榮冰室無論係常餐或煲仔飯都幾出色，而且員工服務幾好，加上係超金黃店，絕對值得去試p. s. 個日本身想食何已

區選結果出左兩日喇，但大家既歡欣好似仲未停。今日同朋友專登出荃灣食光榮冰室，佢今日主打係「何已完飯」。「優惠須手執一葉兌換」，優惠受條款約束，好巴閉咁。$42一碟何已完飯包凍熱飲哥仔問我要咩汁，茄汁黑椒定咖哩？心諗有得揀汁會係咩樣。一上枱，X，一碟頹飯，仲頹過何妖！光榮公司飯：煎雞扒、炸豬扒、腸仔、火腿、煎蛋。大家都估到咩味，就好似何妖咁，有幾多斤兩一眼睇晒。要靠整色整水，無啲汁送飯，我應該會食唔落。不過食落係開心既，諗起區議會掃走左啲廢物。大家下年立法會要繼續盡公民責任！兜飯幾頹，最後都食得完。諗起隔幾條街何已完個荃灣辦事處都已完未重開，大人物真係識開玩笑。

明明早餐來來去去都係過啲嘢，但價錢就越嚟越貴，正經食返餐有時仲貴過食中午。無奈間中都想正經食，左睇右睇，都係依間早餐至抵！早餐冷熱同價都唔適合凍飲，牛乳炒滑蛋多又滑，牛油方包仲軟熟，但外賣好濕，用紙袋分開裝就好；生滾沙嗲牛無落粉都唔會硬，沙嗲味適中，一丁果然夠多，粉同油都留俾你落驚你唔信係真。依個餐絕對飽肚，我估比市價平十蚊，如果午晚餐可以轉吓款，相信會更好幫襯。