光榮冰室 (兆和街)

营业中

休息中

每次去光榮冰室都會因為太多選擇唔揀唔到食咩😂第一次去試米線真心個人覺得幾好食，試左酸辣湯底，同岀面嗰啲勁酸唔一樣好啱和口味🤪唯一缺點係隻匙羹😂😂希望快啲換咗佢今次唔記得左✅要辣但都真心係唔錯的，下次會再食🤣平時食米線都淨係食元朗既一間小店，今次光榮既米線真係幾驚喜～

28-5-2023 (Sun)朝,同去完教會嘅老公買餸前食個早餐,去邊喥食?今次我話事,嚟光榮啦,我先到先攞位等老公,今次都坐到卡位,而冷氣都開得夠,睇完menu,發覺佢哋以往唔使加錢嘅凍飲, 𠲖 o家都要加錢,我先叫個$38.00嘅A1金牌早餐,仿鮑片火腿絲通粉,加$1.00要丹麥多士,要熱奶茶.冇耐老公到嚟,佢睇完menu,就要$38.00嘅餐肉辛辣麵,牛油方包配太陽蛋,飲熱檸水.我份早餐到嚟,睇見仿鮑片火腿絲通粉係滿滿嘅一大碗,先食丹麥多士同牛乳炒滑蛋,牛乳炒滑蛋係好嫩滑,丹麥多士唔多脆但牛油塗得好夠,好夠味.仿鮑片火腿絲通粉口感同味道都好正常.今次熱奶茶竟然係好苦,似飲中藥,就算落半包糖都唔救唔到,嗰晚我重超精神,到第二日返工都係,真係濃到咁提神.味道:0.5分而老公嗰份呢?我只食佢牛油方包,牛油方包依然厚身,鬆軟同同樣夠牛油.上次食評係2022年12月22日刊登嘅呢篇:https://www.openrice.com/zh/hongkong/review/yeah-%E8%AB%8B%E6%9F%A5%E6%98%8E%E8%87%B3%E9%96%8B%E8%81%B2-e

Thu 1st June 2023* 呢個係扣咗抵的。原裝應該係好大份。次次嚟都食唔晒。黯然銷魂飯。真係幾黯然。食。最基本嘅功能就係飽肚，求生級別。隨之而來嘅係講求 色．香．味。踏入六月，係時候警醒一下自己，點樣可以將 「食」推去另一個層次。

xo醬雞排炒公仔面，超大份，多xo醬👍🏻👍🏻👍🏻吉列豬排炒旦飯咖哩汁，超大份，大件厚身豬排。雖然而家凍飲要加$3!但總括來講，大件夾抵食😋😋😋

每次唔知想食乜，但係又好肚餓嘅一定會去光榮冰室，因為佢每一個套餐嘅份量到大到可以分兩餐食，無論係常餐，三文治系列，碟頭飯分量同味道都對得起個價錢。今次好肚餓咁揀咗叉燒炒滑蛋飯，唔夠10分鐘個飯就喺我面前，香噴噴嘅😆份量就唔使講一定夠食，雞蛋至少有五隻，叉燒嘅數量亦都滿足我呢一個食肉獸，不過餸同飯嘅比例可以再做好啲，就係永遠都食晒啲飯，但係啲餸都未食晒😂。味道方邊，雞蛋好香口又落咗啲牛奶去炒，叉燒雖然唔係蜜糖叉燒，但係味道依然好傳統叉燒味。可以落少少韭黃或者蔥花，令到個飯食到一半無咁濟。

🔸沙嗲牛肉公仔麵 $36🔸配牛乳炒滑蛋 + 奶油多（加$1）之前喺尖沙咀嗰間光榮食過都好好食今次嚟荃灣食，沙嗲牛肉都一樣好食👍🏻佢沙嗲牛肉個份量好多 唔似其他普通茶餐廳比好少沙嗲牛肉花生味濃👍🏻👍🏻👍🏻又夠多醬汁😍牛乳炒滑蛋，都算幾大份 滑蛋夠滑，火候控制得啱啱好👍🏻奶油多唔算多奶油😂▪️熱奶茶，多奶比起尖沙咀嗰間細杯但係都好飲嘅正常發揮🗣不須加一服務費-人均消費：～$36-味道：9/10性價比：10/10回頭率：5/5-#光榮冰室 (兆和街) 📍荃灣兆和街18號地下

18-12-2022 ( Sun)朝同老公送完膠食早餐,諗唔到去邊間食,嚟光榮吧,我哋去到時,坐喺最後一張卡位嘅一邊,坐低後,一個中女樓面問我哋掃咗針咭,我哋答掃咗.而我哋拎住兩個袋,後生肥男樓面見我哋好唔方便,主動拎張摺凳俾我,我答唔使啦,並指住同枱只飲剩一杯嘢嘅食客,同樓面講一陣佢走我會坐過去.之後我哋就叫嘢食,兩個都要$42.00嘅光榮早餐,我要雞扒同熱檸水.老公要吉列魚柳同熱咖啡少奶,加$1.00要丹麥多士.年老嘅男樓面問得好清楚邊份要咩嘢.喺等嘢食嘅時候,我見後生肥男樓面同年老嘅男樓面講咗少少嘢,然後年老嘅男樓面指住門口卡位,叫我哋轉過去.好感動呢.坐低後,我見塊膠板阻住我,就拎起擺埋一邊,冇耐,開頭問我哋掃咗針咭未嘅中女樓面走嚟同我哋講,呢張四人枱,麻煩你哋坐埋一邊.我老公話係你哋職員叫我哋調嚟.佢話冇問題,一陣如果多人,麻煩你哋坐埋一邊.老公答一定會.但佢就一定要將塊膠片放返喺中間,話咁放會爛.有冇攪錯?我後面嗰張卡位坐3個人,塊膠板係移開咗㗎.呢位中女樓面應該以為係我哋主動要求調位,而對我哋唔客氣,唔該先同同事了解咗至開口,咁樣令我哋唔開心囉.之後食物嚟齊,大致上都正常

Intro: 有日喺荃灣行完山就去左食下午茶，落車位附近有光榮冰室，呢到嘅下午茶價錢40蚊內，款式都係比較傳統嘅中式下午茶，而呢到暫時冇哂滷水雞髀，就叫左吉列豬排配薯角試試！___________________🍽 吉列豬排配薯角（免費加配凍檸茶）💰 35 ⭐️7.5/10✍🏻 吉列豬排好大塊，唔算炸得過火✍🏻 豬扒炸得黎唔算好油膩，容易切開，點埋沙律醬食，味道唔錯✍🏻 薯角份量都多，都算厚肉✍🏻 凍檸茶今次真係少冰少甜，係好飲嘅凍檸茶，茶底係茶記嘅感覺___________________🏠 光榮冰室📍 荃灣兆和街18號地下⭐️ 7.5/10 ___________________

30-10-2022 (Sun)朝同老公買餸前食早餐,嚟到時每張口枱都有客人,我哋坐一張卡位嘅一邊,然後叫嘢食,我哋都要$30.00嘅雙拼麵餐.4. 熱好立克味道同濃杰度較得啱啱好,唔會太甜太杰.味道:5分3. 仿鮑片,腸仔意大利粉其實我想要芝士腸但賣晒,仿鮑片變咗仿鮑絲,呢啲口感同味道全部正常.味道:4分2. 凍奶茶少奶凍奶茶少奶會變成咩味?答案係我飲唔出分別,茶味啱啱好唔會澀,口感又依然係滑.味道:5分1. 沙爹牛肉,煎蛋辛辣麵我試一片沙爹牛肉,嫩滑同有花生醬嘅味道,亦都辣辣地;最後老公加晒辛辣粉嘅湯,老公話勁辣加沙爹味係好好味.味道:5分服務:等好耐好耐好耐至有杯嘢飲,因為原來我哋啱啱係佢哋處理o緊好多外賣單後嘅第一張堂食嘅單,睇返我落單同有第一杯嘢到嚟嘅時間,原來足足15分鐘.

#粟米肉粒飯 的好處及營養價值粟米肉粒飯是茶記的人氣碟頭飯之一, 大人小朋友都鍾意食, 貪佢有汁撈飯.粟米有豐富營養價值，它除了是碳水化合物來源，粟米內的葉黃素及玉米黃素，對眼睛視網膜內的黃斑點有很大幫助，能夠防止退化性黃斑點病變及保護視力. 粟米中的鈣質可以降血壓，從而預防心臟病. 而維他命A有助防癌。粟米中天然的維他命E能延緩細胞衰老、降低血清膽固醇.而豬肉則提供優質蛋白質，含人體全部必需氨基酸。豬肉亦富含鐵質，幫助人體血液中紅細胞的生成

經過見到下午茶幾抵食，所以就入去試吓😂叫咗兩個餐，分別係:經典豬扒包餐、吉列豬扒餐經典豬扒包餐有得配沙律或者薯角，加一杯嘢飲，我哋揀左薯角吉列豬扒餐有得配沙律或者薯角或者西多士，都配一杯嘢飲，我哋揀左西多豬扒包整體幾好食，不過我嫌佢乾咗少少，因為佢係冇塗醬汁，但係塊豬扒煎得夠香，唔錯嘅💯💯💯吉列豬扒到嘅時候熱辣辣，又脆卜卜，附送左沙律醬俾我哋點，而個西多都幾大份，有花生醬喺中間，西多外層充滿蛋液，炸得金黃，正啊🤤🤤🤤🤤🤤嘢飲方面我哋都揀咗熱奶茶，佢嘅熱奶茶好好飲，茶底好濃🥰🥰

亂入的茶餐廳，質素出奇地好，除了新鮮出爐的，麵包蛋撻菠蘿油。其套餐的配搭亦很合我心！豉油王雞髀配菠蘿油凍奶茶這配合絕了👍🏻放假就係要這種茶記風味。一啖菠蘿油一件蛋撻，一啖沙嗲牛麵，再來一啖香滑凍奶茶，這就是放假的味道了。

本人比較怕惡侍應，因為光榮間鋪頭嘅格局有D好澳牛，所以我一直都唔敢幫襯，但原來職員都好好人，上菜速度快就唔洗講，都會同你簡單介紹食乜好，今次就試左個蔥油雞扒餐肉飯，幾好食可以推介呀，D蔥油夠香，塊雞扒又夠大塊多汁，兩者溝埋再配啖鼓油飯，簡直就係不得了。而個滑牛煲仔飯都唔錯，有飯焦香，但牛肉偏啖，臘腸係帶酒味個種，美中一足係煲底飯焦唔夠靚。總括而言，係簡簡單單但又唔馬虎嘅平民美食，雖然要坐得逼D，但都係想食快飯時嘅好選擇。

噚日(18-9-2022 Sun)朝同老公買餸前食早餐,諗唔到去邊喥食,就嚟呢間啦,今次我要$34.00嘅金牌早餐A1,要牛乳炒滑蛋同凍奶茶.老公原本想要T1餐公司公仔麵,但要11:00am後至有,重有20分鐘至夠鐘,於是佢改要$39.00嘅光榮早餐,揀豬扒,牛乳炒滑蛋,奶油多同凍奶茶少甜.兩杯嘢飲到嚟,由於落單時,亞叔以為我杯凍奶茶要少冰,所以肥紮馬尾個女人擺低兩杯嘢時,冇講邊杯少甜,我都估到,試吓飲先,真係被我估中,少冰嗰杯味道正常;少甜嘅感覺清新啲.味道:3分然後我嘅牛油方包配牛乳炒滑蛋到嚟,牛油方包好厚,牛乳炒滑蛋真係好滑同juicy;味道:5分牛油方包牛油塗得唔多,不過都好,健康少少.味道:3分之後我嘅仿鮑片火腿絲通粉到嚟,見到大大碗,所有嘢都正常,啖湯同台灣麵嘅差唔多,唔錯.( 上次食評係2022年8月14日刊登嘅呢篇:https://www.openrice.com/zh/hongkong/review/%E4%BB%8D%E6%9C%89%E6%B0%B4%E6%BA%96%E5%98%85%E9%9B%9E%E6%B9%AF-e4498155)味道:4分老公嘅早餐終於

比想像中差既早餐帶定頭盔先，或者本人對早餐有d要求本人叫左⋯火腿仿鮑片通粉 煎雙蛋凍谷咕（濃d既朱古力）+餐肉+腸仔+轉奶油多個通粉湯底⋯同快熟通心粉湯底冇分別淡而無味都不是問題，但冇理由d通心粉咁硬掛湯都吾熱咁制連我加錢既餐肉都好硬⋯咁我又吾係一面倒，其他都ok的黎到茶餐廳，飲番d特別野凍谷咕係沖得幾好飲，又夠濃，值得推介希望下次黎會好番d