光榮冰室 (兆和街)

营业中

休息中

話說去參觀南豐紗廠前，朋友提議去光榮冰室食個Lunch，我當然唔反對啦，其實我係第一次去😬選擇都多，同一般茶記差不多，快餐，麵餐少不了。最終同朋友一人叫一個餐再加沙鍋公仔麵share▶️招牌香煎豬扒一丁配西班牙奄列和牛油方包 - 豬扒正常size，煎得香脆，麵煮到恰好不會太淋，其餘奄列同牛油方包就正常無特別▶️咖喱牛腩飯 (快餐) - 朋友叫嘅，分咗少少嚟試，牛腩都炆得淋，咖喱汁香濃惹味，值得一試！▶️生滾沙嗲雞扒麵 - 呢個就煮得有啲hea，沙嗲汁煮到好杰又滿到瀉晒出嚟，煲邊，碟同碟墊都有。沙嗲味唔濃，亦因為太多汁而令到啲麵浸到淋晒，唯一可取就係豬扒份量夠多總結：整體食物質素ok ，係沙鍋麵失色少少，但份量足夠，勝在大件夾抵食，價錢合理，有機會都會再嚟又或者試吓其他分店！

今(19-8-2021 Thur)日我請假喺屋企等送貨嚟,咁朝早就同老公食早餐喇,去邊間食?荃灣區早開嘅黃店唔多,老公話呢間,嗯,咁好啦.由於過咗平日食早餐嘅peak hour,所以我哋嚟到都唔使等位,坐低睇完menu,我哋都要$34.00嘅金牌早餐A1同A4:3. 牛乳炒滑蛋加$1.00要奶油多多士係厚多士,由於有多士上有鍊奶流咗落牛乳炒滑蛋喥,所以啲蛋變咗甜蛋.蛋好滑, 奶油多都脆,奶油份量亦啱啱好.味道: 4.5分2. 餐肉公仔麵轉辛辣麵老公食嘅,佢冇任何comment.1. 仿飽片火腿絲通粉大大碗通粉,湯味清淡,正常冇問題.味道: 3分4. 牛乳炒滑蛋加$1.00要牛油多士我食半件牛油多士,都係正常冇問題.味道: 3分5. 熱檸水有4片檸檬咁多,檸檬唔澀,正.味道: 5分6. 凍奶茶少甜呢杯老公嘅,我飲吓先,茶味夠,甜度啱啱好,唔錯.味道: 5分上次食評係7月7日刊登嘅呢篇:https://www.openrice.com/zh/hongkong/review/yeah-%E9%A3%9F%E5%92%97%E7%9C%9F%E4%BF%82%E5%A5%BD%E9%96%8B

💛良心茶記💛光榮冰室💛光榮係我最常去醫肚嘅餐廳，因為真係非常抵食夾大件，而且食物質素都好穩定，仲經常推出新食品👍🏿開心浩園餐 $52其實即係葱油雞扒三蛋(三眼仔)飯雞扒超巨型，成隻手咁大塊，咬落去外皮香脆，裡面d雞肉嫩滑唔會乾爭爭三隻太陽蛋煎得啱啱好，唔會老，搖一搖集碟仲會見到個蛋黃「動L」飯底勁大份，男仔都可能食唔哂，不過加上秘製甜豉油，葱油，蛋汁，食下又一啖，食下又一啖，好快就會食哂凍朱古力(跟餐包冷熱飲品)哩度嘅飲品都係比一般茶記大杯，而我通常都會叫凍朱。哩度嘅凍朱唔似一般茶記咁d冰溶哂而杯嘢都仲係熱嘅，而且朱古力都幾濃，肥仔必飲😼光榮冰室 (兆和街) (荃灣)荃灣兆和街18號地下

光榮有幾快靚正唔需要多講啦，食過無數次，不過嗌外賣就真係第一次。啲廚師真係傻㗎😂😂 30幾蚊早餐俾咁大份意粉我，叉燒又多，仲要包凍飲！嗌嘅時候仲要問我使唔使分湯，不過住得近就唔需要啦，無謂嘥咗個膠盒☺️另外嗌咗個奶醬多真係超多醬同超多奶🤣🤣我愛光榮！💛

#光榮冰室 💛今次講嘅係位於荃灣嘅光榮冰室🤤🤤相信大家都知係黃店💛💛嗰日夜晚經過見到 就即刻想入去懲罰下佢🤩為人熟悉嘅佢 我諗大家都知有好多嘢食🙈有主食 小食 小菜等等🙊今日小編就同大家介紹吓啲夜晚嘅小菜❕❕🤫蜜汁一字骨 $68💰（5/10）送到上枱面 女小編即刻嚇親‼️‼️因為碟餸係份量十足 真係好多舊一字骨👀👀女小編驚食唔晒 全部都大大舊 🤪講返味道先 其實個味就真係純粹得個甜字🙈係真係好重蜜糖味 個Feel就好似倒佐半枝蜜糖入去咁 真係好甜好甜 甜到將本身一字骨嘅味都遮佐🤏🏻🤏🏻食得太多真係會甜死🙈🙈 好彩嘅係佢配白飯 可以遮遮佢嘅甜味 而一字骨嘅顏色就唔錯 係金黃色 會開胃啲啲✨✨薑蔥雞煲 $68💰（5/10）係期待佐好耐嘅薑蔥雞煲 送到上枱面 係好香嘅薑味 而且同頭先一樣 份量十足👍🏻👍🏻係好多件雞 而且啲雞唔會話好鞋 反而係適中✨送到過嚟都仲係熱辣辣🔥 而蔥味都好突岀 因為佢係放佐超級多蔥 除佐面頭上面嘅蔥 雞嘅底層仲有好多好多蔥 真係好足料 ✨但係😀佢係會越食越鹹👀係真係會變到好鹹⋯ 小編建議可以整返淡少少會仲容易入口 唔會食到最後真係超級鹹🥺推薦指數🌟 5 / 10 🌟💛#

黎親光榮一係就係嗌叉燒炒蛋飯一係就嗌開心浩園餐，今次嗌個沙爹牛麵食下🤤  1️⃣生滾沙牛窩蛋麵（$50）成個煲咁上😍轉作米粉感覺更加索汁。將隻蛋撈落個沙爹汁入面食幾正。牛肉份量都幾多，但係我個人覺得佢既沙爹味唔夠濃，同埋佢既沙爹汁冇乜花生香🤔之前有見過其他人推薦知呢個沙爹牛麵，話好濃好夠味，唔知其他分店係咪好味啲呢？  

黎得光榮嘅都係為咗支持黃店，唔通為咗d野好食咩?! 但唔代表我要容忍你服務差。食物一如以往，茶餐廳，唔會有特別要求，價錢合理。服務職員，「譚仔阿姐」系列。寫呢篇食評都係因為服務差。我哋3:50pm到，個「譚仔阿姐」話中場廚房休息，冇炒野(炒飯，炒麵），連常餐即食麵個d都冇，所以原本想叫嘅沙嗲牛肉麵就冇，建議我哋叫「開心浩園餐」就有。但心入面十萬個奇怪，廚房中場休息，「開心浩園餐」隻煎蛋點整出黎?! 扒同飯就話一早整定。另外，咁個巨型奄烈點整出嚟?!點知唔洗10分鐘後，4:00pm，「譚仔阿姐」們就大叫話有返炒野，d人都開始落單叫麵同飯。我哋嘅食物都未黎，所以我哋嘗試叫職員轉返我地想食嘅沙嗲牛肉麵，但職員完全冇嘗試去幫手問吓，就截住咗話「入咗機，佢哋已經做咗，好快有」，咁我哋都算。點知最嬲係，4:15pm個「開心浩園餐」都未出，但我隔離枱就已經有沙嗲牛肉麵囉，即係4:00pm個時你其實可以改單，望住人地食緊沙嗲牛肉麵，自己俾個「譚仔阿姐」焗我食唔係我想要嘅野，你話興唔興?! 反映完，好彩個收銀阿姐幫我地改。另外中途插曲，個阿姐幫人轉枱，執枱時好順手放咗人哋飲完個杯係我哋度，但唔記得拎返，

光明冰室係我心目中覺得最好食嘅早餐，仲要性價比超高，所以朝朝早都要排好耐隊，佢個叉燒公仔麵/米粉，份量多又好食，多士永遠夠晒脆。煎雙蛋同滑蛋都好食😋唯獨有樣嘢唔好就係次次都要排隊😎🤣

荃灣茶餐廳首選試過觀塘同旺角分店，都係覺得荃灣店水準比較好～平日下午茶時段都好旺！落單之後都等咗差唔多半個鐘先有得食下午茶至愛！生炸雞髀～有時好早就賣晒，今日好好彩食到！外層炸得金黃香脆，好香口，啖啖肉好大隻～好惹味！配埋炸薯角～好邪惡！飲品冷熱同價，凍飲都唔使加錢！好難得！凍檸茶中上茶餐廳質素，無可挑剔～吉列魚柳今日失左手⋯炸過龍，見到好深色都知！好硬！切都切唔開，冇食到！見到樓面都好忙，又好多人等位就算了～下次再食～

前日(5-7-2021 Mon)朝,爸爸同老公有啲誤會,就叫我老公自己攪掂晚餐,佢記得上次嚟食時(上次食評係6月5日刊登嘅呢篇: https://www.openrice.com/zh/hongkong/review/yeah-%E8%B6%95%E5%BE%97%E5%88%87%E6%97%A9%E9%A4%90%E5%98%85%E5%B0%BE%E7%8F%AD%E8%BB%8A-e4044740),見到嘅開心浩園餐,咁佢就買嚟食,要凍奶茶少甜,外賣加$2.00.佢買到返嚟,有啲蛋黃都焗熟咗lu,我就黐兩啖食,邪惡嘅生蛋黃撈飯,加煎到脆口,大大塊嘅雞扒,再加少少蔥油,真係好好食.而凍奶茶少甜茶味好夠,又唔苦澀,除咗好味,真係冇咩形容詞可以再形容到,好正.

#光榮冰室 💛今次講嘅係位於荃灣嘅光榮冰室🤤🤤相信大家都知係黃店💛💛嗰日夜晚經過見到 就即刻想入去懲罰下佢🤩為人熟悉嘅佢 我諗大家都知有好多嘢食🙈有主食 小食 小菜等等🙊呢排仲加咗一餐有人會愛不釋手😻 有人會超級厭惡嘅嘢食🤦🏻‍♀️🤦🏻‍♀️ 佢就係爆茜沙嗲肥牛麵‼️‼️今日小編就同大家介紹吓呢樣嘢❕❕🤫爆茜沙嗲肥牛煲仔麵 $52💰（5/10）麵一到 小編即刻嘩佐一聲‼️😨真係真係爆茜😟係多到傻佐‼️離遠都聞到陣茜味🙊🙊講返個煲仔麵 送到過嚟係熱辣辣 係用煲仔飯嘅煲黎即 但入面係沙嗲肥牛麵 ✨坦白講 同普通用碗裝嘅沙嗲肥牛麵冇咩分別🙈🙈最多個汁濃少少 其他冇唔同 食到最後仲要好鹹 🙊🤏🏻🤏🏻要飲返好多好多嘅水🙈只可以講 如果鍾意食芫茜嘅你 你會好鍾意呢個麵 因為真係好足料✨✨但對芫茜麻麻嘅你 唔建議叫呢個🙊🤏🏻 小編都係一個對芫茜麻麻嘅人 但店員落錯單 先會搞到有呢個食評🙊🙊 仲有仲有小編本身叫個個係一個小菜 沙嗲肥牛粉絲煲❕而且🥺🥺🥺‼️小編同個店員講返佢落錯單 但個店員反而鬧返小編講錯🥺🥺😤😤但小編明明係指埋俾佢睇☹️☹️建議店員服務態度好少少🤏🏻🤏🏻咁樣食落去先舒服啲🙊🙊食餐飯姐 唔使起晒鋼嘅🥺

輕輕鬆鬆的一天 ....去聖堂望完彌撒 , 就去 💛「黃到爆金」的 光榮冰室 食一餐 ~梅菜扣肉飯 : 梅菜的味道甜甜香香 , 唔會過鹹 , 亦夠軟身 ; 豬腩肉切得薄身又細粒 , 夠入味但係不夠肥美；比較偏向喜歡講求健美瘦身的人士 , 但對我來講就是不夠肥脂香 , 失去了「梅菜扣肉」的風味 ；係好食，但就失去了「梅菜扣肉」的風味 ~講真果句，如果我要食得健康，就唔會選擇食「梅菜扣肉」喔 ~凍檸檬茶 (走甜) : 茶底香濃 , 檸味夠出 , 好飲 ~本篇完 ~

光榮真係搞手只求打個和，餸嘅份量多到唔講得笑，滑蛋起碼落咗三隻蛋去炒，叉燒又勁多勁大舊，蔥油豬扒就嚟大過個盒。滑蛋叉燒飯就唔算特別好食，普通茶記水準，勝在足料。叉燒瘦同扁乾，少少難咬。落得太多豉油搞到個飯好鹹，建議汁另上🥵叉燒滑蛋飯 $48蔥油豬扒飯 $48

30-5-2021(Sun)同老公落荃灣攞嘢,原本想去咖啡灣,但一來要12:00pm至開門,二來嘢食唔抵,於是嚟光榮,啱啱係早,午餐交界時段,未多人等位,等咗一陣就有位.我哋坐半張卡位,要咗$50.00嘅生滾沙牛窩蛋麵,凍檸茶少甜,同$38.00嘅招牌雞扒早餐,要通粉,炒蛋,加$1.00要多士,飲凍檸水.1. 凍檸茶少甜老公飲,冇comment2. 生滾沙牛窩蛋麵用煲仔飯嘅煲仔熱住上,老公食晒,佢話好香花生味,成個都正常冇問題.3. 招牌雞扒通粉通粉份量唔少,厚身雞扒外皮煎脆咗,調味又啱啱好,唔鹹唔淡,唔錯.個湯嘅味道都係唔錯.味道: 5分4. 凍檸水正常冇問題.味道: 3分5. 炒蛋,多士睇見炒蛋又多又靚,食落又滑,好味;但多士好明顯烘唔夠,有啲失望,但牛油係塗得夠.味道: 3.5分抵食係3.5分上次食評係上年1月24日刊登嘅呢篇: https://www.openrice.com/zh/hongkong/review/%E6%89%93%E6%B0%A3%E9%A4%90%E5%BB%B3-e3648127其他:見到佢哋有$39.00一隻嘅鹹肉糭賣,我想買,但未有.

📍光榮冰室 (兆和街) (荃灣)荃灣兆和街18號地下沙嗲牛肉撈麵$46，包冰熱飲品。之前響沙嗲牛肉關注組成日見到，咁啱經過，就走咗入去試，睇吓係唔係人哋講到咁犀利🤔上檯見到已經嘩咗一聲😅份量真係好多，兩個一丁麵做底，真係好多，勁豐富🤣沙嗲牛肉，數過起碼有二十塊以上，堅係多，呢個餐絕對夠兩個人食😎味道唔錯，係鹹咗少少，其實都合理嘅，但如果甩亂先拎出嚟，另外可以自己加入熱水溝稀，效果會更加好。不過呢個價錢食到咁嘅份量，已經覺得好滿足🥸