光榮米線 (已結業)

同友人尋找好味米線。喺觀塘工業區裏面有一間好味米線。啱晒打工仔。自選小窩米線$28 小辣入邊有 米線 芽菜，酸菜，韭菜及肉碎 我揀咗幾樣配料，分別有豬紅、辣腩肉、豬軟骨。豬軟骨炆到超級林，又香又入味，連埋骨食埋！豬紅整得好滑溜，甜，無豬蘇味。腩肉比較辣，但係肥得黎不膩。自選小窩米線 $28（小辣）自選配料 選左辣腩肉、豬肚、豬耳。豬肚非常大塊及煙靭。豬耳爽脆。配料非常多，絕不吝嗇。跟餐+$8 凍檸茶，凍奶茶大大杯。凍奶茶奶味比較重。凍檸茶是正常發揮。涼拌青瓜$28好似一座山咁高嘅青瓜。👍🏻但口味較啖

來到觀塘，當然要上駱駝漆大廈找美食～這間光榮米線裝修風格是舊式茶餐廳的格局，我是對這種裝修有種情意結😃 食物方面份量多又便宜👍🏻 辣雞翼尖口感非常棒，外皮Q彈，醬汁味道辣辣的，非常開胃。小窩米線配料選了紫菜，金菇，豬軟骨，辣腩肉，辣腩肉的香味很棒，而且湯底本身已經有豐富配料，小辣都已經好足夠，再辣就吃得好辛苦了🙈蔥油雞扒蛋飯這道菜賣相超正！雞扒肥嫩多汁，與蔥油的香味非常夾，加$4有3隻完美的半熟蛋，非常之扺！

今日試左呢間位於觀塘工廠區既光榮米線, 有別於光榮冰室, 呢間感覺比較主打米線同煲仔飯. 想讚下佢地米線份量十足, 極度足料, 觀塘返工既朋友仔, lunch可以多個好選擇! 金牌米線 $58本身個米線底已經有好多配菜, 例如芽菜、酸菜、韮菜、肉碎等, 所以湯底本身非常豐富, 因為肉碎本身有小小辣加上酸菜, 酸辣酸辣既湯底非常惹味, 重口味人士一定好滿足.豐富既配菜之外,金牌米線仲有巨量餸料, 例如火腿、辣腩肉、雞翼、雞絲. 要特別讚下佢地既辣腩肉做得非常出色, 夠入味之餘肥瘦均勻,仲比左好多塊係米線入面, 誠意十足. 滷水雞翼亦都腌得夠腍夠入味, 仲好大隻好好肉. 個人覺得光榮米線性價比非常之高, 係我會想再幫襯既餐廳,見到餐牌上面既煲仔飯好似都好吸引,下次嚟可以試埋佢!!

光 榮 米 線 //之前觀塘駱駝漆對面有間光榮冰室，但前排執咗，點知原來近排喺駱駝漆2樓開咗香港第一間光榮米線。呢間光榮米線同其他光榮嘅分別就係佢賣嘅係米線同埋其他光榮主打嘅飯。不過我哋今次都係食返正常光榮冰室嘅嘢食，下次先再試佢哋嘅米線。三眼雞扒飯 ($56 連餐飲) (7/10)三眼雞扒飯係光榮嘅主打，相信食過光榮都會見過或者食過呢個飯。其實即係三隻太陽蛋加雞扒嘅飯，飯preset左係跟蔥油同豉油汁，係無得輸嘅配搭。太陽蛋好岩撈飯，雞扒大大塊，外皮煎得好脆，但醃得偏鹹。蔥油同豉油份量都好足，豉油汁略嫌偏多，加上雞扒都偏鹹，成個飯會越食越鹹。建議大家下次食嘅時候可以嗌汁另上。茄汁吉列魚柳炒滑蛋飯($56 連餐飲) (7.3/10)因為友人唔想啲茄汁浸淋左塊吉列魚柳，所以落單嘅時候叫咗汁另上。上檯嘅時候吉列魚柳熱辣辣，非常之脆，炸粉亦都唔會好厚，外脆內嫩，調味岩岩好～好食！茄汁亦都見到有一嚿嚿蕃茄，真材實料。炒蛋亦都好夠滑，而且份量好多，目測份量應該有兩至三隻蛋。所有嘢夾埋冇話好夾，但全部都好啱送飯，以呢個價錢來講，性價比都唔錯！另外跟餐嗌咗一杯凍華田同凍檸茶。留意番呢度凍飲係唔使加錢

「光榮冰室」社會事件後出生的茶餐廳，已經有七間分分店。今次唔止開分店，而且開設全新「光榮米線」店。新店選址在觀塘駱駝漆大廈內，裝潢簡單沒有什麼亮點。新店供應以自選小窩米線及涼拌/麻辣小食為主。自選小窩米線系由$28起，配料方面有多款選擇，有辣腩肉、辣炸醬、豬扒、雞扒、雞中翼、腐竹、豬大腸、墨魚丸……等配料供。湯底則可自選辣度，有五個辣度。湯底選擇，只有清湯以及麻辣湯。跟譚仔比較，辣度、湯底選擇比較少。難怪大部分客人都唔係叫米線。雖然來到「光榮米線」，不過都係「光榮冰室」的本土茶餐廳食品比較吸引，又有信心保證。相比「光榮冰室」，這理裡的選擇不太多，但是最出名的三蛋蔥油豬扒飯及叉燒滑蛋飯有供應，五十幾蚊有飲品真係抵食！其實最想食煲仔飯，但是晚上才供應，又要等下次……三蛋蔥油豬扒飯 $56 ~ 單看賣相，三隻半流心黃的煎蛋，已經非常吸引。三眼仔即三隻太陽蛋，金黃色的蛋黃流入。大大塊煎得香口的豬扒，最後配上蔥油豉油撈飯，最簡單又便宜的食材但又飽肚又惹味，正！叉燒滑蛋飯 $52 ~ 叉燒比較瘦，好彩肉質都算鬆軟。最正係炒滑蛋，份量夠多，估計起碼有三隻雞蛋。加埋秘製豉油，雞蛋、豉油、叉燒配白飯，可

🍜🥣🥢大大碗好足料光榮米線☑️金牌米線 - $58金牌米線個湯底都係小窩米線湯底，係酸辣黎的，可以選吾辣、少少辣，及小中大超辣，金牌米線包左指定配料，除左有小窩都有嘅芽菜、酸菜、韮菜、肉碎（小小辣）外，仲有加錢餸嘅辣腩肉、雞絲、雞翼、火腿。如果本身都想叫呢幾個餸，可以直接叫金牌米線，吾係嘅話可以叫小窩逐樣餸加錢。我叫左少少辣，酸辣味都出，好惹味，吾會太辣，雞翼大大隻有2隻，好重滷水味，應該醃咗好耐，好味道。雞絲較鞋但量多，辣腩肉比左好多塊，吾算好辣，肥瘦均衡，好味，火腿有2大片，正常味。米線、酸菜、韭菜、肉碎份量都唔少，好夠飽，好味又抵食😋☑️凍菜蜜 -$8熱飲凍飲一律加$8，凍飲嘅冰係碎冰，大大杯，菜蜜本身較甜，等啲冰融左啱啱好。

叫咗雞翼韭菜雲吞米線小辣(少米)+凍檸茶少甜少冰 $56中午1點去到都好full，不過一個人食搭枱就即刻有位。睇相都知份量好足，少米都好似出面正常咁多，聽到隔籬枱兩個女人都話早知叫少米線😂個人比較鍾意有咬口啲嘅米線，而光榮米線就比較淋。雞翼同韭菜雲吞各3隻，雞翼有味，但係肉質比較乾柴，韭菜雲吞大細正常，餡料紮實，唔錯。

事緣上次試食光榮米線然後覺得隔離飯香(隔離個煲仔飯真係好香飯焦味)，所以隔左幾日我同朋友又再勇闖駱駝漆上演《尋找他”香”的故事》，一樣大概晚上七點半到場，今次人流比上次多但都係唔需要等位任坐。入坐後見到餐牌用左少少變動，例如無左薯粉同豆漿。都係入返今次正題先，係云云既煲仔飯當中選擇左蝦膏豬頸肉煲仔飯同窩蛋牛肉煲仔飯。大概等左15分鐘兩煲飯同時上枱，超級熱辣辣，打開個蓋加豉油都要好小心唔好辣親手。蝦膏豬頸肉煲仔飯 $82豬頸肉大大舊，但蝦膏既味道唔突出，只有咸味，煲仔飯的確做到飯焦但燶底比較嚴重，雖然無苦味，但需要大量時間咀嚼，而且撈混成個飯都偏硬，有少少失望既感覺。另外因為主角係豬頸肉，但成煲只有幾舊，配菜方面有少少空虛。窩蛋牛肉煲仔飯 $82經典既煲仔飯配搭，窩蛋焗左多時都仲係流心撈飯一流，而且哩煲火喉控制得比較好，有飯焦但燶底情況較少，加上蛋汁同甜豉油既加持，比另一煲飯質軟身濕潤易入口。如果想試既朋友建議+$9配窩蛋提升飯味感!見到對面枱食雞扒米線好似好正，又….係咪時候plan下幾時再去食過

光榮係觀塘開左新米線膽粗粗去一試究竟位於觀塘駱駝漆工廈2樓，面對樓下永遠都好長既等𨋢隊，果斷去行樓梯，好彩只係二樓入面店舖位置好闊落，裝修係一貫茶餐廳風格，但絕對唔迫。🏻🏻️米線選擇既配料都多，最後叫左辣腩肉小小辣米線上餐速度快，大概5分鐘就上枱米線上到枱有少少嚇親我，因為怕好辣所以叫小小辣試下先，但上枱既係一碗全紅油既熱辣辣米線試左一啖米線連湯個嘴已經麻麻地，好唔好意思咁叫左職員問可唔可以要啲清湯，職員好好人二話不說將成碗辣湯換清湯，腩肉另上。佢解釋話因為辣腩肉本身比較辣，所以小小辣都偏辣既原因。清湯上枱都唔係hea底，酸菜加肉碎都絕不馬虎，今日清湯食腩肉明顯無咁辣，腩肉啖啖肉而且份量足，加上麵底都多，絕對夠飽。️小食方面叫左個雲耳，份量大大份，但偏酸少少。💠總體係一碗過一排又會心思思想食既米線。️題外話，見到佢有煲仔飯menu，隔離枱叫左，一開係飯焦既焦香味，下次又去試下先

今日lunch 同事就諗有咩餐廳好食🥹佢無意之間就見到呢間光榮米線其實之前我見過話開但未有機會去食因為怕「伏」！喺樓下見到好多人等lift都特登行兩層樓梯上去就知我係非常有決心去食其實我係一個出色嘅foodie D 人問有咩好食都會問吓我😂言歸正傳，一入到去 光榮冰室嘅間隔但非常之寬躺完全唔迫❤️‍🔥正我叫左我至鍾意嘅豬紅+豬軟骨佢湯底只有一個就係小鍋米線我同事叫「三眼仔雞扒飯」出奇地快已經上餐！我見到已經嘩一聲！好大碗D 蛋煎得好靚！而我嗰個小鍋米線一食就覺得似「雲x 香」仲少咗d油咁 … 正服務不過不失！基本嘢啦😎完全冇挑剔❤️加油啦比比飲食推介：環境：⭐️⭐️⭐️食物：⭐️⭐️⭐️⭐️⭐️服務：⭐️⭐️⭐️⭐️

近來其中一個頗hit嘅飲食界話題應該就係光榮正式踩入「米線界」🍜原來呢間「話題」店座落係觀塘駱駝漆裡面，裝修行番舊式茶記style，menu除左米線，仲有煲仔飯，頹飯、涼拌小食等等。普通一碗小窩米線$28就食到，入面有好多酸菜、韭菜同芽菜，辣度由少少辣去到超辣共5個級別🌶想講少少辣以經辣到流鼻水🤧但濃度同酸度都唔錯👍🏻配料方面，$8蘿蔔已經有5大舊，無苦澀味但咬落唔夠稔😢

米線皇后 ig : noodles_queen_food終於食到光榮米線，依家仲喺試業期間。地方夠大，雖然坐摺凳但都ok，除咗米線之外仲有啲飯供應。————————————————————————#小窩米線 🍜$28 餸款有$8、$10、$12、$22 揀。試咗$8既豬紅同埋$10既辣腩肉。上枱果下都覺得好吸引，餸同麵份量好多！腩肉係醃到相當惹味好有誠意，size唔係好薄，但都好食。豬紅無腥味就當好食。湯底有酸菜所以係酸酸辣辣，小辣都好夠辣，因為腩肉都幾辣。米線🍜係靭度適中，食食下覺得好似有粗幼兩款米線，但應該係幻覺。就係因為啲人講米線淋，所以依家唔淋！不過公道講句，雞絲係鞋，豬軟骨普通，所以要揀岩餸，同埋呢個價錢好抵！朋友話豬扒係平時常餐既厚度，所以係好抵食。另外，係收到訊號，仲post到野，所以都唔知有咩好彈了。

賣相幾吸引，食落個酸辣湯底好香好濃、酸甜度平均配、辣味幾香濃、整體味道很豐富及平衡，好夠味！這小辣對我食慣二小辣的黎講就巳經啱啱好！辣豬腩肉大塊好淋又幾入味、雞翼煎炸得很香脆，浸一陣才食更好！

比預期中好！光榮冰室，食到怕怕地，諗住冇乜期望。叫咗小辣，啱我辣度，湯夠熱，個人口味覺得湯底比 譚仔 同 三哥 優勝。豬軟骨同腩肉，都算入味。米線幾大碗，我估一碗可以兩個女仔食。埋單本來$50，新張期下午茶有8折，$40超抵食，一定翻食。不過美中不足係店內冇數據訊號，又冇wifi，冇得一邊睇手機一邊食嘢，不過從好嘅方向去諗，可以靜心慢慢享受呢碗米線！光榮米線 (觀塘)觀塘開源道60號駱駝漆大廈3座2樓U2號舖

見佢新開出哂新聞稿咪過去試吓，專誠由香港島揸車過去試我都知我夜去（7點幾，差唔多8點先出發），又預咗多人，所以特登打個電話問咗聲佢話無人㗎，黎啦去到就中伏泊好車，上到去叫嘢食，咩都無辣腩肉、雞絲、雞翼、雞扒、小食、冬菇咩都無⋯叫大碗公司米線無！金牌米線無！薯粉無小食因為無車過黎所以無我話我特登揸車黎，唔好話過海錢你喺我打電話黎問嘅時候講聲你哋好多嘢都賣晒，咁我都唔開車我黎到你先講咩都無，咁叫咩我黎？仲要係係咁叫我揀散叫嗰啲餸一路揀，一路話無，咁你唔好叫我揀啦大佬