入魂鐵板燒

营业中

休息中

九龍城呢間鐵板燒真係無得頂👍🏻！食材新鮮有質素，再加上大廚係我地面前即叫即煮，真係睇到都流哂口水。我同老公個日係食龍蝦鮑魚二人前lunch set, 我哋都係大食人，入魂既二人前分量好足，食完勁飽！師傅既調味剛剛好，唔會太重味蓋過哂食材本身既鮮味。我特別鍾意龍蝦，師傅用返龍蝦膏、料酒和牛油特製成汁去煮，十分美味！ 牛肉薄燒亦十分值得讚，師傅會先了解我地想要既生熟程度，包住炸蒜同香葱，好香口，成日都好想再食返。最後既甜品焦糖多士又有驚喜，原來咁簡單只用麵包同糖，就可以整到咁好味既甜品。食完真係覺得好滿足，物有所值！

食材新鮮,煮師好有心機煮,食物有伴碟,環境清靜,有招呼有禮貌,二位廚師係老闆,所以都好著重食材質數同味道,店鋪唔大只容納20人,我九個人食,個個都飽哂仲有8折相比其他同款鐵板燒物超都值👍🏻

一班酒肉朋友難得約齊人食鐵板燒，訂位時向店家說明想食下新嘢，道出筆直就放心交主廚發辦，因為之前朋友們都分別去食過不下數次，對廚師們手藝還是有信心的。人齊梗係哼杯飲酒先，幾盤海鮮一放上檯，酒友們都係相機先食打打咭，除咗例行前菜、龍蝦鮑魚、和牛外，黑毛豬薄燒夾蘋果幾解膩，北海道秋刀魚未最當造稍為細條，仍不失鮮味，還有鐵板燒海參位上，素翅蛋炒象拔蚌邊位，再來個蟹膏炒蟹肉多士，呢個真心色香味全，後面當然唔少得蜆肉魚湯、炒菜、炒飯、肉桂糖多士配雪糕，食方面無論質都量都值回票價，廚師發辦冇失望。成班酒友同主廚們打成一片，清酒冧酒威士忌飲個不停，一路飲酒梗係唔記得影齊哂食物相，有幾多放幾多，食得咁開心一定有下次。

好舒適的午餐，慢慢食，慢慢欣賞。兩個人叫了兩個一人前，試盡了不同海鮮，師傅上碟前已為我們分好了！尤其欣賞鮑魚及大蝦，好新鮮隻鮑魚真係本身游緊水嘅另外，牛肉卷滿了蔥蒜，好香、好好味師傅每道菜式都精心炮製，也與客人有互動尾聲的甜品簡單得來好好味，黃糖多士配上雪糕，雪糕有比較少見嘅紅豆及榛子味環境都很好，坐得舒適，又近宋王臺站，方便亦沒有趕住食嘅感覺，上菜速度適中。以呢個價錢，食到師傅即製鐵板燒，其實係抵嘅！

不明點解有人話好食。揾個嬸嬸來炒鐵板燒。服務，格局，食物不知所謂。海鮮冇鲜味，食物凍，上菜浪接浪全冇喘息空間，一定好趕時間，不用一小時便完成一個full course。話明不食肉類，煎蠔竟然落煙肉。劣劣劣。冇service。食糖多士話要攤凍才食，如果唔係就唔脆，食了20多年鐵板燒第一次聽到師傅有咁要求。真的不知道係師傅問題定間嘢問題。螺冇味，又凍，帶子凍，虎蝦正常但冇味，魚最好，夠熱。菜多油，魚湯只有胡椒味，炒飯正常夠熱。糖多士凍左仍好煙靭。其實如果唔係見到賭神來過肯定不會试。這是我人生中第二次食過最想寫食評的其中一間鐵板燒。其實冇乜嘢好再寫，但要人寫200字才可評分，open rice玩乜呀。

前菜沙律：食材新鮮，不過醬汁偏鹹有龍蝦、銀雪魚、帶子和清酒煮蜆。隻龍蝦係睇住師傅從水缸中捉出嚟，很生猛。師傅先用清酒和蔥蒜煮好湯汁，最後才落蜆。他說這樣的湯底更加鮮甜。( 忘記影相)多士、蘋果加鵝肝成品： 非常好味。因有蘋果的中和，食落一啲都唔溜。師傅用龍蝦頭內的蝦膏，另外煮成汁。然後和龍蝦肉一起煮，別有一番風味。鐵板带子：師傅話係用刺身級的带子，不用燒到熟透便可食用。牛肉薄燒：裏面包了很多蒜蓉和葱，特别惹味牛肉厚燒：和炸透的蒜片一起食用，非常有口感。龍蝦殼煮的湯配料非常豐富的炒飯糖漿薄脆：和栗子雪糕一起吃，有驚喜！基本上所有食物的調味已非常足夠。不用再點附上的鹽和醬汁。

Teppan Nyukon is a nice place for teppanyaki in Kowloon City, I went to try their lunch sets this time, and I find the menu pretty decent and reasonably priced. My friend and I shared the MATSU and TAKE menus so we can share more variety of food.For seafood, we tried the prawn, oyster, codfish and scallops, all ingredients are pretty fresh. I especially love the cod, it is perfectly seasoned and has a strong buttery flavour. The fish is very creamy and tender. The fish skin is cooked separat

經朋友介紹的一家鐵板燒，8個人叫左 4份二人餐，澳龍配龍蝦醬一個字香 厚燒和牛真係好有驚喜，鵝肝又冇平時咁油膩，總體來說非常滿意 師傅又nice 😋 極力推薦佢自家品牌入魂 清酒值得再來

朋友生日梗係要同佢食好嘢 揾咗呢間鐵板燒，抱住試下嘅心態，點知好有驚喜！前菜之後就送上將會鐵板燒嘅材料，師傅逐樣喺我哋面前煮同介紹，好有心我哋揀咗二人餐，主要有龍蝦、日本象拔蚌、甘鯛、鵝肝、牛柳厚燒同牛肉薄燒，另外再配沙律、燒野菜、炒飯、鯛魚湯，全部都好好味，其中有幾樣仲好有驚喜，好似象拔蚌同甘鯛，兩樣之前都未試過咁食，喜出望外！最後再有甜品，事先同咗餐廳講朋友生日，師傅仲好有心咁送咗個心太軟同寫上祝福字句🥰 好驚喜，今餐真係大滿足

4 of us for teppanyaki dinner. Counter seating approx 16.Ordered to share amongst us an abalone set for 2 ($2,180) and a lobster set for 2 ($2,180). Here’s what we had:Appetizers Fois grasAbalone- the middle part and the sides.Lobster 象拔蚌 with garlic. Extra portions cos they ran out of king prawn (which was supposedly part of the abalone set).Amadai with crispy scalesSaladBeef roll Beef steak with garlic. Perfectly done. Very crispy but not the least burnt; no bitter taste Fried rice, which was

今日中午心血來潮嚟九龍城搵嘢食 星期日想食好啲 諗諗吓不如就食鐵板燒 見到呢間野新開張中午價錢牌二百幾蚊到三百中左右 餐廳裝修睇落好高級 呢個價錢算物超所值 諗都唔使諗就決定試吓分別揀咗竹同松套餐 可以同朋友交換嚟試吓牛肉方面我哋揀咗薄燒好快師傅就上場 海鮮方面分別試咗廣島蠔大蝦同埋銀鱈魚四款 朋友對銀鱈魚讚不絕口 我本人就比較喜歡廣島蠔 第一次鐵板燒食蠔 海鮮全部都好新鮮 煎得啱啱好金黃色之後就到牛肉薄燒啦 用嘅係美國肉眼 略嫌薄咗少少 不過不失～炒飯 雜菜同埋甜品焦糖多士加雪糕都好好食侍應好好服務 環境高級 坐得好舒服 私隱度高三百零蚊一個人性價比好高

第一次食，服務態度好好，師傅每款都會教點樣好食，我地食左鮑魚，帶子，蝦，魚同和牛都好鮮！最鐘意係鮑魚，口感比較爽，唔會好難咬，基本上都唔需要調味。環境好闊落，同埋係一張大台，同朋友或者商務聚餐都好岩。

朋友話九龍城新開咗間鐵板燒，就喺宋皇臺站附近，咁就約埋一齊訂位去試下新嘢。準時7點去到我哋係第一台客，環境裝飾幾靚，室外完全睇唔到裡面，私隱度好高。師傅問咗我哋有咩特別想食，見魚缸內龍蝦好生猛又大隻，就揀咗個龍蝦二人前。細節唔多講，總之前菜花螺魷魚好食，龍蝦連膏炒出色，金鯛白酒汁個魚鱗好香脆，師傅推介嘅岩手縣和牛幾特色，話佢係食威士忌麥渣做飼料嘅，不太油且有點咬口，跟住個湯原來係老火魚湯，鮮甜美味，炒菜係蕃薯同萵筍，唔係大路嘅芽菜同紅蘿蔔，食埋個牛肉碎炒飯，仲有個烘香黃糖多士收尾，非常滿足又滿意。整體晚餐價錢合理，同等食材一定平過去港島或尖沙咀，師傅全程都有講解點食，又肯同我哋一齊飲，單都未埋就諗定下次幾時再去。P.S. 掛住食同飲，冇咩點影相。

Something have to do, need to come back Kowloon CitySaturday is a suitable day Seems to have left soon But there is already a long-lost feeling This place full of memories It really makes me not want to remember The fluctuating emotions in my heart are rolling Unknowingly every street and every lane are filled w his figure So, just get things done and leave. So as not to let her settled emotions arouse again Fulfill your last wish A restaurant that she knew she could only think about but couldn’

地點就在地鐵站附近，很易找到。舖面環境很光猛企理，坐得很舒服。值得一提是放在桌面的口罩套超靚❤️點菜不久，師傅就準備好新鮮既食材開始燒！坐在鐵板前，望著師傳烹調食物既過程，真是一件賞心悅目的事。前菜的紫菜魷魚好好味，好彈牙入味！我本身唔太食龍蝦，因為覺得熟既龍蝦都是無咩味，而且肉又鞋😅但是，呢度既龍蝦讓我改觀。未知是不是龍蝦並非全熟或過熟的狀態，因為食落口一d都唔鞋。加上隻龍蝦超多膏，成為左燒龍蝦的最佳調味料！❤️甘鯛，我第一次食呢種魚，本身都有少少擔心會腥。但聞落食落完全無腥。而且，師傅燒到個魚皮超級脆，加上特製的醬汁和有食用花既靚靚伴碟，真係好似食緊fine dining既魚咁！超正！加錢點左和牛，超值！好軟滑有牛味，配上燒蒜一齊食，超幸福的感覺！