全盛燒臘茶餐廳

营业中

休息中

【九龍城區】【全盛燒臘茶餐廳】本身今次呢間燒臘茶餐廳正正常常，合理茶記一間，賣埋燒味同鹽焗雞，的確好難搵到引子點樣切入。而本身都唔係特登過嚟，而係咁啱經過，有啲肚餓咁就走咗入去求其食啲嘢，真係普通到我覺得就咁開始講都唔好意思。到我做「記錄低啲相片」，同埋「準備打用餐體驗」呢啲事前工夫嗰陣，我都仲未知咩事。到我搵地址、落實餐廳資料嗰陣先知原來我擺咗個大烏龍。我睇招牌一直以為間嘢叫金盛，點知人哋原來叫全盛，我真係要重讀中文了。講咗好多同餐飯無關嘅嘢，不過係我覺得有趣先同大家分享。咁我入到呢間嘢就梗係想食吓佢哋啲燒味啦，有「燒味飯」仲可以「雙拼」，不過我唔係太想食米飯，所以叫嘅係 $48 嘅「燒腩仔燒鴨瀨粉」，轉瀨粉啱我食多啲。啲燒味都幾好食，燒鴨仲幾好肉，估佢唔到。我仲加 $5 要多半隻「鹹蛋」，都幾好。嘢飲我就飲加 $8 嘅「凍檸茶走甜」，正常茶餐廳水準冇乜特別。咁樣夾埋嘅價錢係 $61，我覺得都係幾經濟實惠嘅，唔飲嘢嘅話平得多。。。（地址：九龍城衙前塱道40號地舖）

因為同事昨天在找燒味吃讓在下今天也來吃個燒味好了時間尚早但對在下而言已經是午餐時間營業中的燒味店沒想到還真的有幾家於是跑去看看 是否有飯食🤭店很容易找在街市的中間舖位位置也剛到這段時間是家庭主婦買完早餸的時間街上人不多 也沒有堆積所以很容易就看到店門口大而亮麗的黑色招牌寬廣的正門吊示著的各種燒味最開心的是飯剛好煮好❤️11:00前能買到飯的店通常會被在下大加分啊事關在下是個早餐愛吃飯的人在家先看了餐牌得知有飯食後直接點餐燒肉海哲雙拼飯只需$38 天啊 好便宜啊還以為會過$50這可比吃粥更飽肚呢就這樣興高采烈地拿外賣回到公司還開心地跟同事賣個廣告開食～再一次意想不到的是原來好大盒 好多飯料當然也不少只是在下選的一熱一冷讓口感怪怪的🤣也沒差啦 都是自己愛吃的醬汁份量也很剛好吃完整個變得好心情呢努力工作的一天 要開始囉

今日落九龍城交收完突然勁想食燒鵝飯咁啱見倒佢門口貼住一哥叉燒所以就叫左個叉鵝飯 仲豪豪地轉鵝肶原本諗住衹係影張相比男朋友話佢知我今日食乜冇諗到D叉燒同燒鵝咁好味!! 仲有老闆娘超nice超好笑容食完忍唔住要寫個好評讚賞下

一入到去 一個人客都冇 初頭以為諗住 可能4點幾所以先咁 原來事出必有因囉 地下超滑 老人家 勿去 跌死 同佢講 佢剩係冷笑一下 好啦 望下餐牌 感覺都幾貴 始終都只係街市隔離既燒味鋪 好啦 一次半次唔緊要 嗌碟全盛四寶反食 50元 通常放得自己名係前面都唔會差 點知中計囉 再叫凍檸茶 竟然話 師傅冇反工 冇茶膽 叫凍奶茶啦 但奶茶又有 …………碟反一上台 嘩 俾人食定狗食 啲燒肉碎濕濕 切頭切尾再補入去咁 叉燒勁呀 干咖 仲要薄切 師傅刀工勁呀 每塊叉燒都冇1cm勁 冇得頂呀 啲反 凍既 唉 食左一啖就冇食 剩係食左隻咸旦 最後同收銀講 收銀啲語氣差到呢 依間鋪不得了不得了 唔知係我耐冇去燒味錢定點 家下啲四寶冇雞咖咩 我見通常冇雞果啲 會寫到明 燒腩仔四寶反咖嘛 仲有 50唔係好多 但都唔少 你仲要只係係街市隔離既燒味鋪 一般街市果啲 唔係扺食大件咖咩？收我50幾蚊 薄切叉燒 碎既燒肉？？？最後先搞笑 原來開反已經好多劣評依間燒味鋪 下次食乜都應該望下先

叫熊貓外賣自取，同呀姐講要薑蓉（因為我叫左叉油雞瀨）佢竟然搭我唔包架啵！🤷‍♂️我問佢你啲薑蓉叫咩野先包呢？！🤔跟住佢位女同事就話可以加落我碗瀨粉度，然之後果呀姐扮聽唔到做其他野！跟手佢位女同事好好心咁幫我加，點知佢幫我加左兩大匙羹落去🤦🏻😒！👌我自己返去攞返啲薑蓉算！點知碗湯係凍嘅，難食都一個點！我攞去微波爐叮先好返啲！下次我識做喇！我見到有咁既情況第一時間一定小到你上天花板先！🖕

我叫碟叉燒煎蛋飯，蛋要太陽蛋，叉燒要肥，第一次嚟隻全熟蛋，換過隻蛋，隻蛋又有怪味，啲叉燒全瘦，難食到講唔出，冇誠意冇靈魂冇上心嘅餐廳，冇下次，仲要成五十五蚊一碟。

叫咗個叉燒燒肉飯，啲燒味都尚算可以，但係啲飯實在又硬又難食又鞋，仲微微地黃，又冇飯味，人哋深水埗朗益$廿幾蚊個飯盒, 啲飯好食過你好多，都唔知係咪用咗大陸或越南米，價錢又唔平，拍得住敏華餐廳黯然銷魂飯，人哋敏華餐廳話明用金鳳米，肯定係貪平用咗啲下價米出嚟噉嘅效果，真係冇下次

平時都有幫襯開此間燒味飯盒，覺得都不錯！可惜昨晚買了二盒燒味飯外賣，回家發覺二盒入面啲飯有大部份好似粥咁（似被水浸咗好耐）！食到想反胃，另外一盒就得半盒飯！其實真係好想講，如果你唔夠飯可以出聲，唔好做壞自己個名！現今市道咁差，仲要做埋依啲手法，真係令人好失望😞

星期六嘅早午(早D嘅下午，11点九)反正唔使返工去下一啲平時冇機會去嘅地方食飯行過有間燒臘茶餐廳 都有一半人坐滿 反正 肚仔有啲餓 就試下啦 一嚟到梗係整碗例湯送畀你嘅蓮藕煲豬骨非常之 足夠材料 包括味精 所以我都淨係食咗幾嚿蓮藕叫咗個黯然銷魂飯一般出面嘅飯只有一隻雞蛋果唔到呢度竟然有兩隻煎蛋嘅功夫都幾好不過如果可以燶多少少仲好初時兩隻雞蛋遮住啲叉燒以為得三兩舊一拎開隻雞蛋竟然有成十嚿叉燒如果你喺街邊斬開叉燒嘅你都知道呢十嚿叉燒起碼值十蚊 以上抵食夾大件相當之唔錯 成個套餐 例湯飲品店+銷魂飯 盛惠50蚊喺九龍城嚟講算平對住街市嘅平民茶餐廳服務環境衛生嗰啲就唔好講啦總之就係抵食夾大件

这家烧腊餐厅一直光顾、值得一说的是、这家老板真的很可怜、请了一个态度行为恶劣、骂顾客和小朋友的员工，不止看到她不止一次的骂顾客、今天中午我也体会了一翻！首先我带家人座好开始点餐、叫嚣的服务员就过来写菜、我说要两个牛腩咖喱饭、配两杯热咖啡、两个四宝饭陪汤！她重复问我咖喱是要饮什么的、我说热咖啡、她已经很不耐烦了，我忍住不出声、我两个女在旁边坐、一个两岁一个3岁多点、拿起牙签盒摇一摇、她就破口大骂、很大声、眼睛爆血那种、旁边的客人都望着她、我两个女也很惊。我忍不住同她说：不用这么紧张这么凶吧，她就好像发疯似的叫嚣，我说你怎么这个态度、她说：（你什么态度我就什么态度）还一边骂神经病。我说不想和你说话把你老板叫出来、她说老板今天不在、我说那把你经理叫出来、跟着厨房老说：他就是经理！我想既然这样也和她说不清楚、我就说算了不吃了、厨房老就说一句无所谓、我真的无话可说了！这样的餐厅、这样的人、没有爱心和责任心、出品的东西怎敢吃！我只为老板感到痛心、好好的一个餐厅给这些人打理、真的很悲哀。最后再多说一句 以往我去吃东西时也经常看到她骂人、是很不耐烦很大声那种。如果老板能看到这段留言、真的希望你好好斟酌

九龍城係一個以食聞名嘅地方，成日聽人推薦全盛d燒味有幾咁出色，仲要標榜係「一哥叉燒」趁今日放假就去試下，坐低叫咗碟叉燒燒肉瀨，嚟到成碟叉燒燒肉全部係肥膏一d肉都冇，之後問個侍應可唔可以換d瘦少少，原本個侍應都好好諗住換俾我，點知跟著個收銀侍應即刻走過嚟態度超差話燒味全部都係全肥，要食半肥瘦或全瘦就要落單前講，仲要話係顧客自己嘅問題，嘩～俾錢食嘢，仲要睇侍應面色，都真係第一次，唔係食燒味，係食咗成肚火，唔會有下次

之前見有介紹，剛好路過，入去食中午飯。叫了叉燒燒肉飯，跟例湯。叉燒肥D會好D，個人覺得有D瘦，燒肉也不錯，雖然有D乾，但皮脆唔鹹，有D驚喜，例湯都可以，覺得用心做，感謝美味的一餐

話說是日收工，要等三個鐘先去打波，收工响公司煲左陣劇就出去搵食。醒起球場街市對面有間茶記食過唔錯 咪去翻兜囉餐牌上見到有燒腩仔，口水直流，所以就叫左，再加個涼瓜炒蛋，白飯凍檸茶點知出完單話無燒腩仔，佢提議轉叉燒，咪試下囉叉燒黎度，切得幾靚仔，排列又整齊，絕對唔係求奇切完放上碟，食落剛好，唔會太焦，仲要係半肥瘦，食落唔會太un，仲要都幾好蜜味，確係唔錯。涼瓜炒蛋，好香蛋味，一定無溝水，唔會太焦有濃味，不過一定唔係滑蛋個款咁，涼瓜唔算苦，但好重青味，我就啱，但我估好多人唔鍾意咁重青味整體叉燒一定惦，期待下轉燒腩仔

九龍城的超值下午茶餐啊！$35包一杯熱飲，又夠足料的下午茶。女朋友要番工，星期六我放假就走左入九龍城食個下午茶餐，之後再去接佢放工啦！全盛燒臘茶餐廳，主打燒味。3:30到餐廳人客好多，我叫左下午茶餐，叉燒薰蹄瀨粉。叉燒半肥瘦，入口即化肉質非常香軟，油脂甘香濃厚，叉燒非常出色！薰蹄沾上酸汁，爽口香甜，最重要是份量的確夠哂霸氣！叉燒薰蹄分開上枱，唔會浸落瀨粉，湯底唔會油膩！$35大大一碗粉麵，飽肚又滿足！下次帶埋女朋友黎食個午餐先！女朋友好鐘意食叉燒！

和家人逛街，行到「全盛燒臘茶餐廳」，被門外的一張蔡瀾照片吸引，也帶出我們一嘗燒味晚飯興緻。雙拼例牌，海蜇燻蹄$88，海蜇本物味鹹性涼，有清熱、除痰、功效，是健康食材。眼前的海蜇切得挺粗身，爽脆有咀嚼口感，調味方面有麻油、芝麻和紅椒碎粒，清香而不辣，薄切的燻蹄，皮和肉都爽滑完全沒有油膩感，再沾上蒜醋汁吃，特別醒胃，是受歡迎的冷盤前菜。兩隻紅燒乳鴿$110，即叫即炸，亮澤的乳鴿，香氣撲鼻而至，令人垂涎欲滴，入口皮脆肉嫩、鮮香味美，鴿胸肉又厚身，一般人可能放棄鴿頸和頭，但我絶不浪費，因為有前輩教我吃乳鴿，乳鴿頭是甘香無比。灼菜心$18，夠淋只是略嫌多油，加埋白飯三碗$36，又是街坊價錢，豐富的一頓燒味晚飯。