全記(發仔)

营业中

休息中

經過街市的熟食市場，本身想食茶餐廳常餐，但見到有隔離食豬扒餐就轉左軚。豬扒煎得香而不乾，並不口有起渣的感覺。豬扒配麵，通粉，米粉，意粉都得，茶餐廳的彈性。我揀左通粉，爽口不黏稠，再加番杯熱檸檬茶，醒神曬。

唔好以為街市嘅熟食中心係又熱又污糟，呢一間就唔係啦。😊全日冷氣開放，而且相當抵食又好味，我最鍾意下午茶嚟呢度食佢最出名嘅豬扒麵同飲佢杯奶茶。👍🏼佢嘅炸豬扒夠大塊，咬落去亦都十分鬆軟，真係又香又好食。👍🏼奶茶方面，都係一杯中上嘅奶茶。唔好以為佢剩係得炸豬扒好食，其實佢其他餐都好抵食同好味。😋我哋今次仲叫咗佢嘅沙嗲牛肉麵，奄列麵包。亦都好好食。其實佢呢一度都幾多元化，又有車仔麵，又有越色麵餐同油渣麵等等⋯⋯ 所以呢到不失為一個下午茶嘅選擇，可惜唔係好多人識得黎🤔

大人話今晚玩煮飯仔就叫我揸車落大成街市順便去食個下午茶，街市上嘅熟食市場有冷氣唔熱都係個唔錯嘅選擇，去到睇個餐牌有招牌豬扒麵，當然要叫份嚟食。嘢食到個豬扒見到就開心因為係厚切豬扒，又唔會油冧冧味道醃得唔錯,再配個凍檸樂個可樂仲係玻璃樽，大人就叫咗份蝦餅煎蛋沙律，估唔到都有驚喜個蝦餅彈牙又有蝦味，沙律就係栗米加少少生果又夠凍杯熱奶茶估唔到咁大杯味道就ok la。我見間餐廳有小菜食，下次會叫大人係樓下買完上嚟加工就算，起碼我唔駛食完又要洗碗

星期六的早上，又是出外覓食的日子，行到大成街，就不如去熟食中心吧！之前已經試過隔離一盅兩件，同埋另一間茶記，所以今次試新野喇!我地放棄了叫「豬扒麵」，雖然係依度嘅招牌野，但最後都揀了食「自選特餐」。沙嗲牛肉都有幾多塊，意粉算多，最好嘅係，配上幾棵白菜仔但係廚房唔記得方包走油，前後講左兩次都比錯😑😑😑雖然呀姐話幫我換，但都食緊，就冇謂咁麻煩喇。叉燒都好食，麵質唔係出前一丁，都唔算差比起另外一間，這間係貴少少，並且少一點餐食配搭，但食物質素來說，全記係好啲嘅，但兩間份量都非常足夠。

發記在大成街市樓上的熟食檔, 食得呢類型嘅大排檔, 衛生程度本來就冇乜期望, 見到老鼠行過也不足為奇, 有時還若隱若現地…….聞到煙味, 今次乜鬼都冇心機影同睇, 淨係想快啲食完餐飯走人。琵琶豆腐豆腐幾嫩滑, 鹹度適中。咕嚕肉酸酸甜甜, 醒神開胃, 咕嚕肉半肥瘦, 炸漿夠薄, 唔會食到一舊厚厚的麵粉, 唔錯。啫啫芥蘭煲鹹魚、蝦乾及肉碎爆得好香口, 大排檔美食就系油咗啲, 味道濃咗啲咁啦。口水雞好明顯辣汁同雞既味道系分開的, 各不相干, 只係將辣汁淋在雞件上, that is all! 口水雞辣汁也不算惹味, 既不香且不麻辣, 唔食無損失.。雖然環境差, 但與食物食味無關, 非戰之罪, 之但係……如果再有其他朋友提議來晚飯, 我第一個跳出黎舉手....OBJECTION！

呢度我幫襯左2次，我自己去街市買蟹同花蛤，再叫佢地煮，好有鑊氣，蟹好食，再叫個牛仔骨煲，幾濃味，岩我用黎配飯，一流，我再叫左個炒豬雜，味道香，不過就吾夠爽口，敗筆總括而言都好過佢隔離果間，呢間我想飲啤酒就會來幫襯

夜遊宵夜熱點大成街街市熟食中心開到零晨呀，除左可以係依間舖叫佢番地自家既海鮮外，重可以係下面個街市買完海鮮比佢地加工，要知道大成街街市買海鮮出名又平又靚呀！！！涼瓜炆蒼魚，激讚！！！ 從來無諗過依兩種食材走埋一齊個味道咁夾！！！個魚外面脆裏面滑，涼瓜帶小小甘甘苦苦，d汁送飯一流！椒鹽九肚魚，好香口，外面脆裏面滑到入口即溶！！！宮保雞丁，西芹+雞粒+腰果，每一淡都食到曬所有野，好有咬口蠔仔粥，除左蠔仔係主角，其實豬肉碎同莞茜既角色都好重要呀，依到整得幾好味幾鮮美

這個地方之前已經來過一次，那天很趕，所以都無咩印象。今次就唔同啦，係我主動約朋友來這裡，因為朋友在附近住，想請佢食餐飯。今次點了以下菜式：腰果肉丁。肉丁唔太夠味，不過都算健康的一個菜式。點選的時候都唔知會那麼大。花膠太硬，唔太夾。這個菜式都幾健康，值得一試。這裡環境都可以。夠冷氣、可以不用太拘謹。還有啤酒妹幫手。

難得放假走咗屋企附近間茶餐廳，平時呢都係過嚟最多食到早餐，今日終於有機度食返個靚午餐啦，叫左個泰式生炒牛肉飯 ，嚟到真係覺得香噴噴，啲飯炒得非常之香， 勁有鑊氣， 個牛柳醃製得非常好味，加埋啲洋蔥同埋蕃茄一齊炒，真係超級開胃。咁又例牌派咗杯凍檸茶，少甜少冰，都幾好飲。

又係開心早餐時間，今次試下新野，叫左雪菜肉絲米，d雪菜甜甜地，d肉絲都幾入入味，湯都唔錯。火腿奄列炒到小小半生熟，口感一流，正！牛油面包就乾乾地，不過還ok。無糖熱奶茶依然好香好濃好有茶味，真係唔落糖都夠味。

呢間d早餐真係又平又好多選擇,其實一個激推既就係炸蝦餅,平時我係配面食,今日就改左再配個沙律同多士,沙律我就覺得麻麻地,唔太吸引,杯奶茶都ok,都幾滑幾香,其實d早餐份量都幾大,埋單都係30蚊到。

呢間茶餐廳既早餐非常多選擇,基本上食半個月都未食晒d餐。。我最鍾意既就係炸豬扒面,豬扒啖啖肉,又炸得勁香口,又飽又好食,加埋杯茶走少甜就係完美的一天。聽日再來食第二個餐再影相!

以前在新蒲崗返工，每星期梗有一日會行去大成街街市食晏，因為快靚正抵！ 有時放工在附近打完波，也會走來食晚餐。依樹主要街坊、教師、學生嚟食。依家唔係新蒲崗返工，少咗機會嚟食，剛啱嚟開附近所以嚟食下午茶。餐飲 ：（前）濃朱走、（後）鴛走10次嚟有9次係食茶餐轉多士： 叉燒通粉+花生醬西多士 ； 廿幾蚊有杯野飲有個粉同一份西多士，超級超值！ ★★★★★★★★★★十個推介正豬扒炸得香脆鬆軟除此之外，以前和同事來食晏，同事會食蒜香骨飯跟餐飲，蒜香骨飯也是這兒的人氣碟頭飯。

今天來這裏吃下午茶, 叫了茄蛋治, 看見餐飲可加$2有枝裝牛奶或朱古奶飲!於是點了枝裝朱古奶!蛋治算普普通通, 不是厚蛋, 蕃茄亦不是連蛋煎。最開心可算是飲那枝裝奶, 真在太耐無飲了,加兩蚊算ok的!

這間餐館特別的地方是它的有利位置。位處九龍區數一數二最大菜市場大成街街市的頂層，這街市有多大呢？淨魚檔已有四、五十家，很多由水上人直接經營，貨源多樣化，本地海鮮種類絕非主力買飛機貨既西貢可比，當然也有飛機海鮮，但以中下價貨為主，其中一家更擁有自已蠔塲，另一家由三個老人家經營，貨源由遠洋船來，條條魚超巨型，其实最好味是近海的雜魚，這裏也有五、六檔專買catch of the day。這裏車位充足，我隔個星期六就開車送老媽來買菜，所以對每檔海鮮的貨源和種類都瞭如指掌，由於競爭大，所以價錢都差不多平通港九，更斤両十足，在這裏買海鮮可省卻大量講價時間，見靚嘢立刻買，是多爽的一件事全記(發仔)我之前未光顧過，我想如果材料新鮮，煮工差都可以入口吧。趁那天是復活假期最後一天，一行9人在這裏訂了一枱六點半，為怕太遲無海鮮賣，所以我五點就一個人開始買料，結果海鮮陣容頂盛:三斤海黃立倉 (魚身比養殖的較流線，而且養魚價太賤，無人會養到三斤才賣)海大虾二十隻鮑魚二十隻大蟶子二十支冰鮮海鰻二斤(由於賣相奇醜，叫價每斤才二十元)雜魚仔二盤最幸運是買到一隻二斤游水墨魚，包剌身切片才一百六十六，全部材料加起來才八百