兩姊妹涼皮有限公司 (柏樹街) (已搬遷) 新店位置

事源..d人話黎太子必試..甘心大心細.有日經開就試下...重要既事要講先，首先無坐位，只係鋪外面有長企既長枱，其次係你食完，汁好枱比番紙碗店員，佢會叫你自己拎去其他地方丟，真心唔識路，行番大馬路先搵到垃圾桶。真心好一般同貴叫左涼皮+牛柏葉+肥腸+芫茜山埋單$54蚊 係好多地方可以坐低食碗二餸米線或茶記。佢開係舊區位置，但賣甘既價錢其次。。涼皮好少...味道都唔惹味，少左d風味芫茜係自己加錢先有甘多生芫茜溝左涼皮味素，有少少苦。肉量都係唔多又唔係1-2舊。可能太多推薦，令我期待值會比較高。又可能係我唔識點餐

喺旺角行開街, 突然想食辣野, 就諗起太子嘅兩姊妹涼皮, 在舖頭外面有一排枱可以立食, 亦有自家製嘅辣椒油賣.今次點左涼皮中辣多麻($28+1), 加牛柏葉($9), 牛柏葉份量很多, 涼皮很滑, 顏色有少許透明, 中辣來說, 不算很辣, 味道偏酸, 如果喜歡吃酸的朋友應該會很喜歡, 吃的時候不覺麻, 吃完整碗之後開始感到舌頭有點麻痹. 如果下次再吃, 會選擇少酸. 整體份量真的很多, 很抵食, 值得推薦!今次大約等了15分鐘才有, 頗多人光顧

呢間經過杜汶澤加持嘅💛💛店兩姊妹涼皮有限公司身處係太子一個唔係好起眼嘅地方，而且2:30先開門，不過呢日weekday下午去到都幾多人排隊買外賣，主打涼皮同其他重慶小食，舖頭外面有少量企位，不過周圍都係啲車房同有好多貨車出入，都係買走食比較好。招牌兩姊妹涼皮今次淨係試咗招牌嘅涼皮，揀咗微辣同走芫茜，同加$6要咗脆豌豆，豌豆份量極多，脆卜卜咁同超級滑溜嘅涼皮好夾。呢度嘅涼皮係我食過嘅涼皮入面最滑捋捋😗😗嘅，滑到好似啫喱咁，我自己都幾鐘意呢種質感👍🏻，醬汁少少辣少少麻，好惹味，食完又唔會覺得好heavy，加埋啲青瓜絲一齊食，夏天食就啱晒。人均消費：$40推介指數（10分為滿分）：8分

次次都好多人等 今次等左15分鐘就有🥲招牌粉皮 小辣（$28）花生夠香脆 青瓜爽口 辣味okay~ 如果麻d會正d！😆份量都價錢成正比 粉皮夠滑😚有一張細細既檯比人企係到食 不過唔夠位for咁多客人 所以要企係附近街邊食🤣

第一次食兩姊妹涼皮聽人講好鬼正 呢日收工諗住去食下點知！一去到乜都無！無涼皮！無涼麵！唉 但一場嚟到 又唔想空手而回唯有照叫啦～ 重慶小麵 配牛柏葉就我叫既！陣味幾似酸辣粉果陣味 幾香但小辣就唔算好辣 之前睇食評話好辣 搞到我唔敢叫中辣下次都係唔好信人！相信中辣會幾好味同埋唔好睇佢細細碗 原來份量都幾多喎特別係個牛柏葉超多 又勁入味 好好食呀 加晒分！一個女仔食都幾夠飽～ 老公叫咗擔擔麵 配肥腸 小辣雖然兩碗麵個樣麵幾相似 但味道完全唔同老公話好好食 又唔會太辣 岩岩好！同埋個肥腸又係超好食 又多又入味 正呀夫妻肺片 滷水牛肚都好食好入味 同埋都幾大份！ 椒麻雞 上網個個都話好食我就覺得普普通通 唔算特別正 不過兩個人咁多野就食唔晒留咗第二日食因為問咗店員佢話樣樣都一人份量 點知樣樣都好大碟 我地全部餸都食淨一半(´∀｀*)

今日嚟到太子柏樹街既兩姊妹涼皮有限公司諗住試下距地出名既招牌涼皮，平日下午6點都好多人等外賣🙈遲左10mins黎，招牌涼皮已經售罄，唯有試吓重慶酸辣冷麵，嗌咗小辣諗唔到都幾辣😂但係配合埋青瓜絲芫荽都幾fresh，酸酸麻麻，係好食既！😋

第一次冇check清楚營業時間星期一去到摸門釘，第二次放工七點多D去到涼皮售罄，第三次都係放工七點多D去到，雖然有四個人排緊隊但好好彩售罄告示仲未出！媽呀！我得左啦！ 外賣order左招牌兩姊妹涼皮(中辣、走芫荽)加滷水牛拍葉做配料，同黑糖五彩冰粉做甜品，等左十分鐘左右就得！ 招牌兩姊妹涼皮好滑好嚼，涼皮分明唔會黏住，集合冰、酸、麻、辣於一身，D豆脆卜卜好野味！作為配料，佢地嘅滷水牛拍葉真係超哂班！一來牛拍葉超爽滷得超入味，又冇滷完縮埋得好細塊，二來份量超豪，我從來冇見過一間鋪頭比咁多牛拍葉。我冇好認真數，但印象中至少有七、八塊！ 吃完麻辣嘅涼皮嚟碗冰涼嘅黑糖五彩冰粉真係好爽！冰粉好滑，standalone冇味但加左黑糖後甜度適中，仲有青提子乾、杞子同花生碎提升口感。杞子明目養顏，真係perfecto~

以前食過幾好食 諗住再試吓點知未截單前已經企係門口老闆扮睇唔到 一句都無就落閂完全唔憂做咁我相信幾好食嘅涼皮 都唔值得要受氣 同埋等成半個鐘以上所以食評就無啦 未食就一肚氣

兩姊妹涼皮有限公司🍜最近政府的無邏輯封區方式🤷‍♂️搞到我都唔係好敢去油尖旺🥴費事食個飯要食一日😧今次趕得切係两姊妹涼皮未裝修之前黎幫襯真係好彩☺️但可惜最想食的涼皮當日已賣晒唯有退而求其次 簡左两款小食🥰惹味口水雞🐓🔥$47/份本人唔鍾意食白切雞 因為有骨🤪呢個口水雞啱哂我！起哂骨啖啖肉紅卜卜的辣油鋪面 仲有超多芫荽葱叫左中辣都唔可以睇少 但辣得過癮如果麻味再重D仲正☺️ 雞肉夠多唔會全部雞皮 食落都無咁油膩 爽辣青瓜黑木耳 $20两樣好普通的食材 偏偏夾埋就好正😚青瓜夠哂爽脆唔在講 黑木耳吸哂個汁 介乎係酸同辣的味覺簡直食唔停口🤪期待佢重開再試佢個涼皮😍

係天意可以食到好味的麻辣涼皮啊～ 😋事緣今日忽然睇到有人講起兩姊妹涼皮就諗吓夜晚去碰運氣買唔買到呢間店咁出名經常賣晒呢一去到，望到有個牌寫住涼皮賣晒🙈Oh…心諗，咁下次有機會再試吓買唔買到企喺附近執吓自己個袋，然後準備走人…咦忽然收銀處果個“涼皮賣晒”紙牌收起咗！！！😳😳😳於是…我鼓起勇氣，打厚面皮，開口問佢係咪即係有涼皮賣？竟然，真係有！🎉睇落似係有人棄單…邊個咁唔識貨啊 😂 咁我唔客氣了接收咗其中一碗微辣涼皮，配料係肥腸+腎Yeah!帶返去同家人分享 😋佢地都話唔錯，有少少麻辣，辣得幾過癮我覺得個味混得幾好味啊，唔食辣的我都食到微辣level（但“少辣”應該唔得了可能對我嚟講會太辣）果d一粒粒炸碗豆好鬼脆，大家都勁鍾意涼皮煙韌彈牙，沾晒d麻辣汁，好味真係冥冥之中自有主宰 😋❤ 有食福呢

味道好一般 吾值得排隊 仲要等左半個鐘個涼皮無乜咬口 一pat pat 得個辣字 同麻既感覺完全冇香味 好普通香港好多地方涼皮好食過佢食過一次吾會再食試過都可以既但請我食就 不了

其實我哋已經食咗lunch，仲係好飽嘅時候，經過呢間兩姐妹涼皮，就覺得既然經過，不如都買碗黎試下。🤪.「招牌兩姊妹涼皮」$28 🍽：我哋揀咗微辣嘅辣度，食落嘴唇都有啲麻，涼皮嘅口感好特別，同我以前食開嘅好唔同，以前食嘅涼皮口感係好有咬口，呢個係偏軟身，好滑，感覺好新鮮整出黎。食完之後真係想再食多碗。佢亦都有常見嘅花生，為涼皮增添口感。.仲有好多小食，等我下次留肚黎試先，真係好吸引！鍾意食辣野既你唔好錯過啦！🤗

好耐之前有人請過我食, 今日開P, 又買0黎食下,  其實我未去過舖位, 原來好細, 好似話之前係有立食0既, 而家疫情所以取消0左堂食, 星期六0既黃昏時段舖0既人唔多, 不過見倒好多外賣等緊客人0黎攞。我地點0左個招牌涼皮加豬耳微辣, 另外一個雞卷, 由於唔係即食, 所以汁同涼皮我地要求分開, 好彩分開, 因為真係好辣🔥，好麻😭, 豬耳好爽囗至於個雞卷，order 前我係完全無概念，以為好似墨西哥雞卷🤣🤣🤣, 其實原來即係中式醉雞，酒味好濃，好香，而且厚切，好啖啖肉👍order 咗2樣野total HKD76

面積極小的她只能做外帶，初回品嚐點了😋招牌兩姊妹涼皮非常抗拒芫荽的在下當然要請走他，涼皮非常滑溜，伴著爆脆豌豆及爽口的青瓜絲同吃 ，一次過吃到三種層次辣度方面點了微辣，但對於小的來說是辣了少許，而且麻的感覺很高，吃罷整碗後雙唇很有感覺😆能在此情況下能吃完，心癢癢再來鍛煉吃辣的指數頗高唷🤪

鍾意食辣野嘅你，一定要試吓依間兩姊妹涼皮，因為佢嘅立都有一定嘅水準。不過一定要睇準時間，因為好快賣晒，賣晒就要等下一日。我order左招牌涼皮，涼面同埋黑糖冰粉，加埋都唔使$100 ，認真抵食！佢哋嘅涼皮同埋涼面雖然係涼拌，但係都好夠辣，冇諗過涼拌嘅食物都可以做到咁好味。如果你怕太辣，可以嗌一碗黑糖冰粉，絕對可以解辣！涼浸浸凍冰冰，好適合配辣野😋再加上價錢咁親民，諗唔到有咩理由唔去再食多次💛💛💛