兩姊妹涼皮有限公司 (柏樹街) (已搬遷) 新店位置

💛兩姊妹涼皮有限公司💛經過2次都無開😣😣上星期六再去搏一搏~終於有開,😯🤤🤤但口水雞賣哂..唯有淨係試招牌涼皮$28可以揀辣度, 唔食得辣可以試微辣..涼皮好滑,好正!👍🏻👍🏻炸豌豆炸到好香脆~個汁調教得好正,又唔會油～2個人share 一碗係絕對唔夠😆可以再加配料，感覺會豐富啲😆加左酸豆角同雞蛋乾酸豆角再加強左川菜既感覺🤪椒麻雞$52雞唔算多～但啖啖肉同埋都幾嫩滑👍🏻好香麻味🤤絕對會再encore 既良心店😍😍店員友善～等得都唔耐夏天食涼皮好爽🤓下次想試口水雞

聽過好多次終於黎食😂因為疫情（？）所以而家只有外賣叫左招牌菜-兩姊妹涼皮叫左小辣都接受到 味道後勁偏麻～口感好滑隻湯底都幾上癮，食左一啖好想再食下一啖😂炸碗豆真係好襯碗涼皮下次要試埋個涼麵先

在深水埗一條街很不起眼舖位十分細沒有堂食只有外賣網上推介必食涼皮 餐牌還有其他面及小食例如木耳雞蛋乾另有口水雞椒麻雞等菜式只看圖片都覺得十分野味等候時間也不算長兩人晚餐要了椒麻雞重慶涼麵及招牌涼皮招牌涼皮食落很冰涼要求了少辣 但已經覺得幾辣風味很好 有芫荽 炸黃豆粒 香口好味涼面比較易入口另外有個黑糖冰粉甜甜的啫喱有提子乾 杞子本身買來解難但其實味道很一般推介可以試一試價錢也不貴

之前想食好耐，但次次都唔係咁啱時間因為星期日佢係收六點星期日就次次都趕唔切🤦🏻‍♀️今次終於有時間 所以特登過嚟太子呢度食兩姊妹涼皮我以為有得坐點知原來冇得坐（可能係因為疫情原因）😂 搞到我哋買完之後要搵地方食😔。 今次叫咗兩碗兩姊妹涼皮一個要滷水牛肚一個要雞蛋豆乾再加多份椒麻雞。 合共$126 （其實都算係貴🤔？ ）佢嘅涼皮質地同四川嗰隻涼皮有啲唔同，佢係晶瑩通透一啲。我覺得佢嘅口感介乎於涼皮與川北涼粉中間。 用筷子一夾就好容易斷開🤔 而佢嘅汁係比普遍涼皮多，口味偏重口味重酸重麻。而辣度方面可以自己選擇。我哋叫咗一個小辣一個中辣，個人覺得中辣比較好啲😂😂 滷水牛肚係比較煙韌 口感正常，雞蛋豆乾 個人覺得幾特別都係一咬就碎 但反而食得出少少雞蛋味道同埋好滑。☺️而椒麻雞就好重麻味 都唔係好食得出雞嘅味道 而且全部雞都比較細舊同偏嚡身🤔 但反而雞皮好多😔。另外，店員幾好👍🏻幾有禮貌都幾熱情好耐心咁介紹啲配料比我聽👏🏼總括，試完一次就好了☺️😂。

星期六，兩点三到左，夏日炎炎已經有5個人排緊，兩点半開鋪，点左個冰粉同涼皮，一打開涼皮就聞到一陣酸味，小辣又吾算好辣，不過涼皮好滑，值得一讚。冰粉吾會太甜，不過味道比較單一。

👍💛⭐️ 兩姊妹涼皮有限公司 ⭐️💛👍😷抗疫外賣首選既食物—兩姊妹涼皮🤩！依間重慶涼皮人氣好高，每次去都要排下隊，食物質素有水準，睇下食評啦！⭐️ 椒麻雞⭐️（$52）雞肉幾嫩，真係啖啖肉，佢嘅秘製醬汁好香、有麻、有辣，真係食唔停口。今次叫微辣，唔係太夠辣，下次要叫小辣。😋⭐️ 兩姊妹招牌涼皮配雲耳、滷水牛柏葉及豬耳（小辣）⭐️（$28+6+9+12）涼皮凍冰冰、滑嘟嘟，咬口比較淋身。醬汁酸味比較重，食得辣嘅朋友不妨嗌辣d，豬耳好爽脆，牛柏葉都好入味😋😋。🕋環境指數：-不適用抗疫期間，暫時只有外賣。😋美味指數：8/10幾好食，飲品嘅味道好好。特別係飲品嘅杯，設計得好靚👩🏻‍🌾服務指數：8.5/10🤑抵食指數：8/10 平均$50一人，可以喺城市綠洲坐下，真係好舒服🙋🏻‍♀️推介指數：9/10支持小店📍地址：太子柏樹街15號地舖——hkfoodiecooking ———-

聽聞過呢間嘅涼拌粉麵好耐，但搵嘢食嗰陣成日都會遺忘川菜🥺搞到好耐都無食🤣🙈所以咁啱嚟到太子就買佢嘅外賣！🥡記住佢星期一唔開，其他日子就2:30先開到售完即止😆-‼️招牌兩姊妹涼皮🧊-呢碗就係傳說中嘅招牌兩姊妹涼皮😋😋呢碗木薯粉做嘅麵好足料 ，配有青瓜絲、炸豌豆、花生碎、莞茜等😙我嗌咗小辣🌶️酸辣汁唔算好辣，偏向麻酸，但涼浸浸夏天食真係好正😍我超鍾意炸豌豆，好香口好脆卜卜‼️下次要加呢個！今次加咗雞蛋乾，原本以為係蛋絲，但原來係豆腐乾🤣凍冰冰滑luetluet好正，但就爭咁少少煙韌度🤏🏻質感有啲似蒟蒻🤣-評分：8.2/10價錢：$28 (+$6 雞蛋乾) -🌶️重慶涼麵🍜-比起招牌涼皮，個人認為呢個更加好味😛呢個涼拌撈麵，用嘅係中式拉麵底🍜麵質較為煙韌彈牙，又爽口又好咬🤓份量都好多吓，超鍾意隻醬汁，甜甜鹹鹹咁，同麻辣味好夾😚豬耳牛肚都好入味‼️呢個超高質，下次去一定會再食呢個💕🙈-評分：8.7/10價錢：$27 (+$12 牛肚，+$12 豬耳) -📍 兩姊妹涼皮有限公司 太子📍

兩姊妹涼皮有限公司全港獨家水晶涼皮 口感豐富味道刺激清涼味美仲多款重慶小吃 麵食 冰粉 酸辣粉等等招牌涼皮係非常特別,凍食,但同樣刺激辛辣開左無耐已經成為眾人既美食推薦而家GOOGLE仲有另一個名叫空姐酸辣粉/空姐涼粉原因靚女老闆係前空姐而家只做外賣,不設堂食涼皮配上特製既酸辣汁,瓜絲,炸豌豆,花生,芝麻等等各種配料入口先辣而後酸,最後麻既感覺會慢慢滲出黎,味道非常特別,最重要係凍食,岩曬夏天食食完胃口大開!我選了微辣都已經好夠味道地址：太子柏樹街15號地舖

一向唔食得辣嘅我，如果唔係 Yellopenrice 介紹，都唔知太子有呢間食重慶涼皮嘅黃店，因為就咁睇佢嘅門面同招牌，真係一啲都估佢唔到😮。呢度以前有堂食，但係自從疫情肆虐後，而家只提供外賣。叫咗個少辣嘅招牌兩姊妹涼皮，配料有芫茜，蔥，花生碎，青瓜絲同爆脆豌豆。夾一箸涼皮入口，只覺一陣冰涼嘅感覺自口腔直達體內，確係消暑佳品😎。爽滑晶瑩嘅涼皮拌住醬汁一齊食，又酸又辣，仲有強勁嘅芫茜蔥香氣，每一秒都衝擊著味蕾，正到不得了👍。配料嘅配搭亦恰到好處：青瓜絲清爽多汁，正好中和涼皮嘅辣味；花生碎同豌豆香脆有咬口，特別係後者，脆卜卜，豆味濃郁，好好食😋。意猶未盡，本來想試埋個黑糖五彩冰粉，點知忽然落起雨嚟，企喺街度食始終唔方便，唯有下回再戰。行去搭巴士，一孖嘴唇開始發麻，感覺好似畀條橡筋彈下彈下咁，久久不散。

所有野食都價錢高份量少涼皮同小食叫大辣都一！啲！都！唔！辣！唔辣都算啦，香都唔香下食一次唔會返轉頭個種話好食個啲到底知唔知咩叫好食？唔好係黃店就麻木話好食先得咖大佬

地點算幾方便 好近地鐵站 都算易搵 招牌兩姊妹涼皮味道偏甜，叫少辣但係食唔到辣味，甜味比較出，味道係唔差，不過唔係我杯茶，態度好好，可以下次試下重慶小麵，應該唔會甜呱，因為甜嘅話個人真係接受唔到😂

«705»少可有食麻辣野黃店 見親都會mark實🤪﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷招牌涼皮 $28▶夫妻肺片 $48牛肚、豬耳、牛脷、火雞腎招牌涼皮因為係凍嘅，辣得黎好啱夏天食，涼皮厚身同大片，每一條都索晒汁～🤤 質感好滑！不過都幾考筷子功好易夾斷，比起我比平時自己買黎整涼伴嘅唔算太煙韌，食落好似啫喱咁，但就更易入口，加上酸酸辣辣更加開胃！上面啲碗豆都好香口🤪另外可以直接加唔同小菜係涼皮度，如果選擇困難嗌夫妻肺片就啱晒，一款幾味，我覺得呢個味辣過涼皮🥵刀功好勁全部都切到好薄好幼，唔同部位夾埋一齊食口感都好正，如果送埋酒就真係一流～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣兩姊妹涼皮有限公司太子柏樹街15號地舖

今次再介紹一間涼皮黃店俾大家！兩姐妹只做外賣冇提供座位咁大家買完可以係附近食好似旺中個d咁😉望落裝修好懷舊打個卡都唔錯嫁🤣-招牌兩姐妹涼皮 $28佢地個涼皮同平時係旺角食開個d唔同！佢唔係撈既而係有D湯浸住每條涼皮都好冰涼😋滑dodo咁🤣第一次食叫左小辣試下個辣度佢個小辣正常既唔會過份辣但未至於食到流鼻水🤣-配料唔算好多選擇多數都係內臟😂今次叫左木耳/滷水豬耳/滷水牛栢葉😍三款配料都好食滷水夠入味😋講真一碗真係唔夠喉呀‼️

夏天熱辣辣🔥幾鍾意食湯麵都頂唔順🔥 醒起之前朋友介紹過呢到既涼皮就決定去買❗️留意只限外賣❗️大熱天行過去+排隊+等拎+拎番屋企令到我既期望越黎越高但我都覺得等待值得😋❗️留意舖頭鼓勵大家用現金🤣❗️叫左4個餸！唯一敗筆係冇自備食物盒🤦🏻‍♀️先講主食(下面2個大碗)涼麵(左邊)同一般食到既差不多 鐘意佢麵身夠幼 芫茜味幾香 (配料非常足！)叫左少辣 程度同三哥差不多 算係係偏麻個隻唔食得辣要小心啊！重點推介 涼皮真係無得輸！每條食落口都陣陣涼 (本身擔心拎到返屋企咩都熱曬)加上陣辣味 有d冰火交加食到停唔到🤪左上係甜品黑糖五彩冰粉食完辣野加呢個甜品配搭好好！但可能辣味仲係口到 食落味道較淡❗️建議如果唔係即刻食 放入雪櫃雪一雪佢仲正❗️總括係夏天非常推介食物！唯一可惜係得外賣唔係住附近就要諗諗辦法~

嗰日行經太子，突然好想食涼皮，就喺附近搵咗一間評價幾高嘅涼皮店食，就係依間。咁嗰日好熱好焗，咁本身以為去到可以坐低慢慢食，點知原來係一間外賣店，本身想唔食因為真係太熱，不過見到多人排隊就都係決定試一試先。咁我就叫咗一個中辣涼皮加雲耳。咁佢比我嘅時候我第一個感覺係好多汁同以往食嗰啲好唔同，但一食落口就覺得另一個層次， 係食過咁多間涼皮之中最好食嘅。因為嗰日個天氣好熱但佢涼皮係十分之涼食落口係透心涼！係透心涼！個人即刻降晒溫唔誇張！之後味道調校得十分之剛剛好，唔會話太酸影響到成個味道。不過最美中不足嘅就係佢個中辣都唔係好辣。