八合目居酒屋

营业中

休息中

今晚探完病, 晚飯堅尼地城食; 呢間係地鐵站對面馬路嘅八合目居酒屋, 我地7:30左右已經要排隊入座啦, 好彩等咗一陣就入得! 我地坐喺啲超合金前面, 感覺好有日本色彩, 餐廳新裝修有特色, 牆身有很多模型可以拍照。落單都好方便, 掃下QR code就可以, 串燒、鍋物、壽司、定食、丼飯等都有。月見蔥花牛脷丼我叫咗個燒牛脷丼, 牛脷質素唔錯, 煎得好香口, 都幾厚身, 牛味濃郁。菇串燒 (2串)菇串燒, 外層微焦, 內裡依然保持冬菇嘅嫩口。一口咬下, 有燒烤嘅焦香, 又有冬菇特有嘅鮮味, 確實幾正。串燒秋葵 (2串)一串有4條, 秋葵燒完都幾爽口, 口感非常獨特, 外脆內嫩, 簡單嘅調味, 已經令秋葵啲自然甜味更加突出, 面又有啲焦香, 唔錯!餐廳整體環境很好, 餐牌的選擇也非常足夠, 食物整體都幾高質。下次可以試很多人嚟時點啲刺身及其他串燒食物先。

西環有很多不錯的餐廳，今天來到這家居酒屋。居酒屋是一種提供各式日式料理和飲品的休閒餐廳，氛圍輕鬆，適合聚會和放鬆。翠玉瓜串燒：入口多汁，清爽可口！雞腎串燒：外層略帶焦香，內裡卻保持著多汁。調味料恰到好處，讓雞腎的風味更加豐富！雞肉串燒：肉烤得恰到好處，外皮酥脆，內裡多汁，搭配上特製的醬汁，更是美味無比。秋葵串燒：外脆內嫩，令人回味無窮。日式蠔鍋物：裡面有超多蠔！每一粒都超飽滿，入口鮮味十足！配上日式湯底，是冬天必點的美食！

一直都覺得西環好多嘢食，朋友住喺呢頭，今次到佢帶我食好西啦！八合目居酒屋咩都有得食，串燒、鍋物、壽司、定食、丼飯等等，諗食咩都諗咗陣。同朋友都唔係好肚餓，都係隨便叫啲嘢食。佢哋嘅串燒選擇好多，我哋揀咗：日本和牛串燒、翠玉瓜串燒同菇串燒，佢哋嘅串燒都幾出色。賣相好，夠吸引！日本和牛串燒滿佈醬汁，入口香甜，牛肉唔會太韌咬唔到，入面仲好juicy，同朋友都一致讚好！翠玉瓜串燒入口大爆汁！而且好清爽！菇串燒，外層微焦，內裡依然保持冬菇嘅嫩滑。一口咬下，既有燒烤嘅焦香，又有冬菇特有嘅鮮味，確實幾正朋友仲叫咗個鍋物，入面有超多蠔！每一粒都超飽滿，入口鮮味十足，再飲埋啖湯真係超正！

今晚晚飯堅尼地城食… 一出地鐵站幾間食肆，咁揀間新又未食過啦….店七點未算多人，七點半後都full house….. 坐喺d 超合金前面（我最like), 這已加添了一點日本色彩了。因為就打風又開始天氣唔好，兩個人是但叫左2個定食，QR 落order , 其實見到d 價錢又丁點兒貴。10mins 左右食物上枱，一個豬扒定食同鰻魚定食，豬扒同鰻魚質素唔差算幾好，冇揸流攤😂今晚冇飲嘢因為冇乜選擇和貴….都會返食，因為下次想試吓散叫！埋單$337 2人

今日行到堅尼地城地鐵站附近，見到有間新開既日本餐廳，天氣咁熱食壽司就最岩喇，一坐底打開餐牌，就叫一個雜錦啦，樣樣都可以試下依度既壽司飯不錯，醋酸度低岩岩好，入口唔刺喉.🍱十合什錦壽司 ： HK$388🍣牡丹蝦壽司: 因為新鮮，蝦肉咬落好爽脆，蝦肉好甜.🍣中吞拿魚腩壽司 : 無筋要讚～對比大Toro會無咁油，又唔會似食擦膠咁.🍣日本海膽壽司: 好滑又creamy，濃又甘甜既海膽味，新鮮貨先可以咁👍🏻.🍣油甘魚壽司：魚切得厚身，又肥又嫩.🍣火炙左口魚裙邊壽司：炙燒迫出魚油，入口魚油味好香.🍣蔥吞拿魚腩蓉卷：吞拿魚蓉多又灑左大量蔥花，好香口；但魚蓉魚味比較淡，配上醋飯岩岩好.🍣海鰻壽司：鰻魚汁甜度適中，無骨結實且無泥腥味，有少少炭火香，外脆內軟😄.🍣三文魚子壽司：醬油漬既魚子零舍爽脆爆汁.🍣玉子壽司：正正常常，玉子唔會太過甜okay.🍣火炙日本和牛壽司：經快速炙燒既和牛，脂香非常突出🍣汁燒豚肉定食：HK$168炙燒後豬肉味濃郁，丼汁加埋洋蔥🧅好清甜，米飯索汁煙靭，朋友成碗清晒😄整體有水準，配埋前菜沙律、茶碗蒸同麵豉湯，好滿足

住西環嘅朋友介紹我哋食呢間日式餐廳，餐牌選擇都幾豐富推介呢個「月見龜背牛脷」牛脷厚肉而且煎得好香口，點一點蛋液，口感味道更豐富～ 「火炙北海道和牛他他丼」亦唔錯，和牛他他在炙燒過後，牛味更突出，口感入口即化另外我哋亦叫咗幾款小食、刺身同壽司～ 「蔥吞拿魚腩蓉薄脆」用脆卜卜嘅飯焦，搭配上香滑嘅吞拿魚蓉，呢個配搭又幾特別海膽壽司好足料，海膽好鮮甜，另外幾款刺身都好新鮮～西環呢間日本居酒屋食物同環境都唔錯，岩晒一班朋友黎飲酒食野，下次有機會會再黎試吓其他菜式～

今日同同事去咗間新開嘅居酒屋🤩店舖入面擺模型公仔，營造咗一種溫馨可愛嘅日式氛圍🇯🇵🤪💫 燒銀鱈魚定食 ($188)銀鱈魚煎到金黃酥脆～再配以少少菜同白飯,整體味道清新突出😝🔥 火炙北海道和牛他他丼 ($168)和牛肉質鮮嫩多汁～油脂平均～口感層次豐富💦肉片表面經過火炙處理，散發出焦香🥳🍛 炸雞咖喱飯($108)炸雞外脆內，,咖喱濃郁醇厚，薯仔蔬菜吸收哂精華🤣佐以白飯，配搭好正😋💕無論係食物質素定係用心服務，都令人覺得呢間新店唔錯👍同朋之後友光臨，一齊試吓佢哋其他料理👍

 如果想食居酒屋好多時都會第一時間諗到去尖沙咀食。今次過海黎左堅尼地城食呢間八合目居酒屋 @hachigoume_izakaya 。啲野食好高質！特別係魚生類，全部都好厚切好新鮮。  1️⃣ 火炙北海道和牛他他丼（$168） 和牛他他配上啲黑椒、蔥粒調味，仲有粒生蛋黃係面，篤穿撈飯一流！  2️⃣八合什錦壽司（$289） 有油甘魚、三文魚、帆立貝、甜蝦、劍魚肺、吞拿魚、三文魚籽同埋玉子。每一件都好厚身同埋好新鮮！食落口感好正🤤  3⃣️ 蔥吞拿魚腩蓉薄脆（$68/份） 吞拿魚蓉好creamy冇筋，配上薄脆食好正！  4️⃣炸蒜香軟殼蟹（$168） 大大隻夠脆而且唔會油膩。  5️⃣日本和牛定食（$228） 一片片既和牛燒好上碟，另外有生蛋黃可以沾蛋液食🤤定食仲有前菜同湯，夠曬豐富。  6️⃣加拿大海膽壽司（$78/件） 勁creamy！而且海膽係鋪滿曬係面！  7️⃣帆立貝壽司（$88/兩件） 大大粒厚肉～  8️⃣什錦魚生 另外叫左唔同既刺身，三文魚腩、劍魚腩、油甘魚、池魚，好厚身好正！ 

呢日去咗西環探朋友，順便一齊去試吓附近嘅居酒屋🏮🇯🇵～火炙北海道和牛他他丼($168)🥩🐮和牛他他入口即化🤤，新鮮嘅牛肉配上清新嘅香蔥碎，加埋溫泉蛋一齊食，呢碗丼飯層次好豐富👍，火炙左口魚裙邊壽司($88/2)🐟炙燒過嘅左口魚裙邊有濃郁香氣，口感柔軟好新鮮，配埋特製醬汁，令左口魚更美味😋油甘魚壽司($68/2)🐟粉紅色嘅油甘魚肉質細嫩鮮美，搭配上酸中帶甜嘅壽司醋飯，清新爽口😍呢間居酒屋環境唔錯，坐得舒服，下次再約朋友嚟試吓其他菜式！🤗

上星期同朋友聚會，朋友介紹呢間堅尼地城附近嘅居酒屋，食物有質素而且性價比不錯，果然無介紹錯。🐮月見蔥花牛脷丼 $258牛脷厚切𠝹花煎到表面金黃色，食落去爽脆彈牙，撈埋香葱、蛋黃汁同醬汁一齊食，真係令人食到停唔到口。🐮薄燒牛肉 $128牛肉脂肪比例分布均勻，輕輕喺網燒過，燒完之後非常香口軟腍，肉汁豐富。🍣蟹柳壽司 $38/2件蟹柳肉質鮮甜美味，每一啖都飽滿滑嫩。🍣蟹籽壽司 $38/2件咬落去蟹籽鮮甜味係口腔散發，口感爽脆。🍣火炙左口魚裙邊壽司 $88/2件左口魚入口即溶，燒完之後油脂好豐富，咬落爽脆甘甜。🍣火炙三文魚壽司 $38/1件輕輕燒過嘅三文魚增添咗油香感，做到入口即溶，同時保留肥美鮮甜嘅味道。🍗炸芝麻雞翼 $88雞翼炸到外皮金黃酥脆，咬開入面吃雪白嫩滑嘅雞肉，滋味多汁，灑咗芝麻喺外皮度食落好香口。📍 八合目居酒屋 (西環)西環堅尼地城士美非路45號聯德新樓地下E號舖

成日都想搵啲高質嘅居酒屋試吓，而家堅尼地城又有新開又高質嘅俾大家試啦👍 黎到居酒屋梗係要試吓佢啲壽司、卷物同埋定食啦，好鍾意居酒屋食嘢嗰種風格，仲可以同朋友一齊嚟食吓嘢嘆吓燒酒添🥂牛油果軟殼蟹卷 $95卷物就試咗呢個牛油果軟殼蝦卷，幾好食 😋十合雜錦壽司 $388呢個就一定要叫🙌 雜錦壽司可以同朋友一齊分享，比較特別啲嘅佢有中拖羅、牡丹蝦、海膽、火炙左口魚、油甘魚、劍魚腩、三文魚子、吞拿魚腩卷、海鰻、玉子🤗 真係樣樣都可以試吓😍 魚生好新鮮，食到津津有味😇燒銀鱈魚定食 $188自己本身好鍾意食銀鱈魚，呢個燒得好香口，銀鱈魚入口即溶，食完返尋味😋燒鰻魚定食 $168燒鰻魚都一定要試，非常之厚肉，亦都燒得啱啱好🥳

上星期日喺小編朋友嘅生日，朋友好鍾意食刺身同串燒，而且鍾意飯後去食甜品，特別係開心果basque，所以小編就約左朋友去西環食飯。@hachigoume_izakaya十合什錦魚生（拖羅、三文魚腩、油甘魚八爪魚、海膽、帆立貝、牡丹蝦、三文魚子、劍魚腩、深海池魚）居酒屋就一定要叫雜錦刺身，我地叫左最貴嘅款式，每樣刺身都有兩件，好適合我地兩個人食。刺身都好厚身，部份更油脂豐滿，例如拖羅、三文魚腩同劍魚腩。馬糞海膽十分鮮甜，而且好creamy。帆立貝鮮味十足，大大粒。池魚魚味夠濃，口感結實。燒羊架羊騷味不濃，羊肉半肥瘦，可以同時食到脂肪同羊肉。羊肉一啲都唔煙韌，而且大大塊，好似豬扒咁大。燒牛舌燒牛舌加上黑胡椒之後變得非常惹味，而且帶淡淡焦香味。口感都幾彈牙，牛味濃郁。一口牛肉粒一口牛肉加上檸檬汁之後奶香味更加突出，牛肉口味香嫩，入面帶點粉嫩顏色。豬肉蘆筍蘆筍喺主角，佢吸收左豬肉嘅味道，令到蔬菜帶點肉香味，蘆筍好嫩口，而且爆汁。炸三文魚皮炸三文魚皮係坊間比較少見，呢間的魚皮有少少魚肉，魚皮好酥脆，表面有少少脆米嘅感覺，整體越食越香口。燒河豚干作為開胃菜嘅首選，燒河豚干入口有嚼勁，過程中會食到鮮味

八合目居酒屋地址：西環堅尼地城士美非路45號聯德新樓地下E號舖蕃茄芝麻沙律🥗 $50佢嘅酸甜蕃茄同香脆芝麻碎搭配得好啱口🥳，係一個清新開胃嘅選擇！如果你鍾意食清爽嘅沙律，呢款絕對唔會令你失望！🍅刺身壽司🍣(大中吞拿魚腩、日本海膽、鱆紅魚、鰻魚、玉子、三文魚籽& 蔥吞拿魚腩蓉卷)呢啲新鮮嘅生魚片蓋米飯😎，每一口都係美味到爆炸！特別係海膽同三文魚籽，鮮味十足🥰，令人回味無窮！如果你係生魚片愛好者，呢份刺身壽司絕對值得一試！🍣

八合目居酒屋於今年七月才正式開張，成為備受不少西環街坊愛戴的日本料理，刺身、壽司、串燒、天婦羅、爐端燒、鐵板燒等都一應俱全。蟹籽沙律 ($78)以青瓜絲拌以沙律醬及蟹子的經典日式前菜味道屬預期之內但份量算多。火炙吞拿魚腩壽司 ($98/1)吞拿魚腩厚如棉被將壽司飯徹底覆蓋，脂肪紋理均勻，肥美得近似入口即化，炙燒後逼出魚油更加油香四溢。香蔥吞拿魚腩壽司 ($68/2)雖然香蔥吞拿魚腩軍艦隨處可見，但小驚喜在於香蔥份量特別豐富，吞拿魚腩蓉綿密豐腴。青瓜鰻魚卷 ($88)青瓜卷上鋪上鰻魚再炙燒一次令鰻魚更加焦香。鰻魚壽司 ($68/2)相對之下鰻魚壽司的鰻魚比青瓜鰻魚卷更加肥美肉厚。加拿大海膽手卷 ($68) 三文魚手卷 ($38)三件手卷的紫菜仍保持微脆，而三文魚份量更貫徹整個手卷，真材實料。

👍🏻 十合雜錦魚生（拖羅，三文魚腩，油甘魚，八爪魚，帆立貝、海膽，牡丹蝦，深海池魚，劍魚腩，三文魚子）雜錦魚生超級鮮甜啊😍拖羅油脂感滿滿 三文魚腩好肥美 油甘魚清甜 魚肉軟嫩🐟八爪魚有嚼勁 帆立貝厚用鮮甜味美 海膽香濃好creamy🎉牡丹蝦爽脆 質感好好！深海池魚味道同劍魚腩肥美鮮味 三文魚子粒粒飽滿 卜卜卜卜嘅口感真係好正！呢款刺身拼盤好啱同朋友一齊share食❤️👍🏻 火炙左口魚裙邊壽司火炙左口魚裙邊壽司表面微焦 上枱時香味四溢 入口時山魚油香爆發 質感有一絲一絲嘅感覺😊壽司飯調味都恰到好處👍🏻 燒銀鱈魚燒銀鱈魚外層焦脆 魚肉肥美 充滿油香 建議先食原味 然後再點少少沙律醬一齊食 魚肉味道會更鮮美 而且鍾意冇細骨🫶🏻🫶🏻👍🏻 炸三文魚皮三文魚皮金黃酥脆 會越食越上癮嘅小食 而且炸得夠乾身 好適佐酒❤️