八天堂 (已結業)

八天堂嘅梳乎厘班戟香軟得嚟好似棉花一樣極重空氣感!! 我點嘅係抹茶口味，配上抹茶粉甜膩感大大降低，食多兩啖都唔覺得漏~~~ 就連伴碟嘅黑豆都甜甜地好好味，丸子同蕨餅香軟又煙靭~~~ 而八天堂除咗甜品之外，連意粉都非常好食!!! 我點咗明太子溫泉蛋忌廉意粉，意粉軟硬適中，撈埋蛋味香濃嘅溫泉蛋同幼滑又creamy 嘅忌廉汁，配上明太子 = perfect match!!!! 😋😋😋

之前都幾中意食個吉士包，但而家個包就越黎越細。而今次我就試下佢新出既蜂蜜吉士包，兩字形容!!難食!!真係好難食，個味完全唔夾，我食左一兩啖就扔左，下次都係食番吉士包算啦....

八天堂起果間cheesecake factory旁邊，開左好耐都冇落黎食，今日開完會好想甜下，即刻跑落樓買返個！鮮忌廉吉士味 ($18)：感覺包係嘉頓出jj既包，或搭飛機餐餐包，凍忌廉吉士醬幾ok，所以將疑似嘉頓包+凍吉士，味道即時level up，即時成就解鎖，幾好味。依個忌廉吉士幾滑，奶味正常，不過明顯店舖雪櫃唔夠凍。如果雪得再凍啲，口感should be更好。至於個包，的確尚有好大進步空間 lol補充：八天堂有堂食座位，有咸食，有正餐。

今次揀咗由中港城搭船去澳門，喺等船期間就過咗隔離海運中心食個「八天堂」包。我覺得話似忌廉賓，多過似實實淨淨嘅包。今次淨係叫咗2隻味：蜜糖、抹茶忌廉蜜糖 個蜜糖味喺先淡後濃。就咁咬落去會覺得好淡味，喺個口入面咬多2下，陣甜味會散出嚟，再等耐d超香嘅蜜糖味就會充滿個口腔。呢種蜜糖嘅感覺好真實，唔似人造蜂蜜咁一食就好甜，好似糖水咁。焙茶忌廉個焙茶口感喺凍凍地嘅情況下好似吞拿魚包入面嘅醬，好細緻嘅滑同埋厚身嘅綿。焙茶味雖然唔喺濃，但係呢個濃度已經足夠，因為呢個包喺凍食嚟，淡味小小係正常。我覺得似忌廉賓，多過似實實淨嘅包。價錢嚟講都算貴，差唔多成30蚊1個。

行完海港城專程行到港威商場，只為一嚐創業於昭和八年位於日本廣島之名產「八天堂」麵包。🍞黑糖抹茶忌廉包 $22抹茶味香濃，黑糖甜度適中感覺新鮮，麵包質感香甜軟熟。🍞鮮忌廉吉士包 （今期特價）採用日本忌廉加牛奶，奶味香濃甜度適中感覺新鮮，同樣麵包質感香甜軟熟。👍🍞蜂蜜包 $28好清香蜜糖味。☕️加多杯咖啡。正👍

坦白講，係好食嘅，但係個價錢真係太貴，冇可能返轉頭。叫咗個士多啤梨包，細細個要28蚊港紙，個包入面有cream，同埋唔算好甜嘅士多啤梨醬。 好食嘅，同日本便利店入面買嘅甜品其實水準差唔多。 但係唔會再食，因為覺得有啲貴。叫咗個什利新地，其實就係綠茶新地。上面係綠茶雪糕，中間係燕麥，最底係綠茶啫喱。 坦白講，都係好食嘅。 但係呢杯嘢要68蚊港紙，唔知道大家覺得值唔值得。 我自己就絕對覺得唔值，所以唔會返轉頭。香港食物貴，其實都係畀曬啲地產商。我唔會怪呢間嘢買得貴，所以畀得起嘅人冇乜問題。 都係嗰句，唔值得。

八天堂出名食忌廉包,已經聽過好多次行海港城行到攰坐低叫個包食吓4點幾都見到幾多人外賣買幾個包有d仲係外國人,唔知係當手信定係自己食.咁我第一次食所以買左蜜糖味同吉士味(一個佢寫限定另一個應該算原味)蜜糖味中間真係有一舊蜜糖,都幾清甜吉士味就普通少少兩個包都好多忌廉但係唔算太甜係比較細個好快就食完包質感都好軟熟(女朋友話食食吓有幾秒覺我味道有少少似嘉X忌廉賓).除左包,叫左杯培茶latte培茶味好突出原本覺得唔夠甜但係配埋個包都幾適合(可能預客人會叫埋包一齊食)

話說有日等食芝樂坊嘅時候，朋友話太肚餓，而咁岩隔離有間八天堂，所以點左一個蒲燒鰻魚茶漬飯兩份分頂住肚先（因為芝樂坊話要要等三個鐘之後先有機會有枱🙈）等左一陣個餐就送到啦，見到白飯上面有一隻溫泉蛋再加上切碎左嘅鰻魚，日式芥末、紅薑絲同埋蔥粒，店只話根據個人喜好做將茶加份入飯到撈勻食就可以。果壺相信應該係日本玄米茶，但係加落個飯度之後成件事變得好奇怪，首先個飯嘅味道就充滿咗玄米茶變得好淡，然後原本有少少鰻魚汁嘅鰻魚都變得冇晒味，再加上芥末溶咗喺個飯裏面，成件事真係奇怪到唔識形容🤷🏻‍♀️可能純鰻魚汁撈飯食會更加好味吧！承惠$88，真心覺得唔識欣賞同埋可一不可再😫

八天堂環境簡約, 採取自助形式, 食完記得要清理餐盤啊。其人氣食品之一為麵包, 之前吃過無非是一個注滿餡料的軟綿餐包, 質感並非買飛佛。是次因友人欲試, 便再次光顧。八天堂西多士 $58八天堂的西多士並非我們平日吃的麵包多士, 其實是八天堂自家製的鮮奶油忌廉麵包, 底面沾上糖然後煎至焦糖脆, 內裡的忌廉質感軟滑, 味道香濃, 外脆內軟, 內冷外熱, 形成對比。伴上蘋果、香蕉、士多啤梨、藍莓和雜果, 加上小量雲呢拿味雪芭, 感覺不錯。但小小一份索價$58, 實在不便宜。

八天堂以忌廉包聞名，今曰試試他們的set lunch. Set lunch 有七款選擇，包主菜、湯、忌廉包和飲品，價格由$88-$198，以海港城的餐廳定價而言，是正常價位。跟餐的沙律以意粉為主，都幾飽肚；而那面鼓湯味道清淡，溫度只有暖而不是熱。雞親子丼$88這雞親子丼份量唔少，雞肉和旦完全蓋過飯面，無論餸或飯都是男生的份量。雞肉是微微煎過，帶一點點焦香，而且混合了炒旦，十分豐富。雞肉雖然不算軟嫩，但帶一點甜醬油風味，再拌以生雞旦，口感滑潤，加上米飯十分軟熟，認真飽肚。紅天婦羅日式叉燒飯$108這紅天婦羅炸得脆香，拌勻香軟的曰式叉燒粒和米飯，軟中帶脆，又有叉燒的肉香，不錯。冲繩塔可飯$88（散點）Taco rice這塔可飯在冲繩是特色餐點，而賣相也不錯。呑拿魚碎頗為鮮美，再拌以生雞旦和生菜絲，味道清爽而輕盈，口感濕潤，是適合夏天吃的菜式。忌廉包/檸水（跟餐）忌廉包和平曰吃的忌廉檳不一樣，麵包比較香軟，而且吉士忌廉蠻多的，口感幼滑又有旦奶香，味道唔錯。最後呷一囗檸檬水幫助消化。這一天的午餐可算不錯。

海港城食飯間間都貴，好多人排隊等唔到cheese cake factory但見到隔離間八天堂好似好日式好好味就試下，叫左個鰻魚茶漬飯，緑茶湯倒入飯中，攪拌再食，清清地幾開胃，鰻魚肉質油嫩，鰻魚汁好味不過比較細碗，女仔食岩岩好，但男仔就會唔夠飽整體係好味😋

男朋友返嚟，原本想去cheesecakes 不過又要排隊，見到隔離新開左日本八天堂，所以先去隔離叫杯野飲住先。其實八天堂有好多食品種類，但最出名係忌廉包，新鮮忌廉注入。門口有好多款忌廉包，有幾個客人買了半打走。由於時間尚早，4點左右我地要去其他餐廳食晚飯，所以我地都叫左杯＜抹茶黑糖牛奶＞，但我覺得抹茶不夠苦澀，不過好的抹茶是清香，而他們是用有名的十利茶葉的，可能給黑糖甜味中和一點。飲得太多台式黑糖珍珠奶茶，可以一試日本的吧，另外忌廉包我下次一定要一試

又一過江龍食店，來自日本既八天堂，個個都話要食佢既cream bun；記得之前喺日本試過，覺得普普通通，加上天氣熱辣辣，就一於試下佢地既雪糕🍦🍦，咖啡雪糕係用左伊都岐咖啡，食落咖啡嘅味道算不錯，可惜雪糕質地太稀，要非常趕快地食，超級快溶😖加上唧雪糕果個姨姨完全冇技巧、冇美感地唧果杯雪糕，所以我冇辦法影到一張靚cone俾大家睇

在日本博多車站掃街，發現呢間店。我很喜歡日式忌廉，主要牛奶製造，小小甜帶有很濃的奶香，滑滑軟乎乎嘅口感，令人覺得很幸褔。在日本很容易就食到呢類甜品，不過係香港好難搵到咁好食同平嘅選擇。上次日本時，呀仔好鐘意食，一個人食兩個。今日見到佢開黎香港，忍唔住買黎食，順便買俾呀仔。($18一個原味，其他味$28)果然同日本食嘅一樣，忌廉好足好新鮮！原味係我最喜歡嘅，滿滿嘅忌廉，嗯～超好味！(我試過在香港買了另一家忌廉蛋糕，忌廉己經唔新鮮，一陣油益味，買佐$350一個小小的，食時激死我。)所以鐘意牛奶又鐘意忌廉嘅朋友要試呢間，另外，店員很親切呀！

之前經過，買左兩個兩個signature甜品試下，one is custard and one is matcha, um.......真係叫做試過，同好食冇咩關係，但又唔算難食嘅