八寶清湯腩

营业中

休息中

我第二次黎食啦，個清湯真係好得！但我第一次食嘅部位係崩沙腩同爽腩，今日兩點去到賣晒，so sad唯有order 普通牛腩，都估到會失望，但當黎飲湯，牛真係鞋口呢，我哋都食唔晒，不過佢個湯同蘿蔔都好好味

🐮 八寶清湯腩📍 香港電氣道124號榮華大厦地舖💭 食品質素優良，出餐速度迅速，值得回頭一試。👍🏻🍚 清湯牛腩飯 $68💯 評分：🌕🌕🌕🌕🌕 (5/5)💬 牛腩肉質軟腍，煮到入口即溶。白蘿蔔嗦滿湯汁，食落亦唔覺有渣。飯量俾得毫不手軟，夠飽肚又有滿足感。🤤🍜 清湯蘿蔔牛孖根麵 $58💯 評分：🌕🌕🌕🌕🌕 (5/5)💬 牛孖根大大條，食落軟腍多汁。米線爽滑彈牙，掛湯能力唔錯。藥膳湯底香濃，整體相當配合。😋

行完工展會 搵食時間又到入夜少少涼想搵碗熱辣辣既野食下就諗起 崩沙腩麵黎到 見到 ～嘩！ 蘿蔔無筋崩沙腩 一咬落去 嘩嘩好林呀 超好味湯底係 好濃既 牛煲出 花椒八角味但加埋牛 啖啖淺味濃郁轉伊麵底 +$8佢沙腩係 好好味2人食 老公叫 麵我叫飯乜都想試 所以 貪心叫左個3寶咖喱飯（牛腩+牛肚+牛根）先送上一碗 牛湯 with 蘿蔔飯就無咩特別！但佢 咖喱汁 是 稀身 但好濃味 可以撈晒成碗飯 因 是正常有小小油普通牛腩都忟得好林 一絲絲咁 好好食牛肚 林得黎有口感牛根 入口即溶好食到 老公要食完麵 食埋我半碗飯傻左 ～ 所有野都忟到好入味好林黎個近鏡俾大家檸茶都幾好味！

同朋友做完運動 下晝兩點幾揾野食醫肚朋友就推介左天后呢間 八寶清湯腩佢話呢間餐廳嘅牛腩麵幾好食 招牌菜係時候回味下雖然係下午茶時段 但可能因為餐廳門面細黎到都等左陣先入座睇左陣menu就決定順應朋友推介Trytry佢個主打招牌菜 清湯蘿蔔牛腩麵1. 清湯蘿蔔牛腩麵牛腩同蘿蔔都大大舊牛腩炆得好淋 食落去唔洗用咩牙力 幾唔錯個清湯亦都幾好飲 有牛味麵嘅份量都正常整體而言幾好食 牛腩係正 印象幾深刻2. 熱咖啡（跟餐）見到杯咖啡嘅顏色 就知道非常多奶所以飲落去好順滑 但咖啡味就好淡當佢白咖啡咁飲 覺得正常發揮我個人比較鐘意咖啡味重d最後埋單143蚊 冇加一整體黎講係幾唔錯嘅清湯腩餐廳我自己就唔係特別好牛腩麵但如果你係牛腩麵忠粉 就一定要過黎試下喇題外話：見門面細 可能廚房都比較細所以食物儲貨有限 我朋友原先叫左個牛展飯但係已經售罄 之後先轉牛腩飯所以想食得滿足就盡可能早少少時間黎食啦！

滿心期待放工去食個lunch, 2pm入餐廳，叫左碗牛坑腩麵，隔咗陣，有職員同我講無哂牛坑腩，佢建議我轉爽腩，我話好！我再問職員，點解落單時無講？ 因為我確實見到門口有張紙，寫住咩食物已沽清。又過左一陣，又有位職員同我講咩三寶，有三樣餸架，其中有牛坑腩同爽腩，佢up左一大輪野，原來係我想食個2樣都無哂🙄🙄，但佢無一開頭就表達清楚爽腩沽清囉，第三位職員又出聲講我地係要入單先清楚知咩無架，重複講左3次，喂！小姐，我想食餐飯姐，係你間餐廳真係好難...第一次去，極度失望，態度非常差，員工完全無溝通，短短幾分鐘有3個人同你講無乜無乜，女收銀員說話語氣態度好強硬，完全無歉意，覺得自己無錯！令人非常反感😑😑

今次黎到天后朋友話一定要帶我黎呢間，仲話呢間好出名成日排長龍，試左呢間鎮店之寶既清湯腩，又真係好味到唔係路窩🤯原來佢亦係米芝蓮必比登推介為具質素且經濟實惠既美食😋而且之前係A類餐廳，要大大力懲罰啦💛.清湯蘿蔔牛寶麵 HKD118諗住難得黎到緊係叫返碗有齊曬三寶既牛寶麵，牛寶麵既三寶係坑腩、爽腩、崩沙腩～ 碗麵一黎到超勁藥材味，以為會好苦似飲中藥，點知一飲完全唔係個回事咯！雖然湯底以當歸等八種食材依古法秘方每天熬煮十數小時而成，但容易入口而味道都好清甜，相信無論大人定小朋友都會接受到佢😋蘿蔔有三大舊，咁大舊都做到一咬即融，相信炆左好耐而去都好入味！試到主角既牛，個人比較鍾意坑腩，牛味最濃🤩而崩沙腩肥瘦啱啱好，因為有膏又有筋口感淋得黎又帶少少咬口；當然爽腩都好食，口感比較爽脆煙韌🤤同埋件數都唔少架，而且每件都係厚切食到一半已經好飽🤣.八寶清湯腩地址 ｜天后電氣道124號榮華大廈地鋪.ig@foodie_heiemi

有日見到朋友ig 嘅相，心癢癢，決定搵日試試！當日人數都唔少，接近滿場！一進店已經聞到藥材味！叫咗崩沙腩飯同淨牛丸！湯底入口好重藥材味而且甘甜，崩沙腩爽口有油香；蘿蔔好稔同入味！而牛丸爽口彈牙就基本嘢，多汁有油香，但嫌牛味不太濃郁！不過都可以一試！

閒日2點半到門口諗住避開午膳時間但去到都係要排隊🤭果然係人氣熱店·✿清湯蘿蔔牛腩河粉（$58）一黎就試啖傳說中既藥膳湯底同一般粉麵店既大地魚湯底有好明顯分別超重中藥味·帶陣陣既當歸香個湯底好清澈·完全唔似藥材湯牛腩無咩肥膏·但完全唔乾柴炆得夠軟腍·唔會淋到無哂口感仲食到一絲絲既牛肉·但又唔會痴牙個蘿蔔好清甜配藥膳湯好夾河粉係幼身既河粉唔會一夾就斷✿清湯崩沙腩幼麵（$88）坑腩爽腩已經賣哂我地叫完崩沙腩 · 廚房話係最後一碗✌🏻崩沙腩略帶肥膏個油脂好香加埋個痴住既筋膜真係好正🤤幼麵彈牙無鹼水味 無論幼麵定河粉配個湯都好正整體而言係天后呢個清湯腩寶地中憑佢個藥膳湯底絕對能佔一席之地

今日好好彩等5分鐘就有得入不過爽腩、坑腩、崩沙腩都沽清了唯有叫普通牛腩，整返碗牛腩河先😋湯頭藥材味滿滿 好獨特既湯頭牛腩新鮮 牛味濃郁 又夠入味 鮮嫩淋滑真係個個星期都要食一碗

清湯蘿蔔牛腩粗麵🐮🍜今日滿心歡喜上嚟食個牛腩河，點知河粉賣晒，咁就唯有試吓佢嘅粗麵啦！😌.湯底同平時食到嘅大地魚湯好唔同，係好香濃嘅藥材味，無落味精所以飲完唔口渴，真係真材實料！ 🍲 .牛腩軟腍但都會食到一絲絲纖維感，唔會完全無口感；味道食落有牛味，唔會好鹹，而且肥瘦適中，好好食！🐮😛.蘿蔔煮得清甜，食落無渣😋.粗麵食落無鹼水味，質地爽彈，唔會軟爛～無河粉都ok嘅😂😂🍜.呢間粉麵店夠晒特別，食材用料有心思，鍾意牛腩麵嘅人必食！❤️🐮

米芝蓮必比登推介。天后清湯腩除了華姐，還有新派的八寶。不但同樣有新鮮坑腩/ 爽腩/ 崩沙腩，更主打用當歸等八種材料熬成的藥膳清湯。清湯崩沙腩河 (總分8.75/10)👍🏼🥩 崩沙腩(8.75/10): 即牛胸外圍兩邊橫隔膜腩位，又稱蝴蝶腩。咬下去，是一層爽口煙韌的薄膜，含豐富膠質，肥瘦均勻，牛味濃香，油香牛肉軟滑，充滿牛味和油香。🍜 湯底(8.75/10): 藥材濃湯，用當歸等八種材料熬成的藥膳清湯，可以一飲到底，飲到一滴不剩，無味精不會口渴。🌱 蘿蔔(8.5/10): 自然清甜，不是車仔麵店那種加了糖的人工甜。p.s. 想吃要趁早。經米芝蓮推介後，崩沙腩坑腩爽腩通常在午市逐步沽清（看門口告示），晚市能吃到的機會極微。如果只剩普通牛腩，我有時會轉吃華姐。———————————————————————————⭕️新派清湯腩店，米芝蓮必比登推介，新鮮崩沙腩不錯，藥膳底可一飲到底，港島區top3，會翻食✅💵Budget: $90 pp

〔 清湯牛腩蘿蔔河 〕 $58 .很喜歡他們家的湯, 有藥材味的湯底, 份量都好多, 有唔同肥瘦的牛腩, 牛腩好林好易入口👍🏻, 河粉口感好好不會煮得太軟.〔 淨手打牛丸 〕 $50 .湯比起河粉的湯底濃味咸味會重味啲,牛丸好彈牙口感非常好, 牛丸好直得推介.(好味指數: 9/10)

今日中午約咗阿媽去佢屋企附近嘅將軍澳新都城三期煌宴Brunch，啲嘢差到食唔落，回家途中先落天后食碗牛腩麵頂吓肚先。八寶清湯腩好評，一直係我想去餐廳list 上，決定去試吓佢個崩沙腩麵。約下午三點去到，門口個牌顯示已沽清崩沙腩，OMG 真係好失望再睇原來連坑腩同爽腩都沽清埋，只係剩返普通嘅牛腩算啦一場嚟到，點都要試吓佢咩料。因為我一個人，佢安排咗一個所謂高腳吧枱位俾我，但係枱面好細加上側邊一堆雜物，張凳勁高，雖然我本身唔矮，但坐得都好唔舒服我叫咗一碗普通嘅牛腩麵，之後我見到隔離有一張雙人檯冇人坐，咁我問侍應可唔可以調過去坐，佢指向另一邊有張四人枱，有一個人食緊話要搭枱，我話冇所謂，因為張吧枱位真係好難坐。牛腩麵好快上枱，我先飲一啖個湯底，有一浸藥材味，第一感覺係好似肉骨茶，我本身都幾鍾意飲肉骨茶，所以個湯係好味嘅。再食下佢嘅蘿蔔，有五大舊，好淋又清甜冇渣幼麵質地爽口冇鹼水味牛腩雖然冇咩特別驚喜，但至少唔會好嚡好乾，加上有少許筋牛味幾濃。$58一碗，呢個價錢絕對值得食。下次要早啲嚟試吓佢個崩沙腩先。

好似有一段時間，無嚟天后；所以揀咗間既食評高企又有香港特色嘅牛腩麵食🍜。『清湯蘿蔔三寶麵（牛腩、牛肚、牛筋）』$93碗麵一上枱，見到湯嘅顏色，就知道真材實料；快快飲啖湯，既鮮甜又甘香，仲有陣陣藥材味；價錢雖然高，但用料優質，「三寶」全部有分量，唔會薄薄一片，好似無食咁；肉同蘿蔔都夠入味：⋯⋯「牛腩」有少少肥膏，肉質偏瘦但嫩口；⋯⋯「牛肚」彈牙，有咬口，咬落去會聽到一層層嘅撕裂聲（要想像一下）；⋯⋯「牛筋」可以俾返個「震騰騰」嘅effect 佢，膠質重、滑嘟嘟；⋯⋯「蘿蔔」都有四五嚿，每嚿都成cm厚；佢唔係走清甜路線，但係吸晒啲湯嘅藥材味，完全冇晒蘿蔔原本嘅苦澀味。回味指數：💛💛💛💛💛（滿分）已經向友人介紹，小編本身唔太好肉，但佢嘅湯係真心推介。📍 八寶清湯腩 (天后)天后電氣道124號榮華大廈地鋪。【後記】➡️ 平日太概1245到，已經8成滿；大概1300就要等位➡️個湯其實十分夠味，但🌶無辣不歡嘅小編好想加啲，自覺有昇華作用（先頭半碗清湯，後半碗辣湯）➡️一個人會喺無隔板嘅情況下「被搭枱」，唔想同陌生人一齊食，建議最少兩人同行

大家鍾意食牛腩嗎？天后依間米芝連餐廳應該唔會令你地失望，不過佢十一點到六點先有堂食，崩沙腩要十一點去食先有，但係係物有所值的。十一點幾去到，幾乎都要等位了。佢餐牌上有好多唔同既款式，有牛腩、坑腩、爽腩等等。今次早左黎就食佢既崩沙腩同自己本身鍾意食既牛筋。八寶出名湯底好清甜，真係好正。蘿白無渣，加埋個湯真係不得了。米粉好爽口，好食。最後會不自覺飲晒成碗湯🤤崩沙腩個比例好好，肥瘦岩岩好。牛筋既texture都岩岩好，唔會太硬/太淋，非常好食。飲品有傳統既咖啡奶茶檸茶檸水，仲要啲汽水涼茶等等。總結，好野係值得等待的，所以先咁多人去排。