八寶清湯腩

营业中

休息中

早喺佢入米芝蓮推介前我叫過一次外賣，佢嘅藥膳湯底真係令人一試難忘👀 記得第一次去嗰時條人龍長到嚇人，等外賣都等咗45分鐘以上。今次下午1:00過嚟條人龍無咗，亦唔見有等外賣嘅人！究竟點解嘅呢？🧐 難道入選米芝蓮推介會令人氣下降？ 定係我今日好彩撞啱無咩人嘅時段呢？👀呢度最出名就係佢哋嘅坑腩同崩沙腩，多數2點前呢兩樣嘢就已經賣晒！今日都唔例外，1:00已經賣晒坑腩！！知道之後真係晴天霹靂😭 (我內心嘅情緒就好似鄭嘉穎咁：AHHHHHHHHHHHH！) 次次都食唔到！！唯有下次再早啲過嚟食啦😢❤️ 清湯蘿蔔牛腩河 $58湯底有別於平時食到嘅清湯，係偏濃味嘅藥膳湯底，充滿藥材香味，味道接近肉骨茶！店主用咗當歸、淮山、龍眼等藥材去熬製，湯底藥材味無肉骨茶咁濃，甘香鮮甜而唔苦，飲多幾啖都唔覺膩😋 我見好多食客都飲晒啲湯㗎，飲完成身暖晒😆牛腩肉質軟腍唔韌，聽聞要煮到3個鐘先煮到咁腍，口感比崩沙腩實淨！好食度：⭐️⭐️⭐️⭐️ (4/5)❤️ 清湯蘿蔔崩沙腩粗麵 $88崩沙腩肉質較牛腩更軟腍，有筋膜及少少肥膏，肥瘦均稱！比起普通牛腩我個人更喜歡崩沙腩嘅油香，牛味更濃，滋味盡在不言中🤤 好滿足！雖然比牛腩貴$30

wow, i can say that is the best beef noodle in tinhau area.just extremely taste good, so tinder meat.the most unique is that soup, it kinds of chinese medicine taste which is special and good!!!!! just like an cow swimming in your tummy, u can feel it healing your wound despirate from inside.if u want to taste special part of beef u hv to arrive before 1pm.***the price is just 58$, holy incredible unbelivable in 2021. sooo full that girl even can not finish that big bowl soup!!#food #hkfood #de

今次小編又嚟到天后，一試呢間最近入選咗米芝蓮推介名單嘅八寶清湯腩。其實以前佢未入選之前，小編已經成日同其他朋友食，一直鍾情於佢嘅招牌藥膳湯底🫕 所以食過返尋味，一試再試。不過因為八寶清湯腩實在非常出名，唔少人慕名而來，基本上咩時間去都要排長龍😮 小編當日15:00去都要排隊🥲——————🤍清湯牛腩麵 $58小編當日去只揀咗最普通嘅牛腩🐂 店舖亦有崩沙腩、坑腩、爽腩提供，雖然價錢貴d，不過一分錢一分貨，質素自然好d💰 但係想食都唔係咁易，基本上一朝早已經賣晒🤗即使係最普通嘅牛腩，品質亦非常高，肉、筋、脂肪嘅比例啱啱好，咬落口慘出淡淡嘅油香，份量絕對足夠，一D都唔吝嗇🥰 $58 E個價錢，的確係物有所值。至於湯底就熬得非常濃，有別傳統嘅清湯，加入咗當歸令湯底有種獨特嘅香味，令小編忍唔住成碗飲哂😅(如果同小編一樣鍾意重口味嘅，建議大家可以落小小店內嘅辣椒油，更加惹味🌶）

人氣店，好多時都要大排長龍，今日見到只有三組人等位，當然馬上試吓啦‼️呢間清湯腩店最大特色係湯底用養生藥材熬製，一入門口已經聞到香濃嘅藥材味，相當吸引。每碗麵都用心做，連個Menu都做得好有heart❤️。了解咗各部位牛腩嘅特點，我決定食清湯蘿蔔爽腩河粉$88，再同朋友分享多份炸魚皮$25。碗麵份量都幾大，麵多餸多，爽腩大約有7件，上面嘅牛腩同牛孖根係朋友比我試吓😉。先飲啖藥膳湯，味道鮮甜清香，唔會太濃藥味。👍爽腩牛香味較重，軟腍煙韌又入味。牛腩較結實，牛味亦較淡。牛孖根都做得好腍。炸魚皮脆口到不得了😋，食落口卜卜聲。但食完個餐之後，就不停覺得口渴🥤，可能渴底有味精。

昨天同朋友去食，我已經是多次幫襯，但今次好失望，叫了一碗淨牛筋，唔使兩分鐘就上枱，以前起碼要等10分鐘。快不是好事，只說明了粗製濫做。湯底唔夠熱，牛筋過淋口，相比以前熱騰騰上枱真嘅差好遠，牛筋唔係淋就得架，要有咬口，而家食落似豆腐！超級失望！藥材湯底因唔夠熱所以唔好飲，香味還是有的！兩人埋單$248，價錢不便宜，但比唔到應有水準。再講油菜，店員主動話加腩汁，但出來只是加左甜豉油，唉，咁簡單都做唔到，又多樣野失望！一句：唔會再去

因為見到評價唔錯所以就黎試下, 點知一試愛上! 同平時食到的清湯腩湯底係唔同呢到的湯底加入左藥材, 同其他地方係有的唔同, 濃得黎又香!  食親每次都好有滿足感, 有時諗唔到食咩, 呢到係一個好好既選擇! 不過外賣碗其實係偏細, 女仔食我覺得OK夠飽, 但男仔食就可能唔夠所以平時同另一半食都會再加蘿蔔, 炸魚皮另一半話最唔好係冇菜飯, 有就好啦~ 次次黎都係叫牛三寶米牛腩牛肚同牛根(不過可能有時夜晚去, 牛根賣哂就轉其他) ~ 仲有牛寶,  (崩沙腩, 爽腩, 坑腩) 

湯底有香濃當歸味，份量都幾足，幾好味，唯一唔明係點解次次黎，伙計態度都唔係咁好🙃唔知係咪有心事...🙈希望佢哋可以開心啲，食客都會食得高興啲，咁就一百分啦😂

以前都吃过几次，喜欢他们的汤底，加了药材，味道浓郁又带点清甜。最近更荻得米芝莲推介，也不会惊奇。中午饭时间在店外排了5分钟队才可以进去，店子不大，客人都是吃完就走，所以等候的时间不会太长。餐单一点都不复杂，都是以牛腩为主。崩沙腩面比一般的牛腩面贵30元，肉质很嫩，不嚡并且没有渣。而且连着肉那块筋膜，一咬即断，很有牛腩的味。汤就更不用说了，除了浓郁的药膳味，味道非常清甜，看到每桌的客人都把汤全部喝完，我也不例外。

天后電器道充滿各式食店,牛腩實力派有華姐,大利,扎根多年. 八寶三年前加入戰團,對自己實力一定甚有信心.  湯底相當有特色,喝到除牛肉,牛骨外另有中藥味道. 各種味道相當配合,火候控制得宜,實屬心機貨. 點了牛寶河,內有坑腩,爽腩及崩沙. 我尤愛爽腩,是牛肋骨連着的肉,軟身有肉味帶少許根,十分精彩 - 喜吃西式燒牛肋骨的應明我講乜.牛寶河索價每碗過百,普通腩河五十多,我認為在量化寬鬆的當下仍物有所值.當天有小人龍,喜見小店疫下生意不錯.

以前在紅磡就多次光顧，每經過店前都能嗅到一陣陣當歸的中藥味道。所以除佢嘅牛腩外，難忘飲個老火清湯後全身暖笠笠的感覺真好。清湯蘿蔔牛寶河，即爽腩、坑腩、崩沙腩。爽腩是牛腩邊有筋膜，筋膜的口感爽爽脆脆咁，愈𡁻愈有味道。坑腩帶有肥膏邊，成塊坑腩都鬆軟些，相比就以爽腩肉味較濃。崩沙腩，切成較薄一塊，有些薄膜、有些膠質、亦有些肉，故有些軟有些爽。蘿蔔唔算太腍，是有些質感的，但就完全沒有渣。湯粉多且滑。清湯牛腩飯，雖是一般牛腩，仍是軟腍無騷味的，不過相比以上3個部位，只是肉味就較為淡啲而已。講到個湯，分別有清湯牛腩飯，可能因要撈飯用的，所以味較鹹。而清湯蘿蔔牛寶河，湯較淡有甜味。不過就斬只有少少的輕淡當歸味，已不是當日的味道了。

做晒功課，今早終於去試這間YouTube介紹的藥材清湯腩，嗌咗一碗淨牛寶，（因為飲中藥嘅原因將蘿蔔改成菜）好期待.....試咗嗰個湯真係好正👍🏻👍🏻👍🏻但肉的部份不敢恭維，同老闆傾吓，為什麼分餐牌寫的牛寶（坑腩、爽腩、蝴蝶腩），俾我的最多三份一，其他唔係呀？老闆同我解釋了.....哈哈哈哈.....我都係堅信：無論咩行業、無論咩環境、最緊要係做好自己..... 我建議老闆做唔到餐牌上嘅要求可以取消呢個菜式，大家且行且珍惜🤕💪🏼🌈

👍💛⭐️ 八寶清湯腩 (天后)⭐️💛👍嚟到天后，小妹個朋友介紹咗我去八寶清湯腩度食，朋友話依間嘅清湯腩超正超好味，仲有最緊要係咩啊？係良心認證小店呀！梗係試吓，支持下啦！💛🙆🏻‍♀️⭐️ 牛腩拼牛孖筋麵 ($75)⭐️食麵呢加野，小妹梗係飲啖湯先啦，湯底係藥材牛骨湯，除咗有大量牛骨，仲加入左龍眼肉、杞子、淮山、王奇、紅棗，仲有當歸。呢個湯底養生又清甜，味道好rich，閘住牛同藥材嘅味道，幾好飲！牛腩咬感非常好，肥瘦適中又易入口！勁有牛味！牛筋都非常正，好滑好軟身！👅👅😋🕋環境指數：8/10舒適乾淨企理🙆🏻‍♀️😋美味指數：8/10味道真的很不錯！👩🏻‍🌾服務指數：8/10Ok!🤑抵食指數：7.5/10 價錢略貴，但貴得有道理🙋🏻‍♀️推介指數：8/10 推介呀！係朋友心中既第一腩😝📍地址：天后電氣道124號榮華大廈地鋪——港人當自煮——

剛剛過去嘅happy Friday出左港島搵食老公話去天后食清湯腩，其實我第一時間諗唔起呢間🙈但去到排隊有驚喜💛💛值得等待嘅等待期間都有睇門外嘅餐牌、介紹；知道湯底有用到中藥材，好滋補；到我地有位入去餐廳之後聞到濃濃嘅滋補湯底味我地份別叫左最普通嘅牛腩麵、同三寶麵由於我叫撈麵，所以份開上，顯得面底同牛腩份量都好多👍🏻起初都怕湯底藥材味會唔會好重，重到接受唔到；但又唔會喎，飲落唔會好勁藥材味，都順口，真係會想飲哂成碗湯🤤老公叫嘅三寶麵睇落相對就無咁大碗，但係牛嘅質素就非常高，同埋欣賞佢有伊麵底揀👍🏻👍🏻（雖然要加錢）雖然成舊水一碗面，但一碗食到哂爽腩、沙崩腩、坑腩，都係值得你花多少少錢一嚐嘅另外我地再單點左個魚皮餃，都好食，又多粒👍🏻

【瘋癲試食】｜人氣清湯腩又係林小姐帶我搵好嘢食呀😋 今次我地去到天后搵人氣清湯牛腩食😍😍去到當然叫碗人氣清湯蘿蔔牛寶麵($108)試試，牛寶麵用左坑腩 爽腩 崩沙腩 三款腩組成 價錢亦都非常進取 食落牛腩的確係唔錯 但未有食完會「哇」一聲既感覺 湯底係有淡淡既藥材味道 但唔算係太濃郁既感覺 如果以3位數字一碗牛腩麵 我亦會略嫌佢牛腩份量太少 另一碗我地叫左普通既牛腩麵($55)再加兩粒牛丸($20)，尼款牛腩麵反而俾到驚喜我 牛腩熬到非常入味軟腍 牛丸更加係咬落多汁彈牙 係真正既「漿爆牛丸」😂

久聞八寶清湯腩好吃,今天經過,便入去一試,只試了普通牛腩麵,牛腩有牛味,不錯,湯是藥材牛骨湯,不算清,有淡淡當歸藥材味,味道唔錯,對不喜歡藥材味,而只愛傳統清湯底的人,就可能不太接受,牛腩及湯底我個人覺得是水準之上,但對於一個超愛吃麵的我,麵底的水準只能說緊緊合格,麵有點糊及軟淋,不竟牛腩麵,麵底也是其中重要一環,如果麵底能再好些,就相得益彰.外面有好多麵店都是有這個問题,湯好,雲吞好,牛腩好,但就是少了一碗好麵的靈魂---麵底.