八寶清湯腩

营业中

休息中

以前在紅磡就多次光顧，每經過店前都能嗅到一陣陣當歸的中藥味道。所以除佢嘅牛腩外，難忘飲個老火清湯後全身暖笠笠的感覺真好。清湯蘿蔔牛寶河，即爽腩、坑腩、崩沙腩。爽腩是牛腩邊有筋膜，筋膜的口感爽爽脆脆咁，愈𡁻愈有味道。坑腩帶有肥膏邊，成塊坑腩都鬆軟些，相比就以爽腩肉味較濃。崩沙腩，切成較薄一塊，有些薄膜、有些膠質、亦有些肉，故有些軟有些爽。蘿蔔唔算太腍，是有些質感的，但就完全沒有渣。湯粉多且滑。清湯牛腩飯，雖是一般牛腩，仍是軟腍無騷味的，不過相比以上3個部位，只是肉味就較為淡啲而已。講到個湯，分別有清湯牛腩飯，可能因要撈飯用的，所以味較鹹。而清湯蘿蔔牛寶河，湯較淡有甜味。不過就斬只有少少的輕淡當歸味，已不是當日的味道了。

做晒功課，今早終於去試這間YouTube介紹的藥材清湯腩，嗌咗一碗淨牛寶，（因為飲中藥嘅原因將蘿蔔改成菜）好期待.....試咗嗰個湯真係好正👍🏻👍🏻👍🏻但肉的部份不敢恭維，同老闆傾吓，為什麼分餐牌寫的牛寶（坑腩、爽腩、蝴蝶腩），俾我的最多三份一，其他唔係呀？老闆同我解釋了.....哈哈哈哈.....我都係堅信：無論咩行業、無論咩環境、最緊要係做好自己..... 我建議老闆做唔到餐牌上嘅要求可以取消呢個菜式，大家且行且珍惜🤕💪🏼🌈

👍💛⭐️ 八寶清湯腩 (天后)⭐️💛👍嚟到天后，小妹個朋友介紹咗我去八寶清湯腩度食，朋友話依間嘅清湯腩超正超好味，仲有最緊要係咩啊？係良心認證小店呀！梗係試吓，支持下啦！💛🙆🏻‍♀️⭐️ 牛腩拼牛孖筋麵 ($75)⭐️食麵呢加野，小妹梗係飲啖湯先啦，湯底係藥材牛骨湯，除咗有大量牛骨，仲加入左龍眼肉、杞子、淮山、王奇、紅棗，仲有當歸。呢個湯底養生又清甜，味道好rich，閘住牛同藥材嘅味道，幾好飲！牛腩咬感非常好，肥瘦適中又易入口！勁有牛味！牛筋都非常正，好滑好軟身！👅👅😋🕋環境指數：8/10舒適乾淨企理🙆🏻‍♀️😋美味指數：8/10味道真的很不錯！👩🏻‍🌾服務指數：8/10Ok!🤑抵食指數：7.5/10 價錢略貴，但貴得有道理🙋🏻‍♀️推介指數：8/10 推介呀！係朋友心中既第一腩😝📍地址：天后電氣道124號榮華大廈地鋪——港人當自煮——

剛剛過去嘅happy Friday出左港島搵食老公話去天后食清湯腩，其實我第一時間諗唔起呢間🙈但去到排隊有驚喜💛💛值得等待嘅等待期間都有睇門外嘅餐牌、介紹；知道湯底有用到中藥材，好滋補；到我地有位入去餐廳之後聞到濃濃嘅滋補湯底味我地份別叫左最普通嘅牛腩麵、同三寶麵由於我叫撈麵，所以份開上，顯得面底同牛腩份量都好多👍🏻起初都怕湯底藥材味會唔會好重，重到接受唔到；但又唔會喎，飲落唔會好勁藥材味，都順口，真係會想飲哂成碗湯🤤老公叫嘅三寶麵睇落相對就無咁大碗，但係牛嘅質素就非常高，同埋欣賞佢有伊麵底揀👍🏻👍🏻（雖然要加錢）雖然成舊水一碗面，但一碗食到哂爽腩、沙崩腩、坑腩，都係值得你花多少少錢一嚐嘅另外我地再單點左個魚皮餃，都好食，又多粒👍🏻

【瘋癲試食】｜人氣清湯腩又係林小姐帶我搵好嘢食呀😋 今次我地去到天后搵人氣清湯牛腩食😍😍去到當然叫碗人氣清湯蘿蔔牛寶麵($108)試試，牛寶麵用左坑腩 爽腩 崩沙腩 三款腩組成 價錢亦都非常進取 食落牛腩的確係唔錯 但未有食完會「哇」一聲既感覺 湯底係有淡淡既藥材味道 但唔算係太濃郁既感覺 如果以3位數字一碗牛腩麵 我亦會略嫌佢牛腩份量太少 另一碗我地叫左普通既牛腩麵($55)再加兩粒牛丸($20)，尼款牛腩麵反而俾到驚喜我 牛腩熬到非常入味軟腍 牛丸更加係咬落多汁彈牙 係真正既「漿爆牛丸」😂

久聞八寶清湯腩好吃,今天經過,便入去一試,只試了普通牛腩麵,牛腩有牛味,不錯,湯是藥材牛骨湯,不算清,有淡淡當歸藥材味,味道唔錯,對不喜歡藥材味,而只愛傳統清湯底的人,就可能不太接受,牛腩及湯底我個人覺得是水準之上,但對於一個超愛吃麵的我,麵底的水準只能說緊緊合格,麵有點糊及軟淋,不竟牛腩麵,麵底也是其中重要一環,如果麵底能再好些,就相得益彰.外面有好多麵店都是有這個問题,湯好,雲吞好,牛腩好,但就是少了一碗好麵的靈魂---麵底.

碗麵份量比較細，牛寶麵$108 份量同牛孖筋麵$55 差唔多，湯底味精感好重…呢個價錢，我個人覺得吾係好值得 ，同區其他麵檔CP值明顯都比佢地高。可能本身期望有啲高，所以有少少失望

今日黎左呢間八寶到試左個清湯牛腩面, 首先講講個牛腩先, 咬感滿分 咬落肥瘦適中, 又易入口 好有牛味! 再講講個湯, 哇 個湯好好飲 好有牛味! 但有少少咸 希望可以再清d, 另外而有少少林 整體滿意!

以前一直有幫襯開八寶，覺得佢質量好，雖然較貴，但值。但早幾日心血來潮，再去幫襯八寶，發現已經完全變質，真係垃圾!食物偷工減料，牛肚，牛筋變卤水交貨品質，牛腩，坑腩變肥膏，湯底唔夠熱，而且已經變成雞粉湯，藥膳湯底已經消失。講真，比起 潮X 那堆鋪，八寶更加不如。雖然現在生意比較難做，但你收顧客差不多100元一碗，利錢應該都好足夠啦，但仍然要變成這樣，真的很失望! 絕對不會再幫襯！寧願去附近其他牛店食，雖然坐得較逼，但起碼值。再見八寶。

#foodhkdiscoverer黃店_天后💛—清湯坑腩麵（$85）雖然牛坑腩份量唔係好多🙁但係質感唔錯🤨好滑好軟身🙆🏻‍♀️肥瘦適中🤪個湯底用咗蘿蔔湯🤩好清甜🤫牛味亦都好濃🙈冇味精☺️真係飲到停唔到口😛啲蘿蔔亦都煲得好淋👍🏻個麵係普通生麵冇咩特別😌—手打牛丸麵（$55）有四粒牛丸🥰d 牛丸好彈牙好多汁🤭食落去好有牛味🙆🏻‍♀️真材實料👏🏻 至於個湯就同清湯坑腩麵一樣🙈咁嘅質素😍算幾抵食不妨試吓啦😍—價錢： 💋💋💋💋味道：💋💋💋💋💋抵食：💋💋💋💋環境：💋💋💋💋. ——地點：八寶清湯腩 (天后)地址：天后電氣道124號榮華大廈地鋪營業時間：11:30-00:00—#天后 #黃店 #文青 #香港 #牛腩麵 #00s天后 #天后美食 #likes #like #follow #likeforlikes #instagood #instagram #followme #likeforlike #likeforfollow #followforfollowback #f #followers #followback #photography #followforfollow #comment #pi

我係由八寶剛搬到天后就一直支持嘅街坊，每星期起碼食一次，經常推薦俾朋友。八寶嘅腩，由普通牛腩牛脷到崩沙腩都咁好食。湯底更係我哋嘅最愛，藥膳湯底跑贏同區所謂清湯腩名牌幾廿條街。八寶重要係良心店，所以疫情禁堂食期間，我哋都堅持買外賣，從不間斷。咁點解要寫食評呢？係因為我真心希望八寶年輕一代可以以禮待客，守好八寶個招牌。有一晚我因為工作，晚上9:35先趕到，八寶牛腩我嘅comfort food. 一入門口，年輕負責人/職員好粗聲粗氣咁講：「你堂食呀？10點鐘一定要走！」因為響屋企成日、又想環保，我話我食快d啦。佢有幫我落單，轉頭兩秒就拋低張單：「你埋埋單先！」Fine. 佢找續都無講多謝。其實我旁邊都有兩個人慢慢食緊。將心比己，我都唔想阻佢哋收工。最後10:05就走喇。另外兩個都未走。我離開時，年輕負責人仲係一句多謝都無。講真，我好希望八寶睇到，可以反省同改善，今次經歷真係好令我傷心，尤其是辛勞一日後好似要乞求先有得食碗麵。好掛住平時老闆老闆娘嘅笑容同人情味。我真係好___鍾意八寶同香港.

『天后唔係得兩間清湯腩・必定會再回訪』☯︎八寶清湯腩, 𝑻𝒊𝒏 𝑯𝒂𝒖⠀⠀早已聽過這家清湯腩很不錯，跟傳統的不同，他們的湯底是藥膳的，帶點中藥的味道，感覺很養生而且我很喜歡呀ʕ•ᴥ•ʔ⠀⠀꧁爽腩幼麵꧂⠀幼麵質地很爽滑，好吃！⠀加上藥膳湯底非常清甜，真的是一吃就停不下來了）其實我稍微覺得如果甜度降低一點更好(⊃｡•́‿•̀｡)⊃⠀爽腩是比較瘦的牛腩位置，基本上沒有肥肉，但完全不會乾柴啊！而且牛味也是濃濃的♥︎⠀順帶一提蘿蔔非常清甜完全沒有渣宰！⠀𝑅𝑎𝑡𝑖𝑛𝑔: 8/10⠀𝑃𝑟𝑖𝑐𝑒:$85⠀⠀꧁崩沙腩撈粗꧂⠀撈粗的份量比較多但麵質沒有幼麵來的驚喜 而且撈麵的醬油也沒什麼特別 建議要湯麵就可以了☺︎︎⠀撈麵的緣故，牛腩和蘿蔔都是另上的⠀看看這份量，是不是很足！(●’◡’●)ﾉ⠀這牛腩非常鬆化，很嫩很嫩很好吃！比爽腩的肥一點所以如此吧！不過牛味好像爽腩更濃郁喔♡´･ᴗ･`♡⠀𝑅𝑎𝑡𝑖𝑛𝑔: 8/10⠀𝑃𝑟𝑖𝑐𝑒:$95⠀⠀꧁腩汁介蘭꧂⠀份量正常，但貌似不是給腩汁我們啊，是過鹹的醬油呢(;´༎ຶٹ༎ຶ`⠀𝑅𝑎𝑡𝑖𝑛𝑔: 6/10⠀𝑃𝑟𝑖𝑐𝑒:$25⠀總括來說雖然這裡的牛腩麵定價不便宜，但我覺得很值！因為無論味

💛 IG: cr.eating_hk 💛 💛 八寶清湯腩 💛..............................某日睇連登見到好多人推薦呢間清湯腩其實本身我地對清湯腩都無咩興趣😈但呢間食完一次之後 成日都心掛掛想再食.🔅想知黃店原因請Dm💛..............................🍽 清湯牛腩飯 $65 （👏🏻8.5/10）.聽講佢個湯超正 所以一影完相急不及待飲啖湯🤩哇！呢個濃湯嚟架啵大佬😍會唔會太正呀😈個湯好濃有啲似潮州肉骨茶 好重胡椒同蒜味睇到佢個湯寫明用八種天然材料煮十幾個鐘唔怪之得咁濃咁正啦 我成碗飲晒都唔口渴呀🥳牛腩好腍好入味 腍到可以一絲絲咁撕開雖然佢個名無蘿蔔但其實佢有嘅 清甜無渣 正😍.🍽 清湯蘿蔔牛脷麵 $55（👏🏻8/10）.個湯同上面一樣咁正 咁就唔咁長氣講多次牛脷無太多調味 食翻佢原味 好正呀😍而且好腍 一咬就融喺口入面咁！牛脷份量好足 都有5塊大大片嘅🥰我地一致覺得配飯好過配麵 好滿足嘅感覺！...............................🎈 八寶清湯腩 (天后)天后電氣道124號榮華大廈地鋪.............

牛腩入味，湯底足料夠味. 特別也很好味. 值得一試價錢貴一點，但物有所值.但近期個別的職員態度差. 的確很影響進食心情.第一次是早幾天跟同事中午來食，當時可能人多，固也不太在意，人多繁忙之故.星期日一個人專程再來惠顧.一個金髮戴眼鏡職員落單.想落單食牛寶米粉. 他表示已無曬，我再問是否甚麼部位也賣曬.他也說只能落普通牛腩. （但原來5min內已有供應）職員不單不跟客人講，我繼續order凍飲和菜，他已背對我，狀甚不耐煩.當時餐廳半滿，人客不多，談何繁忙.之後有對情侶order牛寶麵.. 職員又爽快表示有... 其後幾枱都有.到我再跟那職員對質，那職員只講剛剛有.說話和態度沒有不好意思...這樣的職員，認真倒米. 香港很多好食的店，但服務態度就是仗著食物美味而態度每況愈下... 當日的普通牛腩好肥，職員也不肯跟我落單叫牛寶米.... 很無奈

八月第一個星期五中午，炮台山。在家工作後每個星期五都要回公司一下，炮台山天后美食林立，正好做一下美食偵探。走進一家門面簡潔新穎，裝潢吊燈泡明顯有用心思，裡面掛牆木板上放的是酒瓶還有懷舊收音機，有點復古風，一切隨性不隨便，卻是主打牛腩的店。清湯蘿蔔三寶麵，牛味清香撲鼻，喝一口湯，沒有味清之外，還有濃濃藥膳回甘，原來這湯是焦點所在，除了大量牛骨，加入了龍眼肉、杞子、淮山、黃芪、 紅棗，居然還有當歸去熬製，這個藥膽不得了，滋陰補身又清甜，難怪稱為八寶。三寶麵有牛腩，牛筋和牛肚，牛筋軟腍，吸收了湯汁充滿甘甜味，牛肚爽彈，牛腩就比教難嚼，可能換成其他腩位會比較好吧。