八居酒屋 (旺角新城)

营业中

休息中

同事介紹左一間係旺角新開張的居酒屋🏮評價唔錯我好鍾意食日本菜今晚同朋友去食😙⭐️刺身-鯛魚簿切平時好少居酒屋有鯛魚見到勁開心好正食落夠清爽又新鮮🥳⭐️茶碗蒸蒸嘅火候剛剛好令蛋非常之滑身味道唔錯😊⭐️什菜沙律+麵豉湯食日本菜必需有的前菜😆食完夠開胃準備迎接我哋嘅主菜⭐️角切魚生丼非常足料至少有三文魚、玉子、吞拿魚魚、八爪魚粒等😍配埋滿滿嘅壽司飯好滿足⭐️晚市套餐-壽司定食(8貫）🍣晚市套餐好值得推介價錢唔貴仲包埋剛剛提及的茶碗蒸+沙律+麵豉湯壽司由師父發辦呢個好驚喜😙有三文魚、吞拿魚、鯛魚、深海池魚、赤貝、墨魚蟹籽軍艦、芥辣八爪魚🐙軍艦壽司整體都好食夠新鮮😋份量都OK最值得推介係三文魚、鯛魚、深海池魚😍屬高水準⭐️汁燒日本年糕串 串燒推介超級好食😍年糕煙煙韌韌燒得剛剛好大推🫰🏻最後食埋雪糕大滿足餐廳的雪糕牌子好特別值得一試🥳值得一讚係舖頭做緊宣傳惠顧嘅客人都可以免費玩一次門口嘅夾公仔機公仔好吸引🤩最後我同朋友喺少少課金下成功帶走兩個戰利品✌🏻店員都好friendly 加分

好耐都無去過日本，唯有喺香港食下日本嘢止下癮，我同另一半今次就揀咗喺旺角彌敦道嘅八居酒屋。位於鬧市嘅八居酒屋，正正符合於居酒屋嘅特色，就係「熱鬧」。我地就嗌咗：1）5點刺身盛 ⭐️⭐️⭐️⭐️⭐️/⭐️⭐️⭐️⭐️⭐️2）炎～壽司盛 ⭐️⭐️⭐️⭐️⭐️/⭐️⭐️⭐️⭐️⭐️3）小甜薯 ⭐️⭐️⭐️⭐️/⭐️⭐️⭐️⭐️⭐️4）日本明太子雞翼 ⭐️⭐️⭐️⭐️/⭐️⭐️⭐️⭐️⭐️刺身盛真係件件肥美，必點必食推介，就算係三文魚刺身，食落去嘅油脂都好似三文魚腩咁肥美。之後就再嗌一個炎壽司盛，鰻魚同佐口魚裙燒完之後，真係食到成口魚油香味。另外再嗌咗一個小甜薯同明太子雞翼去做一個點綴。最後埋單嘅時候，老闆非常之好人，仲問我哋食唔食雪糕🥹非常之好客，有時候食啲高質嘅日本菜，唔一定要食啲高級餐廳，只要係用心去做，平民食堂都可以食出滋味。✌🏻

朋友介紹我去咗旺角新開嘅居酒居「八居酒屋」，餐廳主打壽司同刺身，價錢親民，原來佢地之前係天文臺道8號居酒屋，而家去食野仲可以玩夾波波遊戲，獎品有清酒、小食同figure公仔，可惜我今晚夾唔中🥲下次黎一定要夾中💪🏻💪🏻💪🏻汁燒牛肉定食套餐包括茶碗蒸、雜菜沙律、麵豉湯、前菜推介👍🏻每個套餐到配有新鮮爽脆嘅沙律菜同滑溜嘅蒸蛋，牛肉鮮嫩有肉味，加入本菇去烹調，令濃郁香甜嘅醬汁充滿菇香，味道甜中帶咸，配上日本米最適合不過豚肉生薑燒定食薄切豚肉片加入大量洋蔥經烹調後洋蔥軟稔入味，充分吸收醬汁濃郁嘅味道，洋蔥嘅清甜與生薑微辣嘅味道完美結合，又係非常下飯的一道日式料理仙台厚燒牛舌招牌菜👍🏻鍾意食牛舌之人必點，一定要試呀，牛舌爽口彈牙內裡軟稔又juicy，外面燒得微微焦香，點上黃芥末prefect match，一啖一粒食唔停口吖🉐明太子玉子燒一上枱熱辣辣香噴噴，明太子咸香嘅味道配上軟滑嘅玉子，入口軟綿濃香，非常好食👍🏻日式唐揚炸雞炸雞外脆內軟，雞肉仲好juicy忌廉蟹肉薯餅一啖咬落就食到creamy嘅忌廉，要小心辣親口🤭薯餅炸得酥脆金黃，外脆內軟，正白桃乳酸梳打日本青檸梳打食日本野一定要點返杯果汁梳打，

八居酒屋 旺角彌敦道594-596號旺角新城5樓尖沙咀總店八居酒屋尼到MK試業門口有部夾公仔機 幾過癮食物質素幾好 暖色黃燈光1. 飛魚籽軍艦 ($25)：鮮美的咸味和微妙的魚腥味2. 板燒雞扒 ($78)：烤盤上烹制至金黃色 外皮脆香 內嫩3. 鹽燒大虎蝦串 ($32)：大虎蝦肉質鮮美，搭配鹽燒烹飪方式能夠突顯其原汁原味，口感有一定的咸香和烤制的香氣4. 汁燒大蔥串($18)：大蔥切成小段後，用汁料烹制而成的串燒菜品5. 燒三文魚飯糰 ($35)： 焦烤後的香氣會賦予這道食物獨特的味道6.蟹籽沙律（$56） ：開胃🤤 最爽脆青瓜絲

原木顏色為主的簡約日式裝潢樓上日本餐廳店員向我推介$98 happy hour嘅套餐可以選三洋食物再加一個飲品，如果約埋三五知己你傾偈都幾抵，但係今次一個人食飯就揀咗第二啲鹽燒牛舌串（1本）$58牛舌厚薄適中，調味剛剛好，有嚼勁之餘又Juicy，吃完之後才知道店員推介的牛舌不是這種，而是仙台牛舌，下次有機會再來試試白桃梳打$32白桃味嘅梳打水，唔會太甜，幾清爽晚市套餐$162＋晚市“壽司定食(8貫）有八種同海產組成的壽司，都幾新鮮，不同的海產有不同的口味，壽司飯細細舊，壽司上面嘅魚生好大件三文魚刺身2切三文魚幾大片，給厚身，都幾鮮甜套餐裏面包埋麵豉湯蒸蛋時菜沙律麵豉湯麵豉湯都好多了，有麵豉香味但又唔會太鹹蒸蛋蒸蛋裏面有蟹柳香菇，彈嘅調味剛剛好，蒸得好滑溜時菜沙律時菜沙律很新鮮，幾爽口，沙律汁調得幾好味

【八居酒屋🏮】.🐷📌 #豬西食旺角 #豬西食九龍
.
🌟旺角咁多好嘢食 真係覓食嘅好地方 🥰 不過除咗地舖之外 仲有好多值得推介嘅樓上鋪🤙🏻 旺角新城就有呢一間八居酒屋😻 其實除咗旺角之外🤣 佢哋喺尖沙咀天文臺道都有分店 天文臺道嘅分店主要係做一啲日式嘅串燒同埋清酒 旺角分店比較專注做刺身同埋壽司 佢地已經喺香港開業咗九年啦！😻
.
🐷蒲燒鰻魚定食 👅8/10幾時都話鰻魚 一定好好食 鰻魚醬汁撈落啲飯到非常好食 鰻魚都幾香😻佢哋嘅蒲燒鰻魚定食非常豐富 有麵豉湯、沙律、兩塊酸蘿蔔、仲有茶碗蒸!! 佢哋嘅茶碗蒸真係超級超級滑 非常推薦大家一定要食到佢哋嘅茶碗蒸🥚.
🐷豚肉生薑燒定食 👅8/10呢個定食套餐都有麵豉湯、沙律、酸蘿蔔、茶碗蒸🥰豚肉煮得恰到好處 味道好鮮美 唔會煮到過韌 每一片肉都咬落好滑嫩 特別要提一提個汁撈飯 佢嘅醬😆汁配搭豚肉同埋生薑 入口滲入飯粒裡 真係超正啊 仲有啲洋蔥煮到啱啱好 口感軟綿 .🐷日本明太子雞翼 👅8/10唔單止好睇 而且味道亦唔錯 雞翼烹調得剛剛好 外脆內嫩 出面脆卜卜嘅外皮 包住裏面嘅雞肉同埋明太子 啖啖都充滿雞肉嘅鮮味 🐔.🐷巨峰乳酸梳打 👅8.5/

尖沙咀都有一間不過佢哋就做串燒為主等我下次都試下佢地既串燒好唔好食先旺角依家呢就做刺身為主 喺一間居酒屋🏮•今日下晝上嚟食試吓佢個set lunch sin 都多選擇既有12款比你揀 有生有熟食啱晒唔同朋友🤩每款定食都包左茶碗蒸 湯 同埋甜品我地揀左- 時令刺身4點丼飯刺身包括有帶子 三文魚 吞拿魚哩幾隻刺身都係我最鍾意食嘅刺身肥美帶甜🥰🥰🥰- 蒲燒鰻魚丼飯鰻魚有半條 燒得好好 無論賣相同味道都好好鰻魚啖啖肉比較厚身😋😋😋另外加咗個小食 - 忌廉蟹餅Creamy 口感我鍾意❤️ 外皮炸得香脆甜品有驚喜 哩隻本地牌子嘅雪糕好味芋頭同埋菠蘿味道都非常之突出 兩隻口味都好香濃

旺角有不少樓上居酒屋喺openrice搵到這一間, 試業期間仲有八折今日就嚟食下坐低咗先叫兩杯嘢飲，我揀咗西柚汁，朋友就揀咗白桃乳酸梳打， 叫定兩杯嘢飲就慢慢再睇餐牌揀嘢食蟹子沙律青瓜脆口 ，蟹子、蟹柳、青瓜、沙律醬嘅比例非常好，唔會太多沙律醬汁燒鰻魚串朋友好鍾意食鰻魚，所以就叫咗串畀佢 佢話厚肉冇骨夠味日本芝士年糕呢個我最鍾意食，煙煙靭靭芝士味香濃金龍卷好鍾意呢個配搭，又食到炸蝦又有牛油果三文魚蟹子丼呢個餐都幾特別可以另加 三文魚刺身、茶碗蒸、雜菜沙律、麵豉湯另外加這一個三文魚刺身非常厚切整體覺得啲個三文魚蟹子丼飯非常抵食人我自己就肯定食唔曬依家share食又可以食多幾樣嘢覺得非常非常好呢排都好鍾意佢樓上舖，人比較少坐得舒服窗邊望返樓下彌敦道人來人往都幾特別

呢間居酒屋嘅尖沙咀店係主打串燒, 而旺角係新開嘅分店, 主打刺身同壽司~ Menu有唔少時令推介同每日限定食物，由日本直送豐富食材✈️居酒屋更開到零晨2點,岩晒夜貓傾計食飯！.壽司定食（8貫）$138晚市定食有精選時令壽司8件, 壽司有蟹籽軍艦、芥末八爪魚軍艦、北寄貝、魷魚、腐皮、赤貝、三文魚、吞拿魚~ 定食會包埋茶碗蒸、沙律、麵豉湯~~ 壽司細細舊,味道中規中矩~ 茶碗蒸蛋嫩滑，材料適中，面頭有菇，食到底有蟹柳同蝦! 大根煮牛舌定食 $98日式醬油味甜甜地撈飯好正🤤🤤牛舌切粒煮得好入味, 大根都炆得好甜!! 加$24仲有兩片新鮮的三文魚🍣燒物-汁燒日本年糕串 $18年糕串共兩件，用汁輕輕燒過，口感煙煙韌韌😋日本雞皮餃子 $45本身以為會煎得好脆,小失望

跟友人揀左晚市二人餐（～$59x)前菜有蟹籽沙律： 份量足夠， 沙律配扑扑脆蟹籽十分爽口開胃🤤野飲選了巨峰乳酸梳打，白桃乳酸梳打： 味道唔錯， 大大杯然後有精選刺身： 深海池魚刺身、 甜蝦刺身和三文魚刺身。刺身生鮮， 而且三文魚十分厚切， 不會失望😆⭐️⭐️⭐️⭐️⭐️再來小菜： 清酒煮蜆同串燒（鹽燒雞翼串x2 鹽燒雞軟骨串x2 鹽燒雞腎串x2清酒煮蜆: 蜆肉漲卜卜大大粒， 甘甜酒味， 絕對不馬虎！ ⭐️⭐️⭐️⭐️⭐️串燒： 熱辣辣： 鹽燒味夠野味！⭐️⭐️⭐️⭐️⭐️主食係： 和牛炒飯： 足料！好食！⭐️⭐️⭐️⭐️⭐️最後餐後更有雪糕送🤣最後環境同服務都唔錯， 再黎會再食多刺身🤣

旺角的「八居酒屋」新開張不久，而尖沙咀店已開了9年，尖沙咀店主要食串燒，而旺角店就有很多刺身、壽司和主食。今日和朋友來到旺角新城5樓的「八居酒屋」食晚飯，窗邊的坐位能望到彌敦道，頗寫意。「鯛魚湯野菜烏冬」$108套餐有茶碗蒸、什菜沙律、麵豉湯和蘿蔔牛肉粒魚湯味道濃厚鮮甜，不會死鹹，配嫩滑的烏冬和紹菜，好食到把湯汁都全喝了。「燒汁牛肉定食」$98加24有兩片新鮮的三文魚大大碗燒汁牛肉片伴珍珠飯，見到已讓人垂涎欲滴，迫不及待混合一起吃，實在妙不可言「鹽燒牛舌串」$58牛舌燒得恰到好處，灑上檸檬汁後一口一塊很滿足「明太子玉子燒」$58厚厚的玉子燒有四舊，蛋味加明太子的微鹹很配搭，熱辣辣又香噴噴。「日本桃汁」$35清甜的桃汁，生津解渴

［旺角］八居酒屋
.大根煮牛舌定食(套餐)食剩指數:0/100牛舌同大根煮得入味日式醬油甜甜地好香牛舌好軟腍定食包括茶碗蒸、沙律、漬物、味噌湯、飯漬物今日都係牛舌粒係另一種煮法.炎～壽司盛食剩指數:0/100壽司盛包括4款炙燒壽司鰻魚、三文魚腩、左口魚裙邊、蟹棒炙燒過令魚油更香更突出壽司飯份量唔會太大比例唔錯.明太子玉子燒食剩指數:0/100玉子燒質感唔會太硬係高湯類既玉子燒加埋明太子微微辣味係唔錯既小食.忌廉蟹肉薯餅食剩指數:3/100忌廉薯餅入面好軟綿炸得外面香脆

最近睇到朋友去日本旅行嘅美食相，攪到我又心思思想食日本料理。 旺角這餐廳是尖沙咀八居酒屋嘅新分店，我就拉埋朋友陪我一齊去試吓。 餐廳裝修有點像日式居酒屋，店員安排我們坐窗邊卡位，可以一邊食嘢，一邊睇街景。😋餐廳使用QR code點餐，是日選擇：1️⃣飛魚籽軍艦🍽飛魚籽脆卜卜，紫菜好新鮮，口感十足。 2️⃣日本芝士年糕🍽香濃芝士，煙韌嘅年糕，入口軟滑煙韌，滋味令人無法抗拒。 3️⃣日本明太子雞翼🍽皮脆肉嫩，內裡明太子豐富飽滿，不油膩。 4️⃣汁燒雞肉串🍽雞肉串塗上甜甜的醬汁，非常惹味。 5️⃣汁燒日本鰻魚串🍽燒得焦脆，肉質嫩滑彈牙，有豐富油脂。 6️⃣三角加州卷🍽夾起時唔會散晒，表面還加上沙律醬，人人都啱食。 7️⃣河童卷 🍽青瓜切成幼條，感受到用心製作。 8️⃣日本芝士蛋糕 🍽芝士味濃，沒有油膩感，蛋糕質柔軟綿滑，口感軟熟。

📍 八居酒屋 (旺角新城) (旺角)旺角彌敦道594-596號旺角新城5樓前兩日lunch time同事帶我去呢間新開居酒屋食日式料理！環境舒適寧靜，垂望繁忙嘅彌敦道街景，別有一番風味😍我哋點咗兩個lucnh set☺️全部都有跟一個蒸蛋、麵豉湯及飲品雪糕🥰超級滿足🤩午市貝柱海膽拖蘿蓉丼丼飯份量望落唔大，初時都擔心唔夠飽😅估唔到食落又岩岩好🤭貝柱海膽拖蘿全部都好新鮮👍我哋加左鼓油拌匀食用，又鮮又甜😋😋午市 時令壽司十貫平價板omakase🤣🤣壽司有蟹籽軍艦、芥末八爪魚軍艦、北寄貝、魷魚、蟹棒、左口魚、腐皮、赤貝、三文魚、吞拿魚，全部都好新鮮🤤🤤而且壽司飯大小適中👍巨峰乳酸梳打好大杯嘅乳酸梳打🍹🍹天氣炎熱，解渴一流😍雪糕揀咗士多啤梨同海鹽味#日式料理 #居酒屋 #午市定食 #美食推薦 #旺角美食 #旺角新城 #八居酒屋 #香港探店 #香港美食 #foodie #hkfoodie #foodiegram #lunchtime

八居酒屋喺尖沙咀都幾出名，主打牛舌和串燒，有唔少日本人幫襯!!早排見到八居酒屋喺旺角開咗新店，地點咁方便一於去試試!!旺角分店以簡約日系裝修，店舖雖小但位置坐得舒服寬敞。晚上去到有晚市套餐，多款定食~☁️ 一人套餐 $88＋ 鹽燒雞翼串 （2隻）,日式唐揚炸雞(3件）＋忌廉蟹肉薯餅（2件）,巨峰乳酸梳打一人套餐，可以選三款炸物/串燒，還有一杯飲品(可以揀酒精飲品)。覺得這個套餐幾抵食，小食佐酒一流!!小食有驚喜!!三樣都幾好食，特別推薦唐揚炸雞，炸雞熱辣辣炸起，外皮香脆，入面雞肉嫩滑!!味道非常好!!飲品選了巨峰乳酸梳打，乳酸味突出並不會很甜，梳打氣泡十足!!好清涼解渴~☁️明太子玉子燒（4件）推薦!!覺得明太子份量啱啱好，配合玉子食會唔會漏!!而且玉子有蛋香好嫩滑，無overcook問題~☁️晚市套餐 晚市豚肉生薑燒定食晚市有多款定食，最後選了豚肉生薑燒定食。每份定食都會有茶碗蒸，什菜沙律，麵豉湯和白飯。茶碗蒸合格，係滑溜溜嘅蒸蛋。豚肉生薑燒有豚肉和洋蔥，醬汁係甜甜嘅，好適合撈飯!!