八居酒屋 (旺角新城)

营业中

休息中

出佐信和買嘢,行完近近哋係隔離旺角新城樓上間八居酒屋醫肚,知道尖沙咀諾士佛臺有間,這間新開幾個月！見店舖是令推介👍仙台厚燒牛舌 牛舌微微嗆焦香,厚身啖啖肉有口感,點埋秘製芥末子醬食更惹味😋雙重芝士厚鰻卷(4件)面鋪上濃郁芝士及鰻魚,每一啖飯入面都有芝士。多重口感,一邊食鰻魚,再一邊飲蜜桃梳打🍑爽啊👍蟹膏軍艦(2貫)🍣蟹膏是滿滿,好似搽上厚厚的cream甘,入口好鮮呀！👍海膽炒飯海膽味道鮮甜,飯粒粒分明,,撈勻海膽一齊食更正👍鹽燒脆白鱔(1本)白鱔肉厚彈牙,鱔皮香脆,肉質Q彈,魚香四溢,呢串好啱我心水👍環境尚算闊落,坐得幾舒適,卡位仲望到街景,不錯！

今日除夕，夜D就好多人食飯同倒數，老公話不如來個early dinner。呢個商場在信和旁邊，全幢是餐廳，我哋就揀左間食日本嘢嘅餐廳。餐廳唔細，日式木系裝修，地方乾淨整齊，坐位寬闊，坐得幾舒服。餐牌都幾多嘢食，呢度用QR code落單。主食可以+$20變套餐，套餐有什菜沙律、麵豉湯同茶蒸碗。除左主食，仲有串燒、小食同清酒等。最後我哋叫左兩個套餐，另外店員推介左仙台厚燒牛舌比我哋，咁就不如叫埋啦。前菜：酸蘿蔔酸酸地，幾開胃。什菜沙律：沙律菜洗得乾淨，簡簡單單加麻醬已經OK。麵豉湯：剛整起熱辣辣，唔太鹹，天氣咁凍飲就啱晒。茶蒸碗：有蟹柳、菇同雞肉，都係剛蒸起，調味幾好。仙台厚燒牛舌：平時食開係切一片片，呢度厚切，一粒粒。食落有口感，較嫩多肉汁，唔韌，點埋旁邊甜甜嘅醬汁一齊食，仲好味。三色刺身丼：有三文魚、鯛魚同甜蝦，魚生塊塊厚切，帶薄薄油脂，飯量多，整體唔錯。海膽炒飯：海膽大塊算多，食落新鮮，炒飯粒粒分明，唔太油。裡面有雞蛋、洋蔥同紅蘿蔔粒等，咬落爽口，有層次感，好香，幾好食。

《八居酒屋》本舖在尖沙咀天文臺道，這間旺角分店現正試業中，地點在信和中心隔離非常方便。彌敦道街上繁忙人來人往，上到位於5樓的居酒屋則舒適寧靜，環境闊落，我和老公揀坐卡位，可望到彌敦道街景。食物選擇多，有刺身、壽司、燒物，鐵板、炸物、串燒及日式料理等，黑板上亦寫有多款時令推介，晚市套餐更加係 CP 值超高之選！晚市套餐 - 壽司定食(8貫）$138呢個價錢有 8 件壽司加沙律、蘿蔔漬物、麵豉湯、茶碗蒸，真的太抵！壽司款式由師父發辦，是日有三文魚、油甘魚、深海池魚、金目鯛、墨魚、帶子、芥辣八爪魚及蟹籽軍艦，魚生非常新鮮，份量亦夠，連大食的老公都說超飽！晚市套餐 - 汁燒牛肉定食 $98牛肉片份量頗多，洋蔥、菇充份吸收甜甜的醬汁，送飯一流。時令推介- 仙台厚燒牛舌  $138非常推介這個餐廳招牌菜，連不好牛舌的我都食到唔停口！厚燒切粒，外層散發炭烤鹽香，口感彈牙而不韌，而且定價親民，香港好少地方食得到！小食：芝士玉子燒 (4件) $58玉子燒控的我去親居酒屋必點玉子燒，入口嫩滑，蛋味香濃，面加上半溶芝士，味道更加濃郁，香口又有層次感。值得一提，餐廳有得食又有得玩，門口位置有部夾波波機，凡惠顧

旺角開左間樓上居酒屋 有串燒食之餘仲有壽司刺身食😋🍣壽司定食套餐 $158本身系$138 +$20可以升級做定食 有茶碗蒸 芝麻醬沙律 麵豉湯茶碗蒸好滑溜 又可以暖下胃準備食壽司😎壽司有8貫 分別系🔸️三文魚腩 🔸️真鯛🔸️赤貝🔸️油甘魚🔸️北寄貝🔸️赤身🔸️魷魚🔸️劍魚腩赤貝新鮮爽口😚三文魚腩好肥美🤤真鯛味道清甜🐟銀鱈魚西京燒 $148燒過後既甜味噌醬汁幾惹味魚肉嫩滑 加多個飯就岩曬啦🐥鹽燒雞翼串 $24/2隻雞皮脆卜卜 咬落去啲油滲曬出黎🦑汁燒日本魷魚串 $32幾彈牙 切好左一小口 方便咬🤪醬汁味道濃郁💭自家小店 食物水準不錯 門口仲有夾公仔機玩🤣

旺角餐廳林立，日式居酒屋我都試過幾間，最近發現咗有一間質素令我好有驚喜😳 樓上舖比較清靜，可以喺relax嘅環境享受食物😛餐牌食物選擇繁多，都有恒常居酒屋會見到嘅款式，食物味道令我😍👍🏼👍🏼三文魚丼飯作為三文魚愛好者，呢款丼飯係我男朋友嘅首選，按比例來講三文魚嘅份量都幾多，而且非常厚身，新鮮有色澤😍火炙蟹柳壽司/芥末帆立貝壽司/帶子壽司有別於平時嘅雪藏蟹柳，呢款火炙蟹柳壽司用嘅蟹柳係有特別大隻肥美，唔係肚皮位置有限我想encore🥺雞翼串燒/ 八爪魚串燒燒到外面微脆，肉質juicy~牛油果鮮蝦卷吉列蝦炸到香脆，牛油果中和咗油膩嘅感覺，matchy matchy!海膽炒飯熱辣辣嘅炒飯絕對加分，廚師放咗好多海膽，炒飯粒粒分明味道都調得剛剛好👏🏼每款食物都係熱辣辣新鮮奉上，更加美味可口。差唔多食完飯嘅時候壽司師傅邀請我哋玩遊戲，去夾公仔機夾扭蛋抽獎😂我哋抽中咗牛蒡～餐廳推介指數： ⭐️⭐️⭐️⭐️⭐️

居酒屋每日都有推介新鮮食材既食物，亦有酒放題。旺角分店特別在於有夾公仔機，好易夾中波波換取食物。仙台厚燒牛舌($148)，必點，牛舌厚切成粒，第一口好爽口，之後係軟林口感 。師傅係日本學師後，再按香港人既口味，調製特色醬汁。牛舌放耐食，一樣好juicy，配搭既漬物清爽。一客份量足料添。炎～壽司盛8件($128)，4款壽司每款2件，用長碟送上，好壯觀既感覺～其中，左口魚邊充滿魚油香，爽甜。鰻魚厚身，啖啖肉冇骨 。金龍卷($68)，一客6件每件都卷得實又靚。炸蝦非常脆，唔油膩。放耐食一樣keep到。牛油果配千島醬，加上蟹籽一啖入口，口感豐富。串燒方面，鹽燒雞腎串、鹽燒日本雞心串各有千秋，雞腎爽，細細粒一口，佐酒小食一樣。雞心有咬口，燒得香口。吉列廣島蠔($42)，廣島蠔鮮甜，炸衣好香口，炸得乾身，食完唔覺得膩。三文魚親子丼($88)，三文魚刺身好肥美，每塊都厚切，而魚子大大粒，一咬口腔充滿海水鹹鹹地既味。一大碗足料飽肚。自家製免治雞肉棒($38)，雞肉棒燒完外層脆脆地。醬汁鹹甜，攪拌雞蛋後配搭雞肉，嫩滑。另外，仲加左3%酒精青提子氣酒，入口清甜，果香味濃，好易入口，唔係死甜。用靚靚酒杯飲酒

今日就同朋友去咗八居酒飯食飯食物款式好多, 仲有晚市定食套餐大根煮牛舌定食定食包括沙律, 麵豉湯, 蘿蔔漬物, 茶碗蒸牛舌炆到好腍身同入味, 加埋大根甜甜地, 加配既三文魚刺身亦都好鮮甜炎- 壽司盛4款炙燒壽司, 包括鰻魚, 三文魚腩, 左口魚裙邊, 蟹棒, 總共八貫, 刺身經過炙燒, d 魚油更香濃, 壽司飯亦軟硬適中鹽燒脆白鱔魚皮燒到脆卜卜, 調味啱啱好, 白鱔肉質呈金黃色, 好肥美日式雞骨腸腸仔包住左雞骨, 有啲咬口又唔會太硬榴槤炸彈炸得好香脆, 咬開入面都係榴槤蓉, 榴槤味幾香

係Openrice見到呢間餐廳喺尖沙咀，跟住再撳入去，原來佢喺旺角分店，所以就book 左呢間旺角的分店。去到冇咩人，原來佢地旺角分店係新開業。同埋因為平日18:00我地已經到店，所以我係晚市第一張臺的客人，之後陸陸續續有好多人入座，好彩我哋有book 位我哋嗌咗兩個dinner set，一個係鰻魚丼飯，另外一個係八貫壽司定食+巨峰乳酸梳打八貫壽司有三文魚、吞拿魚、鯛魚、深海池魚、赤貝、墨魚、蟹籽軍艦、芥辣八爪魚軍艦啲刺身都好新鮮唔好睇佢細細碟，成個set食已經好飽鰻魚好足夠汁，正👍個set有茶碗蒸，同埋麵豉湯加沙律茶碗蒸好滑，裏面都有丸同埋菇朋友話本來冇諗過會好飲，但係巨峰味好出同埋夠甜，令佢有驚喜😂旺角新店有優惠like佢哋嘅社交平台就會有三文魚刺身送。之後又有部夾公仔機，之後睇返人地d相，原來都係新鋪優惠活動，但係我哋就冇玩。😂

朋友介紹，佢食過尖沙咀總店，話好食抵食想食多次，見咁岩旺角分店試業中，而且位置好方便，係信和中心隔離，所以今晚就陪佢食多次。🍣八居自選丼$108有超過10款刺身任君選擇，今次揀左飛魚籽（$22）、三文魚腩（$38）同油甘魚腩（$48），飛魚籽份量勁多，入口鮮味；三文魚腩好厚身，油脂分佈均勻，有光澤，味道濃煙郁；油甘魚腩口感細滑，油花均勻，入口即溶：珍珠米有少許醋味，好開胃。🍱豚肉生薑燒定食$138定食套餐包括茶碗蒸、雜菜沙律同麵豉湯，豚肉肥瘦均勻，肉質嫩滑，味道偏甜，送飯一流。🍜清湯野菜烏冬$78湯底鮮甜，咸度適中，稻庭烏冬好彈牙，索哂湯汁，配上大量旺菜同菇菇，清而不膩。🐟燒銀鱈魚乾$38呢味小食送酒岩哂，鱈魚乾切得好薄，好似食緊薯片咁，配上沙律醬酸酸甜甜，食唔停口。🐟鹽燒三文魚頭$68三文魚頭燒得皮脆肉嫩，膠質又多，師傅好細心咁切開細份，方便食用。而且試業期間，有活動進行中，顧客可以夾波波，夾中唔同分數波波就可以換唔同小食，好得意。📌八居酒屋（旺角新城）地址：旺角彌敦道594-596號旺角新城5樓評語食物性價比高，高質店員友善好客🐵推介🍌🍌🍌🍌🍌（5🍌為滿分）

《八居酒屋》有兩間店鋪，一間位於尖沙咀（天文臺道），至今已開業8年，今日我就去到另一間店鋪，位於📍旺角彌敦道旺角新城5樓。餐廳以居酒屋佈置，環境舒適，食物選擇有刺身、壽司、燒物，鐵板、炸物、串燒等。另有可以以一個價錢，有啤酒/清酒任飲。門口有一部夾波波機，每位客人都可以夾一次，夾中可以兌換相應獎品。仙台厚燒牛舌牛舌外層燒至焦香，色澤亮麗，油份豐澤，中間肉汁豐富，口感軟腍扎實，非常脆彈。雙層芝士厚鰻卷鰻魚燒至香脆，上層包上一片厚厚的芝士，入口煙靭軟滑，下層米飯軟糯，中間卷上蛋、芝士粒，口感層次豐富。送沖繩海鹽雪糕藍藍的海鹽雪糕，入口微微海鹽鹹味，非常清爽好味

◾️晚市套餐 - 汁燒牛肉定食 $98呢個定食有沙律、麵豉湯、茶碗蒸同埋主食。茶碗蒸唔會過份甜/假甜，好嫩滑足料。主食係甜鹹嘅醬汁煮牛肉+菇，白飯神偷！😋不知不覺就爬晒成碗飯😌◾️炎壽司盛 (8貫) $128總共有四款火炙壽司，包括鰻魚、蟹柳、三文魚、左口魚裙邊。全部都係熟或者用火槍燒過，啱晒個日唔食得生冷嘢嘅我！特推鰻魚壽司，舊鰻魚夠晒肥美，同埋左口魚裙邊！◾️小食：芝士玉子燒 (4件) $58必叫小食！入面甜甜哋，而且好滑唔dry，芝士味都好濃郁，大滿足🥰◾️小食：吉列廣島蠔 (3件) $42炸皮好脆，蠔好肥好飽滿，食得出蠔嘅鮮味。◾️汁燒雞肉串 (2串) $24甜燒汁好味，雞肉嫩滑易入口。每個食客都可以夾波仔，夾中指定顏色嘅波波就可以換食物/飲品，真係好睇運氣㗎！

日本菜對於香港人黎講可以話食極都唔厭丫🤣 今日我地去完旺角行街就去左呢間八居酒屋食晚飯😌 可能我地六點左右就到，店內人唔多，但坐低左就慢慢多人黎👫店內菜式選擇好多，壽司串燒炸物之外，連刺身丼都有提供。我地叫左好多野食，分別有：清酒煮蜆壽司拼盤-炎黑松露芝士炸蠔卷燒雞翼燒牛舌當中燒牛舌同黑松露芝士炸蠔卷都整得相當唔錯，我地一向中意食牛舌🐮，個牛舌厚切得黎充滿肉汁，相當惹味。而個炸蠔卷加埋黑松露同芝士件事好夾，入口味道濃郁🧀。叫完菜之後店員仲邀請我地去玩遊戲👾，原來係夾公仔🤣 夾到指定分數後可以換唔同食物，我地就成功換到一份玉子燒。最估唔到個玉子燒咁高質🥚，可以話係我近期食過最好食既玉子燒之一，比起平時出面既更juicy更濕潤，下次黎一定要再叫👍🏼

八居酒總店係尖沙咀，衣家旺角店係試業中，係大廈全層，環境清靜，窗口位可以望到外面街道景鋪頭唔同新張活動現正進行中，有得玩又有得贏獎品!!只要有消費就有得夾波波，唔同顏色有唔同分數，相應分數就可以換對應既小食!食物種類都多火灸三文魚脆脆卷入面包裹香脆炸物，三文魚肉質嫩滑，火灸後口感細緻，口感外軟內脆，飯量岩岩好，一啖一件海膽炒飯炒飯有著香氣四溢嘅米飯，加入鮮美嘅海膽，令整道菜色香味俱全。海膽嘅味道濃郁，帶有淡淡嘅海洋風味明太子玉子燒味道鮮美，帶有明太子嘅辣味同玉子燒嘅濃厚口感。味道微辣鮮味，同玉子口感夾，如蛋漿再嫩滑小小，口感會更滑流蒲燒鰻魚定食鰻魚經過蒲燒烤製，肉質鮮嫩多汁，帶有蒲燒醬嘅獨特風味。佢嘅味道帶有甜中帶點鹹嘅醬汁味道，與鰻魚的鮮美肉質相得益彰日本桃汁清新嘅飲品，味道帶有桃嘅甜味，同時保留桃本身嘅鮮美果香三文魚刺身只要like店鋪既社交平台就免費送贈三切三文魚刺身! 🙌🏻肉質鮮嫩，帶有絲絲彈性，入口即化枝豆中獎禮物味道清甜，豆莢爽脆，內部的豆粒嫩滑。枝豆可以生吃或者煮熟食用，帶有淡淡嘅豆香味

得閒約下知心好友出嚟傾計食，都係一件賞心樂事，咁岩搵到一間喺旺角的居酒屋，可以暢談心事🤗聽老闆講呢間餐廳係新開既😊黑松露芝士炸蠔卷 HK$ 78黑松露芝士呢種配搭十分特別，黑松露香中帶一點鹹味，然後在炸蠔的層次上又別有一番鮮味，值得比個like👍🏻蒲燒鰻魚定食 $176晚市套餐包左茶碗蒸、什菜沙律、麵豉湯和青蘋果蘇打，新鮮的鰻魚當然冇得頂，一邊食鰻魚，再一邊飲蘋果梳打，爽啊🤣🤣大根煮牛舌定食 $138套餐都有跟茶碗蒸、什菜沙律同麵豉湯，牛舌夠淋，而且牛舌份量比較多，配上一些白蘿蔔，有D似蘿蔔煮牛腩✨好味指數：10/10性價比指數：8/10餐廳名稱：八居酒屋餐廳地址：旺角彌敦道594-596號旺角新城5樓電話：35835218

1️⃣特上吞拿魚全盛丼我真係好中意食吞拿魚,見到依個真係好吸引.有吞拿魚赤身,中拖羅,大拖羅,拖羅蓉.每片都好厚身,同埋食落真係冇筋,靚魚呀.份量又ok.價錢合理💰HKD$1882️⃣特上八盛丼海膽,蝦,帆立貝,油甘魚,白身魚,三文魚,三文魚籽,蛋.齊哂咁多款魚,唔洗諗得咁辛苦呀,全部都好新鮮呀😍💰HKD$168加$25有2片三文魚刺身,好肥美,大片😆3️⃣鹽燒牛舌燒得剛剛好,好香, 牛舌又唔會un👍🏻💰HKD$58店員態度好好,有介紹餐廳菜式,仲有夾波波玩,夾中有得送野食野飲,係度食飯真係幾開心.😁😁