八方米線

营业中

休息中

晚餐係外賣平台叫左兩碗🍜一個A餐 一個B餐 佢地好貼心地分左湯🥣都係酸辣小辣🌶️酸辣湯底屬於有小小麻 幾開胃🥢米線比左好多，偏硬身小小第一次食，覺得都幾特別既餸底 有螺旋線 菇菌 腐皮 酸菜 芽菜 第二到未見過有螺旋絲食$58 一碗 好豐富 🙃OpenRice見有評語話唔好食😌但我同朋友都覺得好食，口味既野真係見仁見智😆可能就係甘所以覺得有驚喜會再幫襯 支持小店💪🏻有時唔想食譚仔轉下口味也不錯😀

螺旋藻含有豐富的營養成分，如蛋白質、葉綠素、維生素等，能夠增強免疫力和維持身體健康。味道似海帶，但就好簿身。而酸辣湯汁則是以爽口的酸菜調製而成，口感酸辣刺激，讓人一口接一口，欲罷不能。肉碎又足料，而且用新鮮肉碎。我揀咗BB辣，但都要飲多杯冰水先頂得住。我係唔叻食辣。米線煮得剛好，口感爽滑，而湯汁的味道也非常豐富，辣味和酸味的平衡度非常好，讓人口感愉悅。此外，這道菜的份量也非常足夠，價格也相當實惠，只是$38。

提早於外賣平台訂餐外賣自取，已經比預計取單時間遲多幾分鐘先到個男人收銀（可能係老闆啦 如果唔係應該唔會咁串囉！) 話仲未有 但遲過我既號碼反而有漏單仲要態度極差話：咁宜家做比你咪得囉！咁都得？咁我提早order黎做乜？言詞極不友善！做客係因為覺得你餐廳嘅嘢好食先幫襯，但反而要受氣！

係foodpanda叫左酸辣肥腸 生菜 魚腐米線，碗野黎到打開，肥腸陣臭味已經蓋過所有味道，食左一舊頂唔順冇食，生菜唔新鮮，酸辣湯底但味道係甜甜地同苦苦地，生菜索哂d味仲明顯，得魚腐係放得落口，但都有d苦味未試過叫米線係食一啖唔食

沒遇到服務態度這麼差的店鋪 今日來間鋪頭食野，一開頭個阿姐叫我地掃安心出行 再掃針卡，我地都照做啦，在望餐牌個陣時，另外一個阿姐又過來話 要掃針卡，我地好聲好氣同個阿姐話掃咗啦，個阿姐唔信，叫我地開多次針卡俾佢掃，我地都照做啦，但係掃唔成功，我就話都掃過啦，個阿姐都好大火氣話我地 “問你地有無掃安心出行，你話有啊嘛，做咩開多次手機俾佢掃掃針卡？” 第一 ：個阿姐唔係問有無掃安心出行，而係話有無掃針卡，我地話有，係個阿姐唔信，叫開多次手機俾佢掃，唔係我地傻傻地開手機俾佢掃噶。第二：間鋪頭咁細，得兩台客人喺度，係咩要搞清楚地？你地唔係好忙個喔。我都知檢查多一次是好事嚟嘅。但係系個阿姐自己溝通有問題反轉頭還要串客？咁細一間鋪頭，客人又無幾個，跟客人溝通呢啲嘢都做唔好，麻煩學好中文再出來返工啦？個客係出來吃野噶 唔係吃你鋪頭員工氣噶 ！

買外賣不二之選，每次都會食酸辣湯底。個人比較鍾意唔分湯，因為覺得啲米線或者薯粉「索」左啲汁仲好食；酸辣湯底偏甜偏酸，如果唔鍾意食甜嘅人可能未必太鍾意。.啲小食都唔錯，個人最鍾意食土豆絲，同埋口水雞。.每次買外賣等大概10分鐘以內就有，非常之快手。

麻辣撈麵$42 個撈麵係大份嘅，好多麵。佢有青瓜絲、紫洋蔥條、同埋一啲脆豆豆嘅伴碟。佢$42會包一個餸，我揀左魚皮餃，都有4粒到。佢有幾種辣度揀，BB辣唔算太辣。但係個面冇乜味，冇乜鹹嘅味道所以食落去有啲淡。食完之後個碗見到好多辣油。去嘅時候係晚餐時段，晚餐食飯$42都算可以，但係下次應該唔會再食呢一個。如果真係要食嘅話就要加多幾個餸。麻辣口水雞今餐叫咗個口水雞，口水雞反而好味過碗麵。個汁鹹鹹地，而且佢都加咗一啲脆嘅豆豆。雖然啲雞食得出係雪雞，冇乜雞味。但係佢比嘅係雞脾肉，食落去都幾嫩。

突然想食米線，見到餐牌有小鍋米線、酸辣米線、麻辣米線，好似好正宗咁，就諗住試下啦，因為搬左黎元朗，都未食過米線，見到係小店，樓面又寫住堅持一碗麵一碗麵咁煮，可能會有驚喜，但真係完全諗多左。叫左個小鍋米線，個米線黎到都知出事，個湯底好似清湯咁，啲豬腸同腩肉白灼咁，仲要米線同配料勁少，米線係煮到淋晒，仲要賣$52，真係嬲到要寫食評！一定無下次！真係完全侮辱小鍋米線囉！自己平行程食開荃灣「唯一」，所以對於小鍋米線有絕對要求，真係無諗過呢間可以差到咁，你唔叫小鍋米線都無咁嬲！

之前去食嗌酸辣薯粉 佢落錯咗米線 仲要屈係我嗌錯 落單嘅時候我重覆講咗薯粉兩次 今次，又係叫酸辣薯粉 佢落錯左米線 都算叫左炸雞翼 有血水 佢開始西面佢冇換過新一碟炸雞翼 就咁將啲雞翼重新炸過 仲要炸到燶咗 根本就食唔到 佢西口西面，好似個責任係我身上

呢間小店米線係屋企附近既小數米線店之一，今次試左小窩米線既外賣。叫左小窩米線，所以係有啲微辣，不過略厭太酸，值得一讚就係湯底唔算好咸。而餸既份量就正正常常，叫左滷腩肉，都幾入味，有滷水香👍🏻

米線絕對係comfort food，但成日食譚仔都食到好無聊，今次泥左區内土炮米線，點左個set A, 可以揀一個配料但本身已經好多料。好中意佢個湯夠濃同有啲菇類，正正子我叫左多酸菜同貢丸做料，老闆話酸菜自己掩嘅，果然好味啲又唔會過酸。同埋老闆好熱情會走泥同我地主動傾下計，好似街坊鄰里咁。小店就係有呢啲情懷。

驚食野冇味所以叫左BB 辣，但碗麵係有顏色，但真係冇乜味..... 三哥好食啲。湯底肉碎及配料太少。凍檸茶夠濃夠味，夠味過碗米線.....（個人意見）價錢中等，多數冇下次。

☆又係幫襯小店系列☆為咗探路，已經行咗好耐嘅路，想坐低食吓嘢，見到呢間食米線咁多人食就試吓。無論A 定B 餐都成50蚊，但有好多餸（例如菇菌，枝竹），佢仲可以自選加多個餸，我揀咗麻辣豬肚。個湯底有麻辣有酸辣有清湯，而辣度有BB辣、小、中、大，所以揀咗酸小辣。佢講話一碗碗煮，所以要等😯☆剩係睇個色，以為係麻辣，其實酸酸辣辣，好開胃，小辣已經覺得好刺激。唔會覺得口喝，所以無乜味精🤩☆有小小蔥🙂☆肚有好多舊，無乜豬臭味🙂☆好多種菇菌，但茶樹菇略硬😅☆有寶物:腩肉一舊，牛肉有啲硬😅☆酸菜有好多舊😁☆米線唔算少🤔☆其他配料ok😊總括而言，感覺會比譚仔健康好多，而且好食好多，如果唔想食咁多餸，佢有普通米線24-35蚊左右，所以值得嘗試☺☺

今日午餐打電話去叫佐外賣，返到先知錯佐，打電話返去問返，聽電話嘅個人落錯單都唔緊要，仲要衰態度差，差評，唔會再幫襯！錯佐，仲要賴個客唔應該咁早，激氣！xxxxx

雞地有間米線未試過，叫做八方米線、3點鐘入來食個米線，叫左個招牌A bb酸辣米線，入面有肉碎，牛展，雜菌，海茸，腐皮，海菜，酸菜，芽菜，韮菜，配菜都尚算多，我仲加左豬腸同豬腩肉 ，淨係個米線都要54蚊、覺得貴左d 個米線湯底色澤幾靚但略嫌米線比較小，好似食5飽咁，同埋覺得海茸海菜有小小腥味、5襯個米線，但酸辣道足夠,而個腩肉都算淋