八方米線

营业中

休息中

麻辣捞面$42 个捞面系大份嘅，好多面。佢有青瓜丝、紫洋葱条、同埋一啲脆豆豆嘅伴碟。佢$42会包一个𩠌，我拣左鱼皮饺，都有4粒到。佢有几种辣度拣，BB辣唔算太辣。但系个面冇乜味，冇乜咸嘅味道所以食落去有啲淡。食完之后个碗见到好多辣油。去嘅时候系晚餐时段，晚餐食饭$42都算可以，但系下次应该唔会再食呢一个。如果真系要食嘅话就要加多几个𩠌。麻辣口水鸡今餐叫咗个口水鸡，口水鸡反而好味过碗面。个汁咸咸地，而且佢都加咗一啲脆嘅豆豆。虽然啲鸡食得出系雪鸡，冇乜鸡味。但系佢比嘅系鸡脾肉，食落去都几嫩。