八方雲集鍋貼水餃專門店

营业中

休息中

又是這些開場白，在青衣，無事無幹，我絕不會提議去吃八方雲集，但是在東涌，沒有什麼選擇，想解解悶，不想吃頹飯，頹麵，於是這天也到了八方雲集，之後買了一個外賣。即使是大熱天時，也喜歡坐在太陽底下🌞，當然，可以順便曬一會兒日光浴，在上班的日子，也算是小確幸。反正，其餘時間，在辦公室，也是8個多小時在涼冷氣的，間中熱一點，也沒所謂吧。點了一個有鍋貼、麵線，以及珍珠奶茶的套餐，其實都要＄43。所謂的招牌鍋貼，原來餡料都應該是那種椰菜鍋貼。但是，自稱是鍋貼，就麻煩煎得透徹一點😒，可能是由於午餐時間，顧客眾多，因此，鍋貼只是輕輕一煎，底下都不覺得很有鑊氣或焦香😒，其實和水餃的分別，就只是輕輕煎了一下。餡料和平日的也沒有什麼太大分別，椰菜，不及韭菜香，細細隻長條形的鍋貼，由於沒有拿到豆瓣醬，就只好，用少許醋來調味吧。麵線好像比較可口，最少，味精湯之下，的確有麵線，牛丸，墨丸。還有幾片豬大腸，份量也不算太少，最少豬大腸都有幾件，夠粗，夠厚。由於室外天氣實在太熱，也需要急急打開珍珠奶茶，珍珠奶茶，頭幾口，覺得味道不錯，越喝越底下的時候，就發現冰粒溶化，令到珍珠奶茶顯得比較淡味。以這些餐廳贈送的珍珠奶茶來說

星期六和朋友入昂坪行下睇下大佛，約了2點半集合，去到東涌口癢想食野，見到東薈城人又多，而且餐廳都好像無小食，所以去了旁邊的富東廣場搵野食～一粥麵坐滿晒人唔想等位，入商場行一陣見到八方雲集就決定食餃子，貪佢夠方便，可以食少少野又唔會太飽我最後點了招牌鍋貼+豆漿餐廳得十幾個位左右，我見有大陸人拖住喼入去食，整體唔算乾淨.....但又唔係好污糟⋯鍋貼貼到夠脆，入面是白菜豬肉，食落有少少肉汁，味道都ok豆漿都ok唔會太稀，可是以hk8來說，我覺得細杯了少少食完都唔使10分鐘

話說岡剛同事食lunch,佢話去買八方雲集，我馬上搭個靚單叫佢幫我買個貢丸湯俾我飲。雖然個個都話係味精湯，但係耐左唔飲都係有啲掛住既，仲要近排都係食cafe多，飲得西湯多，都係想飲番啲中湯既我總係覺得八方雲集既貢丸湯係最似台灣既味，有啲個湯完全係滾水，無色無味，但佢呢度既係有好大陣芹菜味，同有芫荽，芹菜其實就係貢丸湯既精髓之一。佢既貢丸都好彈牙，不過中間有夾雜住啲肥油同事叫左墨魚丸紫菜湯，湯底其實一樣而家飲完個湯，都真係好口渴，無乜事我都係出番去飲水先

通常返屋企之前都會經過依間鋪頭，八方雲集其實就會都有，因為貪佢夠方便，價格又較平，星期五晚難得免煑飯，就叫反屋企前，叫一個外賣套餐，快捷又簡單！平時都會叫下台灣牛肉麵，今晚想清清地，的於是叫咗個12號勁量麵缐套餐，包一碗麵缐同10隻鍋貼，價格係＄41。如果係咖哩味要另外叫5蚊，所以今次點咗招牌同韭菜味！叫完差唔多等咗十分鐘，因為鍋貼都即刻煎，同埋依間舖頭人手好似唔夠，D員工好忙，煎好咗都唔得閒執咁！不過好彩味道都唔錯，反到去都仲熱辣辣同香噴噴

呢排好想食台灣麵線，星期日搵黎搵去都搵唔到，剛剛俾我見到有麵線食，咁就入去整番碗。叫咗個套餐有麵線1碗仔，鍋貼5隻同珍珠奶茶1杯。麵線可能好好想食，都好味嘅，但食唔番之前嗰種味道。「長條型鍋貼」，係此店嘅招牌同重點嘅名物。憑藉記憶，鍋貼理應外脆而內軟，仲應該有點點肉汁。但此店出品係軟，淋，鬆，總結係好差！上天其實對我好好，給與我機會食呢個差勁嘅鍋貼。珍珠奶茶得個死甜，無茶味，食店肯定負了掛著台灣食品的牌頭。又話分兩頭，42蚊又鍋貼，又麵線，又奶茶，重想點吖？其實我只想忘記呢餐囉。

八方雲集大大話話都開左好多年，平時都係心血來潮嘅時候就去食幾件水餃，方便得嚟，價錢又平，又幾好味。有時候就食碗蠔仔面線就一餐，好過自己喺屋企煮個面。我個人中意食水餃多過鍋貼，梗係覺得水餃會無甘多油，恰出嚟比較健康。味道就中意原味同韓式泡菜味。原味就係白菜豬肉，清清地，有小小爽嘅菜夾住豬肉碎，清新之選。韓式泡菜味道就酸酸地辣辣地，如果唔中意食泡菜嘅人就唔好試，因為酸嘅味道可能會覺得好怪。而我就中意泡菜，食落去好正，好特別，又唔太辣。柯仔麵線--材料有丸仔，蠔仔再加d莞茜同葱。面線用左黃色嗰隻，入口即溶的口感。湯風味係台灣正宗的麵線味道，食落已經酸酸地，應該一早就加左醋。到左主角台灣的牛肉麵，講真一開始話60幾蚊一個餐都覺得有d貴，但係套餐又有5隻鍋貼，又包杯嘢飲，感覺都合理。嚟埋碗面就覺得超值，雖然話味道唔算超好食，但係我比足8分。原因係好足料，入面牛根大大舊，牛肉又大舊，仲有牛展，一共有成5大舊，炆得又淋又夠味道。至於湯底味道雖然唔算好濃，但就牛味好重，d面都算彈牙，呢個價錢性價比高。呢到嘅套餐有好幾個，嘢食配埋食品，40幾蚊一餐，有時候想飲杯台式飲品都成20蚊，倒不如加多20蚊食埋嘢

有一天心情不佳跟車爸爸說不想煮飯,他果然有義氣說晚餐交給他....買回家吃吧!!即時淚眼滾滾"巧感動"喔!!回到東涌他便怱怱到八方雲集買外賣還細心吔WhatApp我餐牌選食物,簡直感激流涕^0^可惜我喜歡的麵線已售罄,也好等我試下具其它美食最後選上{擔擔麵套餐},這款乾撈的擔擔麵質感不俗麵條不會爛巴巴,麻醬較濃稠吃下很香口但有點過稠好漿口美中不足~車爸爸的{貢丸湯麵套餐},又估唔到幾好吃湯底有不冬菜幾惹味,貢丸亦十分有咬口香味挺重好味道喎~最後重有兩套餐內各有5隻鍋貼我要{韓式辣味鍋貼}車爸爸要{韮菜鍋貼},從來對辣受不了的他竟然大讚韓式辣味鍋貼惹味好吃,又係幾抵讚脫嘅鍋貼煎得金黃吃下帶點微辣真係好吸引架所以韮菜鍋貼即時被比了下去!!

因為好近屋企，而且我特別中意食餃子!!!我通常order 有菜肉餡既水餃，水餃比起煎餃飽肚，煮好既餃子，一咬就feel 到好多汁，皮好滑，但感覺略厚。一個餐係包一碗湯，有幾粒好似打邊爐配料既肉丸，湯感覺普通，似係有味精。麵線我覺得好正，好香，有大腸，有豬油香香滑滑的口感，比起台灣夜市的，麵線較粗，煮得唔夠融化。午餐食，非常飽肚！

今天不如聊一聊「牛肉麵」這個課題，相信有不少朋友都喜歡吃台灣牛肉麵。台灣的朋友一向瘋愛牛肉麵，勁到有一年一度的「台北國際牛肉麵節」，起碼我們就沒有「雲吞麵節」。。。我覺得一碗好吃的牛肉麵，湯底一定是靈魂所在，同吃日本拉麵如出一轍。通常台灣牛肉麵有分「紅燒」及「清燉」兩種湯底，各有捧場客。前者以濃郁香辣為特點，用牛骨、五香料及醬油燉成；後者以清甜取勝，通常用烤過的牛骨加薑蔥燉成。記得幾年前去台北旅行時曾在當地吃過「神仙川味」牛肉麵 (希望沒有記錯店名)，它的紅燒牛肉麵超正點，湯底是有超濃牛味，麵條爽，肉亦燉得軟韌有至，至今念念不忘！反而在香港好像總是吃不到一碗像樣的紅燒牛肉麵似的，如果癮起又最就手的就是「八方雲集」，$43 / 碗。湯底的味精感不強，但不夠濃，調味亦可以再香辣一些。牛肉是牛展部分，炆得頗入味。反而那兩舊大如番薯的蘿蔔就很礙眼，又不入味，煞風景。。。

星期五大多會跟老公出外用膳，可是當天的星期五，只有我一人過著 "Happy Friday"！記得幾年前跟老爸到過紅磡的八方雲集用餐，那時沒有太深的印象，今天八月份一家到台灣旅遊時，看到不同地方均有著八方雲集的店子，直至當晚的獨個兒的 Lonely Meal，我才想起這家在東涌新開的八方雲集來。東涌的店子不大，店側設有少量座位，不過我還是選擇外賣回家享用！八方雲集似乎加入了不少新元素，如這張 Poster 的牛肉飯，樣子倒是很吸引。也備有鍋貼、水餃、麵食的套餐，售價也算親民。還有鍋貼與紅油雲吞的套餐，各式其式，選擇比以前多了。我最想嘗試的是牛肉麵套餐，不過售價卻要60多元，大大脫離了我考慮的範圍，這價錢真可在台灣嚐一碗不錯的牛肉麵了。最後還是簡單的挑了一個38元湯麵套餐。不太愛珍珠奶茶，要了另外一個飲品選擇 — 豆漿。豆漿也跟市面所喝到的沒太大分別，一般都是豆味輕、而甜味則較重。記得在紅磡店嚐過鍋貼，所以這趟選了水餃，而韮菜餡就是我的至愛。水餃餃皮富有麵粉香、彈性不俗、更有嚼感；餡料包得紮實，豬肉比想像中更有質感，只賺餡料水份不足與欠缺韮菜香氣。不太喜愛軟綿的麵線，於是要了酸辣上海麵，就