八方雲集鍋貼水餃專門店

营业中

休息中

原本都坐低了，但發現全舖只開了風扇，冷氣都沒有開動，而且想落單時未有人理會。全舖變得好焗。如果冷氣抽風壞了其實可以在店舖外貼上告示，而不是不了了之。全舖人在焗桑拿

今日一起身做野就做到3點幾，見有啲肚餓但又唔想食咁飽，就食啲輕擎啲嘅嘢啦，就咁選擇左食八方雲集。我點左1個40蚊既套餐，有10隻窩貼，可以跟野飲或者湯。我就食左原味既窩貼，窩貼煎得香口，又唔會太油膩。而且肉汁都算豐富，外皮又唔會太厚，食落脆口之餘亦保留煙韌嘅口感。另外，我選擇左花枝丸湯，花枝丸彈牙，花枝既味道都算不俗，又有花丸又有紫菜，配上熱湯，整個套餐都幾舒服清爽，以40蚊一個輕便既下午茶來講，質素都算對得住個價錢。

八方雲集都食過唔少次，通常我中意叫外賣，因為堂食有機會有小昆蟲飛尼飛去，同埋拎到反公司都仲係熱，加埋湯熱辣辣，係凍冰冰既office食完即刻暖笠笠🫶🏻💡反工吾想帶飯，又想慳錢💰，又吾會太飽既最佳選擇主食套餐：黃金咖哩鍋貼餐+粟米湯$42套餐包有10隻鍋貼🥟，今次鍋貼冇煎得太燶，平時lunch time我會早半個鐘打電話📲叫定先，然後差吾多時間慢慢行落去，咁就可以比錢同埋即刻拎，非常方便👍🏻鍋貼都係以往一貫水準，好食，栗米湯好飲，有栗米粒、紅蘿蔔、火腿粒做配料，有d咬口，食完鍋貼再飲埋粟米湯就飽飽了🤭🤭🤭

由手機㩒外賣落單個下已經要等30分鐘去到30分鐘都未拎得仲要再等15分鐘流程根本有問題優先做現場單，手機單就到夠鐘先開始做淨係做現場單就咪學人收手機外賣啦已經唔係第一次以後都唔會再幫襯

作為打工仔，日日都要諗食咩其實都幾煩，今日唔係好肚餓，想簡單d，就諗起附近嘅呢間八方雲集。其實以前都叫過N次外賣，因為呢個Brand出名抵食，所以lunch期間好多人買外賣，成日都打蛇餅，次次都要等好耐。所以有一段時間無幫襯佢。不過後來發覺原來openrice可以提早落單買外賣，去到就有得摞，又開始食返。一如既往，我用app落單俾錢之後，係可以攞餐嘅時間提早10分鐘行過去，去到就即刻有得摞，今次叫咗粟米水餃同埋椰果奶茶，其實真係抵嘅，連外賣盒先43蚊，而且份量都多，有10隻餃子，我次次都食唔曬。如果講味道，其實以呢個價錢，食到呢個質素，其實都算係超值。佢餃子嘅皮唔算厚，一啖咬落去，肉汁同粟米汁融合埋一齊，唔會油膩，同埋軟硬適中。當然，佢哋最出名嘅其實係鍋貼，香脆好入口，我都成日食。不過呢排上火，所以改食水餃。唯一有一個建議，就係應該主動俾一隻碟仔消費者，等我哋返到office可以裝醬汁嚟點。

等左半個鐘話已經準備好可以去拎 結果到左 又話要等 跟住又等左十幾分鐘先拎得 個阿姐服務態度又唔好叫左兩個 ‘勁量鍋貼麵線套餐’ 十隻泡菜鍋貼 五隻粟米鍋貼 五隻泡菜水餃 加一杯茉香綠茶 結果五隻泡菜水餃變左五隻粟米水餃 杯嘢飲仲要冇埋 如果係店內多人亂左我都可以接受 但係店內跟本就冇乜人 唔明點解咁都可以搞錯

之前喺另一篇食評講過八方雲集係我其中一個至愛，但係就喺樂富食咗一餐極度差勁嘅八方，全文如下：https://www.openrice.com/zh/hongkong/review/最差嘅八方雲集-e4651156我將之前嘅文章post喺度，原因係想比大家睇到個比較，睇到唔同八方嘅水準，以下呢個就係我跟住幾日特登去食多一次，而係正常嘅八方雲集水準，一睇個樣都知都唔同啦！唔係話特別好食，但係起碼香脆而唔燶！

呢排趁有打開外賣盒比佢驚訝到，講好左珍珠紅油餛飩，點解咁白淨，珍珠咁細粒就係真既～鍋貼就不過不失，咖哩味真係有既，不過拎左返去始終無左脆口～食八方雲集我主要都係食佢個豬腸麵線，平靚正，其他野食就外面有更好既選擇～

麵線係台灣特色野，香港呢間八方雲集點解可以愈開愈多分店？我只可以講：佢淨係靠賣麵線都可以唔洗憂無生意做！一碗麵線+十隻鍋貼先賣$48蚊，麵線啲料都好齊，雖然食得出有味精但總係食完會想再食，一唔知食咩就會諗起食「八方雲集」。

老公開OT要自己食飯，一個人又唔想出去食，於是就上OpenRice 睇吓有乜外賣自取優惠，睇睇吓見到八方雲集有折就撳入去，見到有個$49套餐好多野食，就揀咗佢，套餐包括珍珠餛飩、鍋貼5隻、台灣麵線及珍珠奶茶，非常抵食珍珠餛飩揀咗要紅油，味道唔會太辣，餛飩皮唔算厚，肉都算多，一啖一隻，鍋貼可以自選口味，我揀咗韓式辣味鍋貼，肉唔會乾亦唔會太辣，台灣麵線唔係大碗，不過好足料，麵線唔係煲到爛晒嗰隻，珍珠奶茶用細珍珠，可調教甜度及走冰⋯⋯以$49呢個價錢食到咁多嘢，同時OpenRice會有優惠碼，折上折雙重優惠，非常之抵

呢度係我返工附近常去既其中一個飯堂。好中意食餃子🥟同麵，一兩個人容易搵位常常叫呢個麵線套餐，配韭菜鍋貼同豆漿，麵線一碗細細地岩晒細食既女生，有多款餡料既餃子揀，鍋貼或水餃都得，鍋貼比以前剛開業時煎得好，金黃色唔會太燶，又可以點豉油、醋，又有辣醬，岩晒我呢個中意點醬既食客。豆漿大大杯，剛好夠晒解辣解渴

呢間餐廳唔單止鍋貼好味，而且台式飲料珍珠奶茶都一樣咁好飲。連咪鍋貼一齊食，真係非常出色。冷氣十足，簡直係夏日首選。價錢又唔貴，最岩黎食下。服務員態度又好。真係世界級正。

價錢便宜既台式鍋貼店，我一般會係呢度食午餐，呢度環境唔錯，都幾適合打工仔係呢度用膳，我一般會叫呢度既麵線套餐，佢包一碗台灣麵線，五隻水餃或鍋貼，同一杯豆漿或酸梅湯，咁樣咁多野先係39蚊咋，抵食到爆炸，所以我幾時都係咁鍾意集團經營既店舖，佢便宜得黎又有質素，根本超正，可以話係台式餐廳中既百佳，個重點係佢平得黎又真係好食嫁wo!佢個台灣麵線同想像完全唔一樣，佢係一D勁幼既麵線放係一碗調左味既湯度，食落去係勁有台式既風味，仲有扎肉粒係裡面，黎既話一定要叫黎試試!

今天家人不方便外出吃晚飯，因某外賣速遞程式能以最短時間內送達所以挑了這家餐廳。分別點了麵線套餐、勁量麵線套餐及臺式牛肉麵套餐。麵線不錯，就是份量比較少，要是不太餓的話當小食剛好！鍋貼有很多口味挑選，當中的咖哩口味比較特別，可以一試！水餃的話加挑加有芹菜的更有口感！這個臺式牛肉麵湯底原來是辣的但只是嗆囗而不入味，建議大家不要嘗試食物基本沒甚麼問題，反而那個外賣速遞應用程式不太好用，經常用各樣的宣傳伎倆讓人覺得好像有各式各樣的優惠，但當下單後卻發現原來很多所謂優惠全都不能用，又沒有客戶服務熱線，只能用那個網上即時對話詢問，回覆極慢，只叫你寫電郵詢問，真的很差

約了朋友在附近但未到時間，經過呢間鋪人少少就去hea下位置唔多，但唔會十分迫枱面有齊哂應有的醬料--豉油, 醋, 辣醬餐單十分簡單，主要都係餃子同麵線而餃子每一款都要5件起叫左5件韮菜鍋貼同一杯豆漿 $23豆漿好快就黎到，豆味唔香，不過唔會好甜，味道一般鍋貼等左大約10分鐘，上枱個陣熱辣辣，應該係即叫即煎的外包都煎得幾脆身同金黄，不過有少少油膩個包唔會好厚身，而餡料都算足，不過就味道一般食到一半，見到個碟底十分油，唔係好開胃了Btw食店唔太環保，所有餐具同紙杯都係用即棄，希望可以改善下總括黎講: 冇乜特別的連鎖台灣快餐店